https://www.facebook.com/662864567160082/

One Cagayan, Camalaniugan (2026)

30/05/2026

DALUYONG 2026: Kabataang Cagayano, Kaagapay sa Pagbuo ng Kinabukasan

Sa pamumuno ni Tatay Gob. Egay, muling pinatunayan ng Pamahalaang Panlalawigan ng Cagayan na ang kabataan ay hindi lamang tagasunod, kundi kasama sa paghubog ng kinabukasan. Sa kauna-unahang pagkakataon sa kasaysayan ng lalawigan, isasagawa ang Cagayan Student Leaders’s Camp, “DALUYONG” mula Hunyo 2 hanggang 4, 2026 sa Cagayan Farm School, Anquiray, Amulung, isang makasaysayang pagtitipon ng mga Senior High School student leaders mula sa iba’t ibang bayan ng Cagayan.

Layunin ng camp na bigyan ng kapangyarihan at boses ang kabataan sa proseso ng pamahalaan—lalo na sa pag-unawa sa budgeting at sa pagbuo ng 2027 Executive Budget ng lalawigan. Sa ilalim ng Good Governance at Youth Development pillars ng EGAY Governance Platform, binubuksan ni Tatay Gob. Egay ang pinto ng partisipasyon upang marinig ang mga ideya at mungkahi ng kabataan sa paglalaan ng pondo para sa mga programang makaaapekto sa kanilang kinabukasan.

Ang temang “Nagkakaisang Kabataan: Pintig at Puso ng Cagayan” ay sumasalamin sa diwa ng pagkakaisa at malasakit. Sa tulong ng Local Youth Development Office (LYDO) at ng Tuguegarao City Government, ang DALUYONG ay magiging daluyan ng kaalaman, pagkakaisa, at inspirasyon—isang “surge” ng enerhiya at pag-asa mula sa kabataan tungo sa mas inklusibong pamahalaan.

Sa bawat talakayan, workshop, at konsultasyon, matututunan ng mga kabataan kung paano binubuo ang badyet ng pamahalaan—mula sa pangangailangan ng barangay hanggang sa mga proyektong panlalawigan. Higit pa rito, sila ay bibigyan ng pagkakataong magbigay ng sariling input—isang hakbang na magpapatunay na sa ilalim ng pamumuno ni Tatay Gob. Egay, ang kabataan ay tunay na katuwang sa pamamahala.

Ang DALUYONG ay hindi lamang camp; ito ay kilusan ng kabataan para sa kinabukasan. Sa pagdaloy ng kanilang mga ideya, pangarap, at lakas, patuloy na pinapatunayan ni Tatay Gob. Egay na ang Cagayan ay lalawigang may puso, may pintig, at may kabataang handang magtaguyod ng pagbabago.

30/05/2026

PAGKAKAISA PARA SA CAGAYANO:
ANG PINAKAMAHALAGANG PAMANA NA MAIIWAN NATIN SA SUSUNOD NA HENERASYON

Sa bawat yugto ng kasaysayan ng Cagayan, napatunayan na ang pinak**alalaking tagumpay ay hindi bunga ng iisang tao, iisang pamilya, o iisang tanggapan. Ang mga ito ay bunga ng pagkakaisa ng mga mamamayan at mga lider na piniling isantabi ang pagkakaiba upang unahin ang mas malaking layunin—ang kapakanan ng sambayanang Cagayano.

Ngayon, higit kailanman, kailangan ng Cagayan ang pagkakaisa. Sa panahon ng mabilis na pagbabago, matitinding hamon sa ekonomiya, pagbabago ng klima, seguridad sa pagkain, at paglikha ng trabaho para sa ating mga kabataan, walang sektor at walang lider na kayang magtagumpay nang nag-iisa. Ang kinabukasan ng lalawigan ay nakasalalay sa kakayahan nating magtulungan, magkaisa, at magkaunawaan sa iisang direksyon.

Ang pagkakaisa ay hindi nangangahulugan na magkakapareho tayo ng pananaw sa lahat ng bagay. Ang tunay na pagkakaisa ay ang pagkakaroon ng iisang puso para sa Cagayan kahit magkakaiba ang ating opinyon. Ito ang kakayahang ilagay ang interes ng mamamayan higit sa personal na ambisyon, politika, at anumang bagay na maaaring maghati sa atin. Kapag nagkakaisa ang mga lider, nagkakaroon ng kumpiyansa ang mamamayan. Kapag nagkakaisa ang mga institusyon, mas mabilis ang pag-unlad. Kapag nagkakaisa ang mga komunidad, mas matatag ang lalawigan.

Marami nang pangarap ang sinisimulang hubugin para sa kinabukasan ng Cagayan—mga programang magpapalakas sa agrikultura, magbubukas ng mga oportunidad sa trabaho, magpapahusay sa imprastraktura, at magbibigay ng mas maayos na buhay sa bawat pamilya. Ngunit ang lahat ng ito ay mananatiling pangarap lamang kung hahayaan nating manaig ang pagkakawatak-watak kaysa pagkakaisa.

Ang pinak**alaking kayamanan ng Cagayan ay hindi ang mga ilog, kabundukan, karagatan, o likas na yaman nito. Ang tunay nitong kayamanan ay ang mga mamamayang handang magsama-sama para sa isang mas magandang bukas. Ang mga proyektong maitatayo ay maaaring tumagal ng ilang dekada, ngunit ang kultura ng pagkakaisa ay maaaring maging pamana sa maraming henerasyon.

Bilang mga Cagayano, hindi natin kailangang magkaisa para sa isang tao o para sa isang administrasyon. Kailangan nating magkaisa para sa ating mga anak, para sa ating mga magsasaka at mangingisda, para sa ating mga manggagawa at negosyante, para sa ating mga nakatatanda, at para sa bawat pamilyang umaasang magiging mas maunlad ang kanilang kinabukasan.

Sa huli, ang tanong ay hindi kung sino ang dapat manguna. Ang mas mahalagang tanong ay kung paano tayo sabay-sabay na uusad bilang isang lalawigan. Sapagkat kapag nagkakaisa ang Cagayan, walang hamon na hindi kayang lampasan at walang pangarap na hindi kayang maabot.

Pagkakaisa ang lakas ng Cagayan. Ito ang diwa ng pagiging Cagayano. Ito ang pamana na nararapat nating iwan sa susunod na henerasyon.

30/05/2026

MATATAG NA SISTEMA NG KURYENTE, SUSI SA PANGKAHALATANG PAG-UNLAD NG CAGAYAN:
PGC at CAGELCO I, pinalalakas ang ugnayan para sa Enerhiya at Industriyalisasyon ng Lalawigan

TUGUEGARAO CITY, CAGAYAN — Muling pinagtibay ng Cagayan I Electric Cooperative, Inc. (CAGELCO I) at ng Pamahalaang Panlalawigan ng Cagayan ang kanilang pagkakaisa sa pagsusulong ng mas maaasahan, mas malawak, at mas sustenableng serbisyo ng kuryente sa ginanap na Annual General Membership Assembly ng kooperatiba noong Mayo 30, 2026 na may temang “Coop Power: Governance Stronger, Service Smarter, Future Brighter.”

Tampok sa pagtitipon ang panunumpa ng mga bagong halal at muling nahalal na miyembro ng Board of Directors na sina Virgilio Lacambra, Ma. Arabela Binarao, Geronimo Aggarao, Willie Gaspar, Marlene Vuelta, Vicente Bucayu, at Ramces Bicos. Dumalo rin sina Director Rodrigo Lingan at CAGELCO I General Manager Francisca Obispo, MPA.

Bilang kinatawan ni Governor Edgar “Tatay Egay” Aglipay, dumalo si Dr. Archie Articulo, Executive Assistant to the Governor at Cluster Head for Employment, Environment and Energy ng One Cagayan Vision Team. Sa kanyang mensahe, binigyang-diin niya na ang seguridad sa enerhiya ay mahalagang bahagi ng programang “No Household Left Behind” ng Gobernador.

Ayon kay Dr. Articulo, pinag-aaralan ng Pamahalaang Panlalawigan ang posibilidad na suportahan at tulungang maikonekta sa linya ng CAGELCO I ang mga tinatawag na last-mile o geographically isolated and disadvantaged households o mga kabahayang hanggang ngayon ay wala pa ring akses sa kuryente. Aniya, hindi magiging ganap ang pangkalahatang pag-unlad kung may mga pamilyang nananatiling nasa dilim at hindi nakikinabang sa mga pangunahing serbisyo ng makabagong panahon.

Ipinaliwanag din niya na ang pangmatagalang direksyon ng Cagayan ay hindi lamang elektripikasyon kundi industriyalisasyon. Bahagi ito ng mas malawak na bisyon ng administrasyon ni Tatay Gob. Egay sa ilalim ng Cagayan Valley Integrated Strategic Infrastructure Program (CV ISIP), kung saan ang matatag at sapat na suplay ng enerhiya ang isa sa pinak**ahalagang pundasyon ng pagpasok ng mga bagong industriya, pamumuhunan, at trabaho sa lalawigan.

Binigyang-pansin din ni Dr. Articulo ang patuloy na pagsusulong ng Northern Loop Transmission Project na mag-uugnay sa transmission facilities mula Tuguegarao hanggang sa Magapit Power Station. Kapag ganap na naisakatuparan, magbibigay ito ng kakayahan sa mga umiiral at mga planong solar power farms sa downstream areas ng Cagayan na maipasok sa national grid ang enerhiyang kanilang nalilikha, na magpapalakas sa renewable energy capacity ng buong rehiyon.

Kasabay nito, patuloy ring isinusulong ng Pamahalaang Panlalawigan ang Integrated Renewable Energy and Storage Systems (IRESS), kabilang ang mga solar, wind, at battery energy storage projects sa iba’t ibang bahagi ng lalawigan upang matiyak ang mas malinis, mas maaasahan, at mas matatag na suplay ng enerhiya para sa mga susunod na henerasyon.

Sa ilalim ng One Cagayan at EGAY Governance Platform, nananatiling malinaw ang direksyon: walang pamilyang maiiwan, walang komunidad na mapapag-iwanan, at walang pagkakataong pangkaunlaran ang dapat palampasin. Sa pamamagitan ng enerhiya, imprastraktura, at matalinong pamamahala, patuloy na binubuo ang isang mas maunlad, mas matatag, at mas handang Cagayan para sa hinaharap.

Nakatakdang pulungin ni Tatay Gob. Egay ang Board of Trustees ng CAGELCO I at CAGELCO II para sa isang pagpupulong upang lalo pang maayos at mailinya mabuti ang strategic partnership ng PGC at mga pangunahing distributors ng kuryente sa Lalawigan.

30/05/2026

PAGPAPALAKAS NG PAMILYANG CAGAYANO LABAN SA MGA BAGYO AT SAKUNA, NAGING TAMPOK SA CAGAYAN RECOVERY PROJECT NG COMMUNITY AND FAMILY SERVICE INTERNATIONAL (CFSI) - PGC TWG MEETING

Pinalakas pa ng Pamahalaang Panlalawigan ng Cagayan ang paghahanda para sa implementasyon ng Cagayan Recovery Project (CRP) sa isinagawang Technical Working Group (TWG) meeting nitong Mayo 26, 2026, bilang bahagi ng tuluy-tuloy na rehabilitasyon at pagbangon ng mga pamilyang naapektuhan ng magkakasunod na bagyo sa lalawigan.

Kinatawan ni Dr. Archie Articulo, Executive Assistant to the Governor, si Gobernador Edgar “Tatay Egay” Aglipay sa naturang pagpupulong kasama ang mga kinatawan ng Community and Family Services International (CFSI), Australian Government Department of Foreign Affairs and Trade (DFAT), Provincial Disaster Risk Reduction and Management Office (PDRRMO), at iba’t ibang lokal na pamahalaan at stakeholders.

Sa kanyang mensahe, binigyang-diin ni Dr. Articulo ang kahalagahan ng estratehikong pag-aayos at pag-uugnay ng mga resources sa pagitan ng pamahalaan at civil society organizations tulad ng CFSI upang mas mapalawak ang epekto ng mga programa, ma-optimize ang limitadong resources, at mapalakas ang partnership para sa mas mabilis at mas epektibong disaster recovery efforts sa Cagayan.

Layunin ng Cagayan Recovery Project na tulungan ang mga komunidad sa Tuguegarao City, Solana, Enrile, at Iguig sa pamamagitan ng livelihood restoration, financial management training, home-based gardening, hazard mapping, emergency drills, at iba pang community resilience initiatives na maghahanda sa mga pamilya laban sa mga susunod pang sakuna.

Dumalo rin sa pagpupulong sina Provincial Disaster Risk Reduction and Management Office (PDRRMO) Head Cesar Cuntapay, Provincial Cooperative Development Officer Christopher Corral, at Persons with Disability (PWD) Affairs Officer Jaypee Aquino bilang bahagi ng pagpapalakas ng multi-sectoral coordination para sa matagumpay na implementasyon ng proyekto.

Sa ilalim ng pamumuno ni Tatay Gob. Egay, patuloy na isinusulong ng One Cagayan ang isang mas matatag, mas handa, at mas resilient na lalawigan kung saan walang pamilyang Cagayano ang mapag-iiwanan sa panahon ng pagbangon at pangkalahatang pag-unlad.

30/05/2026

PGC, MAGPAPATAYO NG 700-BED CAPACITY PROVINCIAL STUDENT DORMITORY SA TUGUEGARAO CITY PARA SA MAS ABOT-KAYANG EDUKASYON NG MGA KABATAANG CAGAYANO

Tuguegarao City, Cagayan — Isinusulong ng Pamahalaang Panlalawigan ng Cagayan (PGC) sa ilalim ng pamumuno ni Tatay Gob. Egay Aglipay ang isang makabagong 5–6 palapag na Provincial Student Dormitory na may layuning tugunan ang pangmatagalang suliranin sa tirahan ng mga mag-aaral mula sa malalayong bayan na nag-aaral sa lungsod.

Ang nasabing pasilidad ay may kapasidad na humigit-kumulang 700 k**a at idinisenyo upang magsilbing ligtas, abot-kaya, at maayos na tirahan para sa mga estudyante, partikular mula sa 1st at 2nd District ng Cagayan. Bahagi ito ng mas malawak na adyenda ng pamahalaan na gawing mas accessible ang de-kalidad na edukasyon sa pamamagitan ng pagbawas sa gastusin at oras ng biyahe ng mga mag-aaral.

Ayon sa pamahalaang panlalawigan, ang dormitoryo ay hindi lamang simpleng gusali kundi isang holistic learning environment na may mga study area, communal spaces, 24/7 security, at modernong pasilidad. Layunin nitong hubugin hindi lamang ang akademikong kakayahan ng mga estudyante kundi pati ang kanilang disiplina at pakikisalamuha sa komunidad.

Iniuugnay rin ang proyekto sa patuloy na pag-unlad ng Tuguegarao City bilang sentrong urban hub, kung saan inaasahang magsisilbi itong mahalagang bahagi ng mas maayos at planadong urban development. Kasalukuyang tinatapos ng engineering at architectural team ng PGC ang detalye ng disenyo upang masig**o ang kaligtasan, episyensya, at modernong pamantayan bago ang inaasahang pagsisimula ng konstruksyon.

Itinuturing ang proyekto bilang malinaw na simbolo ng adbokasiya ng administrasyon ni Tatay Gob. Egay Aglipay sa “inclusive development,” kung saan ang edukasyon ay ginagawang pundasyon ng mas maunlad na kinabukasan ng Cagayan. Sa pamamagitan nito, inaasahang mas maraming kabataang Cagayano ang mabibigyan ng pagkakataong makapagtapos at makapag-ambag sa pag-unlad ng lalawigan.

30/05/2026

RANIAG TI BALLESTEROS, RANG-AY TI CAGAYAN
Solar Streetlights sa Kahabaan ng Provincial Road sa Bayan ng Ballesteros, Matagumpay na Ipinatayo ng PGC

Sa ilalim ng malasakit at matatag na pamumuno ni Tatay Gob. Egay, mas lumiwanag at mas gumanda ang gabi sa Ballesteros. Sinimulan na ang paglalagay ng solar lights sa kahabaan ng Provincial Road mula Barangay Mabuttal hanggang Centro East—isang konkretong hakbang na tugma sa Environment & Energy at Good Governance pillars ng EGAY Governance Platform. Ito ay patunay na ang modernong imprastraktura ay hindi lamang para sa kaginhawaan, kundi para sa kaligtasan at kaunlaran ng bawat Cagayano.

Pinangunahan ni Mayor Robert H. Ogalino ang site inspection kasama si SB Rogelio Yapit at mga kinatawan ng Pamahalaang Panlalawigan. Ang proyektong ito ay naging posible dahil sa matibay na koordinasyon at suporta ng Provincial Government of Cagayan sa pamumuno ni Tatay Gob. Egay, na patuloy na nagtutulak ng mga programang nagbibigay liwanag—literal at simboliko—sa mga komunidad.

Ang solar lighting project ay hindi lamang simpleng pagpapailaw. Ito ay bahagi ng mas malawak na layunin ng lalawigan na magtayo ng mas ligtas na kalsada, mas episyenteng enerhiya, at mas maaliwalas na kapaligiran. Sa paggamit ng renewable energy, ipinapakita ng Ballesteros at ng Pamahalaang Panlalawigan ang pangmatagalang direksyon tungo sa climate resilience at sustainable development, na sentro ng vision ni Tatay Gob. Egay.

Sa bawat poste ng ilaw na tumatayo, naroon ang mensahe ng pamahalaan: walang bayan ang maiiwan sa dilim. Sa tulong ng EGAY Governance Platform, patuloy na nagiging modelo ang Ballesteros ng isang progresibong komunidad na may pagkakaisa, malasakit, at malinaw na direksyon para sa kinabukasan.

30/05/2026

PAGPAPALAKAS NG INKLUSIBONG EDUKASYON, ISINUSULONG NG PGC AT SDO CAGAYAN PARA SA MGA MAG-AARAL NA MAY ESPESYAL NA PANGANGAILANGAN

Matagumpay na isinagawa ng Pamahalaang Panlalawigan ng Cagayan, katuwang ang Schools Division Office (SDO) of Cagayan, ang Provincial Training for Potential Untrained Special Needs Education (SNED) Receiving Teachers noong Mayo 27–28, 2026 sa Taj Hotel bilang bahagi ng patuloy na pagpapalakas ng inklusibong edukasyon sa lalawigan.

Bilang kinatawan ni Governor Edgar “Tatay Gob. Egay” Aglipay, dumalo si Mrs. Lalaine Pamittan, Cluster Head for Youth Development and Elderly Care ng One Cagayan Vision Team. Sa kanyang mensahe, ipinaabot niya ang buong suporta ng Pamahalaang Panlalawigan para sa mga programang naglalayong mapabuti ang Special Needs Education (SNED) at binigyang-diin ang mahalagang papel ng mga g**o sa pagbibigay ng makatao, inklusibo, at de-kalidad na edukasyon para sa mga mag-aaral na may espesyal na pangangailangang pang-edukasyon.

Pinagsama-sama ng dalawang araw na pagsasanay ang mga dedikadong g**o mula sa iba’t ibang paaralan sa lalawigan na inaasahang hahawak sa mga mag-aaral na may iba’t ibang learning needs at disabilities. Layunin ng programa na palalimin ang kanilang kaalaman sa inclusive education, paunlarin ang kanilang kakayahan sa pagtuturo, at bigyan sila ng mga epektibong estratehiya at intervention na angkop sa pangangailangan ng bawat mag-aaral.

Ipinapakita ng inisyatibong ito ang matatag na paninindigan ng Pamahalaang Panlalawigan ng Cagayan sa ilalim ng pamumuno ni Tatay Gob. Egay na tiyaking walang batang Cagayano ang maiiwan sa edukasyon, anuman ang kanilang kalagayan o kakayahan. Bahagi ito ng mas malawak na layunin ng EGAY Governance Platform na itaguyod ang pag-unlad ng kabataan at magbigay ng pantay na oportunidad para sa lahat.

Sa pamamagitan ng patuloy na pagsasanay at pagpapalakas sa kakayahan ng mga g**o, mas napagtitibay ang pundasyon ng isang edukasyong inklusibo, makatarungan, at nakasentro sa pangangailangan ng bawat mag-aaral sa buong lalawigan ng Cagayan.

29/05/2026

PANGAKO NI TATAY GOB. EGAY PARA SA MAS KUMPLETONG HOSPITAL FACILITY PARA SA MGA CAGAYANO, MATUTUPAD NA: DOH, INAPRUBAHAN ANG BAGONG ₱60-MILYONG HOSPITAL BUILDING NG NUESTRA SEÑORA DE PIAT DISTRICT HOSPITAL

Isang malaking tagumpay para sa serbisyong pangkalusugan sa Lalawigan ng Cagayan matapos aprubahan ng Department of Health – Cagayan Valley Center for Health Development ang Permit to Construct para sa bagong hospital building ng Nuestra Señora de Piat District Hospital sa Bayan ng Piat.

Batay sa inilabas na opisyal na dokumento noong Mayo 25, 2026, inaprubahan ng DOH ang relocation ng Emergency Room (ER), Out-Patient Department (OPD), at OR/DR Complex, kasama ang konstruksyon ng mga bagong wards na may karagdagang 40-bed capacity. Dahil dito, tataas mula 25 beds tungo sa 65 beds ang kabuuang kapasidad ng ospital upang mas maraming Cagayano ang mabigyan ng maayos at mabilis na serbisyong medikal.

Ang proyekto, na tinatayang nagkakahalaga ng humigit-kumulang ₱60 milyon, ay isa sa mga pangunahing proyekto ni Governor Edgar “Tatay Gob. Egay” Aglipay at katuparan ng kanyang pangakong palakasin ang serbisyong pangkalusugan para sa bawat Cagayano. Inaasahan itong higit pang magpapalakas sa healthcare system ng probinsya, partikular sa mga residente ng ikalawang distrito at karatig bayan na umaasa sa serbisyo ng Nuestra Señora de Piat District Hospital.

Ang pag-apruba ng proyekto ay malinaw na patunay ng patuloy na pagsisikap ng Provincial Government of Cagayan sa ilalim ng pamumuno ni Governor Edgar “Tatay Gob. Egay” Aglipay na palakasin ang imprastraktura sa kalusugan at tiyaking mas mailalapit sa mamamayan ang dekalidad na serbisyong medikal.

Sa ilalim ng One Cagayan at EGAY Governance Platform, patuloy na isinusulong ng pamahalaang panlalawigan ang mga programang nakatuon sa kapakanan ng bawat pamilya, lalo na sa usaping pangkalusugan, bilang pundasyon ng pangkalahatang pag-unlad ng lalawigan.

29/05/2026

TULOY ANG TULONG: 583 CORN FARMERS SA BAYAN NG TUAO, NAKATANGGAP NG EMERGENCY CASH TRANSFER

Patuloy na inihahatid ng pamahalaan ang tulong sa mga magsasakang naapektuhan ng matinding tagtuyot matapos isagawa noong Mayo 29, 2026 sa Tuao West Gym ang payout ng Emergency Cash Transfer (ECT) ng DSWD para sa 583 corn farmers mula sa Bayan ng Tuao.

Personal na dumalo si Governor Edgar “Tatay Egay” Aglipay upang tiyakin ang maayos na pamamahagi ng ayuda at maipadama sa mga magsasaka ang patuloy na suporta ng Pamahalaang Panlalawigan ng Cagayan sa gitna ng krisis sa agrikultura.

Kasama rin sa aktibidad sina Dr. Pearl Mabasa, One Cagayan Vision Team Cluster Head for Agricultural Support; 3rd District Board Member Japo de Asis; Mayor William Mamba at Ma’am Judith; mga miyembro ng Sangguniang Bayan; Municipal Administrator; lahat ng Barangay Captains ng Tuao; mga kinatawan mula sa Office of the Provincial Agriculturist (OPA), Provincial Office for People Empowerment (POPE), Task Force Local Coordination (TFLC), at mga DSWD Paymasters at Verifiers.

Muling binigyang-diin ni Tatay Gob. Egay ang kahalagahan ng mabilis at maayos na koordinasyon ng lokal at pambansang pamahalaan upang matiyak na agad na makarating ang tulong sa mga magsasakang higit na naapektuhan ng matinding init at kakulangan sa tubig.

Sa ilalim ng One Cagayan, patuloy na isinusulong ng pamahalaan ang mga programang naglalayong maprotektahan ang kabuhayan ng mga magsasaka at matiyak na walang pamilyang Cagayano ang maiiwan sa panahon ng pangangailangan.

29/05/2026

PANOORIN: ANO ANG PROGRAMANG “NO HOUSEHOLD LEFT BEHIND” NI TATAY GOB. EGAY? PAANO NITO MATUTULUNGAN ANG BAWAT PAMILYANG CAGAYANO?
Sa panahon ni Gob. Manby Mamba, umarangkada Ang “NO TOWN LEFT BEHIND” at “NO BARANGAY LEFT BEHIND”, mga programang ipinagpatuloy at pinalakas pa ni Tatay Egay sa kanyang kasalukuyang administrasyon. Ngayong taon, sa kaarawan ng Cagayan (Aggao Nac Cagayan), aarangkada ang magkukumpleto sa tatlong programa para sa Serbiyo Cagayano: ang “NO HOUSEHOLD LEFT BEHIND”. Pakinggan ang naging paliwanag ni Tatay Egay, kasama si One Cagayan Vision Team Chairperson at 3rd District Board Member ATTY ENGELBERT CARONAN, JR., sa programang pang pamilyang Cagayano.

One Cagayan

30/05/2026

30/05/2026

30/05/2026

30/05/2026

30/05/2026

30/05/2026

30/05/2026

29/05/2026

29/05/2026

29/05/2026

Address

Website

Alerts

Shortcuts

Share