12/09/2026
وزیرِ اعلیٰ گلگت بلتستان جناب امجد حسین سے ان کے دفتر میں صوبائی کمیٹی برائے تلی داس، روشن اور ہاکس کے نمائندگان نے ملاقات کی۔
ملاقات میں سیلاب سے متاثرہ علاقوں بالخصوص *ہاکس، روشن اور تلی داس* میں عوام کو درپیش مشکلات، دیگر اہم عوامی مسائل، بحالی کی ضروریات اور ترقیاتی اقدامات پر تفصیلی گفتگو کی گئی۔
تلی داس، روشن اور ہاکس کی نمائندگی کرتے ہوئے *جناب عابد علی نعیم صاحب، جناب احمد علی صاحب، جناب عمر جان صاحب، ایڈوکیٹ شجاع عالم صاحب اور جناب امتیاز صاحب* نے وزیرِ اعلیٰ کو متاثرہ علاقوں کی موجودہ صورتحال، سیلاب متاثرین کی ضروریات اور بحالی کے لیے درکار اقدامات سے آگاہ کیا۔
وزیرِ اعلیٰ نے وفد کو یقین دہانی کرائی کہ متاثرہ عوام اور عام شہریوں کو درپیش مشکلات کے ازالے کے لیے *جلد عملی اور مؤثر اقدامات* کیے جائیں گے۔
ان شاءاللہ، سیلاب سے متاثرہ کمیونٹیز کی مدد اور متاثرہ علاقوں میں بحالی کے کام کو تیز کرنے کے لیے ٹھوس اقدامات جلد اٹھائے جائیں گے۔
