https://www.facebook.com/304472983822901/

Pak Virsa پاک ورثہ

Q: What is the address?

مری روڈ ایبٹ آباد

Home
Pakistan
Abbottabad
Pak Virsa پاک ورثہ

Call Directions Contact the business

Contact information, map and directions, contact form, opening hours, services, ratings, photos, videos and announcements from Pak Virsa پاک ورثہ, Tourist Information Center, مری روڈ ایبٹ آباد, Abbottabad.
(3)

پاکستانی ثقافت۔تاریخی جگہیں۔سیر گاہیں۔پرانے کھیل رسم و رواج۔علاقاٸی ثقافت۔شہروں گاٶں کا محل وقوع۔دریاٶں نہروں پہاڑوں چشموں آبشاروں کی معلومات۔وطن عزیز سے نکلنے والے قدرتی خزانے بہت سی تاریخ اور پاکستان میں سیاحت کہ فروغ کی کوشش۔

21/10/2026

بنجوسہ جھیل
یارانِ جہاں کہتے ہیں کشمیر ہے جنت تو جناب اس جنت نظیر وادی کشمیر کی مثال ملنا مشکل ہے اپنے خوبصورت نظارے کمال کا موسم یخ بستہ ہواٶں گرتی آبشاروں بہتی ندیوں آسمان سے باتیں کرتے درختوں نیلگوں جھیلوں سر سبز پہاڑوں گاتے پرندوں کی میٹھی سی وادی کشمیر جس کا حسن دیدنی ہے جادوٸی اثرات کی حامل یہ وادی آنے والے سیاحوں کے لیے کسی جادو نگری سے کم نہیں
بے شمار جھیلوں کی وادی میں آج کا زکر ایک مصنوعی جھیل بنجوسہ جو کہ سحر انگیز نظارہ رکھتی ہے اونچے پہاڑوں بلند و بالا درختوں سے گری یہ جھیل اپنی مثال آپ ہے
اس جھیل کو 1962 میں بنایا گیا جو کہ سطح سمندر سے 1981 میٹر بلند ہے اور 50 میٹر سے زیادہ گہری ہے یہاں آپ کشتی کی سواری کا مزہ بھی لے سکتے ہیں یہاں سارا سال سیاحوں کا ہجوم رہتا ہے دور نزدیک سے لوگ یہاں سیر کہ لیے آتے ہیں اور حسین یادیں اپنے ساتھ لے جاتے ہیں یہاں ضرورت کی تمام چیزیں آسانی سے مل جاتی ہیں رہاٸش کہ لیے فیملی کہ ساتھ جگہ مل جاتی ہے اور دیر سویر کا مسلہ بھی یہاں نہیں ہے آپ جب جس وقت آنا چاہیں رکنا چاہیں تمام سہولت دستیاب ہے
اب رہی بات یہاں تک پہنچنے کی تو شہر اقتدار اسلام آباد سے کشمیر وادی کے ضلع پونچھ آنا ہے اسلام آباد سے جھیل تک سفر کوٸی 160 کلومیٹر ہے پونچھ سے شہر راولاکوٹ اور راولاکوٹ سے 20 کلومیٹر کہ فاصلے پہ یہ خوبصورت جھیل موجود ہے جو دیودار کہ گھنے جنگلوں اور سبزہ سے ڈھکی ہوٸی ہے
سردیوں میں یہاں بھاری برف باری کی وجہ سے یہ جھیل اور اطراف کا پانی جم جاتا ہے لوگ اس کہ اوپر چہل قدمی کرتے ہیں جس کہ لیے احتیاط بہت لازم ہے شاید پچھلے دنوں ایک ویڈیو آپ کی نظر سے گزری ہوگی ایک بندہ جو جمی جھیل کہ اوپر سے گزرتے بیچ میں گر کر پھنس گیا تھا پھر یہاں موجود لوگوں نے اسے بچا لیا تھا
بحر حال خدارا پہاڑوں میدانوں پانیوں خشکی جہاں بھی سیر کے لیے جاٸیں دو چیزیں اپنے اوپر فرض کر لیں ایک تو احتیاط اور دوسرا قدرتی ماحول کو خراب نا کریں گند نا ڈالیں جیسے چیز ساتھ لاٸی جاسکتی ہے استعمال کہ بعد واپس لے جا کہ کسی ویسی جگہ ڈالی جاسکتی ہے جہاں اس ضاٸع کرنے کی جگہ موجود ہو۔
تو آباد رہیں شاد رہیں جب پریشانی بڑھ جاۓ سکون کی کمی ہو جاۓ تو سیر کہ لیے نکل پڑیں ضروری نہیں کہ آپ نے میلوں دور جانا ہے اسی کو سیر کہیں گے گھر سے نکلیں نزدیکی کھیت نہر پارک ندی نالے آبشار جو بھی پیدل رساٸی پہ ممکن ہو وہاں پہنچیں بچوں کو ساتھ لیں ہلہ گلہ کریں نہیں تو دوستوں کہ ساتھ چاۓ پینے ہی چلے جاٸیں یاد رکھیں ہم خالق کاٸنات کی اعلیٰ تخلیق ہیں اپنے آپ کو ضاٸع نا کریں سوچیں کم کریں شکر زیادہ کریں۔
بس ایسا کریں روز برا بھول جایا کریں اچھا یاد رکھا کریں

16/10/2026

ساگ
جاگ او پائی جاگ
تیری پگ نوں لگ گیا ساگ
ساگ پراکرت زبان کا لفظ ہے جس کا مطلب ایسی سبزی ہے جو پتوں پر مشتمل ہوتی ہے ۔ پراکرت سے اردو زبان میں آتے ہوئے لفظ ساگ کا جنسی صیغہ مذکر ہے اور یہ واحد کے طور پر مستعمل ہے۔ اس لیے یہ اردو زبان کا لفظ بھی شمار کیا جاتا ہے اور پنجابی زبان میں بھی ساگ ہی سے جانا جاتا ہے۔ساگ سب سے پہلے ایران میں دریافت ہوا اور سپناغ کے نام سے پکارا گیا۔ اسی سے ملتا جلتا نام سپائنچ (Spinach) انگریزی میں پایاجاتا ہے جو پالک کے ساگ کے لیے مخصوس ہے۔ساگ سبزی کی وہ قسم ہے جو صرف اور صرف پتوں پر مشتمل ہوتی ہے اور پکا کر کھائی جاتی ہے۔
ستمبر ختم اکتوبر سے نومبر آۓ گا۔
پہاڑوں پر خزاں اور پنجاب میں خزاں کے ساتھ ساتھ سبز بہار ہر طرف اپنے ڈیرے جمانے کو ہے جس کی لپیٹ میں سندھ بلوچستان پختونخواہ کشمیر اور گلگت بلتستان بھی رہیں گے وہ ایسی سبز بہار جو ہر طرف کھیتوں کھلیانوں سے پہاڑوں میدانوں سے ہوتی ہوٸی باورچی خانوں میں پھر دسترخوانوں میں ہانڈیوں چولہوں سے لیکر برتنوں سے ہوتی ہوٸی آپ کو اندر تک سبز کردے گی ناچاہتے یا چاہتے ہوۓ بھی آپ کو سبز ہونا پڑے گا جی ہاں آج کل ایک محاورہ بہت مشہور ہوا ہوا ہے کہ ہر گزرتا دن ہمیں ساگ کے قریب کر رہا ہے پنجاب کے ساتھ سارے ملک میں ساگ کا موسم چھا گیا ہے۔ ﺳﺎﮒ ﺍﯾﮏ ﺳﺒﺰ ﺭﻧﮓ ﮐﯽ ﮈﮬﯿﭧ ﻗﺴﻢ ﮐﯽﺳﺒﺰﯼ ﮨﻮﺗﺎ ﮨﮯ، ﮈﮬﯿﭧ ﺍﺱ ﻟﯿﮯ ﮐﮧ ﺟﺲ ﮔﮭﺮ ﻣﯿﮟ ﮔﮭﺲ ﺟﺎﺋﮯ ﺩﻭ ﺩﻭ ﻣﺎﮦ ﭘﮍﺍ ﺭﮨﺘﺎ ﮨﮯ۔ ﯾﻮﮞ ﮐﮩﺎ ﺟﺎﺋﮯ ﮐﮧ ﺳﺎﮒ ﺳﺎﻝ ﻣﯿﮟ ﺍﯾﮏ دو ماہ ﮨﺮ ﻣﺮﺩ و ﻋﻮﺭﺕ ﭘﮧ ﻓﺮﺽ ﮨﮯ ﺗﻮ ﻏﻠﻂ ﻧﮧ ﮨﻮ ﮔﺎ۔
ہمارے ہاں تو اتنا پکتا تھا اور ہے کہ امی جان کو کہنا پڑتا تھا۔ امی جی ہن تے تنی وہ ہری ہو گٸ اے ۔😊😊
اس پتوں والی سبزی پر جتنا بھی لکھا جائے کم ہے۔ اس سے جڑی بہت سی یادیں وابستہ ہیں۔ فراز کیا خوب فرما گئے۔

ساگِ گندل میں ساگِ باتھو بھی شامل کر لو
نشہ بڑھتا ہے ساگیں جو ساگوں میں ملیں ۔
ﺑﻌﺾ ﮔﮭﺮﻭﮞ ﻣﯿﮟ ﺗﻮ ﺍﺗﻨﮯ ﺑﺮﺗﻦ ﺑﮭﯽ ﻧﮩﯿﮟ ﮨﻮﺗﮯ ﺟﺘﻨﯽ ﻗﺴﻢ ﮐﺎ ﺳﺎﮒ بنتا ہے۔ ﺳﺎﮒ ﮐﻮ ﭼﺎﮨﮯ ﭘﺎﻧﭻ ﻣﻨﭧ ﭘﮑﺎؤ، ﭼﺎﮨﮯ ﭘﺎﻧﭻ ﮔﮭﻨﭩﮯ ﭘﮑﺎؤ ﯾﮧ ﺍﭘﻨﺎ ﺭﻧﮓ ﻧﮩﯿﮟ ﺑﺪﻟﺘﺎ چاہے اس میں کچھ بھی ملا لو یہ اسے اپنے رنگ میں رنگ لیتا ہے اپنے اوپر کوٸی رنگ نہیں چڑھنے دیتا۔
ﻓﯽ ﺯﻣﺎﻧﮧ ﺍﮔﺮ ﮐﻮﺋﯽ ﻓﺮﺩ ﯾﮧ ﺩﻋﻮﯼ ﮐﺮﺗﺎ ﮨﮯ ﮐﮧ ﺍﺱ ﻧﮯ ﮐﺒﮭﯽ ﺳﺎﮒ ﻧﮩﯿﮟ ﮐﮭﺎﯾﺎ ﺗﻮ ﯾﺎ ﺗﻮ ﻭﮦ ﺟﮭﻮﭦ ﺑﻮﻝ ﺭﮨﺎ ﮨﮯ ﯾﺎ وہ اس نشے سے واقف نہیں ہے یا پھر وہ ہی گل ہے ہندکو والی۔ کھوتیاں کدوں مرونڈے کھادے۔😜😜
آگے بڑھنے سے پہلے اس لزتوں سے بھری ڈھیٹ سبزی کی کچھ نسلیں جان لیں سرسوں کا ساگ گوبھی سرسوں توریا
بتھوے کا ساگ خرفے کا ساگ مکو کا ساگ سوے کا ساگ پالک کا ساگ میتھی کا ساگ چولائی کا ساگ گندلوں کا ساگ قلفے کا ساگ
میرا تو ﻣﺎﻧﻨﺎ ہے کہ ﺳﺎﮒ ﺍﻭﺭ ﺁﮒ ﺟﺲ ﮔﮭﺮ ﮐﻮ ﻟﮓ ﺟﺎﺋﮯ ﻭﮦ ﻣﺸﮑﻞ ﺳﮯ ﮨﯽ ﺑﭽﺘﮯ ﮨﯿﮟ۔
ﺳﺎﮒ ﮐﯽ ﺍﯾﮏ ﺍﻭﺭ خاص ﺑﺎﺕ ﮐﮧ ﯾﮧ ﺍﯾﮏ ﺩﻥ ﭘﮑﺎﻭ ﺗﻮ ﮨﻔﺘﮧ ﮨﻔﺘﮧ ﭼﻞ ﺟﺎﺗﺎ ﮨﮯ، ﺟﻮ ﻟﻮﮒ ﺳﺎﮒ ﮐﻮ ﻗﺮﯾﺐ ﺳﮯ ﺟﺎﻧﺘﮯ ﮨﯿﮟ ﺍﻧﮩﯿﮟ ﺍﭼﮭﯽ ﻃﺮﺡ ﻋﻠﻢ ﮨﻮ ﮔﺎ ﮐﮧ ﺍﺳﮯ ﮐﮭﺎ ﮐﮭﺎ ﮐﺮ ﺑﻨﺪﮦ ﺧﺮﺍﺏ ﮨﻮ ﺟﺎﺋﮯ ﺗﻮ ﮨﻮ ﺟﺎﺋﮯ ﯾﮧ ﺧﻮﺩ ﮐﺒﮭﯽ ﺧﺮﺍﺏ ﻧﮩﯿﮟ ﮨﻮﺗﺎ
۔ ساگ کو بین الاقوامی سفارتی تعلقات میں اگر مناسب طریقے سے استعمال کیا جائے تو شاید امہ کو فائدہ پہنچ سکے۔ اسرا ئیل اگر ساگ کو تسلیم کرنے کا اعلان کرتے ہوئے اسے اپنی قومی ڈش قرار دے دے تو سارا جھگڑا ہی منٹوں میں ختم ہو سکتا ہے۔
ذاتی طور پر مجھے ساگ بہت پسند ہے۔ اب تو کھا کھا کر میں خود ہلکے سبز رنگ کا دکھنے لگ گیا ہوں۔ ساگ کھاتے ہوئے گر بیچ میں مکھن کی ڈلی ڈال دی جائے تو نشہ دوبالا کرتا ہے
بچپن کی یادیں تازہ کروں تو بچپن میں مجھے ساگ پسند نہیں ہوا کرتا تھا۔ اس وقت میں انتہائی ناشکرا بچہ تھا اب جو سوچوں تو کئی بار استغفار پڑھتا ہوں کہ میں ساگ کو ناپسند کیا کرتا تھا ۔ ماں جی نے جب ساگ بنانا تو میں نے روٹھ جانا۔ ماں جی دو آپشنز دیا کرتیں۔ یا تو ساگ چپ چاپ کھا لوں یا پھر پہلے چھتر کھا لوں بعد میں ساگ۔ مجھ میں تب عقل و شعور بھی نہیں تھا لہذا ہر بار پہلے ماں سے چھتر کھاتا اس کے بعد روتے ہوئے ساگ😳😅
لڑکپن آیا تو مجھے جس سے پہلی نظر میں محبت ہوئی اس نے ساگ رنگ کا کرتہ پہن رکھا تھا اور سفید مکھن جیسی شلوار چلتی ہوٸی وہ کسی بانکی نار سے کم نہیں لگ رہی تھی۔ میں نے اپنی بینگنی رنگی شرٹ پر سنہرے رنگ کا سویٹر پہن لیا۔ مجھے گمان تھا کہ شاید میں مکئی کی روٹی جیسا لگوں گا جو ساگ بنا ادھوری اور ساگ اس بن بیوہ ہے۔ اس نے مڑ کے دیکھا، گھورا اور پھر گرم ساگ میں گھلتے مکھن کی مانند بہتے اپنی گاڑی میں جا بیٹھی۔ یہ اس سے پہلی اور آخری ملاقات تھی۔ نجانے اب وہ کہاں کس باتھو والے ساگ میں گھل رہی ہو گی😜
ساگ میں ، کیلشیئم ، سوڈیم ، کلورین ، فاسفورس ، فولاد ، پروٹین ( جسم کو نشو و نما دینے والے اجزاء ) اور وٹامن اے ، بی اور ای کافی مقدار میں پائے جاتے ہیں ۔ ساگ کے بارے میں یہ بات یاد رکھنے کے قابل ہے کہ ساگ اور دودھ بڑی حد تک ایک دوسرے کا بدل ہو سکتے ہیں اور ساگ جسم میں بڑی حد تک دودھ کی کمی پورا کرسکتے ہیں۔ سرسوں کے پتّوں کے ساگ میں حیاتین ب ، کیلشیئم اور لوہے کے علاوہ گندھک بھی پوئی جاتی ہے۔اس کی غذائیت گوشت کے برابر ہے ۔ یہ ساگ خون کے زہریلے مادّوں کو ختم کرکے خون صاف کرتا ہے
اب تو یوں ہے کہ ساگ میری پسندیدہ ترین ڈش ہے۔ ساگ اور مکٸ کی روٹی ہو ساگ اور ابلے ہوۓ چاول ہوں ساگ یا چپاتی ہو بس مختصر یہ کے ساگ جیسا بھی ہو ساگ دے نعرے وجنے ای وجنے نے
پلیز یوٹوب چینل کو سبسکراٸب کر دیں
https://youtu.be/90eABcn5JBo?si=j8rZaC8EiOnTyGjb

13/10/2026

قلعہ التیت
#ہنزہ ویلی کی شان
#کریم آباد اگائی کوٹ ہنزہ، #گلگت بلتستان
تقریباً 800 سال پراناہے
کہا جاتا ہے اس کی اصل تعمیر کی بنیاد 8ویں صدی میں رکھی گئی
تبتی بلتی کشمیری طرز تعمیر
پرانے زمانے میں ہنزہ اور نگر دو دشمن ریاستیں تھیں، دریائے ہنزہ کے دو کناروں پر دونوں کے راجہ (تھم/میر) اپنے اپنے قلعے بناتے تھے طاقت دکھانے کے لیے۔
شروع میں ہنزہ کے میر #التیت قلعہ میں رہتے تھے۔ پھر ایک راجہ سلطان کے دو بیٹوں شاہ عباس اور علی خان میں جھگڑا ہوا۔ بڑا بھائی شابوس بلتیت قلعہ میں چلا گیا اور اسے ہنزہ کا دارالحکومت بنا دیا۔ چھوٹے بھائی کو قید کر دیا گیا اس طرح بلتیت طاقت کا مرکز بن گیا
15ویں-16ویں صدی میں میر ایاشو دوم نے بلتستان کی شہزادی شاہ خاتون سے شادی کی۔ شہزادی نے ہی بلتستان سے ہنر مند کاریگر لائے جنہوں نے قلعے کو دوبارہ بنایا۔ یہی وجہ ہے کہ قلعہ کی لکڑی کی بالکونیاں اور ڈیزائن لہاسہ کے پوٹالہ پیلس جیسا لگتا ہے یہ 3 منزلہ قلعہ جس میں 53 کمرے،۔ ہیں لکڑی پتھر اور مٹی سے بنایا گیا زلزلہ سے بچانے کے لیے اس طرح ڈیزائن کیا گیا
1945 میں آخری میر محمد جمال خان نیچے نئے محل میں چلا گیا، قلعہ خالی ہو گیا اور گرنے لگا
ہنزہ ایک ریاست تھی۔ اس ریاست کی سرحدیں ہوائی جمہوریہ چین کے صوبہ سینکیانگ اور افغانستان کی شالی سرحد واخان سے متصل ہونے کی وجہ سے صدیوں سے جغرافیائی اہمیت کی حامل ہے۔ ریاست ہنزہ کا رقبہ پندرہ ہزار مربع میل یعنی اڑتیس ہزار مربع کلومیٹر 38,000km 15,000۔ ہے۔
ہنزہ میں دو قدیم قلعے، #قلعہ التیت بورونگس اور قلعہ #بلتت اڈل کھن اگائی کوٹ اور ایک قدیم قلعہ بندی کنیس کوٹ #چنکا کوٹ موجود ہیں۔ قلعہ بلتت کی عمر 1990 میں کرائے گئے کاربن ڈیٹنگ کے مطابق تقریباً 800 سال ہو چکی ہے۔ اس قلعے کی عمارت میں مختلف ادوار میں تعمیر و ترمیم ہوتی رہی ہے اور اس کی ساخت میں نمایاں ترمیم اور اضافہ 1891 کے بعد انگریز دور میں ہوا ہے۔ سر زمین ہنزہ پر مگر پر یہ قلعہ متعدد تاریخی واقعات اور حوادث کی عظیم یادگار ہیں۔ یہ تاریخی قلعہ 1945 تک ہنزہ کے حکمرانوں (تھم) کا مسکن اور اس ریاست کی انتظامی و منصب ریاستی اور اہم فیصلوں کا مرکز رہا ہے۔ اس قلعے کے وارث میر غضنفر علی خان دوم اور ان کی رانی صاحبہ نے بحالی اور مرمت ہیریٹیج ٹرسٹ BHT کے حوالے کی اور 1990 سے 1996 کے دوران آغا خان ٹرسٹ فار کلچر AKTC نے AKCS-P کی وساطت سے اس قلعے کی مرمت اور بحالی کی گئ
کیونکہ 1980 میں رائل جیوگرافیکل سوسائٹی لندن نے سروے کیا اور خبردار کیا کہ یہ قلعہ خستہ حال ہے
1990-1996 میں آغا خان ٹرسٹ فار کلچر نے پہلی بار پاکستان میں کسی عمارت کی بحالی کی تو وہ یہی قلعہ تھا!
29 ستمبر 1996 کو آغا خان چہارم اور صدر فاروق لغاری نے دوبارہ افتتاح کیا
2004 سے یونیسکو کی عارضی فہرست میں ہے
اونچائی سے راکاپوشی اور الٹار پہاڑوں کا نظارہ بڑا زبردست نظر آتا ہے
اب یہاں میوزیم بھی ہے، اندازہ کے مطابق سالانہ 15000 سیاح آتے ہیں
یہ قلعہ صرف پتھر نہیں، ہنزہ کی 900 سالہ بادشاہت کی نشانی ہے!

03/10/2026

‏فنگر پرنٹس_
ارشاد باری تعالیٰ ہے
کیا انسان یہ خیال کرتا ہے کہ ہم اس کی ہڈیوں کو اکٹھا نہیں کریں گے کیوں نہیں ہم تو اس پہ بھی قادر ہے کہ اس کی انگلیوں کے پوروں تک کو درست کر دیں گے (سورة القیامہ)
کافر یہ دلیل پیش کرتے ہیں کے انسان مر کر مٹی میں مل جاتا ہے اس کی ہڈیاں گل سڑ جاتی ہیں کیڑے مکوڑے اسے کھا کر مکمل ختم کر دیتے ہیں پھر اسی انسان کو کیسے زندہ اور بلکل درست کیا جاسکتا ہے۔؟ جبکہ اللہ تعالیٰ ارشاد فرماتا ہے ہم نا صرف انسان کو اس کی اصلی حالت میں دوبارہ زندہ کریں گے بلکہ پوروں تک یعنی فنگر پرنٹس تک کو اصلی حالت میں درست کریں گے جیسے کے وہ دنیا میں تھا کیا آپ جانتے ہیں اللہ نے پوروں( فنگر پرنٹس) کی بات کیوں کی۔؟
1980 میں سرفرانس گولٹ نے پوروں(فنگر پرنٹس) کو شناخت کا ساٸنسی طریقہ ثابت کیا اس نے تحقیق سے ثابت کیا کے انسان کے فنگر پرنٹس دنیا میں موجود کسی انسان سے نہیں ملتے اور یہاں تک کے جڑواں پیدا ہونے والوں میں بھی فنگر پرنٹس آپس میں نہیں ملتے۔ اب آپ اندازہ کر سکتے ہیں دنیا بھر میں استعمال کیے گۓ فنگر پرنٹس کسی ایک سے بھی مشاہبت نہیں رکھتے اس بات کی تصدیق اور تحقیق 14 سو سال پہلے ثابت کرنے والا قرآن کتنا سچا اور ساٸنس و حکمت سے بھرپور ہے اب آپ خالق کاٸنات کی طرف دیکھیں وہ مصور کیسا ہے جس کی یہ تصویر ہے
انسانی جسم کی انگلیوں میں لکیریں تب نمودار ہونے لگتی ہیں جب انسان ماں کے پیٹ میں 4 ماہ کا ہوتا ہے یعنی خون کے جمے ہوۓ لوتھڑے کے بعد جب اللہ اسے شکل دے دیتا ہے یہ لکیریں ایک ریڈیایی لہر کی صورت میں گوشت پر بننا شروع ہوتی ہیں ان لہروں کو بھی پیغامات ڈی۔این۔اے دیتا ہے مگر حیرت کی بات یہ ہے کہ پڑنے والی لکیریں کسی صورت بھی اس بچے کے والدین یا جد امجد اور دیگر روئے ارض پر موجود انسانوں سے ہرگز نہیں ملتی اور نا ہی اپنے ہی ہاتھوں کی دوسری انگلیوں کی لکیروں سے گویا لکیریں بنانے والا اس قدر دانا اور حکمت رکھتا ہے کہ وہ کھربوں کی تعداد میں انسان جو اس دنیا میں ہیں اور جو دنیا میں نہیں رہے ان کی انگلیوں میں موجود لکیروں کی اشکال اور ان کے ایک ایک نمونے سے باخبر ہے یہی وجہ ہے کہ وہ ہر بار ایک نئے انداز کا نمونہ اس کی انگلیوں پر نقش کر کے یہ ثابت کرتا ہے ۔۔
کہ ہے کوئ مجھ جیسا ڈیزائنر ؟
کوئ ہے مجھ جیسا کاریگر ؟
کوئ ہے مجھ جیسا آرٹسٹ ؟
کوئ ہے مجھ جیسا مصور ؟
کوئ ہے مجھ جیسا تخلیق کار ؟
حیرانگی کی انتہاء تو اس بات پر ختم ہوجاتی ہے کہ اگر جلنے زخم لگنے یا کسی وجوہات کی بنیاد پر یہ فنگر پرنٹ مٹ بھی جائے تو دوبارہ ہو بہو وہی لکیریں جن میں ایک خلیے کی بھی کمی بیشی نہیں ہوتی ظاہر ہو جاتی ہیں۔
اب حیرانی کی بات یہ کے پوری دنیا کی جدید ساٸنس اور ہر قسم کی ٹیکنالوجی مل کر بھی انسانی انگلی پر کسی وجوہات کی بنیاد پر مٹ جانے والی ایک فنگر پرنٹ نہیں بنا سکتی۔
تو ارشاد ہے ربانی ہے
اے گروہ جنات اور انساں تم اپنے رب کی کون کون سی نعمتوں کو جھٹلاٶ گے(سورة الرحمٰن )
کوئی تو ہے جو نظام ہستی چلا رہا ہے
وہی خدا ہے
آپ جب تمام موضوعات سے اُکتا جاٸیں ہر چیز سے تھک جاٸیں
تب cosmology یعنی
علمِ کائنات کا مطالعہ کریں اس میں تجسس کے ساتھ گہری خاموشی اور سکون ہے جو حکمت سے بھرا ہوا ہے !

24/09/2026

ہر وہ کامیابی ایک شکست ہے جس کا مقصد کسی کو نیچا دکھانا ہو

19/09/2026

پاکپتن
تاریخ میں دھارا نگری، انہل، واڑا ، انہل پتن، گڑوہ، اجودھن کے ناموں سے مشہورتھا مشہور صوفی بزرگ بابا فرید گنج شکر کا روضہ اسی شہر میں ہے۔
پاکپتن شہر کے جنوب میں دریائے ستلج بہتا ہے پاکپتن کماری والہ ہیڈ پر ایک ڈیم بنایا گیا ہے جو اس وقت پاکپتن کو بجلی فراہم کرتا ہے سلطان محمود غزنوی نے یہاں پہلی اسلامی حکومت قائم کی، تین سو سالہ مغلیہ دورِحکومت کے بعد راجا رنجیت سنگھ یہاں حکمران ہوا، جس کو انگریزوں نے شکست دی اور قیام پاکستان تک قابض رہے _
پاکپتن کے جنوب میں ضلع بہاولنگر، شمال مشرق میں ضلع اوکاڑه، شمال مغرب میں ضلع ساہیوال اور مغرب میں ضلع وہاڑی واقع ہیں
پاکپتن ایک تاریخی شہر ہے ۔یہاں کی آبادی بہت کم لوگوں پر مشتمل تھی ۔لیکن حضور بابا فرید الدین کی آمد کے ساتھ ہی آبادی میں واضع تبدیلی ہوئی ۔یہاں کی ہندو آبادی کو مسلمان کیا پاکپتن کو امن سلامتی کا گھر بنا دیا۔
پاکپتن دریا ستلج کے کنارے پہ واقع ہے ۔پہلے یہ دریا پاکپتن کے ساتھ بہتا تھا۔
جہاں اب آبادی 6 لاکھ سے زیادہ ہے اب دریا اس آبادی سے 10 کلومیٹر کے فاصلے پہ ہے
پاکپتن سے اک سڑک نکلتی ہے جو ملتان سے دہلی تک جاتی ہے ۔پہلے یہ کچی تھی ۔جس کو پرمٹ کے نام سے جانا جاتا تھا ۔اب مرلے روڈ یا پر غنی روڈ بولا جاتا ہے ۔یہ انگریز دور میں اک اہم تجارتی راستہ تھا ۔
،پاکپتن بھول بھلیوں کی طرح ہے جہاں ہر موڑ پر ایک حیرت کھڑی ہے ۔پاکپتن ہندکے انسان کے تہذیبی ارتقاء کی دلچسپ کہانی ہے، کئی بار اسکی بساط کو الٹی، طوفان ہائے بادو باراں ، حملہ آوروں کی خون آشام سفاکیوں نے اس کو بلند ٹیلے میں تبدیل کردیا ، اس ٹیلے (ڈھکی)کی بلندی اسی فٹ ہے اور یہ شہر تقریبا ستر مرتبہ زمیں بوس ہو کر خاک بنا۔تاریخ پاکپتن میں درج ہے کہ یہ شہر5000 سال پرانا ہے، حضرت عیسیؑ کی پیدائش سے تین سو پچیس سا پہلے یہ قصبہ موجود تھا۔ رگ وید آف انڈیا کے مطابق اجودھن کی تہذیب 25 سو سال پرانی ہے، شمالی ہندوستان میں اجودھن ہندووں کا بہت بڑا مذہبی مرکز تھا ، یہ شہر ایک مضبوط قلع کی مانند تھا،اسکے گرد چار دیواری تعمیرکی گئی تھی اور چھ مشہور دروازے بناے گئے تھے جن کے نام لال دروازہ، سرکی دروازہ، ابودروازہ، موری دروازہ، رحموں دروازہ ، اور شہیدی دروازہ قابل ذکر ہیں۔
ُُؒٓلال دروازہ!۔
یہ دروازہ جنوب کی طرف فورہ چوک کے مشرق اور ایم سی ہائی سکول اور پولیس چوکی کے سامنے واقع ہے یہ دروازہ قدیم عہد کی زندہ تصویر ہے، محقیقین کی قلم اس دروازے پر ابھی تک خاموش ہے۔
سرکی دروازہ!۔
یہ دروازہ بابا فرید کے مزار کے مشرق جانب ہے یہ درگاہ بازار کے نام سے مشہور ہے ، زائرین پہلے دروازے سے آیا کرتے تھے اب بھی بہشتی کے دوران زائرین کا اخراج اسی بازار سے کیا جاتا ہے ایک بم دھماکے کے بعد یہ دروازہ مکمل پرانی طرز پر نیا بنا ہے ۔

ابو دروازہ!۔
یہ شہر کے مشرق کی طرف پرانی سبزی منڈی کے قریب ڈھکی پر ہے۔ اسکا اسم دیوان عبدالرحمن کے نام پر رکھا گیا تھا، محکمہ آثار قدیمہ کی غفلت اور باسیو ں کی بے اعتنائی کی بدولت یہ دروازہ اپنا وجود کھو بیٹھا اب اس دروازے کے ایک حصے کا فقط کچھ حصہ باقی ہے محکمہ آثار قدیمہ سے اس کی فور ی مرمت نا کر کے مجرمانہ غفلت سر زد ہوئی جو آنے والی نسلیں اسکو نا دیکھ سکیں گی ۔

شہیدی دروازہ!۔
جنوب کی طرف صرافہ بازار میں ہے یہ بازار قدیم زمانوں میں بھی گولڈ کی مارکیٹ تھا لوگ دور دراز سے سونے کی خرید و فروخت کے لیے آتے،اس دروازے کے بارے میں عام روایت یہی ہے کہ دیوان عبدالسبحان کے عہد میں حجرہ شیر گڑھ کے سادات اور قصور کے پٹھانوں کے درمیان لڑائی ہوئی سادات حجرہ یہاں آکر پنا ہ گزیں ہوے اور انکی حفاظت کرتے ہوے دیوان عبدالسبحان اسی دروازے کے قریب شہید ہو ے انکی شہادت کی بنا پر اس کا نام شہیدی دروازہ رکھا گیا۔ا س دروازے کی جبیں پر ایک چوبی کنندہ تختی نصب ہے جس پر تسمیہ کے ساتھ دروازے کی تاریخ اور افتتاحی کلمات درج ہیں ، دیمک خوردنی کی بنا پر تختی پر کندہ تمام عبارت مٹ چکی ہے۔

موری دروازہ!۔
یہ دروازہ شمال کی طرف گلی حضرت میاں علی محمد بسی شریف کے بلمقابل ڈھکی پر واقع ہے ،اس دروازے سے گزرنے کے لیے ایک چھوٹی کھڑکی ہے اس کی مناسبت سے اس کا نام موری دروازہ ہے اس کے پہلو میں عہد قدیم کی شاہکار ایک مسجد بھی ہے جس میں پیر حضرت میاں علی محمد آف بسی شریف اپنی حیات میں ہر ماہ رمضان میں مع مریدین نماز تراویح ادا کیا کرتے تھے، پاکستان سے قبل موری دروازہ کو ہانڈیاں والا دروازہ بھی کہتے تھے یہ دروازہ اب باسیوں کی بے مروتی کا رونا رو رہا ہے اس دروازہ کا ایک پاٹ آج بھی پوری طرح موجود ہے اور دوسرے کا وجود بھی نہیں۔

رحموں دروازہ!۔
مغرب کی جانب ٹاون ھال کے بالمقابل واقع ہے، اس کی وجہ شہرت کے بارے میں کوئی مستند معلومات میسر نہیں تاہم بابا فرید گنج شکر ؒکے مزار کی قربت کی بنا پر پہلے یہ رحمت دروازہ سے مشہور تھا بعد ازاں رحموں سے مشہور ہو تا گیا اور آج یہ دروازہ مزار کی طرف بند ہو گیا اس کی ایک دیوار بلکل ختم ہو گئی ہے دوسری سائیڈ محکمہ آثار قدیمہ کے بے حسی کا رونا رو رہی ہے۔
آج پاکپتن اپنی ترقی کی منازل طہ کر رہا ہے لیکن قدیم تہزیبوں کا جھلک آج بھی یہاں نمایاں ہے اس ضلع میں نا صرف بابا فریدؒ ہیں بلکہ یہاں پیر سید وارث شاہ نے اپنی ہیر مکمل کی ملکہ ہانس میں۔اور پھر یہاں بابا بھلے شاہ بھی رہے جن کی یاد اور فیض آج بھی ملکہ ہانس میں موجود ہے حضرت خواجہ عزیز مکی اور صحابی رسول حضرت عمیر مدنی سے منسوب مزار بھی پاکپتن کی زینت ہے

11/09/2026

حضرت شاہ صادق نہنگؒ
مسجد۔ دربار ۔و حویلی شاہ صادق نہنگ تاریخی ضلع #جھنگ جو کسی تعارف کا محتاج نہیں تاریخ جیسی بھی ہو صف اول میں کھڑا یہ ضلع اپنے حسن میں تاریخی حوالے لیے قاٸم ہے اس شہر جھنگ سے تحصیل شور کوٹ کی طرف جاتے ہوۓ کوٸی 44 کلومیٹر پہ تحصیل #شور کوٹ میں ہی ایک گاٶں صادق نہنگ میں اک عظیم ہستی جن کا نام تو حضرت محمد شاہ بخاری ہے لیکن تاریخ میں مشہور شاہ صادق نہنگؒ ہے ان ہی کا دربار سر سبز لہلہاتے ہوۓ کھیتوں میں بڑی شان سے کھڑا ہے حضرت شاہ صادق نہنگؒ کا یوم پیداٸش تو کسی کو معلوم نہیں ہے لیکن آپ کا وصال 1181 ہجری بمطابق 1767 میں ہوا آپ نے ساری زندگی اسلام کی تبلیغ احکام الٰہی پہ گزاری آگے بڑھنے سے پہلے بتاتے چلیں کہ آپ مشہور زمانہ صوفی بزرگ سید جہانیاں المعروف جہانیاں جہان گشتؒ کی اولاد سے ہیں اور مشہور صوفی بزرگ نورنگ جہانیاں کے بھائی ہیں آپ نے 36 مرتبہ مکہ کا سفر کیا اور دیگر ملکوں علاقوں شہروں میں اسلام کی تبلیغ کی اس لیے آپ کو جہان گشت کا لقب ملا آپ کا دربار #اچ شریف ضلع #بہاولپور میں ہے آپ کہ والد کا نام سید احمد کبیرؒ تھا جن کہ نام پہ کبیر والا شہر ہے اور ان کہ والد حضرت جلال الدین المعروف سرخ پوش بخاریؒ ہے۔
حضرت محمد شاہ بخاریؒ کو نہنگ کا لقب آپ کہ استاد حضرت شیخ سلیم سدھرؒ نے دیا
اس دربار اور مسجد کی تعمیر 1878 میں اس دربار اور خوبصورت مسجد کی تعمیر کی گٸ جو اس وقت کہ سجادہ نشین سید محمد پناہ شاہ بخاریؒ نے کرواٸی اس مسجد و دربار کی تعمیر میں چھوٹی اینٹ کا استعال کیا گیا اور اسے مغل فن تعمیر پہ تعمیر کروایا گیا اس مسجد و دربار کہ اندر #ملتانی کاشی کاری سے عمدہ خطاطی کی گٸ جس میس قرآنی آیات کہ ساتھ فارسی اشعار خوبصورت پھول پتیاں بناٸی گٸیں ہیں چھتوں پہ بھی خوبصورت خطاطی کی گٸ ہے اس احاطے دربار و مسجد کہ داخلی دروازے پہ بھی اردو ہندی انگریزی سے خوش آمدید لکھا گیا ہے
اس کے علاوہ یہاں مہمان خانے بارہ دری اور برآمدہ کی تعمیر بھی کی گٸ جو آج بھی قاٸم ہے اور آنے والے زاٸرین کو آج بھی یہاں اچھی مہمان نوازی دی جاتی ہے دربار اور مسجد کہ اوپر بنے گنبد پہ بھی ملتانی کاشی کاری صاف نظر آتی ہے
اگر دربار سے باہر کا جاٸزہ لیں تو آپ کو خوبصورت فن تعمیر سے تعمیر کردہ حویلیاں نظر آتی ہیں جن کی تعمیر 1875 سے 1906 میں اس وقت کہ انگریز سے خان بہادر کا خطاب پانے والے خان بہادر محمد رشید نے کرواٸی ان کو انگریز کی جانب سے نا صرف خان بہادر کا خطاب دیا گیا بلکہ دیگر پانچ اعزازات سے نوازا گیا
مسجد و دربار کی مرمت 2004 میں محکمہ آثار قدیمہ کی طرف سے کرواٸی گٸ تھی جس کہ بعد اس طرف اب توجہ بہت کم ہے
یاد رہے صدق شاہ نہنگؒ کی ملکیت 425 مربع زمین جو اب محکمہ اوقاف کی ملکیت میں ہے اتنا بڑا رقبہ محکمہ کہ پاس ہونے کہ باوجود بھی یہ مسجد و دربار عدم توجہی کا شکار ہیں

04/09/2026

ایک خاموشی ہوتی ہے جو ہم خود پیدا کرتے ہیں جب کوئی چیز ہمیں تکلیف دیتی ہے۔ یہ نہ بدنیتی ہوتی ہے ، نہ بدلہ ، نہ چھوڑ دینا۔ یہ در اصل خود کو چننے کا ایک طریقہ ہوتا ہے حساس روحیں اسی طرح خود کو سنبھالتی ہیں

30/08/2026

جب آپ کے اندر کسی کو متاثر کرنے کی حاجت نہ رہے، تو سمجھ لیں آپ آزاد زندگی جی رہے ہیں

Address

مری روڈ ایبٹ آباد
Abbottabad
22010

Telephone

+923129963969

Website

facebook.com

Alerts

Be the first to know and let us send you an email when Pak Virsa پاک ورثہ posts news and promotions. Your email address will not be used for any other purpose, and you can unsubscribe at any time.