03/08/2026
سعودی سفارت خانہ اسلام آباد میں عمرہ ویزوں کے معاملات فوری بحال کیے جائیں
سعودی سفارت خانہ اسلام آباد میں گزشتہ تقریباً 15 روز سے عمرہ ویزوں سے متعلق موفا سسٹم (Mofa System) اور Send to Embassy (MBC) کا عمل مسلسل بند ہے، جبکہ اس کی وجوہات تاحال واضح نہیں کی گئیں۔
عمرہ ویزے کے حصول کے لیے جب درخواست جمع کروائی جاتی ہے تو بعض درخواستیں سسٹم خرابی کی وجہ سے Send to Embassy (MBC) میں چلی جاتی ہیں۔ان معتمرین کو پہلے پاکستان میں بائیومیٹرک (فنگر پرنٹس) مکمل کروانے ہوتے ہیں، جس کے بعد ان کے پاسپورٹ سعودی سفارت خانے بھیج کر ویزہ جاری کیا جاتا ہے۔
لیکن انتہائی افسوس کے ساتھ کہنا پڑتا ہے کہ گزشتہ پندرہ روز سے MBC کا عمل مکمل طور پر بند ہے۔ نہ اس بندش کی کوئی واضح وجہ سامنے آرہی ہے اور نہ ہی اس نظام کو دوبارہ فعال کیا جا رہا ہے۔
اس تعطل کے باعث Send to Embassy (MBC) میں موجود پاسپورٹس کی تعداد ہزاروں تک پہنچ چکی ہے، جس کے نتیجے میں ہزاروں معتمرین کے ویزے جاری نہیں ہو پا رہے۔
دوسری جانب ٹریول ایجنسیوں نے معتمرین کی سفری سہولت کے لیے پیشگی ایئر ٹکٹ خرید رکھے ہیں۔ ویزوں میں غیر معمولی تاخیر کی وجہ سے بیشتر ٹکٹ ضائع ہوچکے ہیں مزید بڑی تعداد میں ٹکٹ ضائع ہونے کے قریب ہیں،جس سے پاکستان بھر کی ٹریول ایجنسیوں کو کروڑوں روپے کے مالی نقصان کا سامنا کرنا پڑ رہا ہے،
Ministry of Religious Affairs & Interfaith Harmony, Pakistan
Saudi Arabia Ministry of Hajj & Umrah
Prime Minister's Office of Pakistan
Saudi Embassy
مزید برآں، معتمرین بھی شدید ذہنی پریشانی اور بے چینی کے شکار ہیں۔ ویزوں میں تاخیر کی ذمہ داری وہ ٹریول ایجنسیوں اور ٹریول ایجنٹس پر عائد کر رہے ہیں، حالانکہ یہ مسئلہ ان کے اختیار سے باہر ہے۔
لہٰذا پاکستان بھر کی ٹریول ایجنسیوں کی جانب سے وزیر اعظم پاکستان،وزارتِ خارجہ، وزارتِ مذہبی امور اور متعلقہ اعلیٰ حکام سے پرزور اپیل کی جاتی ہے کہ اس سنگین مسئلے کا فوری نوٹس لیا جائے، سعودی حکام سے ہنگامی بنیادوں پر رابطہ قائم کیا جائے،موفا سسٹم اور MBC کے عمل کو فوری طور پر بحال کروایا جائے تاکہ ہزاروں معتمرین بروقت عمرہ کی سعادت حاصل کر سکیں اور ٹریول انڈسٹری کو مزید مالی نقصان سے بچایا جا سکے۔
