NATTA Farwest

10/10/2026

सूचना!

नेपाल एसोसिएसन अफ टुर एण्ड ट्राभल एजेन्ट्स (नाट्टा), सुदूरपश्चिम प्रदेश

सम्पूर्ण पर्यटन व्यवसायी, टुर तथा ट्राभल एजेन्सी, पर्यटक यातायात व्यवसायी एवं पर्यटक महानुभावहरूमा जानकारीका लागि अनुरोध छ।

शुक्लाफाँटा राष्ट्रिय निकुञ्ज कार्यालयबाट प्राप्त सूचनाअनुसार, वर्षात्का कारण स्थगित गरिएको जंगल सफारी मिति २०८३ असोज २७ गतेदेखि पुनः सञ्चालनमा आउने भएको छ।

जंगल सफारीका क्रममा निकुञ्ज कार्यालयले तोकेको रुट मात्र प्रयोग गर्नुपर्नेछ। तोकिएको रुट निम्नानुसार रहेको छ:

जंगल सफारी रुट:

- मझगाउँ–बकौला–शिलालेख–शुक्ला पोस्ट–रानीताल–बाबाताल हुँदै मझगाउँ।
- वैकल्पिक रूपमा मझगाउँ–बाबाताल–रानीताल–शुक्ला पोस्ट–शिलालेख–बकौला हुँदै मझगाउँ।

सम्पूर्ण पर्यटन व्यवसायी तथा सरोकारवालाहरूलाई उक्त सूचनाबारे जानकारी राख्न, पर्यटकहरूलाई आवश्यक जानकारी उपलब्ध गराउन तथा निकुञ्जले तोकेको रुटको पूर्ण पालना गर्न हार्दिक अनुरोध गर्दछौँ।

शुक्लाफाँटा राष्ट्रिय निकुञ्जको प्राकृतिक सम्पदा, जैविक विविधता र वन्यजन्तु संरक्षण गर्दै सुदूरपश्चिमको पर्यटन प्रवर्द्धनमा सबैको सहकार्य अपेक्षा गर्दछौँ।

नाट्टा, सुदूरपश्चिम प्रदेश
Together for Tourism, Tourism for Prosperity 🐘🌿

08/10/2026

हवाई भाडामा राजनीति होइन, दीर्घकालीन नीति आवश्यक

काठमाडौं–धनगढी हवाई भाडा चाडपर्वका समयमा अस्वाभाविक रूपमा बढ्ने विषयप्रति नाट्टा सुदूरपश्चिम प्रदेश संघको गम्भीर ध्यानाकर्षण भएको छ। हवाई भाडाको विषयलाई हरेक वर्ष दशैं–तिहारको समयमा मात्र उठ्ने मौसमी राजनीतिक मुद्दा नभई दीर्घकालीन राष्ट्रिय हवाई यातायात नीतिको विषयका रूपमा समाधान गरिनुपर्छ।

यस सन्दर्भमा बुद्ध एयरले यसपटक काठमाडौं–धनगढीका लागि रु. १०,८०० को भाडा कायम गर्नु सकारात्मक र स्वागतयोग्य कदम हो। यसले यात्रुलाई केही राहत दिनुका साथै वायुसेवा कम्पनीहरूले पनि यात्रुमैत्री र जिम्मेवार भाडा नीति अपनाउन सक्छन् भन्ने सकारात्मक सन्देश दिएको छ।

नाट्टा सुदूरपश्चिम सरकारसँग काठमाडौं–धनगढी हवाई भाडाको वैज्ञानिक पुनरावलोकन, न्यूनतम–अधिकतम भाडा प्रणालीमा पारदर्शिता, चाडपर्वमा विशेष ‘फेस्टिभल फेयर’, धनगढीमा उडान संख्या वृद्धि, धनगढी विमानस्थलको स्तरोन्नति तथा विदेशी पर्यटकका लागि ‘डॉलर फेयर’को पुनरावलोकन गर्न आग्रह गर्दछ।

सुदूरपश्चिमका नागरिकलाई हरेक वर्ष भाडा घटाउने आश्वासन होइन, नियमित, सहज, पारदर्शी र पहुँचयोग्य हवाई सेवा आवश्यक छ। सरकार, सांसद र वायुसेवा कम्पनी सबैले आरोप–प्रत्यारोपभन्दा माथि उठेर दीर्घकालीन समाधान खोज्नुपर्छ।

नाट्टा सुदूरपश्चिमको स्पष्ट धारणा छ—हवाई भाडामा राजनीति होइन, नीति चाहिन्छ; मौसमी राहत होइन, दीर्घकालीन समाधान चाहिन्छ।

बुद्ध एयरको रु. १०,८०० को भाडा सकारात्मक सुरुवात हो, अब यस्ता यात्रुमैत्री अभ्यासलाई निरन्तरता दिँदै सुदूरपश्चिमको हवाई सेवालाई अझ सहज, भरपर्दो र पर्यटनमैत्री बनाउन सबै पक्ष गम्भीर हुन आवश्यक छ।

२२ भदौ, काठमाडौं । दसैंतिहार नजिकिएसँगै सामाजिक सञ्जाल र सञ्चारमाध्यममा एउटा बहस सुरु हुन्छ । त्यो हो– धनगढीको त.....

05/10/2026

Pashupatinath Nepal !

05/10/2026

Ramaroshan, Achham (Farwest Nepal) 😍

05/10/2026

05/10/2026

🏆 Certificate of Appreciation

NATTA Sudurpaschim Province Association is honored to receive a Certificate of Appreciation for its active participation in the NATTA Clean & Green Campaign, organized to celebrate the 47th World Tourism Day 2026.

🌿 Our commitment to promoting Clean, Green, Sustainable and Responsible Tourism continues.

Together for Tourism, Tourism for Prosperity. 🇳🇵🌿

04/10/2026

🇳🇵🤝🇮🇳 उत्तराखण्ड आदि रंगोत्सव–२०२६ मा सुदूरपश्चिमको सहभागिता
उत्तराखण्ड सरकार तथा राज्य जनजातीय शोध संस्थान (TRI), देहरादूनको आयोजनामा उत्तराखण्डको खटीमामा आयोजित “उत्तराखण्ड आदि रंगोत्सव–२०२६” मा सुदूरपश्चिम प्रदेशबाट पर्यटन तथा उद्योग–व्यवसाय क्षेत्रका प्रतिनिधिहरूको उल्लेखनीय सहभागिता रहेको छ।
यस कार्यक्रममा नाट्टा सुदूरपश्चिम प्रदेशका अध्यक्ष श्री पदम बिक्रम सिंह, होटल संघ नेपाल सुदूरपश्चिम प्रदेशका अध्यक्ष श्री प्रकाश चन्द्र भट्ट, वरिष्ठ उपाध्यक्ष श्री जगदीशचन्द्र भट्ट, उपाध्यक्ष श्री प्रमानन्द भण्डारी, कोषाध्यक्ष श्री ज्ञानेन्द्र गुप्ता, कैलाली उद्योग वाणिज्य संघका अध्यक्ष श्री पुष्कर राज ओझा, होटल व्यवसायी संघ कैलालीका अध्यक्ष श्री केशव दत्त पाण्डेय, नेपाल उद्योग वाणिज्य महासंघ सुदूरपश्चिम प्रदेशका कार्यकारी निर्देशक श्री ज्योति भट्ट लगायतको सहभागिता रहेको छ।
कार्यक्रमको प्रमुख अतिथिका रूपमा उत्तराखण्ड राज्यका मुख्यमन्त्री श्री पुष्कर सिंह धामीको उपस्थिति रहेको थियो।
यस प्रकारका सांस्कृतिक तथा पर्यटनसम्बन्धी कार्यक्रमले नेपाल–भारतबीचको सांस्कृतिक सम्बन्ध, पर्यटन प्रवर्द्धन, पर्यटन व्यवसायीबीच सहकार्य तथा सीमापार पर्यटनको सम्भावनालाई थप सुदृढ बनाउन महत्वपूर्ण योगदान पुर्‍याउने विश्वास लिइएको छ।
Together for Tourism, Tourism for Prosperity.
🇳🇵 NATTA Sudurpaschim Province | 🌿 Tourism for Prosperity

01/10/2026

🎉 हार्दिक बधाई तथा शुभकामना!

PATA Nepal Chapter को ५१औँ वार्षिक साधारण सभाको अवसरमा निर्वाचित नयाँ कार्यसमितिका अध्यक्ष श्री नरेन्द्र देव भट्ट ज्यु लगायत सम्पूर्ण पदाधिकारी तथा सदस्यहरूमा NATTA Sudurpaschim Province Association को तर्फबाट हार्दिक बधाई तथा सफल कार्यकालको शुभकामना व्यक्त गर्दछौँ।

पर्यटन प्रवर्द्धन र विकासका लागि आगामी दिनमा थप सहकार्य र उपलब्धिको अपेक्षा गर्दछौँ। 🇳🇵🌍

NATTA Sudurpaschim Province Association