Rasheed Baloch Bajrani

27/04/2026

27/04/2026

💕شکریہ عون شاہ، 💕شکریہ وکی شاہ 💕

27/04/2026

❤ پیر غلام شاہ❤ — ایک یادگار ملاقات💕

یہ بات ہے سال 2014 کی، گرمیوں کے سخت دن تھے۔
میں پنجاب میں تھا کہ اچانک ایک کال موصول ہوئی۔ بتایا گیا کہ ایک بزرگ سید مجھ سے ملنا چاہتے ہیں۔ میں نے جواب دیا کہ چار سے پانچ گھنٹوں میں ڈیرہ اسماعیل خان پہنچ جاؤں گا۔
راستے میں مسلسل کالیں آتی رہیں:
"کہاں پہنچے؟"
"کتنا وقت لگے گا؟"
مجھے محسوس ہوا کہ شاید کوئی ایمرجنسی ہے۔ چنانچہ تھکاوٹ کے باوجود گھر جانے کے بجائے سیدھا اسی مقام پر پہنچا جہاں میرا انتظار ہو رہا تھا۔
میں گاڑی سے اترا تو میرے ایک جاننے والے نے تعارف کروایا:
"یہ پیر غلام شاہ ہیں۔"
شدید گرمی تھی، ہم سڑک پر کھڑے تھے۔ میں نے ادب سے عرض کیا:
"مرشد، گاڑی میں اے سی چل رہا ہے، آئیے سکون سے اندر بیٹھ کر بات کرتے ہیں۔"
ہم گاڑی میں بیٹھ گئے۔ میں نے عرض کیا:
"حکم فرمائیں، کیسے یاد کیا؟"
یہ میری ان سے پہلی ملاقات تھی۔
پیر غلام شاہ نے آہستہ اور ٹھہرے ہوئے لہجے میں فرمایا:
"حاجی صاحب، میرا ایک مرید ہے۔ اس کی اہلیہ ہسپتال میں داخل ہے اور اسے سخت مالی ضرورت ہے۔ میں نے کئی دوستوں اور جاننے والوں سے مدد کی درخواست کی، مگر کسی نے تعاون نہیں کیا۔ پھر میرے ذہن میں آپ آئے، اس لیے آپ کو تکلیف دی۔"
میں نے عرض کیا:
"مرشد، آپ اپنے لیے تو کچھ نہیں مانگ رہے، بلکہ اپنے مرید کے لیے اس گرمی میں پریشان پھر رہے ہیں؟ اللہ اکبر!"
میں نے بغیر کسی سوال کے کہا:
"حکم کریں، کتنی رقم درکار ہے؟"
انہوں نے فرمایا:
"جتنی آپ کی استطاعت ہو۔"
میں نے اصرار کیا کہ وہ رقم بتائیں، مگر وہ نہ مانے۔
میں نے گاڑی کا ڈیش بورڈ کھولا، جہاں کچھ رقم موجود تھی۔ دوسری طرف منہ کرکے عرض کیا:
"جتنا دل چاہے لے لیجیے، بے فکر ہو کر۔"
آج تک مجھے نہیں معلوم کہ انہوں نے کتنی رقم لی۔
پیر غلام شاہ نے مجھے ڈھیروں دعائیں دیں۔
وہ اکثر فرمایا کرتے تھے:
"زمانہ تمہیں گرائے گا، مگر تم پھر بہار بن کر سامنے آؤ گے۔ تمہاری کبھی پیٹھ نہیں لگے گی۔"
واللہ! وہ سچ کہتے تھے۔
میں نے اپنی زندگی میں پہلا ایسا پیر دیکھا جو اپنے مرید کے لیے اس قدر تڑپ رکھتا تھا۔
آج وہ ہم میں نہیں، مگر ان کی خوشبو، ان کی دعائیں، اور ان کے الفاظ آج بھی میرے ساتھ ہیں۔
اللہ تعالیٰ پیر غلام شاہ کے درجات بلند فرمائے
تحریر سالار رشید بجرانی۔

26/04/2026

💕السلام علیک یا ابا عبداللہ الحسینؑ
​دوستو! تاریخ کی کتب میں امام عالی مقام کے سرِ انور کے مدفن کے حوالے سے مختلف روایات ملتی ہیں۔ آپ کے علم کے مطابق "سرِ اقدس" کی مستقل آرام گاہ کون سی ہے؟
​کیا وہ کربلا میں تنِ مبارک کے ساتھ ہے؟
​یا دمشق کے باب الصغیر میں؟
​یا قاہرہ (مصر) کی مسجد الحسینؑ میں؟
​اپنی معلومات کا اظہار کمنٹس میں کریں تاکہ سب کا علم بڑھے۔💕

26/04/2026

💕💕💕

25/04/2026

💕 الزام اور بہتان 💕

ایک خاموش مگر تباہ کن گناہ
ہم میں سے بہت سے لوگ ایسے گناہوں میں مبتلا ہیں جنہیں ہم گناہ ہی نہیں سمجھتے۔ انہی میں ایک انتہائی خطرناک اور تباہ کن گناہ بہتان اور الزام تراشی ہے۔
آج کے دور میں یہ گناہ اور بھی عام ہو چکا ہے:
فیس بک اور سوشل میڈیا پر بغیر تحقیق الزام تراشی کرنا
کمنٹس میں لوگوں کی کردار کشی کرنا
محفلوں، چوک چوراہوں پر کسی کا مذاق اڑانا
نجی نشستوں میں شریف لوگوں پر بہتان باندھنا
سنی سنائی باتوں کو آگے پھیلانا
کسی کی عزت کو کھیل سمجھ لینا
یہ سب ایسے گناہ ہیں جو بظاہر چھوٹے لگتے ہیں مگر اللہ کے نزدیک بہت بڑے ہیں۔
📖 قرآن مجید کی تنبیہات
1. سورہ النور (24:4)
"وَالَّذِينَ يَرْمُونَ الْمُحْصَنَاتِ... فَاجْلِدُوهُمْ ثَمَانِينَ جَلْدَةً"
ترجمہ: اور جو لوگ پاکدامن عورتوں پر تہمت لگاتے ہیں... انہیں اسی کوڑے مارو۔
2. سورہ النور (24:15)
"إِذْ تَلَقَّوْنَهُ بِأَلْسِنَتِكُمْ... وَتَحْسَبُونَهُ هَيِّنًا وَهُوَ عِندَ اللَّهِ عَظِيمٌ"
ترجمہ: تم اسے اپنی زبانوں سے نقل کرتے تھے اور اسے معمولی سمجھتے تھے، حالانکہ وہ اللہ کے نزدیک بہت بڑا تھا۔
3. سورہ الحجرات (49:12)
"يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ... وَلَا يَغْتَب بَّعْضُكُم بَعْضًا"
ترجمہ: اے ایمان والو! بہت زیادہ گمان سے بچو... اور ایک دوسرے کی غیبت نہ کرو۔
4. سورہ الاحزاب (33:58)
"وَالَّذِينَ يُؤْذُونَ الْمُؤْمِنِينَ... فَقَدِ احْتَمَلُوا بُهْتَانًا وَإِثْمًا مُّبِينًا"
ترجمہ: جو لوگ مومن مردوں اور عورتوں کو ایذا دیتے ہیں، انہوں نے بہتان اور کھلے گناہ کا بوجھ اٹھایا۔
احادیثِ نبوی ﷺ
1. رسولِ اکرم ﷺ نے فرمایا:
"جو کسی مومن پر جھوٹا الزام لگائے، اللہ اسے جہنم میں اس وقت تک رکھے گا جب تک وہ اپنے کہے کا ثبوت نہ دے" (مفہوم).
"بہتان لگانا قتل سے بھی بڑا گناہ ہے" (مفہوم)

"مسلمان وہ ہے جس کی زبان اور ہاتھ سے دوسرے مسلمان محفوظ رہیں"
اہلِ بیتؑ اور نہج البلاغہ سے رہنمائی
1. حضرت علیؑ (نہج البلاغہ):
"بدگمانی سے بچو، کیونکہ بدگمانی جھوٹ کی بدترین قسم ہے"

"مومن کی عزت اس کے خون سے بھی زیادہ محترم ہے"
3. امام جعفر صادقؑ فرماتے ہیں:
"جو اپنے مومن بھائی پر بہتان باندھتا ہے، اللہ اس کے ایمان کو اس کے دل سے اس طرح نکال دیتا ہے جیسے نمک پانی میں گھل جاتا ہے"

"کسی مومن پر جھوٹا الزام نہ لگاؤ، ورنہ اللہ تمہیں تمہارے ہی گھر میں ذلیل و رسوا کر دے گا" (مفہوم، آپ کے بیان کے قریب)
⚠️ آج کے دور کی حقیقت
آج ہم سمجھتے ہیں کہ:
"صرف ایک کمنٹ کیا ہے"
"صرف ایک بات ہی تو کی ہے"
مگر حقیقت یہ ہے کہ:
ایک کمنٹ کسی کی زندگی تباہ کر سکتا ہے
ایک الزام کسی کا گھر برباد کر سکتا ہے
ایک بہتان آخرت برباد کر سکتا ہے
🤲 درخواست
لہٰذا میری اپنے تمام احباب سے عاجزانہ گزارش ہے:
بات کرنے سے پہلے تحقیق کریں
سنی سنائی بات آگے نہ پھیلائیں
کسی کی عزت کو کھیل نہ بنائیں
اپنی زبان اور قلم کی حفاظت کریں
کیونکہ یہ وہ خاموش گناہ ہیں جو ہمیں محسوس بھی نہیں ہوتے،
اور یاد رکھیں:
جہنم کی آگ برداشت کرنے کی طاقت ہم میں نہیں۔
رشید بجرانی

24/04/2026

❤مختصر حالاتِ زندگی❤
علامہ محمد رمضان توقیر
علامہ محمد رمضان توقیر صاحب 1954ء میں حاجی مورہ، ضلع ڈیرہ اسماعیل خان میں پیدا ہوئے۔ ابتدائی تعلیم کے بعد 1967ء میں مدرسہ باب النجف جاڑا میں داخلہ لیا، جہاں آپ نے استاذ العلماء علامہ غلام حسن نجفی مرحوم سے دینی تعلیم حاصل کی۔ 1971ء میں آپ نے فاضلِ عربی کا امتحان پاس کیا، جو ایم اے کے مساوی سمجھا جاتا ہے۔
کچھ عرصہ درسگاہ ولی العصر، ڈیرہ غازی خان میں تدریس کے فرائض انجام دینے کے بعد 1981ء میں مزید اعلیٰ تعلیم کے لیے قم تشریف لے گئے۔ وہاں چھ سال قیام کے دوران دینی علوم میں مہارت حاصل کی اور حجتہ الاسلام کی سند حاصل کی۔
وطن واپسی کے بعد آپ تحریک جعفریہ پاکستان سے وابستہ ہو گئے اور صوبہ خیبر پختونخوا کے صدر بھی منتخب ہوئے۔ 2002ء میں اس وقت کے وزیر اعلیٰ اکرم خان درانی کے مشیر کے طور پر خدمات انجام دیں۔
علامہ صاحب ایک نفیس، بردبار اور وحدتِ امت کے داعی عالم دین ہیں۔ انہوں نے ہمیشہ شیعہ سنی اتحاد، امن و امان اور بھائی چارے کا پیغام دیا۔ آپ اپنے شہید قائد سید علی خامنہ ای کے افکارِ وحدت پر عمل کرتے ہوئے ہمیشہ یہ پیغام
دیتے رہے کہ اہلِ سنت ہمارے بھائی ہیں۔ ہماری جان ہیں۔
اسی وجہ سے برادران اہلسنت علامہ صاحب کو کافی ادب اور احترام کی نگاہ سے دیکھتے ہیں
علامہ صاحب نے اپنی پوری زندگی اپنی قوم و ملت کے لیے قربان کر دی۔
علامہ صاحب قوم کے ہر دکھ ہر سکھ میں عمر کے اس حصے میں بھی ساتھ رہے۔ چاہے دن ہو رات ہو علامہ صاحب نے ہمیشہ قوم کو سینے سے لگائے رکھا۔

اس وقت آپ شیعہ علماء کونسل پاکستان کے مرکزی نائب صدر ہیں اور قائد ملت جعفریہ علامہ سید ساجد نقوی کے دستِ راست کے طور پر قومی امور میں اہم کردار ادا کر رہے ہیں۔ اس کے علاوہ آپ پاکستان علماء مشائخ کونسل کے رکن بھی ہیں۔
تعلیمی میدان میں آپ مدرسہ جامعۃ النجف کوٹلی امام حسین، ڈیرہ اسماعیل خان کے پرنسپل اور ایک بہترین مدرس ہیں۔
اللہ تعالیٰ انہیں صحت و سلامتی عطا فرمائے اور ان کی دینی و ملی خدمات کو قبول فرمائے۔
تحریر رشید بلوچ بجرانی

24/04/2026

❤❤❤