04/06/2026
Samoa Talalasi
O le masina o Iulai o le 2026 o le a siitia ai le totogi amata a Ausetalia i le $26.44 i le itula.O New Zealand e $23.95 i le itula le latou totogi amata.
O le eseesega o totogi amata a Ausetalia ma New Zealand,e talitonu o le a toatele ai nei tagata New Zealand e malaga ma nonofo i Ausetalia.
O le maualuga o totogi,tele avanoa e manuia ai ma manaia le tau,o nisi ia o mafuaaga o le malaga o tagata New Zealand e nonofo i Ausetalia.
I faamaumauga lata mai nei,e 48,000 tagata New Zealand ua malaga ma nonofo i Ausetalia i le faaiuga o le masina o Iuni i le 2025.
Sa faailoa e Muriel Tunuho le Ta'ita'i fono o le komiti o totogi o tagata faigaluega e faatatau mo le tau o le soifuaga,(living wages) o lona niece e 20 tausaga o se tasi foi ua malaga ma nofo i Ausetalia.
Saunoa Tunuho, e $150 e sili atu ai le totogi a lona niece i Ausetalia i le vaiaso i le totogi sa ia maua i New Zealand.
Ua fesiligia ai nei e Tunuho le malo o New Zealand, po o a fea ea e taumafai ai e faatutusa ma Ausetalia?.Afai e leai o le a faaauau pea o malaga tagata e nonofo i Ausetalia ona o le lē lava o le faasoa i New Zealand.
Pei a e sa'o ea ua tatau loa ona faame'i i Ausetalia.
