22/09/2025
Ako si Elena, 32, sampung taon nang kasal. May asawa ako pero wala kaming anak. Akala ko masaya na ako.. hanggang sa dumating si Marco, 34—may kinakasama na siya.
Nagsimula lang sa simpleng kwentuhan sa opisina, sa mga tawanan, sa mga lunch break na magkasama. Hanggang sa hindi ko namalayan… hinahanap-hanap ko na siya. Hindi na lang siya basta kaibigan—siya na yung kulang na akala ko matagal nang buo.
Dumating ang Company Outing namin. Pinili kong makasama si Marco. Nagpaalam ako sa asawa ko na overnight yun kahit na hindi naman. Ganun din ang ginawa niya.
Hindi ko itatanggi na may nangyari sa aming dalawa. At hindi lang isang beses. Nasundan pa ng marami.
Siguro magaling lang akong magtago at hindi nalalaman ng asawa ko. Tuloy pa din ang pag-asikaso ko sa kanya. Ibinibigay ang pangangailangan nya sa araw-araw at sa k**a. Pero minsan hindi ko maiwasang magkumpara. Mas hinahanap na ng aking katawan si Marco.
Oo, ito ay isang pag-ibig na bawal. Isang lihim na araw-araw kong tinatago, pero gabi-gabi kong dinadala sa konsensya.
Alam kong mali. Alam kong may masasaktan. Pero paano kung sa piling niya ko lang ulit naramdaman na ako’y mahalaga? Na may nakikinig, na may nagmamalasakit? Sa kanya ko naramdaman yung matagal ko nang hinahanap sa asawa kong unti-unti nang nagbago.
Alam ko ko kung ano ang tama kong gawin, pero hindi ko na yata kakayaning iwan si Marco. Ayoko din namang mawala sa akin ang asawa ko.
