Sanchez Mira Tourism

12/02/2025

Pelikula ni Sanchez Miranian filmmaker Rommel Galapia Ruiz. Marso Singko 🎬📽

02/02/2025

Valentine offerings from Baggak Hotel and Restaurant 👩‍❤️‍💋‍👨👨‍❤️‍💋‍👨👩‍❤️‍💋‍👩

01/02/2025

ATM: Day 1 of Scriptwriting workshop with Direk Carla Pulido Ocampo ✍️🎬🎥

23/01/2025

KALIBONG SWIP SA CALLUNGAN, TOURIST-READY NA! Naging matagumpay ang isinagawang camping na pribadong aktibidad sa Barangay Callungan - Kalibong SWIP, dito sa Sanchez Mira, Cagayan ngayong January 22-23, 2025.

Bunsod sa rekomendasyon ng Sanchez Mira Tourism Office at koordinasyon ng Department of Tourism - Regional Office 02 Staff, ay isang informal activity ang naganap. Ang nais lamang ng mga campers ay isang outside venue para sa kanilang company planning, para maiba naman ang set up ng opisina. Sa ganda ng lugar na bumungad sa kanila ay tiyak na nagkaroon ng maaliwalas na kaisipan at payapang kapaligiran para sa kanilang gawain.

Kaugnay nito ay nakisuyo rin ang aming opisina sa Municipal Disaster Risk Reduction and Management Office (MDRRMO) na makapagpadala ng isa sa kanilang staff member bilang Trek Guide para sa hiking at pagbisita sa Kalibong Falls. Ngunit, para na rin sa seguridad at kaligtasan ng ating mga bisita ay mapagbabang-kalooban na hindi muna pinahintulan ito, lalo't ubod ng dulas at mapanganib ang trail dahil sa tuloy-tuloy na pag-ulan at sunod-sunod na mga bagyo noong nakaraang mga buwan.

Ayon na rin kay G. Jovi Biado, pinuno ng MDRRMO, ngayong Pebrero ay magkakaroon ng assessment / site check muli sa nasabing lugar upang matiyak kung ligtas na muling mapuntahan ang falls.

Sa kabila nito, sinabi ng ating mga bisita na magbabalik sila upang makita ang natatagong ganda ng kalikasan sa bayan ng Sanchez Mira.

Ang paghahanda sa campsite ay pinangunahan ni Punong Barangay Winiefred S. Guira at Barangay Officials, SK Chairperson Melvin Bagalayos at SK Officials, Brgy. Tanods at Brgy. Health Workers. Hindi naging hadlang ang pabugso-bugsong ulan sa pagsigurong maayos at malinis ang dadatnan ng ating mga bisita.

Pagpupugay sa inyo, Barangay Callungan! Kayo ay isa sa mga patunay na kapag buong pwersa ng barangay ang nakipagtulungan sa Sanchez Mira Tourism Office, walang imposible sa pagpapalakas ng turismo sa ating bayan 💖

📸 SK M. Bagalayos, K. Domingo
🖋 K. Domingo

---

Kung nais rin ninyong mag-camping sa Kalibong SWIP, siguraduhing makipag-ugnayan sa ating Tourism Coordinator na si Kyla Domingo sa numerong 0966 339 857, o kaya kay Kagawad Brenda Unarce Honorio sa numerong 0935 352 6294.

17/01/2025

Medyo slightly mapanakit si Baggak Hotel and Restaurant for today's bidyow po, opo 😭😅😋🍜

Nilalamig ba? 🥶 O nanlamig na? 🥹

Whatever you feel, a steaming bowl of LOMI always drives the good vibes. Lalo na, kung Lomi ng Baggak Hotel and Restaurant!

Sobrang lamig na naman dito sa norte ngayon! Kaya come back na sa Baggak, miss mo na 'to 💙💛

17/01/2025

PASASALAMAT para sa immersion students ng Namuac Academy na nagtapos ngayong araw sa kanilang Work Immersion sa ilalim ng patnubay ng Tourism and Information Office.

Matapos ang kabuuang 20 araw na nagsimula noong nakaraang December 9, 2024 at natapos ngayong January 17, 2025 -- nawa'y maging inspirasyon ang opisina sa kung paano ninyo minamahal at mamahalin ang Sanchez Mira, at mai-apply sa mga susunod na inyong tatahakin ang lahat ng ipinamulat sa inyo. Ang inyong dedikasyong matuto ay malaking bagay para sa pagpapalawig ng inyong kaalaman bilang mga estudyante. Ang opisina ay naging pangalawang eskwelahan upang maranasan ninyo ang iba't-ibang gawain sa turismo at komunikasyon.

Sa ngalan ng Tourism and Information Office at LGU Sanchez Mira, lubos kaming nagpapasalamat sa pamunuan ng Namuac Academy sa pagtitiwalang inyong ibinibigay. Nawa po ay nakatulong kami sa simpleng pamamaraan.

Mabuhay at pagbati sa inyo, Ashley Mejia at John Yadao!

🖋 K. Domingo

15/01/2025

Nagsagawa ng Mini-Field Trip ang Tourism Office para sa mga immersion students na naka-assign sa opisina. Ang mga estudyanteng mula sa Namuac Academy ay sina Ashley Mejia at John Yadao; at mula naman sa Sanchez Mira National High School ay sina Laurence Jake Sadoy at Vince Johnzen Gamurot.

Adhikain ng nasabing field trip ang ipakita kung ano ang meron sa bayan ng Sanchez Mira: mula sa mga destinasyon, hotel, mga produkto, pagkakakilanlan, tradisyon at mga hanapbuhay.

Kasama sa aktibidad si Kagawad Avelino Ganiban bilang Barangay Focal Person for Tourism ng Barangay Namuac. Hinikayat ni Kagawad Ganiban ang mga estudyante na mahalin at alagaan ang sariling bayan.

Ayon naman sa Tourism Staff na si Rome “Kyla” Domingo, nawa'y maging boses at mata ang mga kabataan para sa patuloy na pagpapakilala sa mga naggagandahang angkin ng ating bayan, at patuloy na maitaas pa ang kanilang nalalaman.

Ang mga destinasyong kanilang dinaanan ay ang mga sumusunod:
📌Namuac Sand dunes
📌Minanga Estuary
📌Nagsimbaanan Ruins
📌Dagueray Boulevard

📌Rowena's Bakeshop (Suman Latik)
📌Ching's Fruitwine- Region 2

📌Baggak Hotel and Restaurant
📌Lazarian Hotel
📌Reluxx Tropicana Resort & Hotel

Limitado man ang oras na nailaan, busog naman sa karagdagang kaalaman ang naibaon sa bawat isa.

📸🖋 K. Domingo

13/01/2025

Ngayong 𝗡𝗮𝘁𝗶𝗼𝗻𝗮𝗹 𝗔𝗿𝘁𝘀 𝗠𝗼𝗻𝘁𝗵, halina't matuto kung paano magsulat ng pelikula. Mula kay Direk Carla Pulido Ocampo. 😊

LIBRENG WORKSHOP: Paano magsulat ng pelikula? 😊

Ngayong 𝗡𝗮𝘁𝗶𝗼𝗻𝗮𝗹 𝗔𝗿𝘁𝘀 𝗠𝗼𝗻𝘁𝗵, halina't matuto mula kay Direk Carla Pulido Ocampo. Narito ang mga detalye:

EXCLUSIVE FOR SANCHEZ MIRANIANS
FREE Workshop:
WRITING FOR FILM
2025 February 1, 8, 15, 22 (Saturdays)
Conference Room, 2nd Floor Sanchez Mira Town Hall
9AM to 12NN

15 SLOTS ONLY
- 6 kabataan (from SK Clusters)
- 3 kabataan (open category)
- 6 open age

In-person Written Entrance Test (creative essay) shall be on January 28, 2025
Conference Room, 2nd Floor Sanchez Mira Town Hall
5:30PM to 6:30PM

Chosen writers shall be announced by January 30, 2025

Bring your own baon ^_^

---

ABOUT THE MENTOR

Two-time Gawad Urian Awardee and FAMAS Awardee Carla Pulido Ocampo is a film director, writer, and editor.

She is a respected mentor to aspiring filmmakers, having been invited to conduct masterclasses for cinema events in the Philippines such as the NCCA Cinema Rehiyon, the Hundred Islands Film Festival + CCP Tuloy Po Kayo Program, UPLB PelikuLab's Pelikultura, and many other prestigious seminars, symposia, and film festival workshops where she discussed screenwriting, directing, post-production, documentary filmmaking, gender issues, cultural competence, and grassroots filmmaking practices.

Direk Carla is currently the Tourism Officer of Sanchez Mira, Cagayan -- her maternal hometown.

---

For inquiries, feel free to come to the Tourism and Information Office.

Project Partners:
Sanchez Mira Tourism
SK Federation - Sanchez Mira
North Luzon Cinema Guild Inc.
Balay Habi Studio

07/01/2025

2024 LGU SANCHEZ MIRA TOURISM OFFICE – TOURIST ARRIVAL STATISTICS

Sa taong 2024 ay nakapagtala ang Sanchez Mira Tourism Office ng 10,562 Tourist Arrivals, at 12,934 naman para sa Same-day Visitors.

Samantala, 3,193 katao naman ang suma-total ng same-day visitor arrivals ng Sanchez Mira noong mga Holidays tulad ng Holy Week at iba pang long weekends.

Ang "tourists" ay mga bisitang nag-overnight o nanatili nang ilang araw sa Sanchez Mira. Ang "same-day visitors" naman ay napapadaan o pumapasyal sa ating mga tourist attractions, o kaya'y nakikilahok sa mga aktibidad kung saan ang mga partisipante ay hindi residente ng Sanchez Mira sa loob lamang ng isang araw.

Layunin ng pagpapalakas ng turismo na maipakilala ang mga ipinagmamalaki ng Bayan ng Sanchez Mira, kasama ang mga produkto, pasalubong, at mga pasyalan. At higit sa lahat, ang makapagbigay ng hanapbuhay sa mga lokal na mamamayan.

Sa pagsusumikap ng Tourism Office na makakuha ng mga datos sa ating mga Accommodation Facilities, Tourist Attractions, at mga Activities ay nakakapagsumite tayo kada buwan sa opisina ng Cagayan Tourism.

Mapapansing malaki ang itinaas ng bilang ng mga turista at bisita sa Sanchez Mira kumpara sa taong 2023. Ito ay matapos paigtingin ng Tourism Office ang data gathering sa mas maraming pook, sa pakikipagtulungan ng mga Tourism Focal Persons na mga kagawad ng mga barangay.

Ngayong 2025 ay mas higit pang inaasahan ang pagtaas ng ating mga datos.

Mabuhay, Sanchez Mira!

📸 M.L.M. Valle sa Namuac Sand Dunes kasama ang Kontra-GaPi
🖼🖋 K. Domingo + inandaniw

16/11/2024

Memorable sa Sanchez Mira Tourism Office ang SGLG Assessment this year dahil matapos ang interbyu sa ating Tourism Officer, na-curious ang Validators sa mga tourist spots natin, lalo na ang Salt-making sa Masisit. Bigla silang nag-field trip doon nang 'di-oras, at sobrang nag-enjoy 💓💓💓

Congratulations, LGU Sanchez Mira sa ilalim ng pagtitimon ni Mayor Abe Bagasin 😍

20/10/2024

AGRIDAM, SANCHEZ MIRA: Simula 𝙈𝙄𝙔𝙀𝙍𝙆𝙐𝙇𝙀𝙎/𝙒𝙀𝘿𝙉𝙀𝙎𝘿𝘼𝙔 ay makararanas na ng "Heavy to Intense Rainfall" ang Cagayan dulot ng , ayon sa Dost_pagasa (5AM Live Broadcast, Oct21).

I-secure ngayong araw ang mga kailangang i-secure. Patibayin ang mga bagay na maaaring liparin, tumumba, o masira sa bagyo.

Paghandaan din ang posibleng pagbaha. Ayon sa ECMWF, GFS, at ICON forecast models, Miyerkules hanggang Byernes (Wednesday to Friday) makararanas ng matinding pag-ulan ang ating area.

Maghanda ng Go-Bag para sa posibleng paglikas.

𝗔𝗻𝗼 𝗮𝗻𝗴 𝗱𝗮𝗽𝗮𝘁 𝗻𝗮 𝗹𝗮𝗺𝗮𝗻 𝗻𝗴 𝗚𝗼-𝗕𝗮𝗴? Narito ang dati nang ulat ng ating LGU page: https://www.facebook.com/share/p/uxJNeK8YQ9dnipVL/?mibextid=xfxF2i

Manatiling alerto ngunit kalmado, Sanchez Mira.



---

(DISCLAIMER: Ang artikulong ito ay isinulat sa pinaghalong wikang Filipino at Inggles. Kung mababasa ninyo ito sa purong Inggles, iyan ang AUTO-TRANSLATED VERSION mula sa Facebook, at maaaring mali. Walang kinalaman ang LGU Sanchez Mira sa lalabas na translation)

16/10/2024

The Ambassadors are BACK! 😎🦅