20/11/2025
گلف ممالک جانے والے زیادہ تر لوگ جنہیں ائیرپورٹ پر آف لوڈ کر دیا جاتا ہے، ان کی تصاویر اور ویڈیوز دیکھ کر ایک بات سمجھ آتی ہے:
اکثر یہ وہی محنت کش بھائی ہوتے ہیں جو ورک ویزہ لے کر جا رہے ہوتے ہیں، سادہ سا شلوار قمیض اور چپل پہن کر انٹرنیشنل سفر پر نکل پڑتے ہیں۔
!بھائیوں
جب لاکھوں روپے خرچ کر کے ویزہ لے رہے ہو تو ایک اچھا پینٹ، شرٹ اور مناسب جوتے ضرور خرید لو۔
انٹرنیشنل ٹریول ہے، پہلی نظر بہت اہم ہوتی ہے۔
⸻
ویزہ اور کمپنی کی معلومات لازمی یاد رکھیں
• جس کمپنی کا ویزہ ہے، اُس کا نام اچھی طرح یاد رکھیں۔
• کمپنی کس شہر میں ہے، یہ بھی آپ کو پتا ہونا چاہئے۔
امیگریشن آفیسر اگر پوچھے تو کبھی بھی یہ مت کہنا:
❌ “ویزہ ایجنٹ سے خریدا ہے”
کیونکہ یہ جملہ سیدھا آف لوڈ کی طرف لے جاتا ہے۔
ہمیشہ یہ کہیں:
✔️ “میرے چچا/ماموں/کزن نے کمپنی سے بات کر کے مجھے بلایا ہے۔”
✔️ “یہ کمپنی کا باقاعدہ ویزہ ہے، میں انہی کے پاس کام کروں گا۔”
اور یاد رکھیں:
❌ ’آزاد ویزہ‘ کا لفظ ہرگز نہ بولیں۔
⸻
سفر سے پہلے اپنے پاس اتنی رقم ضرور رکھیں
اگر امارات، قطر، سعودی عرب جا رہے ہیں:
✔️ کم از کم 500 دینار/درہم ضرور رکھیں۔
اگر بحرین، کویت، عمان جا رہے ہیں:
✔️ کم از کم 100 ریال/درہم ہونا لازمی ہے۔
(زیادہ رکھ سکیں تو اور بہتر ہے)
اگر آفیسر کہے کہ رقم کم ہے تو اعتماد سے کہیں:
“رہائش کمپنی کی طرف سے ہے، کمرے میں سب لوگ مل کر کھانا بناتے ہیں۔ ایک مہینے کا خرچہ تقریباً 250 ریال یا 30–40 دینار تک آ جاتا ہے۔ اگر ضرورت پڑی تو انکل/رشتہ دار سے لے لوں گا، گھر والے پاکستان سے ادا کر دیں گے۔”
⸻
ایجنسی کے ذریعے جانے والوں کے لئے
اگر آپ بیورو آف امیگریشن کی رجسٹرڈ ایجنسی سے جا رہے ہیں تو آپ کی مکمل رہنمائی ان کی ذمہ داری ہے۔
وہ آپ کو پورا طریقہ بتائیں گے کہ ائیرپورٹ پر کیا کہنا ہے اور کیسے پیش آنا ہے۔
⸻
ٹکٹ ہمیشہ تبدیل ہونے والی (Refundable/Changeable) لیں
عام ٹکٹ میں اگر آپ سفر نہ کریں تو پیسے واپس نہیں ملتے۔
لیکن اگر آپ تاریخ تبدیل کرنے والی ٹکٹ خریدیں تو فائدہ یہ ہے کہ:
اگر آف لوڈ ہو بھی جائیں تو
✔️ اسی ٹکٹ کی تاریخ بدلوا کر دوبارہ سفر کر سکتے ہیں۔
اس لئے ٹکٹ لیتے وقت ایجنسی سے صاف کہہ دیں:
“مجھے چینج ایبل ٹکٹ چاہئے۔”
⸻
آخر میں صرف تین چیزیں یاد رکھیں:
1. اچھا لباس پہنیں۔
2. جس ملک جا رہے ہیں، اس کی تھوڑی کرنسی ساتھ رکھیں۔
3. چینج ایبل ٹکٹ لیں تاکہ نقصان نہ ہو۔
