https://www.facebook.com/1601579863421167/

Traveller's Notes, Singapore (2025)

16/01/2025

Cherry Blossom အချိန်ရောက်ပြီဆိုတော့ မနှစ်က သွားခဲ့တဲ့ Cherry Viewing point လေးတွေ ပြန်ပြီးမျှဝေပေးချင်ပါတယ်ရှင်❤️
Japan မှာ cherry က march လ နောက်ဆုံးတပါတ်နဲ့ April ရှေ့၂ပါတ်က ပွင့်နေကြအချိန်လေးတွေမို့ ကိုယ်တွေက မနှစ်က လေယာဉ်လက်မှတ်ကို mar 29 ဝယ်ထားတာ ကိုယ်ရောက်တဲ့ အချိန်နဲ့ ပန်းပွင့်တဲ့ အချိန်က အံကိုက်ဖြစ်သွားပြီး တနိုင်ငံလုံး လျှောက်သွားခဲ့သမျှ ပန်းတွေအဖွေးသားနဲ့ လက်ညိုးထိုးမလွှဲ ကြည့်ခဲ့ရတာဟာ Japan ခရီးစဉ်လေးရဲ့ တန်ဖိုးဖြတ်မရတဲ့ အတွေ့အကြုံလေးပါပဲ
စစချင်း ၂၉ mar မှာ Osaka ကိုရောက်တော့ Osaka ရဲတိုက်ကို အရင်သွားတာ ပန်းတွေက သိပ်မပွင့်သေးတော့ ကိုယ်ရောက်ချိန် မပွင့်သေးဘူးထင်ပီး စိတိမကောင်ဖြစ်ရသေးတယ်😃
နောက်ရက် Nara သွားတော့ လမ်းမှာပန်းတွေပွင့်နေတာမြင်တော့ ဝမ်းသာအားရနဲ့ ဆင်းပြီး ဓာတ်ပုံရိုက်ရတာအမော၊ နောက်ပိုင်းရက်တွေ Kyoto ရောက်ချိန်မှာ ၈၀ % က ပန်းတွေပွင့်ပြီး ဘယ်နေရာ လက်ညိုးထိုးထိုးပန်းတွေကိုမြင်ရတာ အရမ်းကြည်နူးခဲ့ရတယ်❤️
အဲ့ကနေ ခရီးဆက်ရင်း Nagano , Tokyo ဘက်လဲရောက်ရော လမ်းတလျှော မြင်မြင်သမျှ ပန်းတွေနဲ့ ဓာတ်ပုံတောင် ဆင်းမရိုက်နိုင်တော့လောက်အောင်ကို Tokyo တမြို့လုံးက ပန်းတွေ အပြည့်ဖုံးနေတာ😍
ပန်းတွေက Japan တောင်ပိုင်းကနေ မြောက်ပိုင်းဘက် တဖြည်းဖြည်းပွင့်တာ ကိုယ်တွေကလဲ တောင်ကနေ မြောက်ဘက် တက်သွားတာဆိုတော့ သွားရတိုင်းပန်းတွေအပြည်ြဖြစ်နေတာပေါ့😃
ကိုယ်တွေက Temple လည်ကြည့်ရတာပိုသဘောကြသူမို့ ပန်းကြည့်ဖို့နဲ့ Temple တွေသွားဖို့ အကောင်းဆုံးနေရာဖြစ်ပြီး Cherry blossom view map လေးကိုတော့ နောက်ဆုံးမှာ ထည့်ပေးထားပါတယ်ရှင်😍
ကိုယ်အကြိုက်ဆုံးနေရာတွေကတော့ Kyoto မှာ Philosopher's Path, Kaege Incline, Kumakura မှာ Tsurugaoka Hachimangu ရှေ့က လမ်းတလျှောက်၊ Fujiyoshiya မှာ Chureito Pagoda , Yamanashi မှာOishi park နေရာတွေကတော့ cherry ပန်းကြည့်ချင်သူတွေရောက်အောင်သွားသင့်တဲ့နေရာတွေပါလို့
Tokyo ကတော့ တမြို့လုံးနီးပါးပန်းပင်တွေနဲ့လှနေတာမို့ အထူးတလည်ပြောစရာမရှိပါဘူးရှင်❤️
ကိုယ့်လို Cherry ပန်း crazy လေးတွေ ၂၀၂၅ အတွက် cherry ကြည့်ဖို့ ပြင်ဆင်ဖို့အတွက် ဒီပိုစ့်လေးနဲ့ မျှဝေပေးပါတယ်ရှင်❤️

16/08/2024

ကောက်ညှင်းနဲ့လုပ်တဲ့မုန့်တွေတော်တော်များများကြိုက်တဲ့အထဲမှာ ကောက်ညှင်းကျည်တောက်လဲ အရမ်းကြိုက်တဲ့ထဲပါတော့ စင်္ကာပူမှာနေတဲ့ကာလတလျှောက် ကောက်ညှင်းကျည်တောက်ကိုလွမ်းရင် Lemang နဲ့ အစားထိုးရတာပေါ့😃

Lemang က ကောက်ညှင်းကျည်တောက်လို ဝါးလုံးထဲ ကောက်ညှင်းထည့်ပြီးကင်ထားတာပေမယ့် သူက အုန်းနို့နဲ့ အချို အငံ အရသာပါပါပြီးသားဆိုတော့ အုန်းနို့နဲ့ ကောက်ညှင်းကြိုက်သူအတွက် အဆင်ပြေတာပေါ့❤️

Lemang ကို Pasar malan တော်တော်များများမှာရောင်းပေမယ့် အခု kluang ကဆိုင်လေးလောက်သိပ်မကောင်းဘူး။

ဒီဆိုင်လေးက အမှန်ဆို စင်္ကာပူကနေ ၂နာရီ လောက်မောင်းရတဲ့နေရာလေးမှာရှိတော့ အမြဲတော့မရောက်ဖြစ်ဘူး။

မလေးရှားဘက်ခရီးထွက်တိုင်းတော့ လမ်းကြုံသည်ဖြစ်စေ၊ လမ်းမကြုံလဲ ကြုံအောင်လာပြီးစားရတဲ့ ကိုယ့်ရဲ့ favorite Lemang ဆိုင်လေးပါ❤️

ဒီဆိုင်မှာ နောက်ထပ်ကြိုက်တာတခုက ကြက်ကြော်ပါ။ ကြက်သားကို ပုံမှန် ဆနွင်း၊ ဆားနဲ့ကြော်တာမျိုးမဟုတ်ပဲ နံနံစေ့၊ စပါးလင်၊ ပင်းတော်သိမ်း၊ cumin seeds နဲ့သေချာနှပ်ပြီးကြော်ထားတာ မွှေးနေတာပဲ။

မလေးရှားဘက် သွားရင်းလာရင်း လည်ရင်းပါတ်ရင်းနဲ့ လမ်းကြုံရင် စားကြည့်ပါလို့❤️

01/08/2024

ဒီတခေါက်မွေးနေ့လေးက weekend လေးဆိုတော့ အရမ်းလဲမဝေးတဲ့နေရာလေးကို short trip လေးသွားကြရအောင်လို့စဉ်းစားတော့ Muar ကခေါင်းထဲပေါ်လာရော။

Muar က စင်္ကာပူကနေ၂ နာရီကျော်လောက်ပဲမောင်းရတဲ့ Malaysia,Johor ပြည်နယ်ထဲမှာ တည်ရှိတာပါ။
စင်္ကာပူကနေ coach စီးသွားလို့ရသလို Johor ကနေလဲ bus , taxi တွေနဲ့ သွားလို့ရပါတယ်။

Muar ကို ဟိုတခါ Melaka က အပြန်တရက်ဝင်လည်ကထဲက စိတ်ဝင်စားမိတာ (စိတ်ဝင်စားတဲ့အကြောင်းတခုက ကိုယ်ချစ်တဲ့ ရေချိုပုဇွန်ထုပ်ကြီးတွေရှိတာလဲပါတာပေါ့😍)။

နောက်တခုက June 28 ကနေ July 1 ရက်နေ့အထိ Muar ရဲ့ MP အစင်၊ အချောလေးက Muar ကနေ KL ထိ 200 KM run လုပ်ပြီး Muar ပြည်နယ်အတွက် Fundraising ရယ်၊ မလေးရှားအစိုးရရဲ့ opposition party ကအနိုင်ရတဲ့ ပြည်နယ်တွေကို Funding မလုပ်ပေးနိုင်တာကို awareness ရအောင်ရယ်လုပ်ခဲ့တာမို့ Muar ကို ပိုစိတ်ဝင်စားမိပြီး Muar ကိုသွားလည်ရင်း သူတို့လဲ Tourism ကနေ ဝင်ငွေအနည်းငယ်ပိုအောင်ကူပေးချင်တာ စိတ်ဖြစ်မိတာမို့ Muar ကိုသွားလည်ဖို့ ဆုံးဖြတ်ခဲ့တယ်။

Muar က အရမ်းလှတဲ့ Muar မြစ်ကြီးရှိယုံမကဘူး၊ ပင်လယ်နဲ့ပါနီးတာမို့ Seafoods တွေ အရမ်းပေါပြီး လတ်ဆတ်ပါတယ်။

Muar က အရမ်းစီတဲ့မြို့ကြီးမဟုတ်သေးပဲ kampong အငွေ့အသက်လေးတွေကလဲရှိနေသေးပြီး လမ်းတလျှောက်မှာ ရိုးရာအိမ်လေးတွေ၊ ခြံကျယ်ကျယ်နဲ့ bungalow အိမ်လေးတွေနဲ့ ခြံဝင်းထဲမှာ သီးပင်စားပင် အစုံနဲ့ ကြည့်မဝတဲ့ မြင်ကွင်းတွေကို ပိုင်ဆိုင်ထားတဲ့ မြို့လေးလဲဖြစ်ပါတယ်။

အခုသွားတဲ့ရာသီချိန်က ဒူးရင်းသီးကုန်ခါနီးနဲ့ ကြက်မောက်သီးတွေသီးတဲ့ရာသီဆိုတော့ လမ်းတလျှောင်မှာ ဒူးရင်းသီးနဲနဲကျန်သေးတဲ့ ဒူးရင်းပင်တွေ၊ လက်ညှိုးထိုးမလွဲတဲ့ တပင်လုံး အနီ၊ အစိမ်း၊ အဝါသီးတွေနဲ့ဖုံးနေတဲ့ ကြက်မောက်ပင်တွေ တွေ့ရပါတယ်။

လမ်းဘေးနေရာတိုင်းနီးပါးမှာ အသီးဆိုင်လေးတွေရှိပြီး အသီးတွေကလဲ စျေးတော်တော်သက်သာတာပါ။

မှတ်မိသလောက် တချို့ တောဒူရင်းသီးတွေ တကီလို ၃rm ကနေ ၆rm လောက်ပဲရှိပါတယ်။ Mung San King ကတော့ တကီလို ၄၈rm ပါ။
ကြက်မောက်သီးဝယ်စားချင်သူတွေအတွက် ကြက်မောက်သီးက တကီလို ၄rmပါ။
နံနတ်သီးတွေဆိုလဲ ၆လုံးမှ ၁၂ rm။

နောက်ပြီး Seafood ဂုံးမျိုးစုံ အစိမ်းကိုလဲ လမ်းဘေးဆိုင်လေးတွေမှာရောင်းတာတွေ့ရမှာပါ။ ဒီလို Seafoods အစိမ်းကို လမ်းဘေးမှာရောင်းတာမျိုးကို Thailand မှာတုန်းက Chumphon မှာလဲတွေ့ခဲ့ဖူးတယ်။

နောက် Muar ကိုရောက်ရင် မဝယ်မဖြစ်က Otak ပါ❤️။ Muar Otak ဆိုင်တွေ အများကြီးရှိတဲ့ထဲကမှ ကိုယ်တွေအကြိုက်ကတော့ Xiao Mei Famous Muar Otak Otak ပါ။ ရောက်တိုင်းမဝယ်မဖြစ်ဝယ်ပြီး ရေခဲဘူးနဲ့သေချာထုပ်ပေးလို့ စလုံးအိမ်ရောက်တဲ့အထိ ၈ နာရီ - ၁၀ နာရီလောက်တော့ ခဲနေသေးတုန်းပါ။

နောက် Muar မှာ ကိုယ်မစားရမနေနိုင်တာက Mee Bandung Udang Galah လို့ခေါ်တဲ့ ရေချိုပုဇွန်နဲ့ ပုဇွန်ခြောက် နိုင်းချင်းနဲ့ချက်ထားတဲ့ ခေါက်ဆွဲပါ။

နောက် Seafood တွေပေါတဲ့ Muar မှာ Seafoods လတ်လတ်ဆတ်ဆတ်လေးတွေစားဖို့ Sabak Awor Seafood Court မှာလဲ ကိုယ်ကြိုက်ရာ seafoodsကိုရွေးပြီး ကိုယ်စားချင်တဲ့ပုံစံချက်ခိုင်းလို့ရပါတယ်။

တခြား လူကြိုက်များတဲ့ အစားအသောက်တွေလဲ အများကြီးရှိပါတယ်။

အချုပ်ပြောရရင် weekend လေး စိတ်ပြေလက်ပျောက်သွားလည်ရင်း အရသာရှိတာလေးတွေလဲစားရင်း အလုပ်ပင်ပန်း စိတ်အမောတွေပြေပျောက်နိုင်ဖို့ ဒီ post လေးနဲ့ share ပေးပါတယ်ရှင်❤️

Muar MP အချောလေးပုံကတော့ နောက်ဆုံးမှာထည့်ထားပေးပါတယ်ရှင်😍

25/06/2024

*Home Monitoring & Eldercare (Home +) Program by Red Cross*

ဒီနေ့ပြောမယ့် အကြောင်းကတော့ စင်္ကာပူမှာနေတဲ့သူတွေထဲက လူတန်းစား ၂ရပ်အတွက် awareness ပေးချင်တဲ့ Home + program လေးအကြောင်းပါ။

လူတန်းစား ၂ရပ်မှာ တရပ်က အသက်အရွယ်ကြီးသူ၊ ရောဂါတခုခုရှိသည်ဖြစ်စေ၊ မရှိသည်ဖြစ်စေ၊ အိမ်မှာ တယောက်ထဲနေရသူ or အကူနဲ့နေရသူတွေအတွက် ဒီ program လေးရဲ့ ကောင်းကြိုးလေးတွေကို ပြောပြပေးချင်ပြီး နောက်လူတန်းစားတရပ်ကတော့ သက်ငယ် or သက်လတ်ပိုင်း အားလပ်ချိန်မှာ community အတွက် ကူညီပြီး စောင့်ရှောက်ပေးချင်တဲ့ သူတွေ အတွက် ရည်ရွယ်ပါတယ်❤️

င်္စကာပူနိုင်ငံက ၅၉နှစ်သက်တမ်းကိုဝင်လာချိန်မှာ သက်ကြီးပိုင်းလူတွေလဲများလာပြီး၊ တချို့အိမ်ထောင်မရှိ၊ သားသမီးမရှိလို့ဖြစ်စေ၊ အိမ်ထောင်ရှိသားသမီးရှိသော်လဲ အတူမနေ အဝေးမှာနေကြလို့ဖြစ်စေ သက်ကြီးပိုင်း တယောက်ထဲနေကြတဲ့ အရေအတွက်ကလဲ များလာပါတယ်။

လူကြီးတွေတယောက်ထဲနေတဲ့အခါ အိမ်ထဲမှာတခုခုဖြစ်ရင် အကြောင်းကြားဖို့မလွယ် ဘေးပါတ်ဝန်းကျင်ကလဲမသိတဲ့အခါမျိုးတွေမှာ မလိုအပ်ပဲ အသက်ဆုံးရှုံးတာမျိုးတွေအထိရှိလာသလို၊ သေဆုံးနေတာမျိုးကို ဘယ်သူမှမသိပဲ အနံ့ထွက်လာမှသိတာမျိုးတွေတွေ အခုနောက်ပိုင်းမှာ အဖြစ်များလာပါတယ်။

ဒါကြောင့် Singapore Red Cross က ဒီ Home+ (Home monitoring & Eldercare) program လေးကို ၂၀၁၇ မှာ စတင်မိတ်ဆက်ပါတယ်။

ဒီ program မှာ subscription လုပ်ထားတဲ့ client တွေ အတွက် သူတို့ရဲ့ ရောဂါအခြေအနေ၊ contact information တွေကို အမြဲ updates လုပ်ပြီး စောင့်ကြည့်ပါတယ်။

နောက် သူတို့ရဲ့ အိမ်မှာ monitoring sensor 4 ခု ( kitchen, toilet, living room, bedroom) door sensor နဲ့ တခုခုဖြစ်ရင် Red Cross ကို အလွယ်တကူ အကြောင်းကြားနိုင်အောင် panic button 2 ခုကို တခုက ကိုယ်နဲ့မကွာဆောင်ဖို့နဲ့ တခုက အိပ်ယာဘေးလက်မှီတဲ့နေရာမှာ အဆင်သင့် နှိပ်နိုင်အောင် ထားပေးထားပါတယ်။

Panic button ကို တကြိမ်နှိပ်ရင် Red Cross Centre က အဲ့အိမ်ကိုဖုန်းလှမ်းဆက်ပြီး အခြေအနေမေးပါတယ်။ ကာယကံရှင်ကိုခေါ်လို့မရရင် သူ့ရဲ့ NOK ကိုခေါ်ပြီး အကြောင်းကြားပြီးအခြေအနေကို ကြည့်ပါတယ်။ NOK ကိုလဲ contact လုပ်လို့မရရင်တော့ Home + responders volunteer တွေက တနာရီအတွင်းအဲ့အိမ်ကို အရောက်သွားပြီး client အဆင်ပြေမပြေနဲ့ လိုအပ်တဲ့ vital rangeကို စစ်၊ condition ကိုစစ်ဆေးပြီး လိုအပ်ရင် ambulance ခေါ်၊ ဆေးခန်းသွားဖို့ ကူညီ စီစဉ်ပေးပါတယ်။

Panic button ကို ၅ ကြိမ်ဆက်တိုက်နှိပ်ရင်တော့ 995 ကို activated ဖြစ်ပြီး ambulance က ၁၅ မိနစ်အတွင်း အရောက်လာပါတယ်။

နောက် monitoring sensors တွေက 24/7 hr monitoring လုပ်နေပြီး bedroom မှာ ၆hr & above နဲ့ တခြားနေရာတွေမှာ 3hr & above movement မရှိတာနဲ့ Red Cross monitoring center ကို alarm triggered လုပ်ပြီး Red Cross staff က client ကို ဖုန်းခေါ်ပါတယ်။
ဖုန်းခေါ်လို့မရရင်တော့ အပေါ်မှာပြောခဲ့သလို home+ responders တွေရောက်လာပြီး စစ်ဆေးပေးမှာဖြစ်ပါတယ်။

Home+ responders တွေရောက်လဲ အိမ်ထဲက response မရရင် police ကို inform လုပ်ပြီး police က SCDF နဲ့အတူ အိမ်ထဲဝင်ပြီး အထဲက အခြေအနေကို စစ်ဆေးမှာပါ။

Device တွေအကုန်က motion detector ဖြစ်ပြီး no camera ပါ။

အဲ့တော့ သက်ကြီးသူမတွေ ငါတခုခုဖြစ်ရင် ဘယ်သူမှမသိရင်ဘယ်လိုလုပ်မလဲ စိတ်ပူစရာမလိုပဲ ကိုယ့်အိမ်မှာကိုယ် စိတ်အေးချမ်းစွာနဲ့ နေနိုင်မှာပါ။

ဒီ program လေးက လစဉ် subscription fees တော့ရှိပြီး devices တွေက အကုန် free installation လာလုပ်ပေးတာပါ။

Subscription fees ကလဲ သူ့နိုင်ငံသားတွေ၊ ရောဂါအခြေအနေ၊ စီးပွါးရေးအခြေအနေပေါ်တွေမူတည်ပြီး subsidy တွေနဲ့နုတ်လိုက်ရင် တလကို ၁၀$ ဝန်းကျင်ပဲပေးရတော့တာပါ

အဲ့တော့ လူကြီးသူမ၊ တယောက်ထဲနေသူတွေအတွက် အရမ်းသင့်တော့တဲ့ program လေးပါလို့ ပြောပါရစေရှင်❤️

စင်္ကာပူမှာနေတဲ့ လူငယ်လူလတ်ပိုင်းတွေကတော့ ဒီ Home + program လေးအတွက် လိုအပ်တဲ့ training တွေတတ်ပြီး ကိုယ့်အားလပ်ချိန်လေးတွေမှာ သက်ကြီးပိုင်းတွေအတွက် ကူပြီးစောင့်ရှောက်ပေးနိုင်ရင် community အတွက် အတိုင်းထက်အလွန်ကောင်းမွန်တာမို့ ပါဝင်စေချင်တာပါရှင်❤️

Home+ program လေးအကြောင်း ပိုသိချင်ရင် Red Cross Centre ရဲ့ ဖုန်း 66640699 မှာ စုံစမ်းလို့ရပါတယိရှင်❤️

စင်္ကာပူမှာ အမြဲတမ်းနေထိုင်ခွင့်ရနေတဲ့သူတွေရော၊ ခဏတဖြုတ် အလုပ်လာလုပ်ရင်း နေထိုင်နေသောသူတွေပါ မိမိ နေထိုင်နေစဉ်ကာလအတွင်း နေထိုင်ခွင့်ရတဲ့နေရာလေးအတွက် ကောင်းကျိုးလေးတွေ အတူတူပြုနိုင်ဖို့ မျှဝေပေးပါတယ်ရှင်❤️

05/01/2024

ဒီနေ့ပြောမယ့်အကြောင်းကတော့ ခါတိုင်းလို ခရီးသွား၊ စားတာတွေမဟုတ်ပဲ ကိုယ်ချစ်ရသူတွေရဲ့ အသက်ကို ကယ်နိုင်ဖို့ First Aid အကြောင်းလေးပါ❤️
အဓိကကတော့ ကိုယ့်ပါတ်ဝန်းကျင်မှာ ၊ ကိုယ်ချစ်ရတဲ့သူတွေမှာ Cardiac Arrest ဖြစ်ခဲ့ရင် Paramedics တွေမလောက်လာခင်မှာ အသက်ကယ်တင်နိုင်ဖို့ First aider အနေနဲ့ CPR လုပ်ပေးဖို့နဲ့ AED စက်တွေကိုသုံးနိုင်တဲ့သူတယောက်ဖြစ်အောင် ဘယ်လိုလေးတွေလုပ်သင့်လဲကို ပြန်မျှဝေပေးချင်တာပါရှင်❤️
လူ့သက်တန်း ၄၀ ကျော်လာတဲ့အခါမှာ Cardiac Arrest ဖြစ်နိုင်ခြေတွေက များလာပါတယ်။
မနှစ်ကအတွင်းမှာတင် ကိုယ့်ပါတ်ဝန်းကျင်က အသိတွေထဲမှာ Cardiac Arrest ဖြစ်ပြီး ၂ယောက်ကတော့ ကံကောင်းစွာနဲ့ ဘေးပါတ်ဝန်းကျင်မှာ medical knowledge ရှိတဲ့သူအလွယ်တကူရှိလို့ အသက်ဆက်ရှင်ခွင့်ရတယ်။ အဲ့ထဲကတယောက်ဆို Cardiac arrest ဖြစ်တဲ့အချိန်မှာ medical checkup လုပ်ထားတာ ၂လပဲရှိသေးတယ် result အကုန်ကောင်းတယ် ဒါပေမယ့် ဘယ်လိုမှမထင်ထားပဲ ထဖြစ်တာ၊ heart attack ဖြစ်ချိန်မှာ နှလုံးသွးကြော၂ခုကပိတ်နေပြီ။
ကျန်တဲ့ တယောက်က အမျိုးသားရဲ့ ညီဝမ်းကွဲ။ အိမ်ပြန်လာချိန် တံခါးဖွင့်ရင်းအိမ်ရှေ့တင်လဲကြသွားတာ Paramedics တွေရောက်ချိန်မှာ အသက်မရှိတော့ဘူး။
လူတယောက်က cardiac arrest ဖြစ်ရင် ဘေးပါတ်ဝန်းကျင်မှာရှိတဲ့ လူအရမ်းအရေးကြီးပါတယ်။ ဘေးပါတ်ဝန်းကျင်ကလူက medical knowledge ရှိပြီး CPR ဘယ်လိုလုပ်မလဲ AED ဘယ်လိုသုံးမလဲ emergency protocol ကို သိပြီး အလျှင်အမြန် first aid ပေးနိုင်ရင် casualty က အသက်ရှင်ဖို့ အခွင့်အလမ်းရှိပါတယ်။
စင်္ကာပူမှာ Cardiac Arrest နဲ့သေဆုံးနှုန်းက တတိယအများဆုံးမှာရှိပြီး သေဆုံးသူတွေအများစုက အိမ်မှာ Cardiac arrest ဖြစ်ပြီး အသက်ဆုံးရှုံးရတာများပါတယ်။ ဘာလို့လဲဆိုတော့ မိသားစုတွေမှာ CPR ဘယ်လိုလုပ်မလဲ သိတဲ့သူတွေနဲလို့ပါ။ အပြင်မှာဆိုရင်တော့ အကူအညီပိုများတော့ ပါတ်ဝန်းကျင်မှာ Medical knowledge ရှိတဲ့သူတွေနဲ့တွေ့နိုင်ပြီး အသက်ရှင်နိုင်ခြေပိုများတာပါ။
Cardiac Arrest ဖြစ်ပြီး နှလုံးက အလုပ်မလုပ်တော့ပဲ ဦးဏှောက်ထဲကို သွေးမရောက်တာ့ရင် ဦးဏှောက်ကို Oxygenပျက်သွားပါတယ်။ Oxygen မရောက်တာ 4 to 6 mins ထက်ပိုများသွားရင် ဦးဏှောက်ကသေသွားပြီး အသက်ဆုံးရှုံးဖို့များသွားပါပြီ။ CPR က နှလုံးကို ခန္ဓာကိုယ်အပြင်ကနေ ကူဖိညှစ်ပြီး သွေးကို ဦးဏှောက်ထဲရောက်အောင်ကူပေးရင်း ဦးဏှောက်cell တွေမသေအောင်ထိမ်းထားတာပါ။ အဲ့အချိန်အတွင်း Paramedics တွေကိုခေါ်ထားပြီး သူတို့မရောက်မချင်း CPR ကို continuous လုက်ရင်း ဦးဏှောက်ထဲသွေးရောက်အောင် ထိန်းထားပေးရပါတယ်။
နောက်တခု AED က နှလုံးကို shock ရိုက်ပြီးပြန်နိုးလာအောင် နိုးတာပါ။ နှလုံးအလုပ်မလုပ်တော့ဘူးဆိုရင် AED သုံးပြီး နှလုံး ကို ၅ မိနစ်အတွင်း ပြန်နိုးနိုင်ဖို့ လိုပါတယ်။ စင်္ကာပူအစိုးရက ပိုက်ဆံတွေအများကြီးသုံးပြီး စင်္ကာပူရဲ့နေရာတိုင်း၊ လူနေတိုက်တွေရဲ့ အောက်တိုင်းမှာ AED စက်တွေကိုတက်ပေးထားပါတယ်။ CPR နဲ့ AED နဲ့ တွဲသုံးရင် Cardiac Arrested Casualty ရဲ့အသက်ကို ကယ်နိုင်ဖို့ဖြစ်နိုင်ခြေပိုများပါတယ်။
အဲ့တော့ ကိုယ့်ပါတ်ဝန်းကျင်ကလူတွေ၊ ကိုယ့်မိသားစုဝင်ချစ်ရသူတွေ Cardiac arrest ဖြစ်လာခဲ့ရင် ကယ်တင်နိုင်ဖို့ CPR နဲ့ AED ကို ဘယ်လိုအသုံးပြုရမလဲသိချင်ရင် Red Cross Singapore က ဖွင့်ထားတဲ့ သင်တန်းတွေကိုတက်လို့ရပါတယ်။ သင်တန်းကြေးတော့နဲနဲရှိပါတယ်။
သင်တန်းကြေးမပါပဲတက်ချင်ရင်တော့ Red Cross Volunteers ကို join ပြီး အခုသူတို့လုပ်နေတဲ့ Responder for Resilience program ကို join ပြီး သင်ယူလို့ရပါတယ်❤️
အနည်းဆုံးတော့ ကိုယ့်မှာ CPR နဲ့ AED knowledge ရှိရင် ကိုယ့်ဘေးကလူ၊ ကိုယ်ချစ်ရသူတွေရဲ့အသက်ကို ကယ်တင်ခွင့်ရမှာပါ။
ကိုယ်ချစ်ရသူတယောက် ကိုယ့်မျက်စိရှေ့တင် အသက်ရှုရပ်၊ သတိလစ်သွားတာတွေ့ပြီး ဘာမှမလုပ်ပေးနိုင်ပဲ ထိုင်ကြည့်နေရမယ့်ခံစားချက်က အရမ်းနာကျင်ဖို့ကောင်းပါတယ်။ ပါတ်ဝန်းကျင်မှာ ကြုံလာခဲ့ရင် မကူညီလိုက်၊ မကယ်တင်လိုက်နိုင်ပါလားလို့ နောင်တတွေနဲ့မကျန်ခဲ့အောင် လေ့လာသင်ယူထားသင့်တယ်လို့ထင်ပါတယ်ရှင်။
နောက်တခုက SCDF က လုပ်ထားတဲ့ My Responser app ရှိပါတယ်။ အဲ့ app ကနေ ကိုယ့်ပါတ်ဝန်းကျင်မှာ ဘယ်နားမှာ cardiac arrest ဖြစ်တာကို notification ပို့ပေးပြီး First Aider ကို ရှာပေးသလို AED တွေဘယ်မှာရှာရမလဲကို အလွယ်တကူပြပေးထားပါတယ်။ အရေးကြုံလာရင် သုံးလို့ရအောင်ပါရှင်❤️

28/12/2023

🙏🙏🙏Tiger Cave Temple🙏🙏🙏

ဘဝမှာ သေချာစဉ်းစားပြီးမှလုပ်ရင် မလုပ်ဖြစ်လောက်ပေမယ့် မစဉ်းစားပဲလုပ်ခဲ့လို့ လုပ်နိုင်ခဲ့ပြီး နောက်တကြိမ်ထပ်လုပ်ဖြစ်ဖို့ မသေချာတဲ့ အရာတွေထဲမှာTiger Cave Temple ကို သွားဖူးတာလဲ ပါပါတယ်🙏

Krabi ကို ရောက်တုန်းက Tourist attraction တွေထဲမှာ Tiger Cave Temple လဲပါတော့ သွားချင်လို့ Google reviews တွေဖတ်၊ လှေကားထစ်ပေါင်း တထောင်ကျော်ရှိတယ်ပြောကြပေမယ့် ပေါ့ပေါ့ပါးပါးပဲတွေးပြီး ဓာတ်လှေကား စက်လှေကားလေးများရှိမလားအတွေးနဲ့ ရယ် လှေကားထစ်တထောင်ကျော်ကို သိပ်မမြင့်လောက်ဘူးအတွေးနဲ့ရယ် သေချာမစဉ်းစားပဲတတ်သွားလိုက်တာ မရောက်သေး မရောက်သေးနဲ့ အတက်ကို တနာရီလောက်တက်ရတာ အီစိမ့်နေရော😃
အဲ့လောက်အမြင့်ကြီးတတ်ရမှာလို့ကြိုမတွေးမိတော့ ရေဘူးလဲ သေးသေးလေး တဘူးပဲပါတယ်။ လမ်းမှာလဲ မျောက်တအုပ်က ဘယ်ညာကနေ မုန့်ရေဘူးလုဖို့ချောင်းတာကရှိသေး😃
အပေါ်မှာ ရေစင်တွေ့ပေမယ့် ရေတစက်မှမရှိဘူး။ တောင်တက်လမ်းတဝက်လောက်မှာ အိမ်သာရှိတယ်။
ဘုရားပေါ်ရောက်သွားချိန်မှာတော့ အမြင့်ကမြင်ရတဲ့ မြင်ကွင်းရယ်၊ အေးချမ်းမှု့ရယ်ရတော့ ဘာနဲ့မှမလဲနိုင်တဲ့ အရသာတခုပါပဲ။
လှေကားထစ်ပေါင်း ၁၂၆၀ ကို တက်လာရလို့ မောတဲ့ အမောရယ်၊ လမ်းတဝက်တင်ရေကုန်သွားလို့ ရေဆာတာတွေရယ်က တောတောင်အေးချမ်းမှု့တွေနဲ့ ခဏလေးအတွင်းမှာ ပျောက်သွားသလိုပဲ။
တောင်ပေါ်မှာ အဝေးကနေတောင် လှမ်းမြင်ရတဲ့ Buddha ဆင်းတုတော် တခုရယ်၊ Buddha ခြေရာတော်ရယ်၊ Indian temple တခုရယ်ရှိပါတယ်။
ပြန်အဆင်းတော့ လှေကားထစ်တွေကနဲနဲမက်လို့ သတိထားဆင်းရတယ်။ အဆင်းကတော့ ၄၅ မိနစ်ကြာတယ်။
အများစုwestern tourists တွေ ကလေးချီပြီးတပ်လာကြတာ အေးရာအေးကြောင်းပဲ။ ကိုယ်တွေမှာသာ တချို့နေရာတွေမှာ ပစ်လဲချင်လောက်အောင်ပင်ပန်းနဲ့ မနည်းအားတင်းပြီးတက်သွားရတာ။
လှေကားထစ် ၃၀၀ ကျော်လောက်ကထဲက ပြန်လှည့်ချင်နေရော😃
သေချာစဉ်းစားကြည့်ရင် အမြင့်ပေ ၃၀၉ မီတာက ပေ ၁၀၀၀ ကျော်၊ အဆောက်အဦး အနေနဲ့တွက်ရင် တထပ်ကို ၁၀ ပေအမြင့်နဲ့တွက်ရင် အထပ် ၁၀၀ အမြင့်ကိုတက်သွားတာနော်😃
အိမ်က HDB staircases အတက်အဆင်း လေ့ကျင့်ခန်းလုပ်တာတောင် ၁၅ ထပ်ကို ၃ခေါက်လောက်ပဲ maximum တက်နိုင်ခဲ့တာ။
အဲ့လိုတွေစဉ်းစားပြီး အထပ် ၁၀၀ စာလောက်ကို လှေကားတက်ရမှာ ကြိုတွေးမိရင် Tiger cave temple ကို မရောက်ဖြစ်လောက်ဘူး။
မစဉ်းစားပဲ တက်သွားလို့သာရောက်သွားပြီး အပေါ်မှာ ဘာနဲ့မှမလဲနိုင်တဲ့ မြင်ကွင်းနဲ့ အေးချမ်းမှု့ကို ခံစားရတာ❤️
ပြန်ဆင်းပြီး နောက်နေ့မှာတော့ ခြေထောက်ရော တကိုယ်လုံးနာတာ ကိုယ်က ၃ ရက်လောက် မလှုပ်နိုင်ဘူး။ အမျိုးသားကတော့ ပင်ပန်းတာရယ်၊ အစားမှားသွားတာရယ်ကြောင့် diarrhea ဖြစ်ပြီးဖျားတာ တပါတ်လောက်ကြာသွားတယ်😁
Programmer မမရဲ့ planning ကောင်းမှု့နဲ့ happy flow နဲ့တွက်ပြီး tiger cave temple ကို Krabi ရဲ့နောက်ဆုံးနေ့မှာလည်ပြီး နောက်တနေ့မနက် hat Yai ပြန်တော့ အမျိုးသားကဖျားနေတာနဲ့ ကားမမောင်းနိုင်၊ တလမ်းလုံးကိုယ်ပဲမောင်း၊ Hat Yai ရောက်တော့ မလေးရှားအစိုးရရဲ့ မြန်မာအစိုးရအပေါ်ထားတဲ့သဘောထားနဲ့ စစ်အာဏာသိမ်းကထဲက မြန်မာ passport ဆိုရင် Land entry ကို စလုံးနဲ့ကပ်နေတဲ့ border ကပဲဝင်လို့ရတယ်ဆိုတဲ့ statement ကြောင့် ထိုင်းဘက်ကနေ မလေးရှားကို ကိုယ်က ကားနဲ့ဝင်လို့မရလို့ လေယာဉ်နဲ့ KL ကို ပြန်ဝင်ရတယ်။
အမျိုးသားကတော့ Hat Yai ကနေ KL အထိကို ဖျားနေတဲ့ကြားကနေ ကီလို ၆၀၀ ကျော်ကို မနားပဲ မောင်းလာပြီး KL မှာ ကိုယ်တွေပြန်ဆုံပြီးမှ စလုံးကို အတူတူပြန်လာကြတယ်❤️
စလုံးမပြန်ခင် KLမှာ တရက်အိပ်တော့ ၂ယောက်သားပင်ပန်းလွမ်းလို့ check out time ထိ အိပ်ပျော်ခဲ့တာလဲ အမှတ်တရပါပဲ။
ခြုံပြောရရင်တော့ ကျန်းမာရေးကောင်း လမ်းလျှောက်နိုင်၊ လှေကားတက်နိုင်တုန်းလေး တသက်မှာ တခါလောက်တော့တက်ကြည့်ပြီး တောင်ပေါ်မှာ မြင်ရတဲ့ အေးချမ်းမှု့လေးတွေကို တဝကြီးခံစားသင့်တဲ့နေရာလေးပါလို့❤️
နောက်တခါ ထပ်သွားဖြစ်၊ မဖြစ်ရတော့ ကိုယ့်သဘောပေါ့နော်😃။ သွားခဲ့ရင်လဲ ပြန်ဆင်းပြီး နောက်တရက်ကို အနားယူဖို့အတွက် အချိန်ပေးပါလို့ အကြံပြုချင်ပါတယ်ရှင်❤️

26/12/2023

ဒီတခါတော့ ကိုယ်တွေလို အားတဲ့ရက်လေး ပင်လယ်စာ အစားအသောက်ကောင်းတာလေးတွေစားဖို့ စဉ်းစားနေတဲ့သူတွေအတွက် နောက်ထပ် စင်္ကာပူနဲ့လဲနီးပြီး စျေးလဲသက်သာ၊ ပင်လယ်စာ ငါး ပုဇွန်ပေါတဲ့ မလေးရှားက မြို့တခုကတော့ Muar ပါ။
Muar က စင်္ကာပူကနေ ၂ရာရီခွဲလောက်မောင်းရတဲ့နေရာမှာရှိပြီး ပင်လယ်နဲ့လဲနီး muar မြစ်ကြီးလဲရှိတော့ ပင်လယ်စာတွေ ပေါတဲ့အပြင် ရေချိုပုဇွန်ထုတ်တွေကလဲ လတ်ပြီး စျေးချိုပါတယ်။

နောက်တခု Muar မှာ နာမည်ကြီးတဲ့ အစားအစာက Otah ပါ။ စင်္ကာပူမှာရောင်းနေတဲ့ Otah frozen တွေကိုကြည့်ရင် အများစုက Muar ကလာတာတွေပါ။

ကိုယ်တွေစားခဲ့တာတွေက
1. Mee Bandung Udang Galah King

Mee က ခေါက်ဆွဲ ( ခေါက်ဆွဲဝါ)
Bandung က Indonesia က မြို့နာမည်ပါတဲ့
Udang Galah က ရေချို ပုဇွန်ကိုပြောတာပါ
ရေချိုပုဇွန်နဲ့ချက်တဲ့ Bandung ခေါက်ဆွဲပေါ့
ရေချိုပုဇွန်နဲ့ချက်တယ်ဆိုပေမယ့် အရသာ sauce ကို ဆိတ်သားစင်းထားတာရယ် ပုဇွန်ခြောက်မှုန့်တွေ နိုင်းချင်းနဲ့ချက်ထားတယ်။ ဆိတ်သားကိုလဲ မညှိအောင်ချက်ထားတော့ ဆိတ်သားမစားတဲ့ကိုယ်တောင် ဘာအနံ့မှ မရှိလို့ စားနိုင်တယ်။

၂။ Mee Bandung Rusuk Kambing
သူကတော့ ဆိတ်နံရိုးနဲ့ချက်ထားတဲ့ Bandung ခေါက်ဆွဲပါ သူလဲ နံရိုးနုတွေ အများကြီးနဲ့ ဆိတ်နံ့မညှီပဲ အရမ်းစားလို့ကောင်းပါတယ်

၃။ Satay
မလေးရှားမှာ satay တချောင်းက ၁.၃ rm ပဲရှိပြီး စားလို့ကောင်းပါတယ်။

ကက္ကတစ်၊ ပုဇွန်နဲ့ Otah ကတော့ Muar river နားက လူအရမ်းများတဲ့ Food court မှာသွားစားခဲ့တာလေးတွေပါ။ အရသာရှိပြီး စျေးချိုပါတယ်။

၄။ ကက္ကတစ်ချိုချဉ်
သူကလဲ ပေးရတဲ့စျေးနဲ့တန်ပြီး စားကောင်းပါတယ်။ တောချက်လေးတွေမို့ စင်္ကာပူက အရသာတော့ မမှီဘူးပေါ့

၅။ butter prawns
ပုဇွန်က လတ်ပြီးချိုနေတာမို့ sauce ကအရသာ အပိုမပေးတောင် သူ့အရာသာနဲ့သူကောင်းနေရော။

၆။ ကိုက်လန်ကြော် တပွဲက စလုံး ၂$ မကျဘူး အရွက်ကလတ်ပြီးစားကောင်းတယ်

၇။ Otah Otah
ကိုယ်တွေ ဝယ်မိတဲ့ဆိုင်က သိပ်စားမကောင်းဘူး။

၈။ frozen Otah
Otah Muar မှာစားတာ သိပ်မကျေနပ်လို့ Frozen Otah ဝယ်လာပြီး အိမ်မှာပြန်ပေါင်းစားတာ ဒီမှာ ဝယ်လို့ရတဲ့ Otah ဆွေထက်ပိုကောင်းပြီး ဝယ်လာတာ နည်းသွားလို့ နောင်တရမိတယ်။

ချစ်ရသူတွေလဲ လမ်းကြုံလို့ Muar ဘက်ကိုရောက်ရင် အရသာရှိတာလေးတွေစားလို့ရအောင် မျှဝေပေးပါတယ်ရှင်❤️

22/12/2023

Melaka ရောက်ရင် မစားပဲမနေနိုင်တာက Asam Pedas မြန်မာလိုဆို ချဉ်စပ်ဟင်းလေးပါ။

Asam က အချဉ်၊ Pedas က အစပ်ပါ။
ပုံမှန်တော့ ဒီဟင်းချက်နည်းမှာ ငါးနဲ့ပဲချက်တာများပေမယ့် အခုနောက်ပိုင်းတော့ ပုဇွန်၊ ကင်းမွန်တို့လို ပင်လယ်စာတွေနဲ့လဲချက်လာကြပါတယ်။

Langkawi မှာတုန်းက Gulai လို့ခေါ်တဲ့ အုန်းနို့နဲ့ချက်တဲ့ curry လေးတွေ နေရာတိုင်းမှာတွေ့နိုင်သလို Melaka မှာတော့ Asam Pedas ဆိုင်လေးတွေ နေရာတိုင်းမှာ တွေ့နိုင်ပါတယ်။

နောက် vegetable အတို့နဲ့ မြန်မာလိုငပိထောင်းပုံစံမျိုး မျှင်ငပိကို ငရုတ်သီးစိမ်းနဲ့ထောင်း အချဉ်လေးညှစ်ထားတာလေးကလဲ ထမင်းနဲ့တွဲစားလို့မိန်တဲ့ မလေးအစားအစာလေးပါ။

Rompin မှာတုန်းက ပေးတဲ့ အသီးအရွက်နဲ့ ငပိရည်လိုမျိုးကငါးပိက မြန်မာငပိရည်အရသာနဲ့ပိုတူတယ် နောက်မှ Rompin အကြောင်းလေးလဲထပ်ရေးပါဦးမယ်ရှင်❤️

Melaka ကို သဘောကျတာနောက်တခုက ကြက်မောက်သီး၊ တောဒူးရင်းသီး၊ သရက်သီး အရမ်းပေါတာပါ။
ကြက်မောက်သီးသီးချိန်ဆို လမ်းဘေးတင်ကြက်မောက်ပင်တွေက ကြက်မောက်သီးတွေခဲပြီး မြေကြီးထိအောင်သီးနေပြီး ခူးမယ့်သူမရှိနဲ့ အရမ်းကြည့်လို့ကောင်းပါတယ်။

Melaka က စင်္ကာပူကနေ ၃နာရီလောက်ပဲကားစီးရတဲ့နေရာမို့ short break အနေနဲ့ long holiday weekend
လေးတွေမှာလည်လို့ကောင်းတဲ့နေရာလေးပါရှင်❤️

22/11/2023

ဒီနေ့တော့ Johor က အရမ်းစျေးသက်သာတဲ့ Banana Leaf Rice Lunch buffet(ချစ်တီးထမင်း) လေးအကြောင်းပြောပြပါမယ်ရှင်❤️

စျေးသက်သာတယ်ဆိုတော့ ခန့်မှန်းဘယ်လောက်လို့ထင်ပါသလဲရှင်😃

Banana Leaf Rice Lunch Buffet ကို တယောက်ကို 20 rm ++ နဲ့ တယောက်ကို ၂၃ rm ( sgd ~7$ ) ပဲကြပါတယ်ရှင်❤️

သူ့ Buffet က Ala Carte ပုံစံမျိုးလေးဖြစ်ပြီး စထိုင်တာနဲ့ ငှက်ပျောရွက်ခင်းပြီး ထမင်းဟင်းရည်၃မျို: (dhal, chicken, fish curry)နဲ့ အသီးအရွက်ချက် ၂မျိုး၊ ချက်တနီး၊ မနုဿနီဟင်းရည်၊ ပါပရာကြော်လာချပေးပါတယ်

နောက်ဟင်း၆ မျိုး (chicken curry, fried chicken, Mutton curry, fried onions, fried potatoes ball, bean curd curry, dessert) ကို ပန်းကန်လေးတွေနဲ့ တမျိုးတပန်းကန်စီချပေးပါတယ်။

ပန်းကန်ထဲကဟင်းကုန်သွားရင် အဲ့ပန်းကန်လေးပြန်ပေးပြီး နောက်ထပ် ကိုယ်စားနိုင်သလောက်ထပ်မှာလို့ရပါတယ်။

ဟင်းတွေနဲ့ပါတ်သတ်ပြီးပြောရရင် ပေးရတဲ့စျေးထက် အများကြီးသက်သာပြီး စားလို့ကောင်းပါတယ်။ fine dining လို စျေးကြီးပြီးအရမ်းကောင်းတဲ့ restaurant နဲ့တော့ ဘယ်ရှငလို့ရမလဲနော်။ ဒါပေမယ့် ပေးရတဲ့စျေးနဲ့ယှဉ်ရင် အရသာက စားလို့ကောင်းတဲ့အထဲမှာပါပါတယ်❤️

ကြက်သားဟင်းက ပုံမှန် Indian ချက်တွေနဲ့ မတူပဲ အုန်းနို့နံ့လေးသင်းတယ်။ ကြက်ကြော်ကလဲ ပူပူလေးနဲ့ juicy ဖြစ်ပြီးစားကောင်းတယ်။ ကြက်သားက kampong chicken ကို သုံးထားတယ်

ပဲပြားကြော်ချက်လေးကတော့ ချိုပြီး စပ်တဲ့အရသာဘက်လေးသွားတယ်။

ကြက်သွန်ကြော်ကတော့ အကြော်မှုန့်များလို့သိပ်မကြိုက်ဘူး

ဆိတ်သားဟင်းကတော့ အမျိုးသားစားတာ ကောင်းတယ်ပြောတာပဲ😃

အာလူးကတ်တလိပ်လဲ ကိုယ်ကသိပ်မကြိုက်တဲ့ထဲပါတော့ ပုံမှန်လို့ပြောရမယ်

Dessert က ရွှေကြည်နဲ့လုပ်တဲ့ ဆနွင်းမကင်းလိုဟာလေး အဲ့တာလေးလဲ တော်တော်စားကောင်းတယ်

ကိုယ်တွေသွားစားတိုင်းတော့ ကြက်ကြော်နဲ့ ရွှေကြည်ဆနွင်းမကင်ရလေးကို ၂ခါစီလောက် ထပ်ဖြည့်ခိုင်းတယ် ❤️

သူက နေ့လည် ၁၂:၀၀ ကနေ ညနေ ၂:၃၀ လောက်အတွင်းပဲ Lunch Buffet အနေနဲ့ရောင်းပြီး ကျန်တဲ့ အချိန်ကတော့ ပုံမှန် Indian Restaurant ဆိုင်လေးပါ

နေရာကတော့ JB မှာ ကိုယ်အရမ်းသဘောကြပြီး မလေးရှားလို့မထင်ရလောက်အောင် အိမ်ခြံဝန်း အသစ်တွေနဲ့ ကိုယ်ပိုင် Bangalow house, terrace house တွေနဲ့ လှပပြီး လူနေနည်းသေးတဲ့ Eco Botanic ထဲမှာပါ။

JB ဘက် စိတ်ပြေလက်ပျောက် အလည်ထွက်ခဲ့ရင်း ချစ်တီးထမင်းလေးလဲ သွားစားချင်ရင် ဒီဆိုင်လေးမှာ try ကြည့်ပါလို့ လက်တို့ပါတယ်ရှင်❤️

Restaurant google link ကို first comment မှာကြည့်ပါနော်❤️

12/11/2023

❤️Fish head curry နှင့် Jalan Pudu လမ်းမကြီးဘေးက လမ်းသွယ်ထဲက ညစျေးတန်း❤️

ဒီနေ့ညတော့ KL ရောက်တိုင်း အမြဲစားနေကြ ငါးခေါင်းဟင်းဆိုင်လေးကို ရောက်ဖြစ်တယ်။

ကိုယ်က ငါးခေါင်းဟင်းအရမ်းကြိုက်သူမို့ အရင်ကဆို အမြဲတမ်းနီးပါ ငါးခေါင်းဟင်းစားဖြစ်တယ်။ Indian လိုချက်တဲ့ငါးခေါင်းဟင်းလဲကြိုက်သလို တရုတ်လိုချက်တဲ့ အုန်းနို့ ပုဇွန်ခြောက်များများနဲ့ ငါးခေါင်းဟင်းလဲကြိုက်တာပဲ။ အရင်က Johor က နာမည်ကြီး ငါးခေါင်းဟင်းဆိုင်မှာ တလတခါလောက် သွားစားဖြစ်တယ်။ နောက်ပိုင်းကြ အဲ့ငါးခေါင်းဟင်းစားပြီးရက် ကိုယ်က အသကိရှုလို့မရ နေလို့မကောင်းတာ သတိထားမိလာတယ်။ တနေ့ JB က ငါးခေါင်းဟင်းဝယ်လာပြီး ရေခဲသေတ္တာထဲထည့်ထားပြီးနောက်နေ့ နွေးစားဖို့လုပ်တော့ ဆီက လက် ၂စစ်လောက် အပေါ်မှာခဲနေတာ။ ဆိုင်မှာစားချိန်ကျတော့ ပွတ်ပွတ်ဆူနေတော့ ကိုယ်တွေစားတဲ့အထဲ ဆီတွေ အဲ့လောက်ပါသွာမှန်းသတိမထားမိဘူး။ ကိုယ်က ဆီများတာ၊ ဆီမသန့်တာစားမိရင် ချက်ချင်း အသက်ရှုကြပ်တတ်သူမို့ အဲ့နောက်ပိုင်းကထဲက ငါးခေါင်းဟင်းတွေ မစားပဲရှောင်ရတော့တာပဲ။

အခု ဒီ KL က ငါးခေါင်းဟင်းဆိုင်လေးကလဲ လွန်ခဲ့တဲ့ ၁၀နှစ်လောက်ကတည်းက စစားခဲ့ကြတာ၊ အဲ့အချိန်က အခုဆိုင်ပိုင်ရှင်ကငယ်သေးပြီး သူ့အဖေနဲ့တွဲ အလုပ်လုပ်တုန်း။
သူ့ငါးခေါင်းဟင်းက စလုံးက Indian, တရုတ် ငါးခေါင်းဟင်းတွေနဲ့မတူပဲ အုန်းနို့လဲမပါ၊ မဆလာနံ့လဲ မပြင်းဘူး၊ ဂေါ်ဖီ၊ ပဲသီး၊ ခရမ်းသီး၊ ရုံးပတေသီးရဲ့ အချိုကို ယူထားတယ်။
ဒီမှာတွေလို ငါးခေါင်းတခြမ်း၊ တခေါင်းလုံးမဟုတ်ပဲ ငါးခေါင်းကို အဆင်ပြေသလို ခုတ်ပြီး ချက်ထားတာ။ သဘာဝ အရသာနဲ့ ဆီမများပဲ စားလို့တော်တော်ကောင်းတယ်။
တချို့ Kl trip တွေက အဲ့ငါးခေါင်းဟင်းကို သတိရလို့ကို ပြန်လာစားတဲ့ ခရီးလေးတွေရယ်😃

နောက် အဲ့ငါးခေါင်းဆိုင်ရှိတဲ့ Jalan Pudu တောက်လျှောက်ဆက်လျှောက်သွားရင် ၅ မိနစ်လောက်လျှောက်ရတဲ့ နေရာမှာ KL က နာမည်ကြီး KL Clay pot rice ဆိုင် ရှိတယိ။ jalan kancil ပေါ်မှာ။ အမြဲလဲလူပြည့်နေတာ

နောက်တလမ်းလောက်ဆက်လျှောက်သွားရင် ညနေမှ ဖွင့်တဲ့ တရုတ် ညမုန့်စျေးတန်းလေးလဲရှိတယိ။

လမ်းထိမ်မှာ တရုတ် herbal tea ဆိုင်၊ အထဲ နဲနဲ ဝင်ရင် ကိုယ်စားနေကြ ကိုယ့်အကြိုက် ကြက်ကြော်ဆိုင်၊ နောက် ဘဲဥနဲ့ကြော်တဲ့ char kwey trowel ဆိုင်၊ အမြဲ ဝယ်သောက်ဖြစ်တဲ့ chin tan ဆိုင်လေး❤️

ဟိုတုန်းတွေကတော့ ညနေဘက် စျေးတန်းလျှောက်ပြီး ဝယ်စားချင်တာ စားပြီးရင် ငါးခေါင်းဟင်းနဲ့ ညစာ ဝင်စားကြတယ်။ အခုတွေကတော့ အကုန်မစားနိုင်တော့လို့ တခုပဲ ရွှေးပြီး စားရတော့တယ်။

KL ဘက်သွားလည်ဖြစ်ရင် ဘာလေးတွေစားလို့ကောင်းမလဲသိချင်သူလေးတွေအတွက် ကောင်းနိုးရာရာလေးတွေကို share ပေးပါတယ်ရှင်❤️

https://maps.app.goo.gl/meekvBGDZHniFb1K9?g_st=ic

အားလပ်ရင်လေးမှာ စားကောင်းတာလေးတွေစားပြီး အနားယူနိုင်ကြပါစေရဟှင်❤️

Traveller's Notes

16/01/2025

16/08/2024

01/08/2024

25/06/2024

05/01/2024

28/12/2023

26/12/2023

22/12/2023

22/11/2023

12/11/2023

Address

Website

Alerts

Shortcuts

Share