31/05/2026
آج چترال شاہی پولو گراؤنڈ میں پری شندور پولو یعنی فری اسٹائل پولو ٹورنامنٹ کا فائنل کھیلا گیا، جس کی وجہ سے گراؤنڈ تماشائیوں سے کھچا کھچ بھرا ہوا تھا۔
اسی دوران چترال کے شیر دل مراج الدین جو ایک پیرا گلائیڈر ہیں، نے برموغلشٹ چترال گول نیشنل پارک سے ٹیک آف کر کے چترال شاہی پولو گراؤنڈ میں کامیابی سے لینڈنگ کی۔ یہ انتہائی مشکل اور خطرناک کارنامہ ہے، جس پر وہ داد کے مستحق ہیں اور لوگوں نے بھی انہیں خوب سراہا۔
شاباش مراج الدین صاحب
چترال قدرتی حسن کے ساتھ ایڈونچر ٹورازم کا بھی ایک اہم مرکز ہے، اور اس شعبے کی ترقی کے لیے سنجیدہ اقدامات کرنا وقت کی اہم ضرورت ہے۔
ہمیں ان بہادر اور پرجوش نوجوانوں کی بھی بھرپور حوصلہ افزائی کرنی چاہیے جو اپنی جان کو خطرے میں ڈال کر اپنے منفرد فن کا مظاہرہ کرتے ہوئے چترال کا نام روشن کر رہے ہیں۔
لہٰذا حکومتِ پاکستان اور متعلقہ اداروں سے گزارش ہے کہ وہ چترال میں ایڈونچر ٹورازم کے فروغ پر خصوصی توجہ دیں اور اسے علاقائی ترقی کا ایک مضبوط ستون بنانے کے لیے عملی اقدامات کریں۔
Chitral Tourism Trekk nd Tour
