Doc Jun R. Paredes

21/06/2025

Maligayang Kaarawan, Cardinal Chito!

Sa iyong 68 na taon na buhay, ang sambayanang Imuseno ay lubos na nakikiisa sa iyong pagdiriwang ng biyaya, pananampalataya, at pag-ibig.

Nawa'y patuloy mong magampanan ang iyong misyon bilang isang tagapaghatid ng liwanag at pag-asa sa marami, at maging inspirasyon sa lahat ng nagnanais ng pagkakaisa at kapayapaan.

14/06/2025

Maligayang Araw ng Pambansang Watawat! 🇵🇭

Isinagawa ngayong araw ang sabayang pagtaas ng watawat sa Dambana ng Pambansang Watawat ng Pilipinas, kasabay ng mga seremonyang ginanap sa Luneta Park sa Maynila at sa Kawit, Cavite. Ito ay bilang bahagi ng paggunita sa ika-127 anibersaryo ng proklamasyon ng kalayaan at pagkabansa.

Muli nating itinaas ang ating bandila — sagisag ng tapang, dangal, at pagmamahal sa bayan. Nawa’y patuloy tayong magsilbing buhay na alaala ng mga bayani sa pamamagitan ng pagkakaisa, pagkilos, at tunay na malasakit para sa Pilipinas.

Mabuhay ang ating watawat. Mabuhay ang ating kalayaan. Mabuhay ang sambayanang Pilipino! 🇵🇭

14/06/2025

𝗠𝗮𝗸𝗮𝘀𝗮𝘆𝘀𝗮𝘆𝗮𝗻𝗴 𝗳𝗹𝗼𝗮𝘁 𝗻𝗴 𝗖𝗮𝘃𝗶𝘁𝗲, 𝘁𝗮𝗺𝗽𝗼𝗸 𝘀𝗮 𝗣𝗮𝗿𝗮𝗱𝗮 𝗻𝗴 𝗞𝗮𝗹𝗮𝘆𝗮𝗮𝗻 𝟮𝟬𝟮𝟱

𝗧𝗜𝗡𝗚𝗡𝗔𝗡: Nakiisa ang Pamahalaang Lungsod ng Imus sa pagdiriwang ng Araw ng Kalayaan 2025 sa Luneta Park, Manila nitong Huwebes, Hunyo 12, 2025.

Dito, lumahok sa Parada ng Kalayaan 2025 ang Lalawigan ng Cavite, kung saan itinampok ang mga makasaysayang tagpo sa Cavite gaya ng Labanan sa Alapan, ang unang pagwagayway ng Pambansang Watawat, at ang pagpapahayag ng Kalayaan ng Pilipinas—mga paalala sa mahalagang ambag ng Cavite sa kasaysayan ng bansa.

Ang makasaysayang pakikilahok na ito ay naisakatuparan sa pakikipagtulungan ng Pamahalaang Lungsod ng Imus sa Pamahalaang Panlalawigan ng Cavite, Lungsod ng Cavite, at Bayan ng Kawit.

Inirepresenta nina City Local Government Operations Officer Roxanne Vicedo, Liga ng mga Barangay President Reymundo Ramirez, Acting Tourism Officer Dr. Jun Paredes, at mga empleyado ng Office of the Tourism and Heritage Officer ang lokal na pamahalaan sa naturang pagdiriwang.

Ginugunita ang Araw ng Kalayaan tuwing Hunyo 12 bilang paalala sa kabayanihan ng mga Pilipinong ipinaglaban ang kasarinlan ng bansa.

31/05/2025

27/05/2025

Isang taus-pusong pagbati kay Luis Antonio Cardinal Tagle sa kanyang makasaysayang pagkakatalaga bilang Titular Cardinal Bishop ng Suburbicarian Diocese of Albano, sa basbas ni Kanyang Kabanalan, Santo Papa Leo XIV.

Isang dakilang biyaya hindi lamang para sa Simbahang Katolika kundi para rin sa buong sambayanang Pilipino. Nawa'y patuloy kayong pagpalain ng Panginoon sa inyong mahalagang tungkulin bilang pastol, gabay, at inspirasyon sa higit pang malalim na pagyakap sa pananampalataya.

13/05/2025

Congratulations Cong AJ Advincula and Team AJAA - Imus 💙💚

Tuloy ang pag-angat at pag-asa!

Buong puso po akong nagpapasalamat sa inyong lahat—sa bawat Imuseñong nagpakita ng tiwala, suporta, at pagmamahal sa buong Team AJAA.

Ang tagumpay po na ito ay hindi lamang para sa amin, kundi para sa ating lahat. Hinding hindi po namin sasayangin ang tiwala at suporta na ipinaramdam at ipinagkaloob ninyo.

Para sa isang mas maunlad, mas maliwanag, at mas ligtas na Imus. Para sa patuloy na pag-angat ng bawat Imuseño!

Pagpalain po tayong lahat ng Poong Maykapal!

13/05/2025

Congratulations Mayor Alex Advincula and Team AJAA - Imus 💚💙

TULOY ANG ALAGANG ADVINCULA! 💙💚

Taos-puso po kaming nagpapasalamat sa bawat Imuseñong nagtiwala at muling nagbigay sa amin ng pagkakataong makapaglingkod.

Buong puso naming ipagpapatuloy ang aming layunin: ang mas maunlad, maliwanag, at progresibong Imus.

Kasama ninyo, sama-sama nating tatahakin ang landas ng pagbabago at tagumpay—para sa bawat Imuseño, para sa Lungsod ng Imus!

01/05/2025

𝐏𝐎𝐍𝐓𝐈𝐅𝐈𝐂𝐀𝐋 𝐂𝐎𝐑𝐎𝐍𝐀𝐓𝐈𝐎𝐍 𝐔𝐏𝐃𝐀𝐓𝐄

Ang Maringal na Koronasyong Pontifikal ng Mahal na Birhen ng Fatima | Ang Pagpahayag ng Mensahe ng Lokal na Pamahalaan ng Imus at Kawit

Kasalukuyan nang Ipinapahayag ng Alkalde ng Imus, Alex Advincula at ang Alkalde ng Kawit, Angelo Aguinaldo bilang Pasasalamat sa at Pagpupugay sa Mabunying Ina at Reyna ng Binakayan, Birhen ng Fatima

📷: Robert Daniel Bautista & Dvine Arth Pallera | Fatima Shrine Media

27/04/2025

𝗧𝗜𝗡𝗚𝗡𝗔𝗡: Muling naka-half-mast ang mga bandila ng Pilipinas sa New Imus City Government Center, Dambana ng Pambansang Watawat, at Imus City Plaza matapos ideklara ng Malacañang ang Period of National Mourning bunsod ng pagpanaw ni Pope Francis.

Tumatak sa puso ng nakararami, Katoliko man o hindi, ang makasaysayan, makahulugan, at mahabaging paglilingkod ni Pope Francis bilang unang Heswita, unang Amerikanong Latino, at ika-266 na Santo Papa ng Simbahang Katolikong Romano.

Si Pope Francis ang naging tanglaw ng mahigit 1.3 bilyong Katoliko sa loob ng 12 taon mula Marso 13, 2013. Simbolo rin ang Santo Papa ng kapakumbabaan, kapayapaan, katarungan, pagkalinga sa mga mahihirap, pagkakapantay-pantay, at pagkakaisa.

Nagbigay rin siya ng pag-asa sa mga biktima ng Bagyong Yolanda sa pagbisita sa bansa noong Enero 2015. Hindi niya kailanman tinalikuran ang mga nangangailangan, at tumindig para sa mga inaapi.

Namayapa si Santo Papa Francisco nitong Abril 21, 2025, sa edad na 88 taon.

Mananatiling naka-half-mast ang mga bandila ng Pilipinas hanggang sa kanyang libing sa darating na Sabado, Abril 26.

Ang iyong pagpanaw ay malaking kawalan sa mundong ibabaw. Ngunit, habangbuhay kang mananatili sa puso ng milyong-milyong Pilipino.

Paalam, ‘Lolo Kiko.’ Maraming salamat.

22/04/2025

𝗧𝗜𝗡𝗚𝗡𝗔𝗡: Pakikiisa ng Pamahalaang Lungsod ng Imus sa Day of National Mourning, batay sa Proclamation No. 870, s. 2025, sa pagpanaw ng batikang aktres at National Artist na si Nora Cabaltera Villamayor, o mas kilala bilang “Nora Aunor,” ngayong Martes, Abril 22, 2025.
Bilang tanda ng pagbibigay-pugay at pakikiramay, naka-half-mast ang mga bandila ng Pilipinas sa Imus City Government Center, Dambana ng Pambansang Watawat/Heritage Park, at Gen. Licerio C. Topacio Park (Imus City Plaza).

Hindi kailanman mapapantayan ang kanyang natatanging kontribusyon sa telebisyon at pelikulang Pilipino. Ang kanyang iniwang pamana ay mananatili sa mga puso ng maraming Pilipino habambuhay.

Maraming salamat, Superstar Nora Aunor.

22/04/2025

Yesterday, the world mourns the loss of Pope Francis, a beacon of hope and compassion for millions around the world. His unwavering commitment to peace, love, and unity will forever inspire us. 🕊️

Let us honor his legacy by continuing to spread kindness and understanding. 🙏🏻

Today, we mourn the loss of Pope Francis, a beacon of hope and compassion for millions around the world. His unwavering commitment to peace, love, and unity will forever inspire us. 🕊️

Let us honor his legacy by continuing to spread kindness and understanding. 🙏🏻