Looc: A Premier Tourist Destination in Romblon

16/04/2026

08/04/2026

“Fuel Your Local: Gawang Atin, Para sa Atin—Let’s Go Lokal!” Isinusulong ng Lokal na Pamahalaan ng Looc sa Gitna ng Mataas na Presyo ng Gasolina

Sa bawat pagtaas ng presyo ng gasolina, mas bumibigat ang pasan ng karaniwang mamamayan—ang pamasahe, ang bilihin, at ang araw-araw na gastusin. Sa gitna ng umiiral na national energy emergency, ramdam ng bawat pamilya ang paghigpit ng sinturon.

Ngunit sa bayan ng Looc, isang simple ngunit makapangyarihang sagot ang isinusulong: ang pagtangkilik sa sariling atin.

Kanina sa regular na session ng Sangguniang Bayan ay aprobado ng boung konseho ang Resolution No. 115-2026, “A RESOLUTION TO STRENGTHEN AND PROMOTE THE BUY LOCAL INITIATIVE TO SUPPORT LOCAL BUSINESSES AND PRODUCERS IN RESPONSE TO THE RISING COST OF PETROLEUM AND OTHER PRODUCTS IN THE MUNICIPALITY OF LOOC, ROMBLON.”

Sa pamamagitan ng kampanyang “Fuel Your Local: Gawang Atin, Para sa Atin—Let’s Go Lokal!”, hinihikayat ng Lokal na Pamahalaan ng Looc ang bawat residente na yakapin ang lakas ng komunidad. Hindi ito basta slogan—ito ay paalala na sa gitna ng krisis, ang pinakamalapit na makakatulong sa atin ay ang isa’t isa.
Kapag pinili natin ang gulay na itinanim ng ating mga magsasaka, ang isdang huli ng ating mga mangingisda, mga serbisyong mula sa Looc o ang produktong gawa ng ating mga kasimanwa—hindi lang tayo bumibili. Nag-aambag tayo sa kabuhayan nila. Nagiging bahagi tayo ng pag-ahon ng buong bayan.

Sa halip na umasa sa mga produktong galing pa sa malalayong lugar na mas mahal dahil sa gastusin sa transportasyon at gasolina, hinihikayat ang lahat na muling balikan at pahalagahan ang lokal. Sapagkat sa bawat pisong umiikot sa loob ng komunidad, mas maraming pamilyang natutulungan.

Ayon kay Mayor Lisette Medina Arboleda, “Hindi kailangang malaki agad ang hakbang. Kahit sa simpleng pagbili ng lokal na produkto, malaking bagay na iyon, Kung sama-sama tayo, kakayanin natin."

Higit sa lahat, ang kampanyang ito ay hindi lamang tugon sa krisis—ito ay paanyaya sa pagkakaisa. Isang paalala na ang tunay na lakas ng Looc ay nasa puso ng bawat mamamayan nito.

Sa panahong tila mabigat ang lahat, may magagawa tayo. Sa pagpili ng gawang atin, pinipili nating iangat ang isa’t isa.
Sa huli, ang mensahe ay simple ngunit makapangyarihan: sa pagsuporta sa lokal, tinutulungan natin ang isa’t isa.




!

04/03/2026

02/03/2026

02/03/2026

GERMAN AMBASSADOR, NAMANGHA SA GANDA NG LOOC FISH SANCTUARY; PINURI ANG MGA LOKAL NA KAKANIN NG LOOC

LOOC, ROMBLON — Isang makasaysayang pagbisita ang nagbigay ningning sa Bayan ng Looc nang personal na magtungo ang German Ambassador na si Dr. Andreas Michael Pfaffernoschke noong Biyernes, Pebrero 27, 2025, kasama ang kanyang asawa at mga kaibigan. Kanyang ipinahayag ang paghanga sa likas na ganda ng Looc, lalo na sa ipinagmamalaki nating Looc Fish Sanctuary, labis ang kanyang paghanga sa malinaw na tubig at masaganang yamang-dagat na patunay ng matagumpay na pangangalaga ng lokal na pamahalaan at komunidad. Bukod sa fish feeding ay nag-enjoy din ang grupo sa snorkeling sa ating sanctuary.

Bukod sa likas na yaman ng bayan, pinuri rin ng German Ambassador ang mga lokal na kakanin ng Looc. Kanyang natikman ang masarap na suman at ang Binaki o Corn Suman na mas kilala sa Looc bilang “Nilidgid,” na tunay na sumasalamin sa mayamang kultura at tradisyon ng bayan.

Mainit ang naging pagtanggap ng bayan sa pangunguna ni Mayor Lisette Medina Arboleda, na personal na bumati at nagpasalamat sa pagbisita ng mataas na opisyal. Sinamahan din ang delegasyon ni Councilor Jimwel Ecleo Soriano, kasama ang Municipal Tourism Office sa pamumuno ni Mr. Rio Gaño at mga miyembro ng Coast Guard na tumiyak sa maayos at ligtas na pag-iikot sa lugar.

Nasa Looc ang Ambassador upang dumalo sa kaarawan ng kanyang matalik na kaibigan na si Dr. Gunter Matschuk, asawa ng kasimanwa nating si Mam Joanne Matschuk, may-ari ng kilalang M Villa’s Farm and Resort na matatagpuan sa Barangay Camandag, Looc, Romblon. Ang pagdiriwang ay nagsilbing pagkakataon hindi lamang para sa selebrasyon kundi para rin sa pagpapakita ng kagandahan at mabuting pakikitungo ng Looc sa mga panauhin mula sa iba’t ibang panig ng mundo.

Sa kabuuan, ang pagbisitang ito ay nagpatunay na ang Looc ay hindi lamang tahimik na bayan sa Romblon, kundi isang destinasyong may pambihirang likas na yaman, mayamang kultura, at pusong ha