Let’s Travel to North

14/11/2024

موسم کی موجودہ صورتِ حال کے مطابق بابوسر ٹاپ شائد اگلے سال جون تک بند ہو چکا ہے۔سیاح حضرات جانے سے پرہیز کریں

10/07/2023

قراقرم ہائی وے پر سب سے خطرناک تتہ پانی کا علاقہ ہے جہاں ہر سال کی طرح اس سال بھی لینڈ سلائڈنگ ہو گئی۔اور ہزاروں سیاح کئی گھنٹے تک پھنسے رہے ابھی یہ رستہ کھلا ہے آپ سفر کر سکتے ہیں

13/06/2023

Skardu+ Fairy meadows cheapest price💯

07/05/2023

چلم جوشی فیسٹیول وادی کیلاش:-

پاکستان کی حسین ترین وادی کیلا ش میں صدیوں سے آباد کیلاش قبیلے کا سالانہ تہوار ”چلم جوش“ شروع ہونے والا ہے۔یہ تہوار ہر سال موسم بہار کی آمد پر 13 مئی سے 16 مئی تک منایا جاتا ہے۔ یہ پاکستان کے سب سے رنگارنگ اور مشہورتہوارکی حیثیت سے سب سے زیادہ شہرت کا حامل ہے یہی وجہ ہے کہ اس تہوار کو دیکھنے ہر سال ہزاروں سیاح وادی کیلاش کا رخ کرتے ہیں۔ یہی وہ تہوار ہے جو وادی کیلاش کی روز مرہ زندگی اور وہاں کے انوکھے رہن سہن کو دنیا بھر میں شہرت بخشنے کابڑا سبب ہے۔

پاکستان کے برفیلے علاقے چترال کے قریب واقع کیلاش کا علاقہ تین وادیوں ، ”رمبور“، ”بریر“ اور” بمبوریت“ پر مشتمل ہے ۔دراصل یہ پاکستان کا انتہائی شمال مغربی حصہ ہے۔ موسم بہار کے آتے ہی تینوں وادیوں میں چلم جوش کی تیاریاں شروع ہوجاتی ہیں لیکن تہوار کے خاص تین دن تمام مرد و خواتین وادی بمبوریت میں جمع ہوجاتے ہیں۔ مقامی لوگ اسے ”چلم جوشٹ“ بھی کہتے ہیں۔

یہاں کے سادہ لوح افرادآج بھی صدیوں پرانی روایات کے مطابق زندگی بسر کر رہے ہیں۔ انہوں نے پرانی روایات کو مذہب کی طرح اپنایا ہواہے۔اسی سبب سیاحوں کے لئے ان کی شادیاں، اموات، مہمان نوازی، میل جول، محبت مذہبی رسومات اور سالانہ تقاریب وغیرہ انتہائی دلچسی کا باعث ہیں۔ یہ وہ خصوصیات ہیں جو سیاحوں کو چترال اور خاص کر وادی کیلاش کی سیر کی دعوت دیتی ہیں۔

چلم جوش جشن بہار اں کی تقریب ہے ۔ مقامی افراد اس تہوار کیلئے کافی پہلے سے اوربہت سی تیاریاں کرکے رکھتے ہیں۔ مئی کا مہینہ شروع ہوتے ہوتے یہاں ہر طرف سبزہ اگ آتا ہے اور چار سو خوشبوں کا ڈیرہ پڑجاتا ہے۔ ندیوں اور دریاؤں میں پگھلتی ہوئی برف کا شفاف پانی موج زن ہوتا ہے جبکہ پہاڑوں پر سبز جنگلات کے بیچوں بیچ برفانی شیشوں سے روشنی منعکس ہوتی ہے ۔ یہ منظر علاقے کو نہایت دلکش اور قابل دید بنا دیتا ہے۔

چلم جوش کو وادی میں مذہبی تقریب کا درجہ حاصل ہے۔ اس دن خاص اہتمام کے ساتھ کھانے تیار کئے جاتے ہیں ۔ تہوار کے پہلے روزآپس میں بکری کا دودھ بانٹا جاتا ہے ہے۔ علاقے کے بزرگ لوگ ہی یہ دودھ اکٹھا کرسکتے ہیں ۔ پھر اس دودھ کو مقررہ مقام پر لایا جا تا ہے ۔ عام افراد دودھ کے حصول کیلئے قطاروں میں لگ کر اس کا انتظار کرتے ہیں۔ یہ دودھ ایک تبرک سمجھا جاتا ہے لہذا ہر ایک کی خواہش ہوتی ہے کہ کم از کم ایک گھونٹ دودھ اسے ضرور ملے۔

سب سے پہلے نو مولود بچوں کو دودھ پلایاجاتا ہے ۔پھر دوسرے بچوں کی باری آتی ہے۔ اس کے بعد نوجوانوں ، جوانوں اور بڑوں کو تھوڑا تھوڑا دودھ پینے کے لئے دیا جاتا ہے ۔تمام افراد کو دودھ پہنچا کر اس تقریب کا باقاعدہ افتتاح ہوتا ہے۔ اس کے بعد قبیلے کے بزرگ کھلے آسمان تلے روٹی پکاتے ہیں جست تمام افراد میں تقسیم کیا جاتا ہے۔ اس روٹی میں ہر قسم کے آٹے کے علاوہ علاقے میں پائے جانے والے تمام میوہ جات بھی ڈالے جاتے ہیں جویہاں کی ایک سوغات بھی ہے۔

روٹی کھانے کے بعد تمام مرد و زن مذہبی مقام ”جسٹک خان“ کے سامنے سے گزر کر ایک مخصوص میدان میں آتے ہیں جہاں خواتین ڈھول کی تاپ پر ناچتی اور گاتی ہیں ۔ مرد حضرات اوروادی میں آنے والے سیاح ارد گرد بیٹھ کریہ منظر دیکھتے اور داد دیتے ہیں۔یہ عمل شام ڈھلے تک جاری رہتا ہے پھر جیسے ہی سورج نیچے اترنا شروع کرتا ہے یہ لوگ اپنے اپنے گھروں کو چلے جاتے ہیں۔

کیلاش کی ثقافت میں خواتین کو منفرد مقام حاصل ہے ۔ گھر کے تمام فیصلے خواتین کرتی ہیں۔ گھر بار، مویشیوں کی دیکھ بھال،کاشتکاری، ہر قسم کا حساب کتاب۔۔ سب خواتین کی ہی ذمہ داری ہوتی ہے۔یہاں کی خواتین وادی کی مخصوص ثقافت اور تہذیب کی پہچان ہیں۔ خواتین کا کالا لباس، سر پر مخصوص دم دار ٹوپی اور گلے میں موتیوں کے ہار انہیں پوری دنیا سے الگ پہچان دیتے ہیں ۔

چلم جوش کا آخری دن نہایت اہم ہوتا ہے۔ سہ پہر کو جب کیلاش قوم ایک میدان میں جمع ہوتی ہے تو تمام خواتین خواہ کسی بھی عمر کی ہوں پھر سے ناچنا اور گانا شروع کردیتی ہیں۔ مرداور تماش بین نظارہ کرتے ہوئے ارد گرد کھڑے ہوجاتے ہیں۔ اس وقت کچھ مذہبی پیشوا ایک مقام پر اکھٹے ہو کر ہاتھوں میں پودوں کی سبز شاخ اٹھائے ہوئے میدان کی طرف آتے ہیں۔ تمام خواتین ان کو سلامی پیش کرتی ہیں۔

اب وہ آخری مرحلہ آتا ہے جوبلکہ منفرد ہے۔ یہ موقع محبت کا سر عام اظہار ہے۔ ایک دوسرے سے محبت کرنے والا لڑکا اور لڑکی ایک دوسرے کے قریب آتے ہیں، ایک دوسرے کاہاتھ تھامتے ہیں اور شادی کا اعلان کرتے ہیں۔ چند ہی لمحوں میں میدان شادی کے خواہش مند نوجوان جوڑوں سے بھرجاتا ہے۔ لوگ خوشی کا اظہار کرتے ہیں، ہنستے ہیں، چیختے ہیں اور ایک دوسرے کو مبارک باد دیتے ہیں۔

تمام جوڑوں کے میدان سے نکلنے کے بعد شرکاء باری باری ان جوڑوں کے گھروں میں جا کر مبارک باد دیتے ہیں اور یوں وادی میں بہار کا افتتاح ہو تا ہے۔ کیلاشوں میں تقریباً ہر شادی محبت اور ہم خیالی کا آئینہ دار ہوتا ہے اور یہ یہاں کی ایک خوبصورت داستان بھی ہے۔

25/03/2023

وادیِ سوات ،کےپی کے پاکستان♥️

25/03/2023

گنگا چوٹی,آزادکشمیر پاکستان

گنگا چوٹی، ضلع باغ آزادکشمیر کا ایک خوبصورت سیاحتی مقام ہے۔ یہ بنی منہاساں کے قریب، پیر پنجال کے پہاڑی سلسلے میں واقع ہے۔ گنگا چوٹی ایک ممتاز مقام رکھتی ہے اور تقریباً تین ہزار چوالیس میٹر (نو ہزار نو سو ستاسی فٹ) بلند ہے۔ اس کی امتیازی خصوصیت یہ ہے کہ اوپر پہنچنے کے بعد چاروں طرف کا منظر واضح طور پر دیکھا جا سکتا ہے۔ یہ مقام قدرت کا حسین شاہکار ہے، جو سیاحوں کو اپنے سحر میں جکڑ لیتا ہے۔
یہاں کی سیاحت کیلئے اپریل سے اگست کا موسم بہترین ہے۔ اس کے بعد ذرا سا بھی موسم خراب ہو جائے تو یہاں برف باری ہو جاتی ہے۔
اگر قدرت سے شفاف ماحول میں ملاقات کرنا چاہتے ہیں تو آزاد کشمیر کے دیگر سیاحتی مقامات کے ساتھ ساتھ گنگا چوٹی کا بھی سفر اختیار کریں۔ آپ کو گنگا چوٹی کبھی مایوس نہیں کرے گی۔

آئیے ذرا ایک نظر گنگا چوٹی کی تاریخ پر ڈالتے ہیں۔
گنگا چوٹی آزاد کشمیر کے دو اضلاع باغ اور مظفرآباد کے سنگم پر واقع ہے۔ یہ سابق ریاست پونچھ اور وادی کشمیر کی سرحد پر دس هزار فٹ بلندی پر واقح صحت افزاء مقام ہے۔ "گنگا چوٹی" جیسا کے نام سے ظاہر ہے، کی تاریخ ہندوؤں مذہب سے ملتی ہے۔ ہزاروں سال قبل سے یہ ہندوؤں کا مذہبی مقام رہا ہے۔ جس طرح دریائے گنگا اور جمنا پر جا کر ہندو اپنی مذہبی رسومات ادا کرتے تھے، اسی طرح ایک وقت یہ چوٹی سر کر کے یہاں کی یاترا کر کے یاتری سکون قلب حاصل کرتے تھے۔ گنگا چوٹی کے قریب تین کلومیٹر پر محیط ایک تالاب تھا، اس کو مقامی زبان میں "سر" کہتے ہیں۔ اس کے ساتھ پانی کا ایک چشمہ بھی تھا۔ یہ مقام اس قدر پرفضا اور کیف آگیں ہے کہ آج بھی موسم گرما میں ہزاروں کی تعداد میں اس چوٹی پر جاتے ہیں۔ وہ اس خوبصورت چوٹی کے اردگرد سینکڑوں کلومیٹر پر پھیلے ہوئے سبزہ زاروں کی سیر کرتے ہوئے گنگا چوٹی پر اپنی انمٹ یادیں چھوڑ جاتے ہیں.
۰
۰
۰
۰
۰
۰
۰
۰

28/02/2023

Cherry blossom season has been started in hunza.plan your trip with us for best services🙏

28/11/2022

شوگراں ویلی،کاغان پاکستان💖

18/11/2022

17/11/2022

سکردو میں برف سے ڈھکے پھل وپھول، ٹھنڈی صبح کا تازہ منظر💖🌸

۰
۰

24/10/2022

وادیِ ہنزہ میں خزاں کے دنگ🍂🍁

04/10/2022

Update!!
Babusar top will be open from 6 AM to 6 PM for any kind of taffic, Plan ur tours accordingly