Barnala A.K - برنالہ آزادکشمیر

03/06/2025

برنالہ شہر کی کوئی ایک منفرد بات؟

03/06/2025

✍️ سفرنامہ: برنالہ — کشمیر کی خاموش خوبصورتی

آغازِ سفر

میں نے جب پہلی بار برنالہ کا نام سُنا، تو خیال آیا کہ یہ کوئی عام سا دیہی علاقہ ہوگا۔ مگر جب میں آزاد کشمیر کی سرزمین پر پہنچا اور برنالہ کی طرف سفر شروع کیا، تو قدرت کی خوبصورتی اور سادگی نے دل جیت لیا۔

راستے میں سبز کھیت، پہاڑی جھونپڑیاں، اور خوش اخلاق لوگ میرے منتظر تھے۔ سادہ لیکن پُرخلوص، یہی یہاں کی اصل پہچان ہے۔

---

برنالہ ٹاؤن

برنالہ شہر میں قدم رکھتے ہی جامع مسجد برنالہ نظر آئی۔ پرانی طرز کی خوبصورتی لیے یہ مسجد علاقے کی روحانی علامت ہے۔ بازار چھوٹا مگر کافی متحرک تھا، جہاں مقامی دکاندار خندہ پیشانی سے خوش آمدید کہتے ہیں۔

ایک چھوٹے ہوٹل میں کشمیری چائے پی، جس کا ذائقہ آج تک یاد ہے۔

---

جندالہ — پہاڑوں کے دامن میں

اگلے دن میں نے گاؤں جندالہ کا رخ کیا۔ جیسے ہی میں بلند مقام پر پہنچا، نیچے پھیلے سرسبز میدان اور پہاڑیوں کا نظارہ دیکھ کر میری سانس رک گئی۔ یہاں کی جامع مسجد جندالہ ایک خوبصورت اور پُر سکون عبادت گاہ ہے۔

مقامی بچوں کے ساتھ گپ شپ کی، اور دیہاتی مہمان نوازی کا خوب تجربہ ہوا۔

---

رہڑ اور چاہ میانہ

میری اگلی منزل گاؤں رہڑ تھی، جہاں روایتی طرز زندگی آج بھی زندہ ہے۔ عورتیں کھیتوں میں کام کر رہی تھیں، اور بچے ندی کنارے کھیل رہے تھے۔

چاہ میانہ میں ایک قدیم برگد کے درخت کے نیچے بیٹھ کر میں نے کچھ وقت گزارا۔ لوگ کہتے ہیں کہ یہ درخت کئی نسلوں کا گواہ ہے۔

---

قدرتی حسن — نالے اور پہاڑیاں

برنالہ نالہ ایک چھوٹا مگر خوبصورت چشمہ ہے، جس کے اردگرد ہریالی اور پرندوں کی آوازوں نے ماحول کو اور بھی دلکش بنا دیا۔

اسی طرح جندالہ کی پہاڑیوں پر غروب آفتاب کا منظر کچھ ایسا تھا جیسے قدرت نے کینوس پر تصویر بنائی ہو۔

---

اختتام

برنالہ شاید بڑے سیاحتی نقشوں پر نہ ہو، مگر یہ ایک ایسا علاقہ ہے جہاں دل سکون پاتا ہے، روح تازہ ہوتی ہے، اور انسان فطرت سے جُڑ جاتا ہے۔

اگر آپ مصنوعی چمک دمک سے ہٹ کر اصل کشمیر دیکھنا چاہتے ہیں، تو ایک بار برنالہ ضرور آئیں۔ یہاں کا ہر پتھر، ہر کھیت، اور ہر چہرہ آپ کو خوش آمدید کہے گا۔

03/06/2025

03/06/2025

https://en.m.wikipedia.org/wiki/Barnala,_Azad_Kashmir

Barnala (Urdu: برنالہ) is a city located in the Bhimber District of Azad Jammu and Kashmir, Pakistan. The name "Barnala" derives from the words Bar (meaning "edge") and Nala (meaning "stream" or "river"), reflecting its location on the edge of a river. It serves as the administrative headquart...

29/07/2023

جولائی 2023 دنیا کی معلوم تاریخ کا گرم ترین مہینہ بن گیا

جولائی ختم ہونے سے پہلے ہی سائنس دانوں نے کہہ دیا ہے کہ یہ معلوم انسانی تاریخ کا گرم ترین مہینہ بن چکا ہے۔ انسانی تہذیب نے اس سے زیادہ گرمی کبھی نہیں دیکھی۔ اب بات گلوبل وارمنگ سے آگے نکل رہی ہے۔ زمین تپ نہیں رہی بلکہ دہک رہی ہے۔موسمیات کے عالمی اداروں نے کہا ہے کہ 2023 کا جولائی ایک لاکھ 20 ہزار برسوں کا سب سے گرم مہینہ بن رہا ہے۔

جولائی ختم ہونے سے پہلے ہی سائنس دانوں نے کہہ دیا ہے کہ یہ معلوم انسانی تاریخ کا گرم ترین مہینہ بن چکا ہے۔ انسانی تہذیب نے اس سے زیادہ گرمی کبھی نہیں دیکھی۔ اب بات گلوبل وارمنگ سے آگے نکل رہی ہے۔ زمین تپ نہیں رہی بلکہ دہک رہی ہے۔موسمیات کے عالمی اداروں نے کہا ہے کہ 2023 کا جولائی ایک لاکھ 20 ہزار برسوں کا سب سے گرم مہینہ بن رہا ہے۔
والڈ میٹروجیکل آرگنائزیشن اوریورپی یونین کے موسمیاتی ادارے کوپر نیکس کلائمیٹ چینج سروس نے کہا ہے کہ جولائی کی گرمی سابقہ ریکارڈ توڑنے کی سطح سے کہیں آگے نکل گئی ہے۔ عمومی طور پر ریکارڈ اس وقت ٹوٹتا ہے جب درجہ حرارت میں ایک ڈگری کے دسویں حصے کے برابر اضافہ ہوجائے۔ لیکن اس ماہ کے دوران ہونے والا اضافہ 2019 میں قائم ہونے والے ریکارڈ سے0.6 ڈگری یعنی ریکارڈ بنانے کے لیے درکار سطح سے چھ گنا زیادہ ہے۔
زمین کو گرم ہونے سے بچانے کے لیے دنیا بھر کے سائنس دانوں نے 2015 میں پیرس میں ایک معاہدہ کیا تھا جس میں کہا گیا تھا کہ عالمی درجہ حرارت کو صنعتی دور سے پہلے کے درجہ حرارت سے زیادہ سے زیادہ ڈیڑھ ڈگری سینٹی گریڈ تک محدود کر دیا جائے گا ۔ درجہ حرارت کو بڑھنے سے روکنے کے لیے کاربن گیسوں کے اخراج پر کنٹرول کیا جائے گا اور اسے بتدریج کم کرتے ہوئے صفر کی سطح پر لایا جائے گا۔
یہ تو ہم سب جانتے ہیں کہ فیکٹریوں، موٹرگاڑیوں اور انسان کے زیر استعمال دیگر آلات سے خارج ہونے والے دھوئیں میں بڑی مقدار کاربن گیسوں کی ہوتی ہے۔یہ گیسیں کرہ ہوائی کی بلندی پر پہنچ کر زمین سے واپس جانے والی حرارت کا راستہ روک دیتی ہیں جس سے زمین گرم ہونا شروع ہو جاتی ہے۔

زمین پر درجہ حرارت کا توازن قائم رکھنے کا قدرتی نظام یہ ہے کہ دن کے وقت سورج کی گرمی سے زمین کا درجہ حرارت بڑھتا ہے اور رات پڑنے پر زمین سے حرارت خارج ہو کر واپس خلا میں چلی جاتی ہے جس سے کرہ ارض کا درجہ حرارت اعتدال میں رہتا ہے۔
صنعتی ترقی کے آغاز سے پہلے یہ نظام ارب ہا برسوں سے خوش اسلوبی سے چل رہا تھا، لیکن 1760 کے لگ بھگ جب انسان نے پہلی مشین بنائی اور اس نے دھواں اگلنا شروع کیا تو اس سے قدرت کے نظام میں خلل کا بھی آغاز ہو گیا۔ جیسے جیسے فضا میں کاربن گیسوں کی مقدار بڑھ رہی ہے، زمین بھی غصے سے گرم ہوتی جا رہی ہے۔
زیادہ دور پرے کی بات نہیں ہے، گرمیوں میں عموماً درجہ حرارت ریگستانوں اور میدانی علاقوں میں بڑھتا تھا اور ساحلی علاقوں اور پہاڑی مقامات پر موسم معتدل رہتا تھا۔کینیڈا اور یورپ کے اکثر علاقوں میں گھروں میں پنکھے تک نہیں ہوتے تھے لیکن اب صورت حال یہ ہے کہ اے سی کے بغیر ایک پل گزارنا دشوار ہو گیا ہے۔

گرمیوں میں یونان میں موسم عموماً متعدل ہوتا ہے جس کی وجہ سے سیاحوں کی ایک بڑی تعداد تاریخی مقامات کی سیاحت کے لیے وہاں جاتی ہے۔ لیکن گرمی کی لہر نے سیاحوں کو پریشان کر رکھا ہے۔ 13 جولائی 2023

اس بار جون اور جولائی میں اتنی گرمی پڑی ہے کہ امریکہ، کینیڈا، یورپ اور جاپان تک میں لوگ چیخ اٹھے ہیں۔ امریکہ کی اکثر ریاستوں میں آجکل روزانہ کی بنیاد پر ’ہیٹ الرٹ‘ جاری ہو رہے ہیں اور لوگوں کو مشورہ دیا جا رہا ہے کہ وہ گرمی میں باہر نکلنے سے اجتناب کریں اور پانی کا زیادہ استعمال کریں۔
28 جولائی کو جاری ہونے والی ایک رپورٹ میں بتایا گیا ہے کہ امریکہ میں 20 کروڑ سے زیادہ لوگوں کو شدید گرمی یا گلوگل وارمنگ کے نتیجے میں شدید بارشوں اور سیلابوں کا سامنا ہے۔یہ تعداد ملک کی کل آبادی کا تقریباً 60 فی صد ہے۔ رپورٹ کے مطابق 27 جولائی کو دارالحکومت واشنگٹن، نیویارک اور فلاڈیلفیا میں درجہ حرارت اوسط سے ساڑھے پانچ سے آٹھ درجے سینٹی گریڈ سے زیادہ محسوس کیا گیا۔
یہ دھیان میں رہے کہ درجہ حرارت کی پیمائش دو انداز سے کی جاتی ہے۔ ایک یہ کہ سکیل پر حقیقی درجہ حرارت کتنا ہے اور دوسرا یہ کہ جو اثرات انسان محسوس کر رہا ہے وہ کتنے درجہ حرارت پر محسوس کیے جا سکتے ہیں۔

سائنس دانوں کا کہنا ہے کہ گرمی کے ریکارڈز کا اس تیزی سے ٹوٹنا مستقبل کے خطرات کی نشاندہی کرتا ہے۔ اس کے نتیجے میں آنے والی تبدیلیاں بہت تباہ کن ہوسکتی ہیں، جنہیں ہم گلیشیئرز کے تیزی سے پگھلنے، شدید بارشوں، سیلابوں، سمندری طوفانوں ، گرمی کی طویل لہروں، خشک سالی اور قحط اور فصلوں کی پیداوار پر منفی اثرات کی شکل میں ابھی سے دیکھ رہے ہیں۔
اقوام متحدہ کے سیکرٹری جنرل انتونیو گوتریس نے نیویارک میں ایک بریفنگ کے دوران نئے خطرات کی جانب اشارہ کرتے ہوئے کہا ہے کہ ہم گلوبل وارمنگ کے دور سے آگے بڑھ چکے ہیں۔ اب ہمارے سامنے عالمی سطح پر ز مین کے ابلنے کا منظرنامہ ہے۔
انہوں نے دنیا بھر کے ملکوں پر زور دیا کہ وہ اس خطرے کا ادراک کرتے ہوئے کاربن گیسوں کے اخراج پر قابو پانے اور انہیں صفر تک لانے کے لیے سنجیدہ اقدامات کریں۔

گکاربن گیسوں کا ایک نمایاں بڑا حصہ صنعتی اور ترقی یافتہ ملک خارج کرتے ہیں، جن میں امریکہ اور کئی یورپی اقوام شامل ہیں ۔ لیکن حالیہ برسوں میں چین اور بھارت بھی سب سے زیادہ کاربن گیسیں خارج کرنے والے ملکوں کی صف میں شامل ہو چکے ہیں۔ چین اور بھارت میں زیادہ تر بجلی گھر کوئلے سے چلتے ہیں۔
عالمی بینک کی ایک رپورٹ میں بتایا گیا ہے کہ دنیا کے 74 غریب ملکوں کا مجموعی طور پر کاربن گیسوں کے اخراج میں حصہ 10 فی صد سے بھی کم ہے۔آپ کو یہ جان کر حیرت ہو گی کہ ماہرین کے تخمینوں کے مطابق پاکستان کا گلوبل وارمنگ میں حصہ 0.4 فی صد سے بھی کم ہے، جب کہ گلوبل وارمنگ کے نتیجے میں گزشتہ سال کی شدید بارشوں اور سیلابوں سے اسے 30 ارب ڈالر سے زیادہ نقصان اٹھانا پڑا۔
گزشتہ چند برسوں سے ترقی یافتہ ملک معدنی ایندھن سے قابل تجدید توانائی کی جانب بڑھ رہے ہیں، جن میں بیڑی سے چلنے والی گاڑیاں اور دوسرے برقی آلات میں اضافہ شامل ہے۔ لیکن یہ رفتار خطرے میں اضافے کی رفتار کے مقابلے میں بہت سست ہے۔
سائنس دان کہتے ہیں کہ صرف ٹرانسپورٹ کے ایک چھوٹے حصے کو بجلی پر منتقل کرنا اس مسئلے کا حل نہیں ہے بلکہ یہ صورت حال کی سنگینی سے نظریں چرانے کے مترادف ہے۔ زمین کو دہکنے اور بھٹی میں تبدیل ہونے سے بچانے کے لیے فوری اور وسیع تر اقدامات کی ضرورت ہے، لیکن اس جانب کوئی واضح پیش رفت دکھائی نہیں دے رہی۔

یورپی یونین کے موسمیات کے ادارے کوپرنیکس کے ڈائریکٹر کارلو بونٹیمپو کہتے ہیں کہ صرف خشکی ہی نہیں بلکہ سمندر بھی تیزی سے گرم ہو رہے ہیں جس سے ایل نینو کے قدرتی عمل میں خلل پڑ رہا ہے اور طوفان جنم لے رہے ہیں۔ انٹارکٹیکا میں برف کو پہنچنے والا ریکارڈ نقصان پریشان کن ہے۔ان کا مزید کہنا تھا کہ اب تو یوں محسوس ہوتا ہے کہ جیسے موسم گرم نہیں ہو رہا بلکہ اسے پاگل پن کا دورہ پڑا ہو

اوریجنل ارٹیکل ~ وائس آف امریکہ

05/02/2023

05/07/2021

https://en.m.wikipedia.org/wiki/Barnala,_Azad_Kashmir
Read this informative geographical article about our city BARNALA and give your valuable comments for further improvement..
Regards:.Engr. Kabir Saim

The word "Barnala" literally translates to Bar (Edge) and Nala (River), which means "on the edge of a river" and was a key location during the 1965 Battle of Chamb.

20/05/2021

Barnala BAZAAR

20/05/2021

Govt. Degree College Barnala