18/09/2026
صبح سے کوہاٹ میں پولیس اور دہشت گردوں کے درمیان لڑائی جاری ہے، لیکن پاکستانی میڈیا کو دیکھیں تو ایسا لگتا ہے جیسے انہیں صرف لانگ مارچ کی پڑی ہے۔ اطلاعات کے مطابق شہادتوں کی تعداد تقریباً 30 تک پہنچ گئی ہے، مگر میڈیا ایسے خاموش ہے جیسے کوئی بکرا یا بکری مر گئی ہو۔
اسلام آباد میں ایک دفعہ دھماکا ہو جائے تو پورا ملک سر پر اٹھا لیا جاتا ہے، لیکن جب بات خیبر پختونخوا کی ہو تو ایسا محسوس ہوتا ہے جیسے یہاں کے انسانوں کی جان کی کوئی قدر ہی نہیں۔
کیا خیبر پختونخوا کے لوگ اس ملک کا حصہ نہیں؟ کیا یہاں بسنے والے پاکستانی نہیں؟ ان کی جانیں بھی اتنی ہی قیمتی ہیں جتنی پاکستان کے کسی بھی دوسرے حصے کے شہریوں کی۔
میڈیا کو چاہیے کہ خیبر پختونخوا میں جاری بدامنی، پولیس اور سیکیورٹی اہلکاروں کی قربانیوں اور عام شہریوں کے نقصان کو بھی اتنی ہی اہمیت دے جتنی ملک کے دوسرے حصوں کے واقعات کو دیتا ہے۔
