22/05/2026
🚨 अत्यन्त जरुरी सूचना | रेबीज रोग सम्बन्धी सचेतना 🚨
आदरणीय तानसेन नगरवासी दाजुभाइ तथा दिदीबहिनीहरू,
तानसेन नगरपालिका वडा नं. १३ मा रेबीज रोगको जोखिम देखिएको हुनाले सबै नगरवासीहरूलाई आवश्यक सावधानी अपनाउन र सुरक्षित रहन हार्दिक अनुरोध गर्दछौं।
🦠 रेबीज रोग के हो ?
रेबीज एक घातक संक्रामक रोग हो। यो रोग प्रायः संक्रमित कुकुर, बिरालो वा अन्य जनावरको टोकाइ, चिथोर्ने वा नङ्ग्राले कोर्ने माध्यमबाट मानिसमा सर्छ। एक पटक लक्षण देखापरेपछि यसको उपचार सम्भव नहुने भएकाले समयमै सावधानी अपनाउनु नै सबैभन्दा प्रभावकारी उपाय हो।
📌 नगरपालिकाको अनुरोध अनुसार अपनाउनुपर्ने मुख्य सावधानीहरू :
1️⃣ घरपालुवा कुकुर, बिरालो लगायतका जनावरहरूलाई नियमित रूपमा रेबीज विरुद्धको खोप लगाउनुहोस्।
2️⃣ कुनै पनि जनावरमा छाडा वा असामान्य व्यवहार देखिएमा त्यस जनावरबाट टाढा रहनुहोस् र तुरुन्त सम्बन्धित वडा कार्यालय वा नगरपालिकाको पशुपन्छी विकास शाखामा जानकारी दिनुहोस्।
3️⃣ बालबालिकालाई अपरिचित तथा छाडा जनावरसँग खेल्न नदिनुहोस्।
4️⃣ जनावरले टोकेमा वा कोरेमा तुरुन्त साबुन पानीले घाउ राम्ररी सफा गरी नजिकको स्वास्थ्य संस्थामा गई रेबीज विरुद्धको खोप सेवा लिनुहोस्।
5️⃣ घरपालुवा जनावरलाई जथाभावी बाहिर नछाड्नुहोस् र सुरक्षित रूपमा नियन्त्रणमा राख्नुहोस्।
6️⃣ घरपालुवा जनावरका कारण सार्वजनिक सुरक्षा वा अप्रिय घटना सिर्जना भएमा प्रचलित कानुन बमोजिम कारबाही हुने व्यहोरा समेत जानकारी गराइन्छ।
⚠️ महत्वपूर्ण सूचना:
रेबीज रोगका लक्षण देखिएपछि उपचार सम्भव नहुने भएकाले समयमै सचेत रहनु, सावधानी अपनाउनु र खोप लगाउनु नै जीवन रक्षा गर्ने उपाय हो।
🙏 त्यसैले सबै नगरवासीहरूलाई आफू पनि सचेत बनौं, अरूलाई पनि सचेत गराऔं र सुरक्षित तानसेन निर्माणमा सहयोग गरौं।
—
तानसेन नगरपालिका
नगर कार्यपालिकाको कार्यालय
लुम्बिनी प्रदेश, नेपाल
📢 यो सूचना सबैले देख्ने गरी शेयर गरिदिनुहुन अनुरोध छ।
⸻
