09/07/2026
๐๐๐๐๐๐, ๐๐๐๐๐๐๐๐ ๐๐๐๐! ๐๐๐๐๐๐๐๐ ๐๐๐๐ ๐๐๐๐, ๐๐๐๐๐๐๐๐-๐๐๐๐๐ ๐๐ ๐๐๐๐๐๐๐๐๐๐ ๐๐๐๐๐๐๐๐๐๐๐๐ ๐๐ ๐๐๐๐๐๐๐๐๐
Isang makulay na pagdiriwang ng pagkamalikhain, pagkakaisa, at pagmamahal sa kalikasan ang nasaksihan noong Hulyo 7, 2026 sa YASP Covered Court, Morong Discovery Park, sa matagumpay na pagsasagawa ng kauna-unahang Trashion Show 2026: Upcycled Fashion Challenge bilang bahagi ng pagdiriwang ng Philippine Environment Month.
Pinangunahan ang programa ng Morong Tourism Department sa pamumuno ni Mr. Juan Kristopier D. Angeles, Designated Tourism Officer, katuwang ang Pamahalaang Bayan ng Morong sa pangunguna nina Hon. Mayor Leila G. Linao-Muรฑoz, Hon. Vice Mayor Chermaine L. Garcia-Sibug, at ng mga miyembro ng Sangguniang Bayan, na patuloy na sumusuporta sa mga programang nagtataguyod ng pangangalaga sa kalikasan, turismo, at malikhaing paglahok ng komunidad.
Taos-puso ring nagpapasalamat ang Morong Tourism Department sa Bases Conversion and Development Authority (BCDA) sa kanilang mahalagang pakikipagtulungan, sa pangunguna ni Engr. Mark Torres, BCDA OIC SVP for Conversion and Development, at ni Ms. Khryzlhyn Fortunato, Tourism and Events Head ng Morong Discovery Park, sa naging malaking ambag upang maging matagumpay ang nasabing programa.
Lubos din ang aming pasasalamat sa mga barangay na nakiisa at nagpadala ng kani-kanilang mga kinatawan sa patimpalak. Ang inyong aktibong pakikilahok ang naging susi upang maging makulay at makahulugan ang kauna-unahang Trashion Show ng ating bayan.
Higit sa lahat, taos-puso naming kinikilala at pinasasalamatan ang ating mga lokal na manlilikha at designers na buong husay at dedikasyong lumikha ng mga kahanga-hangang obra na inirampa ng ating mga modelo. Sa pamamagitan ng kanilang talento at malikhaing pag-iisip, ang mga materyales na itinuturing na patapon at wala nang pakinabang ay nabigyan ng panibagong buhay at naging mga natatanging likhang sining na nagsilbing inspirasyon sa pangangalaga ng ating kalikasan. Ipinakita nila na ang pagkamalikhain ay maaaring maging makapangyarihang kasangkapan upang maisulong ang responsableng paggamit ng mga materyales at ang pangangalaga sa ating kapaligiran.
Ang Trashion Show ay hindi lamang isang paligsahan sa moda, kundi isang makabuluhang paalala na ang tunay na kagandahan ay makikita sa ating malasakit sa kalikasan at sa sama-samang pagkilos ng komunidad. Patunay ang matagumpay na programang ito na sa pamamagitan ng pagtutulungan ng pamahalaan, mga katuwang na ahensya, mga barangay, mga lokal na manlilikha, at ng buong sambayanan, mas nagiging makabuluhan ang ating mga hakbang tungo sa isang mas malinis, mas luntian, at mas maunlad na Morong.
Mula sa mga bagay na itinuturing na basura ay isinilang ang mga obrang nagbibigay-inspirasyon. Sa ating pagtutulungan at pagkamalikhain, sama-sama nating ipinapakita na ang bawat hakbang para sa kalikasan ay hakbang tungo sa mas magandang kinabukasan.
