01/07/2026
राष्ट्रिय स्वतन्त्र पार्टी दर्ता भएको केही समयमै निर्वाचनको मैदानमा होमिनुपरेको थियो। त्यसबेला शहरहरूमा पार्टीप्रति ठूलो उत्साह र समर्थन देखिए पनि गाउँ–बस्तीमा यसको विचार, उद्देश्य र अभियान अझै व्यापक रूपमा पुग्न बाँकी थियो।
यस्तै चुनौतीपूर्ण समयमा ओखलढुंगाको माटोमा राष्ट्रिय स्वतन्त्र पार्टीको बीउ रोप्ने साहस गर्नुभयो शोभा कार्कीले। चुनावमा जितभन्दा पनि विचारको जग बसाल्ने अभियानलाई प्राथमिकता दिनुभयो। निर्वाचनमा पराजित हुनुपरे पनि उहाँ कहिल्यै निराश हुनुभएन। बरु गाउँ–गाउँ पुगेर, जनतासँगै बसेर, उनीहरूको दुःख–सुखमा सहभागी हुँदै निरन्तर आफ्नो राजनीतिक यात्रालाई अघि बढाइरहनुभयो।
आज पार्टीको प्रथम महाधिवेशनबाट केन्द्रीय सदस्यमा निर्वाचित भई प्रमाणपत्र ग्रहण गर्नुभएको खबरले अत्यन्तै खुशी र गर्वको अनुभूति गरायो। यो उपलब्धि केवल एउटा पदको प्राप्ति होइन, बरु धैर्य, निरन्तरता, इमानदारी र संघर्षको सम्मान हो। उहाँले संघर्ष कहिल्यै छोड्नुभएन, त्यसैले आज संघर्षले नै उहाँलाई सम्मान दिएको छ।
हारलाई अन्त्य होइन, नयाँ सुरुवात बनाउने यो यात्राले धेरै युवालाई प्रेरणा दिनेछ।
हार्दिक बधाई तथा शुभकामना, शोभा कार्की ज्य ! तपाईंको राजनीतिक यात्रा अझ सफल, प्रभावशाली र जनताको विश्वास जित्दै अगाडि बढिरहोस्। ओखलढुंगाको आवाजलाई राष्ट्रिय राजनीतिमा अझ सशक्त रूपमा स्थापित गर्न सफल हुनुहोस् भन्ने शुभेच्छा।
