05/09/2025
گورنمنٹ گرلز ڈگری کالج عالم گودر باڑہ کی شاندار کامیابی
گورنمنٹ گرلز ڈگری کالج عالم گودر باڑہ کی طالبات نے بارہویں جماعت کے سالانہ امتحانات میں شاندار کامیابی حاصل کی۔ کالج کی ایک ہونہار طالبہ نے 1200 میں سے 1005 نمبر لے کر نمایاں پوزیشن حاصل کی، جس پر اساتذہ اور والدین نے بے حد خوشی اور فخر کا اظہار کیا۔
کالج نے مجموعی طور پر 88 فیصد کامیابی کا تناسب برقرار رکھا، جو کہ علاقے کے تعلیمی اداروں میں ایک منفرد اور قابلِ تقلید کارکردگی ہے۔ پرنسپل نے اس موقع پر اساتذہ اور طالبات کو مبارکباد دیتے ہوئے کہا کہ یہ شاندار نتائج محنت، لگن اور معیاری تعلیمی ماحول کا نتیجہ ہیں۔
علاقے کے عوامی و سماجی حلقوں نے بھی بہترین کارکردگی پر کالج انتظامیہ اور طالبات کو خراجِ تحسین پیش کیا اور امید ظاہر کی کہ یہ بچیاں مستقبل میں بھی اپنی صلاحیتوں اور محنت سے نہ صرف علاقے بلکہ ملک کا نام بھی روشن کریں گی۔
