16/05/2026
*پریس ریلیز*
ڈائریکٹر پولیس ٹریننگ سکول شاکس *جناب طیب جان صاحب* کی خصوصی ہدایت پر اور ڈی ایس پی ایڈمن *جناب فیض محمد صاحب* کی زیرِ نگرانی پولیس ٹریننگ سکول شاکس میں موجودہ سیکیورٹی حالات کے پیشِ نظر ایک جامع *موک ایکسرسائز* (Mock Exercise) کا انعقاد کیا گیا۔
اس موک ایکسرسائز میں چیف سیکیورٹی *گل داد خان* ، آر آئی *سجاد خان* ، چیف اے ٹی ایس *امان اللّٰہ خان* کے علاوہ *ڈرل سٹاف* ، *اے ٹی ایس سٹاف* ، *محرر سٹاف* اور *لاء سٹاف* کے جوانوں نے بھرپور انداز میں حصہ لیا۔ اس تربیتی مشق کا مقصد کسی بھی ممکنہ ہنگامی صورتحال یا دہشت گرد حملے کی صورت میں ادارے کے فوری ردِعمل، دفاعی حکمتِ عملی اور ریسکیو اقدامات کا عملی جائزہ لینا تھا۔
موک ایکسرسائز کے دوران فرضی حملے کی صورت میں فرسٹ ریسپانس، حملہ آوروں کو بروقت اور مؤثر انداز میں روکنے، ٹرینیز کو محفوظ مقامات تک بحفاظت منتقل کرنے، اور دہشت گردوں کے خلاف منظم اور مربوط انداز میں کارروائی کرنے کے مختلف مراحل کا عملی مظاہرہ کیا گیا۔ اس دوران متعلقہ سٹاف نے اپنی پیشہ ورانہ مہارت، باہمی تعاون اور تیاری کا بہترین مظاہرہ پیش کیا۔
اس موک ایکسرسائز کا بنیادی مقصد پولیس اہلکاروں اور ٹرینیز کو موجودہ سیکیورٹی چیلنجز سے نمٹنے کے لیے ہر لحاظ سے تیار رکھنا، ان کی عملی صلاحیتوں کو مزید بہتر بنانا، اور ادارے کے اندر سیکیورٹی نظام کو مزید مؤثر اور مضبوط بنانا تھا۔
ڈائریکٹر پولیس ٹریننگ سکول شاکس نے اس موقع پر تمام افسران اور جوانوں کی کارکردگی کو سراہتے ہوئے اس عزم کا اعادہ کیا کہ ادارے کی حفاظت، ٹرینیز کی سلامتی، اور کسی بھی ہنگامی صورتحال سے مؤثر انداز میں نمٹنے کے لیے ایسی تربیتی مشقوں کا سلسلہ مستقبل میں بھی باقاعدگی سے جاری رکھا جائے گا۔
