09/03/2026
Yeahhh!
LIGTAS ANG LEGAL
Nilinaw ng Land Transportation Office (LTO) na hindi huhulihin ang mga motorista na gumagamit ng aftermarket mufflers na binili sa authorized dealers at sumusunod sa national standards.
Inanunsyo ito ng ahensya matapos ang pulong nina LTO Chief Markus V. Lacanilao kay Senator JV Ejercito upang tugunan ang pangamba ng mga motorista hinggil sa pagpapatupad ng patakaran laban sa modified mufflers.
Ayon sa LTO, ang target ng kanilang operasyon ay ang mga ilegal na muffler na karaniwang assembled lamang at hindi sumusunod sa pamantayan ng Department of Trade and Industry.
Ipinaliwanag ng ahensya na ang mga muffler na galing sa authorized dealers, may brand, at dumaan sa proseso ng DTI ay itinuturing na sumusunod sa national standards, kaya hindi na kailangang magdala pa ng sertipikasyon ang motorista upang patunayang legal ito.
Gayunman, babala ng LTO, patuloy nilang huhulihin ang mga sasakyang may non-compliant mufflers na walang catalytic converter at nagdudulot ng labis na ingay at polusyon sa hangin.
Layunin umano ng ahensya na mapanatili ang kaayusan sa kalsada, kaligtasan ng publiko, at pangangalaga sa kapaligiran.
