Molvies On Bikes

14/08/2025

#
تیری فضا میں اذانوں کی خوشبوؤں کا سرور
تیری زمین جہاں بھر کی دھرتیوں کا غرور
خدا کا فضل تیرے روپ کا نکھار وطن
تیری جبیں کی شکن پر ہے جاں نثار وطن
Molvies On Bikes

12/08/2025

رہنے کو دل بھی تھا مگر اے دوست آپ نے
حیراں ہوں انتخاب کیا آستین کا 💔
Molvies On Bikes

08/08/2025

دلبرانِ_شوق کی آنکھوں کی ٹھنڈک کے لیے مجرب نسخہ وفا۔۔ ❤️
Molvies On Bikes

07/08/2025

31/07/2025

یہ پیڈ پروموشن نہیں ہے۔۔ اور اگر کسی کو پیڈ پروموشن کرانی ہے تو ہماری فیس دو کروڑ روپے ہے۔۔ 🤣

لو جی جو دوست پریشان تھے انکے لیے نمونہ حاضر ہے ٹورننگ آپشن میں۔۔
اس قیمت میں ہنڈا کو سزوکی پر کہیں نہ کہیں کچھ برتری ضرور حاصل ہے
1۔ CBS ( کمبائنڈ بریکنگ سسٹم)
بریکنگ سسٹم۔۔ جو کہ ابھی تک اس کیٹیگری میں کسی بائک میں موجود نہیں۔
اگلی اور پچھلی بریک ایک بہترین تناسب سے ایک ساتھ ورک کریں گی۔۔
2۔ الیکٹرانک سسٹم
سزوکی جی ایس 150 کا الیکٹرانک سسٹم انتہائی فضول ہے۔ وائرنگ ایسی کہ بیڑی کا مسئلہ ہمیشہ رہتا ہے اور خریدتے ہی سب سے پہلا مسئلہ اسکی ہیڈ لائٹ تبدیل کرنے کا آتا ہے جبکہ ہنڈا 150 میں یہ سب مسائل شروع سے ہیں ہی نہیں
3۔ گیر انڈیکیٹر اور فیول گیج
سزوکی جی ایس 150 میں ٹورننگ کے دوران ان دو سہولیات کی کمی کا شدت سے احساس ہوتا ہے جبکہ ہنڈا کے اس کلاسک شیپ بائک میں یہ دونوں سہولیات بھی موجود ہیں۔
4۔ انجن بیلینسر
انجن کے اندر بیلنسر لگا ہوا ہے جس سے بائک کے انجن میں وائبریشن بلکل نہ ہومے کے برابر ہے۔۔ سموتھ رننگ ہے۔۔ پاور کے ساتھ ساتھ سموتھ بھی ہے
5۔ آفٹر مارکیٹ پارٹس آپشن
ہنڈا کی اس بائک میں کلر اور دوسرے بائک پارٹس کے آپشن ہنڈا کی طرف سے ہی دے دئے گئے ہیں جیسا کہ سائیڈ ٹاپے مختلف کلرز میں ہنڈا کے ہی بنائے ہوئے آپکو مل سکتے ہیں۔۔ ہینڈل بار مختلف کلرز میں۔۔ سیٹ مختلف کلرز میں۔۔ تو یہ ایک بہت بڑی نئی چیز ہے جوکہ پاکستانی مارکیٹ میں آئی ہے۔
6۔ سیٹ کی کمفرٹ
جی ایس 150 کی سیٹ اتنی بےکار ہے کہ آپ 5 کلومیٹر بھی آرام سے سفر نہیں کرسکتے کیونکہ اس نے آپ کی تشریف کی وہ خدمت کرنی ہے کہ پوچھیں مت۔ جی ایس 150 کی سیٹ پر نت نئے کمفرٹ کشن استعمال کرنے پڑتے ہیں جبکہ ہنڈا کی اس بائک کی کمپنی سے ہی سیٹ انتہائی آرام دہ بنائی گئی ہے جس پر آپ سینکڑوں کلومیٹر کا سفر بغیر کوئی اضافی سہولت کے کر سکتے ہیں۔

اور بھی چھوٹی چھوٹی کچھ بہترین خوبیاں ہیں۔۔ اب اس اوپر دی گئی تصویر میں ٹورننگ
آپشن بھی دکھا دئے گئے ہیں تو اس پر بھی غور کیا جاسکتا ہے۔۔
#نوٹ
ہنڈا سی بی 150 والا انجن ہی کچھ بیسک تبدیلیاں کی گئی ہیں۔ ہنڈا کے مطابق سی بی کے انجن کے ساتھ جو جو مسائل یا کمیاں نوٹ کی گئی ہیں وہ ان اس ماڈل میں دور کی گئی ہیں۔۔
Molvies On Bikes

28/07/2025

تفصیلی ویڈیو ملاحظہ فرمائیں۔۔
Molvies On Bikes

28/07/2025

کفر ٹوٹا خدا خدا کر کے
آخرکار ایٹلس ہنڈا نے بھی کچھ نیا متعارف کرایا۔۔ اب دیکھنا یہ ہے کہ یہ ماڈل مارکیٹ میں اپنی جگہ بنا سکتا ہے یا نہیں۔۔ 4 لاکھ 59 ہزار 900 روپے میں اس بائک کو لوگ کتنا رسپانس دیتے ہیں۔۔
میرا پرسنل خیال یہ تھا کہ اسکی تعارفی قیمت 4 لاکھ کے قریب قریب ہونی چاہئے تھی۔۔ کیونکہ ہنڈا اگلے کچھ ہی ماہ میں قیمتیں بڑھانے میں بہت بدنام ہے۔۔
آپ دوست بھی اپنے اپنے تاثرات سے آگاہ کریں۔۔
Molvies On Bikes
Honda Atlas Honda Limited

20/07/2025

دوسروں کو شعور کا سبق پڑھانے والے معاشرے کے اپنے منہ پر بے شعوری کا زور دار تھپڑ۔ ۔ ۔
Molvies On Bikes

18/07/2025

اس طرح کے بچوں کے والدین کی کمائی سے ٹیکس لیکر سیاستدانوں اور آفیسروں کے گھروں میں انکے بچے فری بجلی پر ائیر کنڈیشن میں چین سے سوتے ہیں😪
Molvies On Bikes

14/07/2025

زندگی میں آپ نے سب کچھ کر کے دیکھ لیا۔۔ کیا بچا ہے۔۔؟ اکثر کرنے کو ہے ہی کیا۔۔۔؟ ایک ہی طرح کی گھسی پٹی باتیں ہی باتیں۔۔ بار بار دہرا رہے ہو۔۔
پیار ہے تو وہ پیار ہے۔۔۔ جو صدیوں سے چلا آرہا ہے۔۔ نفرت ہے تو وہی نفرت ہے جو سب ہی انسان کر رہے ہیں۔۔ اور کرتے چلے جارہے ہیں۔۔۔
کوہلو کے بیل کی طرح زندگی کی رفتار ہے گول گول اسی میں چل رہے ہیں۔۔
آپ نے سب کچھ کر کے دیکھ لیا اور بہت بار کر کے دیکھ لیا۔۔
کس امید میں بیٹھے ہو۔۔ کس مستقبل کا انتظار ہے۔۔۔؟
توڑ دیں ساری امیدیں اور ہو جائیں مایوس۔۔
چھوڑ دیں ساری خوشیاں اور ہو جائیں اداس۔۔
اسی اداسی سے آپ کی زندگی کا پھول کھلے گا۔۔
نئے سرے سے سب شروع کریں۔۔ پیار، نفرت، پسند ، ناپسند سے آزاد ہوجائیں
دوبارہ سے اپنا نام رکھیں اور ساری نسبتیں چھوڑ کے پھر سے پیدا ہو جائیں ۔۔
Molvies On Bikes

13/07/2025

سفر آپ کو نئی نئی منزلوں پہ لے جاتے ہیں اور طرح طرح کے تجربات اور مشاہدات سے واقف کراتے ہیں۔۔ جب آپ کسی علاقے میں جاتے ہیں تو ہم میں سے سب کی یہی کوشش ہوتی ہے کہ یہاں کیا خاص ہے، اس علاقے میں ایسا کیا ہے جو اس علاقے کو باقی علاقوں سے مختلف اور منفرد کرتا ہے۔۔
کوئی علاقہ، کوئی جگہ یا عمارت، کوئی شخصیت یا کوئی کھانا۔۔ کوئی خاص ڈش یا کوئی خاص سوغات۔۔
یہ سب چیزیں ہمیں ہر علاقے میں منفرد ملتی رہتی ہیں۔۔ تو آج میں آپ کو ہمارے شہر جامپور کے علاقے میں بننے والی ایک خاص مٹھائی کے بارے میں بتاتا ہوں۔۔

میدے اور چینی کے شیرے سے بننے والی یہ مٹھائی اپنے خاص رنگ کی وجہ سے فوراً پہنچانی جاسکتی ہے۔ اور جامپور اور اس کے گرد نواح کے علاقوں میں کافی عام ہے۔
اس مٹھائی کی خاصیت یہ ہے کہ اس کے میٹھے کو آپ کنٹرول کر سکتے ہیں کہ آپ کو یہ کتنی میٹھی کھانی ہے آپ اپنی مرضی سے پسند کر سکتے ہیں۔۔
جی ہاں۔۔
یہ مٹھائی بالوشاہی کے خاندان کی ہے، اس میں اور بالوشاہی میں فرق یہ ہے کہ بالوشاہی کو شیرے میں ڈبویا جاتا ہے یہاں تک کہ وہ پورا شیرا چوس کر لے اور یہ کھرمے کی ٹکی کو گاڑھے شیرے میں صرف ڈپ کر کے فورن نکال لیا جاتا ہے اور خشک ہوتے ہوئے شیرے کے اوپر رکھ دیا جاتا ہے۔۔ معمولی سا ڈپ کرنے کی وجہ سے اس پر شیرے کی ایک ہلکی سی تہہ چڑھ جاتی ہے جس کی وجہ سے اندرونی حصہ مکمل طور ہر پھیکا ہوتا ہے۔۔ اب جب شیرا خشک ہو جائے تو آپ کی مرضی ہے کہ آپ اس کو جس بھی کمبینیشن کے ساتھ کھائیں ۔ زیادہ میٹھا، ہلکا میٹھا یا برابر کا میٹھا۔۔
آپ جس ریڑھی والے کو دیکھ رہے ہیں، یہ ہیں بھائی ثناء اللہ اور یہ انہی کے خاندان کی ایجاد ہے اور تقریباً 80 سے 90 سال سے انہی کا خاندان بنا رہا ہے۔
اب تو تقریباً جامپور میں ہر دوسرا مٹھائی والا یہ بناتا ہے مگر جو ذائقہ ان کے خاندان کا ہے وہ شاید ہی کسی کا ہو۔
انہی کے خاندان سے لوگوں نے یہ مٹھائی بنانا سیکھی اور اب اگر یہ کسی دوسرے شہر میں کسی شکل میں ملتی بھی ہے تو وہ یہیں سے سیکھے ہوئے لوگ ہیں۔۔
#نوٹ
ساتھی مشورہ دیں کہ اس مٹھائی کی تفصیلی وڈیو بنائی جائے جسے اپنے یوٹیوب چینل اور فیس بک پیج پر ڈالا جائے؟
جن دوستوں کو یہ مٹھائی چاہیے ہو تو بھائی ثناء اللہ آن لائن بھی بھیج دیتے ہیں ۔ نمبر ہم سے مل سکتا ہے۔۔
Molvies On Bikes