Majayjay Tourism, History, Culture, and Arts Office

Majayjay Tourism, History, Culture, and Arts Office Government Office
(2)

Majayjay as the premier center for organic agri-eco-cultural-tourism destination in Laguna with God-loving and empowered citizenry who live in a safe and ecologically balanced environment with a progressive, investor-friendly and globally competitive

29/05/2026

ππ€π“πˆπŽππ€π‹ 𝐅𝐋𝐀𝐆 πƒπ€π˜π’ πŸπŸŽπŸπŸ”

Bilang pakikiisa sa selebrasyon ng National Flag Days, maagang nagdisplay ng watawat ng Pilipinas ang Pamahalaang Bayan ng Majayjay sa ating Pamahalaang Bayan at Plaza bilang simbolo ng pagmamahal sa bayan, pagkakaisa, at paggalang sa ating kasaysayan at kalayaan.

Inaanyayahan din namin ang lahat ng mamamayan, mga establisyemento, paaralan, at pribadong sektor na makiisa sa pagdiriwang sa pamamagitan ng tamang pagdisplay ng ating pambansang watawat mula Mayo 28 hanggang Hunyo 12, kasabay ng paggunita sa Araw ng Kalayaan.

Sa simpleng pagtaas at pagwawagayway ng watawat, ipinapakita natin ang ating pagiging proud na Pilipino at pagpapahalaga sa mga sakripisyo ng ating mga bayani para sa kalayaan ng ating bansa.

Sama-sama nating ipagdiwang ang diwa ng pagka-Pilipino. Mabuhay ang watawat ng Pilipinas! Mabuhay ang sambayanang Pilipino! πŸ‡΅πŸ‡­

Mayor Romeo Amorado
Vice Mayor Ariel Arcenal ArgaΓ±osa
Hon. Red Eriga
MAJAYJAY PUBLIC INFORMATION OFFICE




Maligayang Kaarawan po, Ginoong John Cyril Arcenal ArgaΓ±osa --- Majayjay Tourism Focal Person! πŸŽ‰πŸ₯³Nawa’y patuloy kang pag...
28/05/2026

Maligayang Kaarawan po, Ginoong John Cyril Arcenal ArgaΓ±osa --- Majayjay Tourism Focal Person! πŸŽ‰πŸ₯³

Nawa’y patuloy kang pagpalain ng mabuting kalusugan, tagumpay, at kasiyahan sa buhay. Maraming salamat sa inyong dedikasyon at mahusay na paglilingkod bilang Tourism Focal Person.

Tunay kang inspirasyon sa pagsusulong ng turismo at pag-unlad ng komunidad.

Hangad namin ang mas marami pang biyaya, masasayang alaala, at matagumpay na taon para sayo

Enjoy your special day! ✨

ππ€π“πˆπŽππ€π‹ 𝐅𝐋𝐀𝐆 πƒπ€π˜π’ πŸπŸŽπŸπŸ” πŸ‡΅πŸ‡­Bilang pakikiisa sa pagdiriwang ng National Flag Days ngayong Mayo 28 hanggang Hunyo 12, hini...
28/05/2026

ππ€π“πˆπŽππ€π‹ 𝐅𝐋𝐀𝐆 πƒπ€π˜π’ πŸπŸŽπŸπŸ” πŸ‡΅πŸ‡­

Bilang pakikiisa sa pagdiriwang ng National Flag Days ngayong Mayo 28 hanggang Hunyo 12, hinihikayat ang lahat ng mamamayan, mga tanggapan, paaralan, establisyemento, at pribadong sektor na magtaas at magdisplay ng watawat ng Pilipinas bilang simbolo ng ating pagmamahal, paggalang, at pagkakaisa para sa bayan.

Ang pagdiriwang ng National Flag Days ay alinsunod sa Executive Order No. 179, s. 1994 at Republic Act No. 8491 o ang β€œFlag and Heraldic Code of the Philippines,” na nagtatakda ng tamang paggamit at pagpapahalaga sa pambansang watawat.

Nawa’y magsilbing paalala ang ating watawat sa kabayanihan, kalayaan, at pagkakakilanlan ng sambayanang Pilipino. Sa simpleng pagdisplay ng ating bandila, ipinapakita natin ang ating pagmamalaki bilang Pilipino at paggunita sa mga sakripisyo ng ating mga bayani para sa kalayaan ng bansa.

Mayor Romeo Amorado
Vice Mayor Ariel Arcenal ArgaΓ±osa
Hon. Red Eriga
MAJAYJAY PUBLIC INFORMATION OFFICE




πŠππŽπ–π‹π„πƒπ†π„ 𝐂𝐇𝐀𝐍𝐍𝐄𝐋 π†πŽπ„π’ π“πŽ πŒπ€π‰π€π˜π‰π€π˜Mainit na tinanggap ng Pamahalaang Lokal ng Majayjay ang Knowledge Channel Team sa ka...
27/05/2026

πŠππŽπ–π‹π„πƒπ†π„ 𝐂𝐇𝐀𝐍𝐍𝐄𝐋 π†πŽπ„π’ π“πŽ πŒπ€π‰π€π˜π‰π€π˜

Mainit na tinanggap ng Pamahalaang Lokal ng Majayjay ang Knowledge Channel Team sa kanilang pagbisita para sa tour at shooting ng kanilang upcoming episode na β€œWOW Laguna,” kung saan tampok ang iba’t ibang magagandang lugar sa lalawigan ng Laguna. Isa nga ang Majayjay sa mga napiling destinasyon dahil sa taglay nitong ganda at makasaysayang mga lugar.

Kabilang sa kanilang binisita ang APA Wildlife Rescue and Conservation Park, ang Minor Basilica and Parish of St. Gregory the Great, at ang view na matatanaw ang ganda ng Mount Banahaw. Sumaglit din sila sa Puente del Capricho bilang bahagi ng kanilang pag-iikot sa bayan.

Inassist naman sila ng mga staff ng Tourism Office na sina John Cyril ArgaΓ±osa at Lisveth Codera upang mas maging maayos at matagumpay ang kanilang pagbisita sa Majayjay.

Mayor Romeo Amorado
Vice Mayor Ariel Arcenal ArgaΓ±osa
Hon. Red Eriga
MAJAYJAY PUBLIC INFORMATION OFFICE
Laguna Provincial Tourism Office




26/05/2026

πŠππŽπ–π‹π„πƒπ†π„ 𝐂𝐇𝐀𝐍𝐍𝐄𝐋 π“πŽπ”π‘ 𝐈𝐍 πŒπ€π‰π€π˜π‰π€π˜

Isang mainit na pagtanggap sa Knowledge Channel sa kanilang pagbisita sa bayan ng Majayjay para sa episode na WOW Laguna! 🌿✨

Sa paglalakbay na ito, muling mabibigyang-pansin ang likas na kagandahan, mayamang kultura ng mga Majayjay na tunay na ipinagmamalaki ng Laguna. Mula sa makasaysayang pamana hanggang sa mga kahanga-hangang tanawin ng kalikasan, sama-sama nating ipakita kung bakit espesyal ang ating bayan. πŸ’š

Abangan ang mas makulay at mas masayang pagtuklas sa ganda ng Laguna dito lamang sa WOW Laguna!

Mayor Romeo Amorado
Vice Mayor Ariel Arcenal ArgaΓ±osa
Red Eriga
MAJAYJAY PUBLIC INFORMATION OFFICE




26/05/2026

TINGNAN || "Mga kuhang sandali sa pag bisita ng Centennial Image ng Mahal na Birhen ng Fatima Nuestra SeΓ±ora Del Pilar de Suba"

Mayo 21,2026, maituturing na itong isa sa makasaysayang araw para sa mga parokyano ng Nuestra SeΓ±ora Del Pilar de Suba sapagkat sa araw na ito nasaksihan ng lahat ang pagdating ng isa sa anim na Centennial Image ng Mahal na Birhen ng Fatima sa Parokya ng Mahal na Birheng Del Pilar sa Barangay Suba Majayjay, Laguna.

Tunay ngang pag ibig, pagpapala at kasiyahan ang dala ng Mahal na Birheng Maria sapagkat sa sandalling ito ay nadama ng bawat isa ang pagkakaisa, pagmamahalan at pagkakasundo sa iisang layunin ang salubungin ang mahal na birhen ng buong puso. Nawa katulad ng mainit na pagtanggap ng Parokya sa Imahen ng Mahal na birhen ng Fatima ay tanggapin din natin ang mahal na birhen at ang Panginoon sa ating puso at isipan.
===========
Herald's Pillar
Media Ministry of Nuestra SeΓ±ora Del Pilar de Suba Parish Brgy.Suba Majayjay, Laguna

26/05/2026

Step into a blooming paradise at Aida Aurora Nature Farm.

A place truly worth visiting, this charming destination offers a picturesque escape where you can get closer to nature and experience the beauty of vibrant, colorful flowers all around.

Surrounded by the farm’s lush landscapes and serene atmosphere, it’s not just a perfect spot for picture-takingβ€”it’s also an ideal place to relax, unwind, and reconnect with nature. Whether you’re planning a quiet getaway or a meaningful celebration, Aida Aurora Nature Farm offers accommodations and an events place suited for special gatherings and memorable occasions.

From peaceful moments to beautiful memories, this nature haven in Majayjay is definitely a must-visit. Kata na and experience its charm for yourself!

KATA NA SA AIDA AURORA NATURE'S FARM!
KATA NA SA MAJAYJAY!




𝐋𝐀𝐒𝐀𝐍𝐆 ππ€πŒπ€ππ€ 𝐍𝐆 𝐋𝐀𝐆𝐔𝐍𝐀Ang Majayjay Tourism, History, Culture and Arts Office ay kasalukuyang naghahanap ng mga indibidw...
25/05/2026

𝐋𝐀𝐒𝐀𝐍𝐆 ππ€πŒπ€ππ€ 𝐍𝐆 𝐋𝐀𝐆𝐔𝐍𝐀

Ang Majayjay Tourism, History, Culture and Arts Office ay kasalukuyang naghahanap ng mga indibidwal o pamilyang mayroong pamanang recipe, tradisyunal na pagkain, o lokal na putahe ng Majayjay na maaaring maitampok sa pinakabagong tourism project ni Governor Sol Aragones.

Layunin ng proyektong ito na maipakilala at maipagmalaki ang mayamang kultura at pagkakakilanlan ng ating bayan sa pamamagitan ng mga pagkaing minana pa sa ating mga ninuno at mga putaheng tunay na sumasalamin sa lasa at kwento ng Majayjay.

Kung kayo ay may espesyal na recipe, tradisyunal na delicacy, o lokal na pagkain na nais ibahagi at maging bahagi ng proyektong ito, hinihikayat namin kayong makipag-ugnayan sa aming tanggapan. Sama-sama nating buhayin, pangalagaan, at ipagmalaki ang ating pamana sa pagkain para sa susunod na henerasyon.

πŸ“© Para sa mga interesado, maaaring mag-message sa Majayjay Tourism, History, Culture and Arts Office or tumawag sa numerong 0917-548-0086.

Mayor Romeo Amorado
Vice Mayor Ariel Arcenal ArgaΓ±osa
Hon. Red Eriga
MAJAYJAY PUBLIC INFORMATION OFFICE




PAGMASDAN ||Pag bisita ng Centennial Image ng Mahal na Birhen ng Fatima sa Nuestra SeΓ±ora Del Pilar de Suba dinagsa ng m...
24/05/2026

PAGMASDAN ||

Pag bisita ng Centennial Image ng Mahal na Birhen ng Fatima sa Nuestra SeΓ±ora Del Pilar de Suba dinagsa ng mga parokyano at deboto

Maituturing na ngang isang makasaysayang pangyayari para sa buhay ng mga parokyano ng Nuestra SeΓ±ora Del Pilar de Suba ang naganap sa parokya nitong nakaraang Mayo 21,2026 sapagkat sa unang pagkakataon ay natunghayan ng komunidad ng NSDPP ang pag bisita ng isa sa anim na Imahe ng mahal na birhen ng Fatima. Sinundo ito sa bahay ng pamilya na kanyang tinuluyan bandang 1:30 ng hapon, na agad namang sinundan ng prusisyon sa ganap na ika-3 ng hapon sa Kapilya ni Santa Clara sa Talortor.

Habang dumadaan ang imahe ng Mahal na Birhen ay damang dama ang pag mamahal ng mga deboto sa sa mahal na ina, bawat tao ay nagwawagayway ng mga panyo at bandilang puti na simbolo ng kanilang masayang pagbati sa pagbisita ng mahal na Birhen ng Fatima.

Bagamat nadarama ang mainit na panahon ito ay hindi naging hadlang upang maipadama ng mga tao ang kanilang debosyon. Habang nag isinasagawa ang prusisyon ay kapansin pansin ang bigat ng mga panalangin ng mga deboto. Sinundan ito ng Enthronement at ng Banal na Misa.

Ang pangyayari na ito ay sumisimbolo sa Parokya ng Nuestra SeΓ±ora Del Pilar de Suba bilang isang parokyang may malalim na debosyon at pagmamahal sa Mahal na Birheng Maria.

𝐀𝐍𝐆 𝐁𝐔𝐖𝐀𝐍 𝐍𝐆 πŒπ€π˜πŽ π€π˜ ππ€π“πˆπŽππ€π‹ π‡π„π‘πˆπ“π€π†π„ πŒπŽππ“π‡Nakikiisa ang Pamahalaang Bayan ng Majayjay, sa pangunguna ng Majayjay Touri...
22/05/2026

𝐀𝐍𝐆 𝐁𝐔𝐖𝐀𝐍 𝐍𝐆 πŒπ€π˜πŽ π€π˜ ππ€π“πˆπŽππ€π‹ π‡π„π‘πˆπ“π€π†π„ πŒπŽππ“π‡

Nakikiisa ang Pamahalaang Bayan ng Majayjay, sa pangunguna ng Majayjay Tourism, History, Culture and Arts Office, sa pagdiriwang ng National Heritage Month ngayong buwan ng Mayo na may temang β€œRoots and Horizons: Our Shared Heritage, Our Collective Future.”

Ang pagdiriwang na ito ay alinsunod sa π™‹π™§π™€π™˜π™‘π™–π™’π™–π™©π™žπ™€π™£ 𝙉𝙀. 439, 𝙨. 2003 na nagtatakda sa buwan ng Mayo bilang National Heritage Month upang kilalanin, mapangalagaan, at mapahalagahan ang mayamang kasaysayan, kultura, tradisyon, at pamana ng sambayanang Pilipino.

Bilang isang bayang mayaman sa kasaysayan at kultura, patuloy na ipinagmamalaki ng Majayjay ang ating mga makasaysayang pook, lumang estruktura, tradisyon, sining, pananampalataya, at mga kuwentong bumubuo sa ating pagkakakilanlan bilang isang komunidad. Nawa’y magsilbing paalala ang pagdiriwang na ito sa kahalagahan ng pagprotekta at pagpapanatili ng ating pamana para sa susunod na henerasyon.

Sama-sama nating ipagmalaki at pangalagaan ang pamana ng Majayjay at ng sambayanang Pilipino.

Mayor Romeo Amorado
Vice Mayor Ariel Arcenal ArgaΓ±osa
Hon. Red Eriga
MAJAYJAY PUBLIC INFORMATION OFFICE




πŒπ€π‰π€π˜π‰π€π˜ π“πŽπ”π‘πˆπ’πŒ πŽπ…π…πˆπ‚π„ πˆππ“π„π‘ππ’π‡πˆπCongratulations and thank you to our intern, Frank Philip Dela Cruz of Laguna State P...
21/05/2026

πŒπ€π‰π€π˜π‰π€π˜ π“πŽπ”π‘πˆπ’πŒ πŽπ…π…πˆπ‚π„ πˆππ“π„π‘ππ’π‡πˆπ

Congratulations and thank you to our intern, Frank Philip Dela Cruz of Laguna State Polytechnic University – Sta. Cruz Campus!

Your time, effort, and dedication during your internship with our office were greatly valued. Your willingness to learn, help, and participate in different tasks and activities has truly been appreciated. It was a pleasure having you as part of the team and we are grateful for the positive energy and support you shared throughout your stay.

As you continue your journey, may you achieve your goals and gain more success and experiences along the way. We hope that the knowledge and memories you gained here will help you in your future career.

Thank you once again, Frank, and best of luck on your next chapter!




Address

Plaza Rizal Street
Majayjay
4005

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm

Telephone

+639175480086

Website

Alerts

Be the first to know and let us send you an email when Majayjay Tourism, History, Culture, and Arts Office posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Majayjay Tourism, History, Culture, and Arts Office:

Shortcuts

Share

Category