13/06/2026
https://vt.tiktok.com/ZSQ9YWUws/
گرمی کا موسم اپنے عروج پر ھے اور ائر کنڈیشنر خریدنے والوں کا سب سے پہلا سوال ہوتا ھے کونسا ائر کنڈشنر اچھا ھے۔
اس سوال کا جواب۔۔۔۔ یقیناً آسان نہیں
ہر کوئی اپنے تجربے مطابق مختلف برانڈ کے ائر کنڈیشنر کو اچھا قرار دیتے ہیں۔
لیکن تیکنیکی طور پر ۔۔۔ ہم اچھا ائیر کنڈیشنر کسے کہیں گے۔؟؟؟
تو آسان بات ھے۔۔۔
وہ ائر کنڈیشنر سب سے اچھا ھے جو کم سے کم بجلی استعمال کر کے زیادہ ٹھنڈک مہیاء کرے۔
لیکن کسی بھی ائر کنڈیشنر کی اس خصوصیت کا ایک عام آدمی کو کیسے پتا چلے کہ اب اسے کونسا ائر کنڈیشنر خریدنا چاہئے جو بجلی بھی کم استعمال کرے اور ٹھنڈک بھی زیادہ دے۔
اس کیلئے ۔۔۔ ہمیں ائر کنڈیشنر کی انرجی ایفیشنسی ریشو اور سٹار ریٹنگ کا پتا ہونا چاہئے۔
انرجی ایفیشنسی ریشو (Energy Efficiency Ratio) اور اسٹار ریٹنگ (Star Rating) دراصل وہ پیمانے ہیں جو ہمیں یہ بتاتے ہیں کہ کوئی بھی اے سی کتنی بجلی کھا کر کتنی ٹھنڈک دے رہا ھے۔ آسان لفظوں میں یہ کسی اے سی کی بجلی بچانے کی صلاحیت کو ناپنے کا طریقہ ھے۔
آئیں اسے بالکل آسان انداز میں سمجھتے ہیں کہ یہ کیا چیز ھے، کہاں سے آئی اور اس کا حساب کتاب کیسے ہوتا ھے۔
✓انرجی ایفیشنسی ریشو ( EER) کیا ھے اور کیسے کیلکولیٹ ہوتا ھے
انرجی ایفیشنسی ریشو یعنی توانائی کی کارکردگی کا تناسب ایک فارمولے سے نکلتا ھے جس کے ذریعے یہ دیکھا جاتا ھے کہ اے سی ایک گھنٹے میں کتنی گرمی کمرے سے باہر نکالتا ھے اور اس کے بدلے کتنی بجلی (واٹ) استعمال کرتا ھے
EER = Cooling Capacity (BTU/HR) ÷ Power Input (Watts)
مثال کے طور پر
اگر ایک 1 ٹن (12,000 BTU) کا نان انورٹر اے سی چلنے کے لیے 1200 واٹ بجلی لے رہا ھے تو اس کا EER ہوگا
12000 / 1200 = 10
یہ نمبر (EER) جتنا زیادہ ہوگا ائر کنڈیشنر اتنا ہی بہترین مانا جائے گا کیونکہ وہ کم واٹ بجلی لے کر زیادہ ٹھنڈک دے رہا ہوگا۔
✓ اسٹار ریٹنگ (Star Rating) کیا ھے
عام گاہک کے لیے EER کے نمبروں (جیسے 10، 11 یا 11.5) کو سمجھنا مشکل ہوتا ھے۔ اس لیے دنیا بھر کے اداروں نے اسے آسان بنانے کے لیے اسٹار ریٹنگ (1 سے 5 اسٹارز) کا نظام بنایاھے۔
1-Star AC
سب سے کم کارکردگی، زیادہ بجلی کا بل۔
5-Star AC
سب سے بہترین کارکردگی، سب سے کم بجلی کا بل۔
یہ اسٹار ریٹنگ براہ راست EER کے نمبر پر منحصر ہوتی ھے۔ حکومت یا بیورو آف انرجی ایفیشنسی (جیسے پاکستان میں NEECA یا بین الاقوامی ادارے) ایک ٹیبل مقرر کرتے ہیں
مثال کے طور پر۔۔۔ اگر
- EER 3.1 سے 3.2 ھے تو پھر ۔۔۔۔۔ 3 سٹار
اور اگر
۔ EER 3.5 یا اس سے زیادہ ھے تو پھر۔۔۔۔۔ 5 سٹار
✓ یہ سسٹم کہاں سے آیا
یہ سلسلہ سب سے پہلے 1992 میں امریکہ میں شروع ہوا تھا جہاں امریکی ماحولیاتی تحفظ کے ادارے (EPA) نے "Energy Star" کے نام سے ایک پروگرام شروع کیا۔ اس کا مقصد ایسی مصنوعات بنانا تھا جو کم بجلی استعمال کریں تاکہ ماحول کو بھی فائدہ ہو اور صارفین کے پیسوں کی بچت بھی ہو۔
بعد میں دنیا بھر کے ممالک (جیسے یورپ، چین، انڈیا اور پاکستان) نے اپنے اپنے انرجی لیبلنگ کے ادارے بنائے۔ اب ہر ملک کی حکومت کے لیے لازمی ھے کہ وہ اے سی بنانے والی کمپنیوں کو پابند کرے کہ وہ اے سی کے اوپر یہ "انرجی گائیڈ اسٹیکر" لگائیں۔
✓ انورٹر اے سی کے لیے نیا طریقہ
SEER یا ISEER
چونکہ انورٹر اے سی موسم اور کمرے کے درجہ حرارت کے حساب سے اپنے واٹ تبدیل کرتا رہتا ھے (کبھی 300 واٹ، کبھی 1200 واٹ) اس لیے اس کے لیے صرف EER کافی نہیں تھا۔ اس کے لیے اب ایک نیا طریقہ استعمال ہوتا ہے جسے SEER (Seasonal EER) یا ISEER (Indian/International Seasonal EER) کہتے ہیں۔
اس میں صرف ایک گھنٹے کی بجلی نہیں دیکھی جاتی بلکہ یہ دیکھا جاتا ھے کہ پورے سال کے مختلف موسموں میں اس اے سی نے اوسطاً کتنی بجلی بچائی۔ انورٹر اے سی کے اسٹیکر پر آپ کو عام طور پر SEER یا ISEER لکھا ہوا نظر آئے گا، جو کہ جتنا زیادہ ہو (مثلاً 4.5 یا 5.5) تو۔۔ اے سی اتنا ہی کم بل لائے گا۔
معلومات پسند آئیں تو دوسروں تک بھی پہنچائیں ۔
سلامت رہیں!
#عامر ریاض عمان Electrician and plumber
