17/06/2025
‼️ لكل شخص عالق خارج البلاد – إحنا هون عشانكم!
✈️ التطورات الحالية – حتى تاريخ 17.06
✅ المطار في البلاد ما زال مغلق، وفي نقاشات بخصوص طيارات لإرجاع العالقين بجواز إسرائيلي، لكن ما في ولا قرار نهائي لليوم.
📢 عشان هيك، إحنا رح نضل نحدثكم أول بأول، ونعطيكم كل الطرق البديلة المتوفرة حاليًا.
🟢 شو ممكن تعمل حاليًا إذا بدك ترجع للبلاد بشكل طارئ؟
1️⃣ عبر الأردن (جسر الشيخ حسين/الملك حسين):
• المعبر والمطار بالأردن مفتوحين، لكن في حالات بيتم فيها إلغاء الرحلات حسب الوضع الأمني.
• الأفضلية للحجز بساعات الصباح، لأنها أقل عرضة للإلغاء.
• تابع بشكل دائم شركات الطيران، لأنه الرحلات بتتغير فجأة.
2️⃣ عبر شرم الشيخ – معبر طابا:
• دخول القاهرة ممنوع لحاملي الجواز الإسرائيلي، لكن شرم مسموح.
•شرم تُعَد خيار مضمون، بما انو الاردن بيلغوا رحلات، والوضع الجوي غير مستقر.
• في شركات بتصعّب الأمور وبتطلب فيزا للشرم لسببين: إما بسبب جهل، لانه بفكروا انو شرم زي باقي مصر. او في شركات تعملها عن لؤم، بختاروا، الي اشترى كرت ذهاب واياب. ولكن فعليًا اللي معه جواز إسرائيلي بس بحاجة يعبي نموذج بسيط يُعتبر فيزا.
• شركات مصرية ما بطلبوا حجز فندق، لكن مفضل تحجز مع إمكانية إلغاء، فقط لتسهيل الإجراءات.
• من شرم لطابا في مواصلات، وبعضهم رفع الأسعار.
• من معبر طابا تقدر تكمل بباص أو تاكسي لإيلات، أو من خلال شركات عربية عاملة باصات منظمة.
⚠️ ملاحظة: أغلب فنادق إيلات مغلقة حاليًا، فـ اللي بدو يرتاح بفندق، مُفضل ياخد فندق في طابا.
🏠 إذا بدك تبقى مؤقتًا في الخارج:
إذا كنتوا مجموعة، أنسب حل هو Airbnb، بتوفروا أكتر من الفندق، وبتختاروا المكان حسب ميزانيتكم.
ادخلوا على الموقع أو التطبيق، ودوروا على شقة مناسبة لظروفكم.
🧡 إحنا معكم، وبنضل معكم. أي حدا بحاجة مساعدة، يكتب هون أو يراسلنا خاص.
هذه المعلومات صحيحة لحد الان، تاريخ 17.06, بحال طرئ اي تغيير رح نعلمكم🙏🏼
🚕 رح نوفر قريبًا قائمة بمزوّدي خدمات وشوفيرية مناح وموثوقين، لحتى نسهّل عليكم التنقل بين المناطق والمعابر بأمان وبسعر معقول.
