28/07/2021
اذا سافرت ع إيطاليا 🇮🇹 في شغلات لازم تعرفها:
📌انو إيطاليا مو بس ميلانو ، روما وفينيسا ، لأ إيطاليا فيها بلدات صغيرة ومدن ومناطق أجمل بكتير من المدن الكبيرة
📌انو إيطاليا الاكل فيها من المقدسات يعني ما تزور ايطاليا وتروح تاكل من ماكدونالدز، روح كل بيتزا وباستا و... كول اكل الشارع جرب كل شي ب إيطاليا وجرب الجيلاتو🍦
📌 لازم تعرف انو ب المدن الكبيرة ما بتحتاج سيارة للتنقلات لان عندن شبكة مواصلات ممتازة بس الوضع اصعب فى البلدات الصغيرة
📌لازم تنتبه من النشالين والحرامية وخصوصا فى محطات المترو و الباصات
📌 اذا بمحطة القطارات واحد اجه قالك اساعدك او احجزلك وخصوصا لو عربي قوله لأ شكرا لانه بيكون بدو منك مصاري
📌حتشوف ناس بتحاول توقفك فى الشارع تبيعك شغلات بسيطة او قطع تذكارية او تعطيك اياهن وبيقلولك هي هدية وبعدين بيقلك هات يورو او اتنين لذلك امشي ولا ترد عليه
📌حتشوف ناس كتير واقفة بكاميرات تصور المناطق المشهورة ومعن كميرات مرتبة وفورية اذا حبيت تتصور مافي مشكلة بس تتفق معاه على السعر بالاول والا يكتروا السعر عليك
📌 اذا بتعرف حدا عايش هنيك اسأله عن الاماكن الى ممكن ترحلها وشو الى ممكن ينشاف وهو حينصحك كيف تروح وتجي
📌ماتركب مواصلات عامة من غير تذكرة والا حتشوف كونترول يطلعلك من تحت الأرض وحتصير فرجة لأنك سائح وحيدفعوك يعنى حيدفعوك و ماتنسى تختم التذكرة اول ما تطلع بالمترو او الباص.
📌 ابتسم ب وش الناس وقول صباح الخير ومساء الخير buongiorno, buonasera لأن الناس هنيك بشوشة ضحوكة ومحترمة
📌اتعلم كم كلمة ايطالي وح تحس حالك انك اكتشفت الذرة
Ciao ,buongiorno,buonasera,grazie,prego.
buono,bello, uno due tre quattro cinque sei sette otto nuove dieci.
📌زور اماكن طبيعية على قد ما بتقدر واذا زرت الشمال وميلانو روح زور بحيرة كومو، واذا روما والوسط زور سهول وحقول توسكانا والبحر الى جنب روما. واذا جينوى زور الاراضى الخمسة وح تحس انك فى فيلم luca تبع ديزنى
📌 استمتع واسال وسافر وقابل ناس جديدة واسالهم عن عادتهم وتقاليدهم وأحترم عاداتهم و دينهم وبلادهم 🇮🇹
