https://www.facebook.com/109827994849420/

वैदेशिक रोजगार सहायता केन्द्र, नेपाल, Kalanki, Kathmandu (2026)

26/05/2026

“वैदेशिक रोजगारीको लागि विभिन्न देशहरुमा पठाईदिन्छु भनि ठगी गर्ने व्यक्तिहरु पक्राउ ।"

25/05/2026

रोजगारीका लागि दक्षिण कोरिया जान रोजगार अनुमति प्रणाली (ईपीएस) अन्तर्गतको भाषा परीक्षा दिएर उत्तीर्ण भएकाहरूले भाषा पास गरेको लामो समयसम्म पनि जान नपाएको भन्दै प्रदर्शन गरेका छन् । सोमबार उनीहरूले काठमाडौंको माइतीघर मण्डलमा प्रदर्शन गर्दै ईपीएस प्रणालीमा सुधार गर्नुपर्ने र आफूहरूको मेहनतले न्याय पाउनुपर्ने लगायतका नारा लगाएका थिए ।

23/05/2026

वैदेशिक रोजगार सम्बन्धी संस्थाहरूको अनुगमन तथा आधिकारिक कर्मचारी पहिचान सम्बन्धी सूचना

22/05/2026

विदेशमा अनलाइन स्क्यामिङमा परेका थप ७१ जना नेपालीको उद्दार

दक्षिण पूर्वी एसियाका विभिन्न मुलुकमा सञ्चालित अनलाइन स्क्यामिङ सेन्टरमा ठगीमा परेका थप ७१ जना नेपालीको उद्दार गरिएको छ ।
शुक्रबार परराष्ट्र मन्त्रालयमा आयोजित पत्रकार सम्मेलनमा मन्त्रालयका प्रवक्ता लोकबहादुर पौडेलले सो क्षेत्रबाट यसअघि ६ सय १६ जना नेपाली नागरिकको उद्धार गरिएकोमा पछिल्लो समय थप ७१ जनाको उद्दार गरिएको र अन्यको पनि उद्दार कार्य जारी रहेको जानकारी दिए।
हालसम्म कम्बोडियाबाट ५ सय ६२, म्यानमारबाट १ सय ११, लाओसबाट ८ र थाइल्याण्डबाट ६ जनाको उद्धार गरी नेपाल फर्काइएको उनले बताए।
नेपाली दुतावास बैंककको अनुरोधमा कम्बोडिया सरकारबाट हालसम्म १ सय २ जना नेपालीको जरिवाना मिनाहा भएको र थप १७२ जनाको जरिवाना मिनाहका लागि अनुरोध गरिएको परराष्ट्रले जनाएको छ ।
कम्बोडियामा २९ जना नेपालीहरू संगठित अपराध, यातना, मानव तस्करी लगायतका आरोपमा थुनामा रहेका रहेकाले उनीहरुको शीघ्र रिहाई तथा उद्धारका लागि नेपाली राजदूतवास बैङ्ककबाट पहल जारी रहेको समेत प्रवक्ता पौडेलले जानकारी दिए।
त्यस्तै प्रवक्ता क्षेत्रीले पश्चिम एसियामा रहेका नेपालीहरुको अवस्था सामान्य रहेको र नेपालीहरुको सुरक्षाका लागि सरकार गम्भीर रहेको धारणा व्यक्त गरेका थिए । साथै, इरानको बन्दर अब्बासमा पुर्पक्षका लागि थुनामा रहेका नेपाली नागरिक अमृत झाको निष्पक्ष सुनुवाइका लागि कूटनीतिक पहल जारी रहेको उनले बताए।
त्यस्तै नेपालबाट भारततर्फ चियाको निकासी प्रभावित भएकोमा दुईदेशीय छलफलका माध्यमबाट भएको पहलले भारतीय टी बोर्डबाट जारी निर्देशीका संशोधन गरि विद्यमान चिया निकासीसम्बन्धी समस्या हाललाई सहज हुने भएको मन्त्रालयले जानकारी दिएको छ ।

19/05/2026

श्रम मन्त्रालयले लागू गर्‍यो कर्मचारीका लागि नयाँ आचारसंहिता, अब के गर्न पाइँदैन?

युवा, श्रम तथा रोजगार मन्त्रालयले मन्त्रालय तथा मातहत निकायमा कार्यरत कर्मचारीका लागि नयाँ आचारसंहिता लागू गरेको छ। मन्त्रालयको पुनर्संरचनापछि जारी गरिएको उक्त आचारसंहिताले कर्मचारीको आचरण, सेवा प्रवाह र प्रशासनिक अनुशासनलाई व्यवस्थित गर्ने लक्ष्य राखेको जनाएको छ।

मन्त्रालयका अनुसार सार्वजनिक सेवालाई निष्पक्ष, पारदर्शी, उत्तरदायी तथा सेवामुखी बनाउन कर्मचारीको व्यवहार र कार्यशैलीलाई स्पष्ट मापदण्डभित्र ल्याउने उद्देश्यले आचारसंहिता लागू गरिएको हो।

नयाँ व्यवस्थाअनुसार कर्मचारीले सेवाग्राहीसँग शिष्ट र सम्मानजनक व्यवहार गर्नुपर्नेछ भने कुनै प्रकारको घुस, उपहार, सुविधा वा अनुचित लाभ स्वीकार गर्न नपाइने व्यवस्था गरिएको छ। पद तथा अधिकारको दुरुपयोग, व्यक्तिगत स्वार्थमा निर्णय प्रभावित पार्ने तथा सरकारी स्रोत-साधन निजी प्रयोजनमा प्रयोग गर्ने कार्यलाई पनि निषेध गरिएको छ।

आचारसंहिताले कार्यालय अनुशासनसम्बन्धी व्यवस्था समेत स्पष्ट गरेको छ। कर्मचारीलाई कार्यालय समयको पूर्ण पालना गर्न, तोकिएको पोसाक प्रयोग गर्न तथा सहकर्मीसँग सहयोगात्मक व्यवहार कायम गर्न निर्देशन दिइएको छ। साथै सरकारी निर्णय, कागजात तथा सेवाग्राहीसँग सम्बन्धित संवेदनशील विवरण अनधिकृत रूपमा सार्वजनिक गर्न नपाइने उल्लेख गरिएको छ।

Address

Kalanki
Kathmandu
44600

Telephone

+97715218445

Website

facebook.com

Alerts

Be the first to know and let us send you an email when वैदेशिक रोजगार सहायता केन्द्र, नेपाल posts news and promotions. Your email address will not be used for any other purpose, and you can unsubscribe at any time.

Contact The Business

Send a message to वैदेशिक रोजगार सहायता केन्द्र, नेपाल:

वैदेशिक रोजगार सहायता केन्द्र, नेपाल