30/08/2026
مشن فالک سر: افواہوں پر دھیان نہ دیں، ريسکیو آپریشن جاری ہے!
تمام دوستوں اور علاقہ عوام سے گزارش ہے کہ فیس بک اور دیگر سوشل میڈیا پر فالک سر (کالام) کے ریسکیو آپریشن کے حوالے سے کچھ لوگ بلا تحقیق جھوٹی خبریں اور افواہیں پھیلا رہے ہیں، جس سے مرحوم میاں سید علی شاہ (تعلق: خوازہ خیلہ، واچ خوڑ) کے لواحقین اور گھر والے شدید ذہنی اذیت اور پریشانی کا شکار ہو رہے ہیں۔
اصل حقائق درج ذیل ہیں:
جائے وقوعہ کی نشان دہی:
اللہ کے فضل سے مرحوم کی میت کی صحیح جگہ کی نشان دہی مکمل ہو چکی ہے۔
آج کی پیش رفت:
آج ایک ہیلی کاپٹر نے علاقے کا فضائی سروے (Aerial Survey) مکمل کیا ہے تاکہ ريسکیو ٹیموں کے لیے اترنے اور میت منتقل کرنے کے لیے سب سے محفوظ اور بہترین حکمت عملی بنائی جا سکے۔
آپریشن کی صورتحال:
یہ آپریشن بالکل ناکام نہیں ہوا بلکہ مرحلہ وار پوری حکمت عملی کے ساتھ جاری ہے۔ اتنی بلندی اور سخت موسم میں ہر قدم بہت سوچ سمجھ کر اٹھانا پڑتا ہے۔
ہماری اپیل:
برائے مہربانی لائکس اور شیئرز کی خاطر بغیر تصدیق کے منفی خبریں نہ پھیلائیں۔ غم زدہ خاندان پہلے ہی ایک بڑے صدمے سے گزر رہا ہے، ان کی پریشانی میں مزید اضافہ نہ کریں۔
صرف بااعتماد ذرائع اور انتظامیہ کی دی گئی معلومات پر ہی یقین کریں۔ دعاؤں کی درخواست ہے کہ اللہ پاک ريسکیو ٹیم کو جلد از جلد کامیابی عطا فرمائے اور میت کو باحفاظت نیچے لانے میں آسانی پیدا کرے۔ آمین۔
