22/09/2026
ချင်းမိုင်က Doi Inthanon မှာ ရှားပါးရေညှိပင်တွေကို နင်းမိတဲ့ မြန်မာမင်္ဂလာမောင်နှံ ဒဏ်ငွေရိုက်ခံရ
ထိုင်းနိုင်ငံ ချင်းမိုင် က Doi Inthanon အမျိုးသားဥယျာဉ်မှာ မင်္ဂလာအကြိုဓာတ်ပုံ သွားရောက်ရိုက်ကူးတဲ့ မြန်မာခရီးသွားနှစ်ဦးဟာ သတ်မှတ်ထားတဲ့ သဘာဝလမ်းကြောင်းကနေ သွေဖည်ပြီး Sphagnum (Khao Tok Rusi) လို့ခေါ်တဲ့ ရှားပါး ရေညှိပင်တွေကို နင်းမိခဲ့တဲ့အတွက် ဘတ်ငွေ ၁၀,၀၀၀ ဒဏ်ရိုက်ခံခဲ့ရပါတယ်။ သူတို့ရဲ့ ကိုယ်စားလှယ်တစ်ဦးက ချွမ်ထောင်း မြို့နယ်မှာရှိတဲ့ ဥယျာဉ်ရုံးကို လာရောက်ပြီး အပြစ်ကိုဝန်ခံကာ ဒဏ်ငွေပေးဆောင်ခဲ့ပါတယ်။
အဲဒီ ခရီးသွားနှစ်ဦးဟာ အန်ကာ သဘာဝလမ်းကြောင်းပေါ်က တံတားကနေ သုံးမီတာလောက်ဆင်းပြီး ဓာတ်ပုံရိုက်ခဲ့ကြတာဖြစ်ပြီး တာဝန်ရှိသူတွေက ခြေရာတွေနဲ့ နင်းချေခံထားရတဲ့ လက္ခဏာတွေကို တွေ့ရှိခဲ့ပါတယ်။ တခြားခရီးသွားတစ်ဦးက သူတို့ကို ဓာတ်ပုံရိုက်ပြီး လူမှုကွန်ရက်ပေါ် တင်လိုက်ရာကနေတစ်ဆင့် ဒီဖြစ်ရပ်ကို သိရှိခဲ့ရတာဖြစ်ပါတယ်။ အဲဒီနောက် ဥယျာဉ်တာဝန်ရှိသူတွေက CCTV မှတ်တမ်းတွေကို စ-စ်ဆေးပြီး ရဲတိုင်ကြားခဲ့တာဖြစ်ပါတယ်။
အဲဒီ နေရာဟာ အလွန်ထိခိုက်လွယ်တဲ့ ဂေဟစနစ်ရှိပြီး ရှားပါးရေညှိပင်တွေ ပေါက်ရောက်ရာ နေရာဖြစ်တဲ့အတွက် ပျက်စီးဆုံးရှုံးမှုကို ငွေကြေးနဲ့ တန်ဖိုးဖြတ်ဖို့ ခက်ခဲတယ်လို့ ဥယျာဉ်ရဲ့ လက်ထောက်အကြီးအကဲက ပြောပါတယ်။ ပျက်စီးသွားတဲ့ အပင်တွေနဲ့ ဂေဟစနစ် ပြန်လည်ကောင်းမွန်လာဖို့ ဆိုတာက အပူချိန်နဲ့ စိုထိုင်းဆစတဲ့ အချက်တွေအပေါ် မူတည်နေတယ်လို့ သူက ထပ်လောင်းပြောကြားခဲ့ပါတယ်။
Ref : thaipbsworld
#ဘန်ကောက်လမ်းညွှန်ကိုစိုင်း #မြန်မာစုံတွဲ #ချင်းမိုင် #ရှားပါးရေညှိ
