31/12/2025
Ode to my best friend...
---------------------------------
तान, नछाड मेरा खुट्टाहरू
नत्र मलाई अघि बढ्न सहज होला
अंठ्याइराख दुबै हातले मेरो गला
नत्र मलाई श्वास फेर्न सहज होला
तर साह्रो पनि नअंठ्याऊ
फेरि, कतै म मर्न सक्छु
अलिअलि खुकुलै पारिराख
घिटिघिटि गरेरै भएपनि
केहीदिन अझै बांच्न सक्छु
म मरिहालें भने
फेरि के पाउंछौ र गर्न
कसम नै खाएको रहेछौ
या पूर्व जन्मबाटै आएको रहेछौ
तिमी कति दयालु
तिमी कति मायालु
त्यसैले
सधैभरि यसैगरी देऊ है मलाई
न त बाँच्न न त मर्न !!!
-------0-------
पुस 16,
विराटनगर
