24/06/2023
سوشانت سنگھ راجپوت کی خود کشی کے بعد ان کے فینز نے غیر مرئی قوتوں کے مالک سٹیو ہف کو بہت زیادہ ای میلز بھیج کر آنجہانی اداکار کی روح سے بات کرنے کی درخواست کی تھی۔ سٹیو ہف نے دعویٰ کیا تھا کہ وہ سوشانت سنگھ راجپوت کو نہیں جانتے لیکن انہوں نے عوامی مطالبے پر ان کی
روح سے بات کی تھی۔
سٹیو: کیا تم روشنی میں ہو؟
سوشانت کی روح: سٹیو کو بتاؤ کہ مجھے ایک چھوٹے سے روشندان سے روشنی مل رہی ہے
سٹیو: تم اس روشنی میں ہو جو میں نے گزشتہ رات خواب میں دیکھی تھی؟
سشانت کی روح: ہاں مجھے وہی روشنی دکھائی دے رہی ہے۔ لیکن میں ایک تاریک کمرے میں ہوں
سٹیو: کیا (حیرت سے) تم ایک تاریک کمرے میں ہو ؟ تمہیں بہت پیار کیا جاتا ہے دنیا میں۔ کیا تم اپنے فینز کو بتانا پسند کرو گے کہ یہ کیسا تاریک کمرہ ہے اور تم یہاں تک کیسے پہنچے ؟
سوشانت کی روح: میں نے نو مئی کے واقعہ کی مذمت نہیں کی تھی، جس کی وجہ سے مجھے کالی ویگو والے جنت سے اٹھا کر اس کالی کوٹھڑی میں پھینک گئے۔ میں سب فینز سے کہتا ہوں کہ صبح شام نو مئی والے واقعات کی مذمت کیا کریں
اور اس کے ساتھ ہی سٹیو ہف اور سوشانت کی روح کا رابطہ منقطع ہو گیا۔۔۔!!
