Manj Agri Farms

21/03/2024

Copied Text

عید کےبعد شمالی و وسطی پنجاب کے بیشتر علاقوں میں گندم کی کٹائی شروع ہوگی۔1 ایکڑ گندم کاٹنے کی اُجرت 5من اناج ہے جسکی مالیت تقریباً بیس ہزار ہے۔کسانوں کی اکثریت گندم ہارویسٹر یا ریپر سےکٹوائے گی کیونکہ غربت کی لائن سےنیچےرہنے والےملک میں کوئی بھی گندم کاٹنے کو تیار نہیں ہوگا۔۔۔۔البتہ خیراتی آٹے کا ٹرک دیکھ کر سب دوڑ پڑینگے-
اگر مفلسی کا لبادہ اوڑھے ہمہ وقت غربت کا ڈھنڈورا پیٹتےاورہاتھ پھیلاتے لوگ محنت سےکام لیں تو کُچھ ہی دنوں میں اپنے اور اپنے پورے کنبے کے لیے سال بھر کی روٹی کما سکتے ہیں
جس دن مسجد کے باہر چھلی بیچنےوالوں کی تعداد بھکاریوں سے بڑھ گئی-اُس دن یہ ملک اپنے پاؤں پر کھڑا ہو جائیگا۔

17/12/2023

06/05/2023

Legal Advisor MAF

25/04/2023

اسلام علیکم

عشر کی وضاحت کے ضمن میں عرض ہے کہ نہری پانی کے علاقہ جات میں کیونکہ کاشتکار آبیانہ۔ ڈیزل۔بجلی وغیرہ کے اخراجات بھی ادا کرتا ہے۔
*اسلئے اللہ سبحانہ وتعالی نے نہری پانی سے سیراب ہونے والی زمینوں کی پیداوار کا بیسواں حصہ عشر مقرر فرمایا ہے جو کہ 100من میں سے 5من بنتا ہے۔*

جبکہ بارانی علاقوں میں تمام تر پیداوار باران رحمت(بارش) پر منحصر ہوتی ہے اور کاشتکار کا آبپاشی پر کوئ خرچ نہیں ہوتا۔
*اسلئے اللہ سبحانہ وتعالی نے بارانی یعنی بارش کے پانی سے سیراب ہونے والی زمینوں کی پیداوار کا دسواں حصہ مقرر فرمایا ہے جو کہ 100من میں سے 10من بنتا ہے۔*

جبکہ زرعی پیداوار کے علاوہ ساڑھے سات تولے سونا یا 52 تولے چاندی یا انکی مالیت کے برابر نقدی یا مال تجارت وغیرہ پر ایک سال گزرنے کے بعد *چالیسواں حصہ زکوۃ جو کہ 2.5فیصد ہوتا ہے فرض فرمائ ہے*

وما توفيقي إلا بالله۔

واللہ اعلم۔

23/03/2023

مونجی دھان کی نئی ورائٹی پوسا 1692 کیا حقیقت کیا افسانہ۔۔
عرض پاک میں ایک وقت تھا جب سفید چاندی یعنی کپاس کا عروج تھا اور کسان کپاس کی فصل سے بھرپور منافع کمال رہا تھا پھر کچھ قدرت کی طرف سے موسم نے کروٹ بدلی اور سب سے زیادہ نقصان سیڈ مافیا نے کیا۔۔۔ اور کپاس کی فصل زوال کا شکار ہوئی اور پچھلے چند سالوں سے لگا تار منافع کی بجائے نقصان میں جا رہی ہے اس میں سارا قصور مافیا کا ہی نہیں بلکہ کسانوں کا بھی ہے جو بغیر تحقیق کیے سنی سنائی باتوں میں آکر لالچی بن بیٹھے۔

آج کل کچھ اسی طرح کی صورتحال دھان کی فصل کے ساتھ بھی ہے پرانی ورائٹیوں کی جگہ نئے بیج متعارف ہو رہے ہیں جیسا کہ 1509 کی جگہ 1692 جوکہ ایک اوپن پولینیشن ورائٹی ہے لیکن سیڈ معافیا اور لالچی کسانوں کی ڈیمانڈ نے اسے ہرطرح کے موسم میں کامیاب قرار دے دیا ہے رہی سہی کسر چند یوٹیوبر اور فیس بکی ایکٹیوسٹ نکال رہے
جبکہ 1692 ایک اںڈین ورائٹی ہے اور انڈیا والے اسے موسمی اور پچھیتی کاشت کے لیے موزوں قرار دیتے ہیں خاص کر آلو والے رقبہ کےلیے بہترین ہے۔

اگر ہم غور کریں تو پچھلے سال دھان کی پیداوار اور ریٹ کے حوالے سے ایک مثالی سال رہا ہر ورائٹی کی پیداوار خوب آئی اسی لیے اب ہر کسان چاول ہی کاشت کرنا چاہتا ہے وہ بھی ڈبل فصل کے طور پر جو کہ ایک خطرناک ٹرینڈ ہے۔
زراعت کو جدید بنانے میں سوشل میڈیا کا بڑا کردار ہے اور سوشل میڈیا تقریباً تمام نئے کسان استعمال کر رہے ہیں نئی ورائٹی کے بارے یا نئی تکنیک کے بارے سوشل میڈیا ہی معلومات فراہم کر رہا ہے۔ اب یہاں بات قابل غور ہے پوسا 1692 کا بیج ہر کوئی سیل کر رہا ہے اور سوشل میڈیا ہر زورشور سے سیل کال جاری ہے پچھلے سال تو چند ایک لوگوں نے 1692 کاشت کی تھی جوکہ سوشل میڈیا پر دیکھاتے بھی رہے ہیں اور انکے پاس بھی محدود رقبہ کاشت تھا کچھ نے تو کٹائی کے فوری بعد بیج بیچ دیا کچھ نے سیزنل کاشت کے لیے رکھا تو سوچنے کی بات یہ ہے کہ اب یہ اتنا بیج کہاں سے آگیا؟؟ یقیناً عقل والوں کے لیے نشانیاں ہیں۔☺️
اب دوسری اہم بات کہ 1692 گندم کے فوری بعد کامیاب ہے کہ نہیں۔ اگر اس ضمن میں بھی ہم تھوڑی تحقیق کریں تو پچھلے سال ماسوائے ایک دو لوگوں کے پاکستان کسی نے بھی 1692 اگیتا کاشت نہیں کیا تھا اور جن نے کیا تھا انہوں نے بھی صرف بیج ملٹی پلائی کرنے کے لیے بہت تھوڑا رقبہ کاشت کیا تھا اور انکی فصل بھی جن دوستوں نے خود جا کر وزٹ کی وہ مطمین نظر نہیں آئے جبکہ پچھلے سال جن علاقوں میں پہلے سے ہی 1509 اگیتی کاشت ہوتی ہے یعنی سیالکوٹ اور گوجرانوالہ نارووال سائیڈ کے کچھ علاقے تو وہاں اچھے موسم کی وجہ سے اچھی پیداوار ملی لیکن صرف موسم کی وجہ سے ملی اس میں ورائٹی کا کوئی کردار نہیں۔
تیسری بات ڈبل فصل والی یہ بھی ایک بھونڈی افواہ ہے پاکستان کے موسم پچھلے کچھ سالوں سے سب کے سامنے ہیں جہاں پچھلے سیزن گندم مکئی وغیرہ کا موسمی شدت نے برا حال کر دیا وہاں اوپن پولینیشن والی 1692 کاکیا بنے گا؟؟
پوسا 1692 کے بارے بہت سی دیگر باتیں بھی غلط پھیلائی گئی ہیں جیساکہ 90 من پیداوار 70 دن میں تیار ڈبل فصل اگیتی میں کامیاب یہ سب فرضی کہانیاں ہیں ابھی اس ورائٹی بارے پاکستان میں مستند ڈیٹا موجود نہیں۔۔ کسانوں کو یاد ہوگا کہ جب 1509 نئی نئی آئی تھی تو اسی طرح اسے بھی ضرورت سے زیادہ بڑھا چڑھا کر پیش کیا تھالیکن دو تین سال 1509 نے بھی کسانوں کو خوب نقصان دیا پھر جب اسکا اصل وقت سمجھ آیا تو کامیاب ہوئی۔
لہذہ پوسا 1692 کو بھی ابھی ٹیسٹ کریں پھر کمرشل پر جائیں۔
پچھلے سیزن میں ہم نے 1692 کاشت کیا جسکا مکمل نچوڑ یہاں شیئر کر دیتا ہوں۔
پوسا 1692 عام طور پر 83سے 85 دن میں تیار ہوتا ہے
کھادیں 1509 کے برابر لیتی ہے۔
کھادیں پہلے 27 دن میں پوری کریں
پنیری 25 دن کی عمر سے پہلے شفٹ کریں
ایک زہر ضرور استعمال کریں
پیداوار 50 سے 75 من تک ہو سکتی ہے۔
پنیری کی منتقلی 5 جولائی کے بعد کریں۔
اگر اگیتی کاشت کرنی ہی ہے تو صرف ٹرائل کریں کمرشل نہیں۔
(یاد رہے پوسا 1692 کی اگیتی کاشت اتنی ہی کامیاب ہوگی جتنی 1509 کی کاشت کامیاب ہے یعنی اگر موسم سازگار توکامیاب اگر موسم ناسازگار تو ناکام)
موجودہ دور میں زرعی مداخل بہت مہنگے ہیں ایویں کسی فیس بکی ماہر کی باتوں میں آکر اپنا نقصان نہ کریں۔ باسمتی کی ابھی تک کوئی ایسی ورائٹی نہیں جو گندم کے فوری بعد کاشت ہوسکے اگر کوئی دوست گندم کے بعد دھان لگانا چاہتے ہیں تو ہائبرڈ وغیرہ ہی لگائیں۔

16/02/2023

13/02/2023