Skjåk Turløyper

25/04/2025

Årets siste løypekøyring i Skjåk er utført (Billingen - Måsåbakkane). Framleis ein god såle her og greie skiløyper. Vi takkar for denne sesongen som til tider har vore ganske så ustabil med mykje mildvêr. Vi ladar opp til sesongen 2025/2026❗️

Skjåk Turløyper takker sponsorar og alle som har gjeve brukarbidrag denne sesongen. Framleis er summen på bidrag ein god del mindre enn før om åra. Særleg antal som bidreg. Har du nytta deg av skiløypene denne vinteren og vil bidra til framtidig tilbod, så er det mogleg via vipps 506023 eller konto 2085.26.57554. 🤗 Velkomne att neste år og nyt sommarløypene i Skjåk til fots eller sykkel i sommar!

19/04/2025

Fjellrotraseen vart friska opp att seint i går og står seg veldig godt. Mellom Billigen og Måsåbakkane er det framleis 15 km skiløype tur-retur. Tusen takk for alle brukarbidrag som blir gjeve til foretaket!☀️ Veldig fin vêrmelding for slutten av påska.

19/04/2025

Grotli, 19. april 2025, løypekøyring:
- Heillstuguløypa (Strynsfjellvegen) til Bikken vart køyrd i efta.
Kanskje siste gongen for denne sesongen….

17/04/2025

Grotli, kvelden 17. april.
Desse løypene er køyrt i kveld:
- Gamle Geirangerveg; Grotli hotell - Breidablikk.
- Heillstuguløypa (Strynsfjellvegen) til vernegrensa.
Mastrunda blir ikkje køyrt fleire gonger denne sesongen, som bilde 1 syner: der er det ikkje framkommeleg.
Overvatn på Heillstuguvatnet.

15/04/2025

Grotli, 15.04.2025:
- Grotlivassrunda er køyrd i efta.
- Strynsfjellvegen (Heillstuguløypa) blir køyrd til Bikken nå.
- Mastrunda blir køyrd nå.
- Tidlegar i dag vart Gamle Geirangerveg køyrd, frå Grotli til litt vest for Breidablikk-hytta.

15/04/2025

15.04.2025:
Bilde frå løypekøyring etter Gamle Geirangerveg i dag; Grotli - Hamsevika - Breidablikk.

15/04/2025

15.april: Fjellrotraseen og kanskje Åslie blir friska opp att i løpet av kvelden. Fortsatt fine forhold for løyper her. ⛷️☀️ Fortsatt mogleg å gå løypa til Åsen frå Nysætre, men no kjem vi nok ikkje lenger fram med maskina på grunn av opne bekker på baksida av Nysætervatnet.

12/04/2025

- Frå sporlegging/løypekøyring Gamle Geirangerveg;
Grotli/Hamsevika/Breidablikk, i dag 12.04.2025.
Fine forhold!
- Grotlivassrunda køyres nå.
- Mastrunda vart køyrd i gårkveld,
- Grotlirunda vart køyrd i gårkveld.

12/04/2025

Artikkel i Fjuken i dag:
– På grunn av ei skikkeleg rufsete vêrmelding, har vi venta med å leggje ut informasjon om løypetilbodet i Skjåk inn i påska, fortel Kristen Dagsgad i Skjåk Turløyper SA.

Han fortel at tidlege vårteikn har tæra på føret mange plassar.
– Likevel, løypetilbod har vi! Både i Grotliområdet, Hamsevika og rundt Billingen/Nysætre vil det bli løyper, men på Sota og i Botten har varmvêret tæra for hardt. Der er det ikkje att snø, opplyser Dagsgard.

Tidlegare har Skjåk Turløyper distribuert ein løypefoldar. I år vart denne berre digital på grunn av utfordringar med trykkinga.

– Vi vil gjerne nytte høvet til å takke alle lokale bedrifter som støttar foretaket og brukarbidrag som kjem inn. Vi ser likevel at vi ligg langt bakpå, med om lag halvparten, av friviljuge innbetalingar i år mot tidlegare. Det har vore ein noko spesiell og utfordrande vinter, men alle bidraga som kjem inn er med å sikre køyringa i åra som kjem. Alle bidrag monnar, store som små; om du er hytteeigar, husstand, enkeltperson eller tilreisande som har interesse av løypetilbodet i Skjåk, seier Kristen.

Det lakkar mot ei sein påske, og rundt omkring blir det meldt om færre oppkøyrte løyper

11/04/2025

👉 Oppdatert føremelding til påska:

☀️ 5 cm tung nysnø på Billingen i natt. I dag er det køyrd løype frå Pollfoss langs Åslivegen, over til Fjellrotraseen og til Måsåbakkane. I morgon kjem vi til å køyre på baksida av Nysætervatnet og til snaufjellet på Åsen, men snu der. Botn er skrinlagt for i år.

☀️ 10 cm nysnø i Grotliområdet. Her blir det ordinære løypene køyrd fyrst på dagen i morgon.

Fin vêrmelding for morgondagen! God tur!

10/04/2025

Det lakkar og lir mot påske. Ei av dei seinare slaget. På grunn av ei skikkeleg rufsete vêrmelding dette døgnet, har vi avventa å leggje ut overordna informasjon om løypetilbodet i Skjåk inn i påska. ☀️⛷️

Tidlege vårteikn har tæra på ført mange plassar, men skiløypetilbod har vi! Både i Grotliområdet, Hamsevika og rundt Billingen/Nysætre vil det bli løyper. På Sota og i Botten har varmveret tæra for hardt.

Vi kjem attende med ei oversikt i morgon etter at vi har fått oversikt etter regnveret i dag.

Løypefolderen vart berre distribuert digitalt i år. Vi nyttar anledninga til å takke alle våre lokale bedrifter som støttar foretaket og brukarbidrag som kjem inn. Vi ser imidlertid at vi ligg langt bakpå med frivillige innbetalingar i år mot tidlegare. Det har vore ein no
ko spesiell og utfordrande vinter, men alle bidraga som kjem inn er med og sikrar køyringa i åra som kjem. Alle bidrag monnar, store som små om du er hytteeigar, husstand, enkeltperson eller tilreisande som har interesse av løypetilbod i Skjåk!

God påske!🐥😊

Lenke til folderen: https://issuu.com/skjaak.kommune.no/docs/p_ski_i_skj_k_-_2025?fbclid=IwY2xjawJlCsVleHRuA2FlbQIxMQABHsBFKLhgyzkr88FgR8VONFEEUQo-S_-LYiCeCk9TCfFRMVEORtdy0cKoHvu-_aem_WlQBdv1XGL6xmloILtDrfQ

10/04/2025

Grotli, 10.04.2025:
I gårkveld vart det køyrt skiløype med trakkemaskin etter Gamle Geirangerveg; vestover frå Grotli Hotell, gjennom Hamsevika til Breidablikk.