Khyber Pakhtunkhwa Updates

25/05/2026

وزیر بلدیات و اعلیٰ تعلیم خیبر پختونخوا مینا خان آفریدی کا عیدالاضحیٰ کے موقع پر محکمہ بلدیات کی میگا صفائی مہم کے انتظامات، تیاریوں اور جامع ایکشن پلان کے حوالے سے اہم پریس کانفرنس

23/05/2026

صوبائی حکومت کا عیدالاضحی کے موقع پر چار روزہ تعطیلات کا اعلان۔

محکمہ انتظامی امور حکومت خیبرپختونخوا نے نوٹیفیکیشن جاری کردیا.

22/05/2026

اہم اطلاع 📌

ہیٹ ویو الرٹ۔

محکمہ موسمیات کے مطابق 25 مئی سے 31 مئی تک خیبرپختونخوا میں شدید گرمی کی لہر متوقع ہے۔ مختلف اضلاع میں درجہ حرارت معمول سے 4 تا 7 ڈگری سینٹی گریڈ زیادہ رہنے اور بعض علاقوں میں 50 ڈگری سینٹی گریڈ تک پہنچنے کا امکان ہے۔

سیاح اور مسافروں سے التماس کی جاتی ہے کہ غیر ضروری سفر سے اجتناب کریں اور احتیاطی تدابیر اختیار کریں۔

22/05/2026

خیبرپختونخوا کابینہ ممبران خو قلمدان سونپ دیے گئے۔ اعلامیہ جاری

21/05/2026

E-Khuli Kacheri — LIVE NOW

Join the live E-Khuli Kacheri session by the Directorate General of Archaeology & Museums KP. Share your complaints, suggestions, and queries directly in comment section and get prompt responses in real time.

20/05/2026

Participants of the 46th Mid-Career Management Course (MCMC) visited , where they were truly inspired by its remarkable collection. They appreciated the efforts of Directorate General of Archaeology & Museums, KP in conserving and promoting this heritage and expressed their resolve to contribute towards safeguarding the region’s rich cultural legacy.

20/05/2026

آئین کے آرٹیکل 151 کے تحت بین الصوبائی تجارت پر پابندی غیرقانونی ہے، آفتاب عالم

خیبرپختونخوا 70 فیصد گیس وفاق کو دیتا ہے مگر عوام خود محروم ہیں۔ سی این جی بندش، مہنگی بجلی اور گندم پابندی صوبے کے ساتھ ناانصافی ہے، وزیر قانون

صوبائی وزیر قانون آفتاب عالم نے صوبائی اسمبلی کے اجلاس میں سی این جی بندش، گندم کی بین الصوبائی ترسیل پر پابندی، گیس کی غیرمنصفانہ تقسیم، مہنگائی اور صوبائی وسائل پر صوبے کے حق سے متعلق امور پر بھرپور انداز میں اظہار خیال کرتے ہوئے وفاقی اور پنجاب حکومت کی پالیسیوں کو شدید تنقید کا نشانہ بنایا۔ انہوں نے کہا کہ صوبائی حکومت کی جانب سے سی این جی بندش اور گندم کی ترسیل پر عائد پابندی کے خلاف پریس بریفنگ خوش آئند اقدام ہے اور اس معاملے پر خیبرپختونخوا اسمبلی کے اسپیکر کی جانب سے آواز اٹھانا قابل تحسین ہے۔

وزیر قانون آفتاب عالم نے کہا کہ آئین کے آرٹیکل 151 کے تحت بین الصوبائی تجارت پر کسی قسم کی پابندی عائد نہیں کی جا سکتی، ماسوائے اس صورت کے کہ مجلس شوریٰ عظیم تر عوامی مفاد میں قانون سازی کرے۔ انہوں نے کہا کہ کسی صوبائی حکومت یا انتظامی اتھارٹی کو یہ اختیار حاصل نہیں کہ وہ بین الصوبائی تجارت پر قدغن لگائے، تاہم پنجاب حکومت مسلسل ایسے اقدامات کر رہی ہے جن سے خیبرپختونخوا متاثر ہو رہا ہے۔ 1997 کی طرح ایک مرتبہ پھر مصنوعی قلت پیدا کی جا رہی ہے اور فارم 47 کے تحت قائم حکومت اسٹیبلشمنٹ کی سہولت کاری سے صوبوں کے حقوق سلب کر رہی ہے۔

آفتاب عالم نے کہا کہ پنجاب حکومت کی جانب سے چیف سیکرٹریز اور ڈپٹی کمشنرز کے ذریعے گندم کی ترسیل روکنے کے احکامات جاری کیے گئے جو آئین کی کھلی خلاف ورزی ہیں۔ انہوں نے کہا کہ پاکستان گندم کی پیداوار میں خود کفیل ہے اور قومی سطح پر ذخیرہ کرنے کی سہولیات بھی موجود ہیں، اس کے باوجود خیبرپختونخوا کے عوام 30 کلو آٹے کا تھیلا تین ہزار روپے سے زائد میں خریدنے پر مجبور ہیں جبکہ دیگر صوبوں میں یہی آٹا کم قیمت پر دستیاب ہے۔

آفتاب عالم نے کہا کہ ہماری جماعت صوبائیت کی سیاست پر یقین نہیں رکھتی، تاہم جب مسلسل ناانصافی کی جائے گی تو صوبے کے حقوق کے دفاع کے لیے آواز اٹھانا ضروری ہو جاتا ہے۔ وزیر قانون نے 26ویں اور 27ویں آئینی ترامیم کا حوالہ دیتے ہوئے کہا کہ ان ترامیم کے ذریعے سپریم کورٹ کے کردار کو مسخ کیا گیا ہے اور عدالت عظمیٰ میں بھی صوبے کے حقوق کا مقدمہ پیش کیا گیا ہے۔ انہوں نے کہا کہ آرٹیکل 151 کی خلاف ورزی کرنے والے عناصر درحقیقت آئین شکنی کے مرتکب ہو رہے ہیں مگر ان کے خلاف کوئی کارروائی نہیں کی جا رہی۔

وزیر قانون نے آرٹیکل 158 کا حوالہ دیتے ہوئے کہا کہ آئین واضح طور پر کہتا ہے کہ جس صوبے سے قدرتی وسائل پیدا ہوں، سب سے پہلے اس صوبے کے عوام کی ضروریات پوری کی جائیں۔ انہوں نے کہا کہ خیبر پختونخوا روزانہ 508 ایم ایم سی ایف ڈی گیس پیدا کر رہا ہے جبکہ صوبے کی ضرورت صرف 105 ایم ایم سی ایف ڈی ہے، اس کے باوجود صوبے کو گیس کی شدید قلت کا سامنا ہے اور 60 فیصد آبادی آج بھی گیس کی سہولت سے محروم ہے۔ انہوں نے کہا کہ صوبہ اپنی پیداوار کا تقریباً 70 فیصد گیس وفاق کو فراہم کر رہا ہے، لیکن اس کے باوجود سی این جی اسٹیشن بند کیے جا رہے ہیں اور صنعتوں کو گیس کی فراہمی معطل ہے۔

آفتاب عالم نے کہا کہ ایران، اسرائیل اور امریکہ کے درمیان کشیدگی کو جواز بنا کر عوام پر مہنگائی کا بوجھ ڈالا جا رہا ہے جبکہ خطے کے دیگر ممالک کے مقابلے میں پاکستان میں تیل کی مصنوعات کی قیمتوں میں سب سے زیادہ اضافہ کیا گیا ہے۔ موجودہ حکومت اب تک پٹرولیم مصنوعات کی قیمتوں میں مجموعی طور پر 62 فیصد اضافہ کر چکی ہے جبکہ مزید اضافے کی بھی منصوبہ بندی کی جا رہی ہے۔

آفتاب عالم نے کہا کہ خیبرپختونخوا کی صنعتوں کو دانستہ طور پر تباہ کیا جا رہا ہے۔ ان کے مطابق عمران خان کے دور حکومت میں صوبے کی پن بجلی سے پیدا ہونے والی سستی بجلی صنعتوں کو تین روپے فی یونٹ فراہم کی جا رہی تھی، مگر موجودہ حکومت نے بلنگ چارجز 27 روپے فی یونٹ تک پہنچا دیے ہیں جس سے صوبے کی صنعتیں مفلوج ہو کر رہ گئی ہیں۔ خیبرپختونخوا ایک جنگ زدہ خطہ ہے اور ایسے اقدامات سے یہاں کے عوام کی مشکلات میں مزید اضافہ ہو رہا ہے۔

وزیر قانون نے کہا کہ سی این جی خیبرپختونخوا کے ٹرانسپورٹ نظام کی بنیادی ضرورت بن چکی ہے اور عوام سستی گیس کے حصول کے لیے گھنٹوں قطاروں میں کھڑے رہنے پر مجبور ہیں۔ انہوں نے کہا کہ ایس این جی پی ایل کا نظام مرکزی نوعیت کا ہے جبکہ خیبرپختونخوا دیگر صوبوں کو گیس فراہم کرنے کے باوجود خود محرومی کا شکار ہے۔

انہوں نے کہا کہ سندھ، بلوچستان اور خیبرپختونخوا گیس سرپلس صوبے ہیں جبکہ صرف ایک صوبہ گیس کی پیداوار میں خسارے کا شکار ہے، لیکن اس خسارے کا بوجھ دیگر صوبوں پر ڈالا جا رہا ہے۔ انہوں نے کہا کہ قطر سمیت دیگر ممالک سے مہنگی آر ایل این جی درآمد کی جا رہی ہے اور اس کے کیپیسٹی چارجز بھی عوام سے وصول کیے جا رہے ہیں، جو سراسر ناانصافی ہے۔

آفتاب عالم نے کہا کہ بن قاسم اور ایف ایف سی جیسے فرٹیلائزر کارخانوں کو انتہائی کم نرخوں پر گیس فراہم کی جا رہی ہے جبکہ خیبرپختونخوا کے عوام اور صنعتوں کو محروم رکھا جا رہا ہے۔ انہوں نے کوہاٹ کو آئل اینڈ گیس کے حوالے سے ایک اہم پیداواری زون قرار دیتے ہوئے کہا کہ ناشپہ اور دیگر گیس فیلڈز سے بھاری مقدار میں گیس پیدا کی جا رہی ہے، لیکن آئل ویلز کے پانچ کلومیٹر کے دائرے میں واقع علاقوں کو بھی آج تک گیس فراہم نہیں کی جا سکی، جو حکومتی ناکامی ہے۔

وزیر قانون نے کہا کہ خیبرپختونخوا کو این ایف سی شیئر، ضم شدہ اضلاع کے حقوق اور قدرتی وسائل سے متعلق دیگر اہم معاملات میں بھی مسلسل نظرانداز کیا جا رہا ہے، تاہم صوبائی حکومت ہر فورم پر صوبے کے حقوق کا بھرپور دفاع جاری رکھے گی۔

20/05/2026

ڈائریکٹوریٹ جنرل آرکیالوجی اینڈ میوزیمز، خیبرپختونخوا کے زیراہتمام ای۔کھلی کچہری کا انعقاد 21 مئی 2026 (بروز جمعرات) دن 2 بجے کیا جائے گا۔

یہ ای۔کھلی کچہری وزیراعلیٰ خیبرپختونخوا سہیل آفریدی اور چیف سیکرٹری خیبرپختونخوا شہاب علی شاہ کی خصوصی ہدایات کی روشنی میں منعقد کی جا رہی ہے، جس کی نگرانی متعلقہ حکام کریں گے۔ یہ آن لائن کھلی کچہری 2 بجے سے 3 بجے تک جاری رہے گی۔

اس ای۔کھلی کچہری کا بنیادی مقصد عوام کو ایک شفاف، مؤثر اور قابلِ رسائی پلیٹ فارم فراہم کرنا ہے، جہاں وہ آثارِ قدیمہ اور عجائب گھروں سے متعلق اپنی شکایات، مسائل اور تجاویز براہِ راست پیش کر سکیں۔

شکایات کے اندراج کا طریقہ کار:

عوام الناس سے گزارش ہے کہ وہ اپنی شکایات گوگل فارم لنک کے ذریعے 21 مئی صبح 10 بجے تک جمع کروا دیں یا ہمارے آفیشل فیسبک پیج پر براہ راست ای کھلی کچہری سیشن کے دوران اپنی شکایات درج کر سکتے ہیں.

🔗 شکایات/تجاویز کے لیے گوگل فارم لنک:
https://forms.gle/puUSoJ1gq7Y9SWPk8

20/05/2026

وفاقی حکومت کی جانب سے عیدالاضحٰی کی چھٹیوں کا اعلامیہ جاری۔

20/05/2026

Swat’s Most Prestigious Hospitality Opportunity is Now Open. Where Luxury, Tourism & Investment Come Together.
The iconic Swat Hotel Building, formerly operated as Swat Serena Hotel, is now open for outsourcing of management and operations by the Khyber Pakhtunkhwa Culture and Tourism Authority
Nestled amidst the breathtaking beauty of Swat Valley.
Fully furnished & hospitality-ready property
Long-term investment opportunity for leading hotel brands & operators
Ideal for national & international hospitality groups.

This is more than a hotel, it’s a chance to shape the future of tourism in Khyber Pakhtunkhwa.
Bid Submission Deadline: 22 June 2026
Pre-Bid Meeting: 8 June 2026 at Swat Hotel Building.
Be part of transforming one of Pakistan’s most scenic destinations into a world-class tourism experience.