Uruk travel & tourism

12/04/2021

31/07/2020

عيد مبارك للجميع

21/07/2020

تعميم للسوريين القادمين إلى سوريا عن طريق مطار بيروت

19/07/2020

المختبرات المؤهلة لإجراء التشخيص المخبري لفيروس كورونا بطريقة ال RT-PCR

16/07/2020

تعميم من الخطوط الجوية السورية :

15/07/2020

برنامج رحلات دمشق القاهرة :

15/07/2020

تعميم

15/07/2020

منقوول

مرحبا.. بوست طويل عن السفر على سورية حالياً

رسمياً فتحت الحدود البرية لدخول السوريين من لبنان بشرط إجراء فحص PCR ببيروت قبل التوجه للحدود.
أنا نزلت على بيروت بأول يوم فتح فيه المطار ١/٧ ومن ثم على الشام بنفس الطريقة المذكورة فوق وكتير إجاني أسئلة ف رح اكتب كل الإجراءات تبع الرحلة من الألف للياء للي بدن ينزلو عالبلد.

(أنا سفرتي كانت لندن-بيروت على طيران الشرق الأوسط MEA بعدين بيروت-دمشق بالبر، بس الإجراءات تقريباً موحدة لكل شركات الطيران)

** السفر إلى بيروت
-مطار بيروت فتح، بشكل أساسي طيران الميدل إيست يلي شغالين عليه بس كمان في خطوط تانية شغالة.

-لبنان فارض على بلاد معينة إجراء فحص PCR قبل السفر ب ٤ تيام على الأكثر، وفي بلاد تانية معفية من هاد الشرط.

** إجراءات البلاد يلي مطلوب منها فحص PCR
بتعملوا تيست قبل ب ٩٦ ساعة ماكسيموم من موعد رحلتكن، غالباً على حسابكن بمخبر خاص، بتطبعوا النتيجة إنو نيغاتيف وبتاخدوها معكن عالمطار، إجراءات المطار كالمعتاد بس في تطبيق للتباعد الاجتماعي والكمامة إلزامية طوال التواجد بالمطار وطوال مدة الرحلة (جيبو كمامات كفاية لتقدروا تبدلوها كل كم ساعة) والتعقيم أساسي طبعاً. عالميدل إيست ممنوع الشنتة ال carry on إم ال ١٠ كيلو تطلع عالطيارة بدكن تحطوها مع باقي الشناتي تحت، لهيك فيكن تحطوا فيها سوائل عادي ولا تحطوا فيها شي ثمين. مسموح عالطيارة فقط الشنتة الشخصية يلي فيها أغراض شخصية/إلكترونيات/دوا. الميدل إيست عم يقدموا أكل ومي بس في خطوط ما عم تقدم أكل فتأكدوا لحتى تحسبوا حسابكن تطلّعوا معكن شي للأكل عالطيارة.

** وصول مطار رفيق الحريري
جميع الواصلين سواء من بلد مطلوب منه ال PCR أو لأ، بدن يعملو PCR جديد على أرض المطار عالوصلة قبل الختم والشناتي وأي شي، بتنزلوا من الطيارة، بتصفوا بالدور، في طاقم طبي باللباس الوقائي الكامل، بياخدوا اسمكن ورقم تليفون لبناني حصراً (جهزوا رقم حدا من معارفكن إذا ما معكن رقم) وفي ٥ أشخاص عم يعملوا مسحات بنفس الوقت فالإجراءات كتير سريعة، المسحة ما بتوجع بس مزعجة نتفة، كلا ١٠ ثواني بيمرقوا، وبعدا بيعطوكن ورقة عليها رقم احتفظوا فيها كرمال تاخدوا نتيجتكن. النتيجة بتطلع بعد ٢٤ ل ٤٨ ساعة، ولوقت تطلع لازم تحجروا حالكن (إلا اذا بدكن تطلعوا ع سورية فورا، تابعوا قراءة). الحجر فيه يكون بغرفة أوتيل أو ببيت أو بغرفة إلها حمامها الخاص ضمن بيت.
وقت النتيجة، إذا إيجابية لا سمح الله بيدقولكن وبيعطوكن تعليمات شو تعملوا، اذا سلبية ما بيدقولكن، ففيكن تفوتوا ع موقع وزارة الصحة:
https://www.moph.gov.lb/ar/Media/view/32419/covid-19-
وبتشوفوا بيان بكون مكتوب فيه كل الرحلات وشو يلي طلع عليها حالات إيجابية وشو يلي لا، إذا كان معكن حالات ايجابية عالطيارة، السلطات اللبنانية ما بتطلب منكن تعملوا شي، بس رجاءً رجاءً رجاءً تعاملوا مع الموضوع عأساس إنو ممكن تكونوا مصابين، التيست تبع المطار ما بيلحق يبين فيه اذا لقطتوا المرض عالطيارة، لهيك خدوا كل احتياطاتكن من عزل وكمامة وعدم اختلاط لبينما تتاكدوا إنكن سليمين. طوال فترة تواجدكن بلبنان فيكن تتصلوا عالرقم 1214 لأي شي متعلق بالكورونا.

** يلي بدو يبقى بلبنان
إذا عاملين تيست قبل الرحلة وتيست عالوصلة، خلص خالصين، ما في شي تاني وفيكن تكملوا حياتكن طبيعي، إذا مو عاملين تيست قبل الرحلة، بدكن تعملوا تيست تاني بعد 72 ساعة من التيست تبع المطار وهاد بكون عحسابكن، بينما تيست المطار مجاني.

** يلي بدو يطلع ع سورية
بدكن تعملوا تيست جديد بنفس يوم السفر ع سورية، حصراً بمشفى رفيق الحريري ببيروت، لا تعملو بغير مشفى ببيروت لأن ما بينقبل عالحدود. في نوعين تيستات بالمشفى، واحد ب ٧٥٠٠٠ لبناني بتطلع نتيجتو بعد يومين، وواحد ب ١٢٠٠٠٠ لبناني بتطلع نتيجتو بعد ٤ ساعات. أبو اليومين ما بينقبل عالحدود، بدكن تعملو أبو ال ٤ ساعات. بتاخدوا النتيجة وبتطلعوا عالحدود ولما توصلوا عالحدود ما لازم يكون ماضي ع وقت التيست أكتر من ١٨ ساعة ماكسيموم.
الحدود اللبنانية بيمرقوكن عادي (كان بدن ورقة من السفارة إنكن مسموح تدخلو، بس هلق بما إنو فتحو الفوتة لازم ما بدن شي منكن)
عالحدود السورية، بدكن لا مانع طبي من نقطة طبية موجودة عالحدود، بيشوفوا نتيجة التيست وتاريخو وبأي مشفى عاملينو وبيعطوكن اللا مانع، وبيوقعوكن تعهد بالحجر المنزلي لمدة ٥ أيام. بعدا بتختموا وبتفوتوا طبيعي والحمدالله عالسلامة.

*** معلومة جديدة وصلتنا ***
صار في فحص تبع ال ٤ ساعات بمطار بيروت وسعرو ١٨$، بهالحالة يلي طالع عسورية مباشرةً فيه يعمل هاد الفحص ويستغني عن إنو يعمل فحصين فحص بالمطار وفحص بالمشفى، بس باقي حدا يأكدلنا إنو هاد التيست مقبول عالحدود لأن ما منعرف من أي مشفى صادر.

ملاحظات هامة:

** تصريف ١٠٠ دولار بسعر المركزي
موضوع تصريف ال ١٠٠ دولار لسا ما تنفذ ف ما بعرف شو رح يكون الوضع بالنسبة لهاد الموضوع

** التأمين الصحي
كل يلي بدن ينزلوا علبنان لازم يكون عندن تأمين صحي يغطيهن فترة قعدتن بلبنان، فيكن تشتروا تأمين من البلد يلي نازلين منو أو تشتروا تأمين من المطار ببيروت.

** استمارة وزارة الصحة اللبنانية
قبل ما تطلعوا عالطيارة بيوم بدكن تعبوا استمارة تابعة لوزارة الصحة اللبنانية، بتلاقوها بهاد الرابط:
https://www.facebook.com/507408929645645/posts/1130008010719064/

** الحجر المنزلي
رجاءً رجاءً رجاءً التزموا فيه. كل حدا هلق جاي من برا عليه مسؤولية يحمي أهلو ومعارفو ورفقاتو وكل العالم يلي حواليه. ما حدا بدو يكون السبب بإنو يجيب معو مصيبة عالبلد فوق مصايبا، فرجاءً نكون مسؤولين. التيستات لحالا ما بتكفي، ممكن تكون لاقط المرض وما يبين لسا بالتيست، وحتى لو حجر الدولة ٥ أيام يلي قادر ينحجر ١٤ لا يقصر ويلي مو قادر فيحاول قدر الامكان يضل ملتزم بالكمامة وما يروح أماكن عامة مغلقة وحفلات وأعراس وأماكن فيا كتير اختلاط.

** أوعى تغامروا وتطلعوا عالحدود بلا تيست محقق الشروط تبع التاريخ والمشفى، لحد اليوم كان في ١٥٠٠ شخص علقانين عالحدود وما عم يفوتوهن لأن ما معهن تيست شغال، ولبنان ما عم تقبل ترجعهن، وإذا فاتوا فحصراً عالحجر الصحي الإلزامي بالدوير، فما بدكن هالعلقة أبداً. التزموا بالإجراءات والمفروض كل الأمور تمشي بسلاسة.

** لا تسافروا إذا ظاهر عليكن أي أعراض حتى لو تيستاتكن سلبية، في قياس حرارة بكذا جزء من الطريق ماني متذكرة تماماً وين إي ووين لأ، بس يلي متأكدة منو إنو إذا ظاهر عليكن حرارة أو أي أعراض ما بيخلوكن تطلعوا عالطيارة.

** بعد وصولكن عسورية إذا ظهر عليكن أي أعراض فيكن تتواصلوا مع وزارة الصحة وتنفحصوا، ما في شي بيخوف، إذا طلعتو مصابين رح تدخلوا على مشفى للعزل يعني مانو متل الحجر الصحي تبع الدوير والسكن ومدري شو، هية غرفة مشفى عادية رح تقعدوا فيها لتطيبوا لحتى ما تعدوا أهلكن، فلا حدا يخبي أعراضو أو إصابتو ويعرض غيرو للخطر. إذا لأي سبب ما بدكن تتواصلو مع الصحة وأعراضكن بسيطة لمتوسطة فبس التزموا بالعزل المنزلي التااااام لمدة ٧ أيام من ظهور الأعراض. عزل يعني غرفة بالبيت لحالكن وحمام لحالكن (إذا مو متوافر، فلازم تعقموا كل الحمام بكلور بعد كل مرة بتستعملوه)، ولازم كل أهلكن يلتزموا بالحجر المنزلي ١٤ يوم (أعداد الأيام بحسب توصيات منظمة الصحة العالمية، المصاب ٧ أيام من وقت ظهور الأعراض، المخالط ١٤ يوم من وقت المخالطة). خلال هالمدة لازم ما تخالطوا أي حدا بالبيت، ويلي بدو يجبلكن أكل وشرب عغرفتكن يكون حدا مو كبير بالعمر وما عندو مشاكل صحية ويستخدم الكمامة والكفوف والتعقيم بالكلور لأي شي إنتو بتستعملوه.

توصلوا بالسلامة وتضلوا بخير ❤

24/05/2020

عيد مبارك من اسرة اوروك للسياحة والسفر

18/04/2020

السفارة السورية في الامارات العربية المتحدة : السفارة تعمل حاليا على تسجيل أسماء الراغبين بالعودة من أبناء الجالية، بهدف معرفة العدد الكلي ودراسة الحالات الطارئة والإنسانية، ومن ثم تقديمها للفريق الحكومي المعني.

البريد الالكتروني للسفارة :
[email protected]