Radical Journey Travel and Tours

23/09/2026

Mga tanda na pang malaliman ang pagmamahal sa iyo ng isang tao:

1. Itatangi ka niya kaya pakakasalan ka niya sa harap ng Simbahan, upang ihingi ng permiso at basbas mula sa Diyos ang magiging panghabang-buhay na pagsasama niyo.

2. Hindi ka kakabitin lang, dahil ang 'kabit' ay walang dignidad, at ito ay labag sa kalooban ng Diyos sa kahit anupamang kadahilanan, liban na lamang kung aayunan ng Banal na Simbahan ang annulment kung may una siyang napakasalan. Batid niyang kababuyan ang makisawsaw sa asawa na ng iba.

3. Hindi ka niya sasaktan, kahit pa malaman niyang sa gitna ng relasyon niyo ay may ginawa kang panloloko o kataksilan, dahil sa taong TUNAY ang pagmamahal, maaari siyang masaktan, ngunit ang gumanti, manakit, o mamahiya ay di niya gagawin, ni pagpaplanuhan.

4. Kung natuyo na ang pagmamahal dala ng kawalang-galang, mananatili ang kanyang paggalang at katapatan hanggang sa dulo ng kanilang nasimulan, at di siya gagawa ng anumang pagtataksil hanggang sa bago nila dalhin ang kanilang relasyon sa pinag-ayunan nilang dalawa na katapusan.

5. Hindi niya sisirain ang gabi mo kahit pa anong inis at galit niya, kung alam niyang ikapupuyat mo ito at ikasisira ng araw mo bukas. Mas pagtutuunan niya ng pansin na alalahanin ka at ang kapakanan mo hanggang para sa bukas ng umaga, kesa sa inis niya ngayong gabi.

7. Gagawan niya ng paraan na makihati sa pag-iipon para makamtan mo ang kailangan mo, kahit pa sa gitna ng kanyang sariling kagipitan, at di kung kailan lang ang buhay niya ay maalwan.

8. Igagalang at mamahalin niya ang buong pamilya mo, lalung-lalo na ang iyong mga magulang, kahit pa baluktot ang mga paniniwala nito, maging ng mga asawa at anak ng mga kapatid niya. Iiwasan niyang magkaroon ng di pagkakaunawaan sa sinuman sa pamilya dahil para sa kanya, ang pamilya ay SAGRADO.

9. Kasabay mo siyang mananalangin. Ang Diyos ang inyong SANDIGAN at ang inyong unang prayoridad, higit sa sinuman o anupaman.

10. Hindi ka niya hahayaang mapahamak, masaktan, o malagay sa kahihiyan sa anupamang paraan. Ika'y iingatan niya hanggang kamatayan.

11. Hahawakan ka niya nang buong higpit kahit pa sa gitna ng mga mayayaman niyang kamag-anak, katrabaho, at kaibigan, habang ika'y sadsad pa sa pananalapi at luno na ang pitaka at bulsa sa utang at mga kailangan pang bayaran.

12. Mananatili siyang tapat, nasa tabi ka man niya o hindi. Hindi niya kakikiligan ang papuri ng ibang kalalakihan. Busilak ang kanyang kalooban, at ang magtaksil ay di magiging bahagi ng kanyang mga plano pagka't ito'y kanyang kinasusuklaman.

Kung ang pag-ibig na iniaaalay ay di lang rin ganyan, para ano pa na siya'y pakikisamahan at pakakasalan. Dahil ang asawa ay maaaring maging pang habambuhay na sumpa o biyaya, depende sa liwanag ng kinang ng iyong pagpapasya.

- rrm

22/09/2026

21/09/2026

Walang panahon ang malalakas para pahinain ang sarili. Wala namang magandang pananaw sa buhay ang nag-aaksaya ng napakahalaga niyang oras.

- rrm

21/09/2026

While we are still breathing, we must be grateful no matter how hard we're going through life. This gratefulness will inevitably create PEACE and JOY and cause your healing.

So be grateful. Start thanking the God who has given you life, not to waste, but to use and maximize for what is good and noble.

- rrm

21/09/2026

The combination of HOPE and INTENTIONAL SILENCE creates inward emotional space - the space we give ourselves on purpose.

While the combination of RESPECT FOR OTHER PEOPLE'S BOUNDARIES and INTENTIONAL SILENCE creates outward emotional space - the space we give to other people.

Emotional space, whether inward or outward, is created in meditative prayer, wherein we focus our thoughts on the ways and commandments of our Master, who is Jesus.

It is also of same importance that we create this emotional space through reflective prayer, where we focus our thoughts on how we could improve the actual and practical application of what we consistently meditate on.

The Holy Mass provides us with both - meditative and reflective prayers - as it is the highest form of prayer for Catholic Christians. At the same time, it is in the Holy Mass wherein we receive the holy Body and Blood of Christ which we could only receive when we have kept the purity of our soul - free from any mortal and venial sins.

If in case we fail to preserve the purity of our soul, our deep longing for God will always lead us to receive the Sacarament of Reconciliation or the Sacrament of Penance which paves the way for us to freely confess all of our sins, big or small, and receive God's unconditional love, compassion, mercy, and forgiveness, so we would be worthy once again to receive our Lord in the form of consecrated Bread, His Body, and Wine, His Blood.

- rrm

18/09/2026

Just a thought to share:

Minsan, naiisip ko na mabuti pa nung magulo ang buhay ko at barumbado pa ko, walang basta nangangahas sa akin na manggago kasi alam nilang may paglalagyan sila pag binastos o pinakialaman nila ko.

Siguradong basag ang bungo nila, nagtatangka palang sila. Kundi man, wak-wak ang bunganga nila o pingkaw ang nguso nila pag pinuno nila 'ko. At lahat ng mura, pati mga di pa nila naririnig, ipambabasag ko talaga sa bamban ng tenga nila. Mas lulutungan ko pa ang pagmumura para magmarka hanggang sa kaluluwa nila kung sino ang binabangga at ginagalit nila.

Pero dahil sinisikap kong magbago, tinitiis at pinagpaparayaan ko ang pambabastos, pangmamaliit, at pang-aalimura. Ayoko nang magamit pa ulit ang kamao ko sa mukha ng mga taong ang gusto lang eh bastusin, siraaan, kutyain, inisin, hamakin, at galitin ako.

Kung dating may sampung demonyong nakapanggagago pa sa 'yo nang barumbado ka pa, pag nagbabago ka na, magiging isang-libo na sila.
Ipinapanalangin ko na lang na ang mga Hudas na 'to eh mapagparayaan at matagalan ko pa.

Ang hirap talagang sumunod kay Kristo. Mas dumarami pa ang demonyo para gibain ka. Pero mas pipiliin ko nang magdusa ako habang ako ay nabubuhay pa, kaysa bumalik ako sa dati kong kasamaan at pagbayaran ko sa impiyerno ang lahat, tapos kasama ko pa ang mga 'yawa'. Kaluluwa kang kawawa, at ang Diyos, di mo na makikita pa nang mukhaan ang banal at maamo Niyang Mukha.

Kaya sa mga nag-aayos ng buhay nila, huwag kayong bibigay ng dahil lang sa isang libong demonyo na gumigiba sa inyo, dahil kahit pa maging isang milyon 'yang mga 'yan, no match sila kay Kristo.

Pokus lang tayo sa pagbabago! Magtiis at magtiyaga tayo para kay KRISTO! 💪💪💪

- rrm

17/09/2026

Huwag mo nang piliing magmahal ng taong determinadong hindi mahalin ang sarili niya.

Humanap ka ng taong buo ang tiwala mo sa kanyang maayos na pagkatao at kapasidad para makatuwang mo sa pagbubuo at pagtataguyod ng pamilyang mamahalin at pag-aalayan mo ng iyong buhay.

Kawawa ka lang sa pagpili ng taong immature. Uubusin niya lang ang napakahalagang oras mo para makipag-away araw-araw at nang walang humpay. Wala kayong mabubuo at mapapalalim nang magkasama, liban sa hinanakit at sama ng loob.

Gusto niya, lagi siyang aasikasuhin at uunawain, pero hindi ka niya pahahalagahan at iintindihin. Ang turing niya sa sarili ay palaging tama at ikaw ang laging mali.

Mapapagod lang ang katawang-lupa mo, pati na ang kalooban mo tuwing siya'y kasama mo. Kaya alalahanin ang matandang kasabihan na huwag kang kukuha ng bato na ipupukpok mo lang rin sa iyong ulo.

- rrm