28/11/2024
ڈاکٹر نوید... یہ ڈیڈ باڈی دیکھ رہے ہیں؟"
" ہاں یہ والی نا؟"
" ہاں بالکل.. کل جب اسے لایا گیا تو یہ ڈیڈ تھا ہمیں اسکی قمیض اتار کر ذخم دیکھ کر رپورٹ کی فارمیلٹی پوری کرنی تھی... ہے تو پیشے کی اخلاقیات کے خلاف مگر اس سے فارغ ہو کر میں نے بیڈ کی سائیڈ پر اسکی ادھ پھٹی قمیض دیکھی... جانتے ہیں اسکی جیب میں کیا.... آئی ایم سوری میں ایموشنل ہو رہا ہوں... اسکی جیب میں پانچ سو ستر روپے.. بھنے ہوئے چنوں کا ایک چھوٹا سا پیکٹ، اور کی پیڈ والا فون اور اس پر 40 مسڈ کالز.... ایک ہی نام کی مسڈ کالز... " میری پیاری بیٹی"... شاید وہ اسکے لیے فکر مند.... آئی ایم سوری.... شاید وہ اسکے لیے فکر مند ہو رہی ہو گی... میں ہاتھ میں اسکا موبائل لیے سوچ ہی رہا تھا اسے معلوم ہی نہیں کہ اب اسکی اس سے کبھی بات نہیں ہو گی اور اچانک پھر " میری پیاری بیٹی" کی کال آئی... رنگ ٹون کی آواز سن کر پاس کھڑے فوجی نے میرے ہاتھ سے فون چھین کر اسے بھی بند کر دیا.
