YAY SAT Visa Service - ရေစက်

เส้นทาง

YAY SAT Visa Service - ရေစက် Delivering Quality You Can Trust, Building Relationships That Last 💧
Line & Viber အကောင့်များမှသာ မေးမြန်းစုံစမ်းပေးကြပါရန် မေတ္တာရပ်ခံအပ်ပါသည်။ 🙏

🇻🇳 ၅ နှစ်တိတိ ဝင်ငွေခွန်ကင်းလွတ်ခွင့်နဲ့ Work Permit မလိုတဲ့ ဗီယက်နမ်ရဲ့ Talent Visa မူကြမ်း​နိုင်ငံတကာက ထိပ်တန်းကျွမ်းက...
26/10/2026

🇻🇳 ၅ နှစ်တိတိ ဝင်ငွေခွန်ကင်းလွတ်ခွင့်နဲ့ Work Permit မလိုတဲ့ ဗီယက်နမ်ရဲ့ Talent Visa မူကြမ်း

​နိုင်ငံတကာက ထိပ်တန်းကျွမ်းကျင်ပညာရှင်တွေကို ဆွဲဆောင်ဖို့အတွက် ဗီယက်နမ်နိုင်ငံက မက်လောက်စရာ အခွင့်အရေးများစွာပါဝင်တဲ့ အစီအစဉ်အသစ်တစ်ခုကို အဆိုပြုတင်ပြထားပါတယ်။
​ဗီယက်နမ် ပြည်ထဲရေးဝန်ကြီးဌာန (Ministry of Home Affairs) က အရည်အချင်းပြည့်မီတဲ့ နိုင်ငံခြားသားပညာရှင်တွေအတွက် “Vietnam Talent Visa” အမျိုးအစားသစ် ထုတ်ပေးနိုင်မယ့် မူကြမ်းတစ်ရပ်ကို လူထုသဘောထားမှတ်ချက် ရယူနိုင်ဖို့ ထုတ်ပြန်ထားပြီး၊ မကြာမီမှာ အမျိုးသားလွှတ်တော်သို့ အတည်ပြုချက်ရယူဖို့ ဆက်လက်တင်ပြသွားမှာ ဖြစ်ပါတယ်။

​ပါဝင်လာမယ့် အဓိကအခွင့်အရေးများ ...
​🔹 လစာနဲ့ ဘောနပ်စ်များအပေါ် ၅ နှစ်တိတိ တစ်ဦးချင်းဝင်ငွေခွန် (Personal Income Tax) ကင်းလွတ်ခွင့် ရရှိခြင်း
🔹 အလုပ်လုပ်ကိုင်ခွင့်ပါမစ် (Work Permit) မလိုအပ်ဘဲ လုပ်ငန်းအဖွဲ့အစည်း တစ်ခုထက်မကမှာ တစ်ပြိုင်နက်တည်း တရားဝင် တွဲဖက်လုပ်ကိုင်ခွင့်ရရှိခြင်း
🔹 အလုပ်အကိုင်ပြောင်းလဲချိန်မှာ ဗီဇာအသစ် ထပ်မံလျှောက်ထားရန် မလိုခြင်း
🔹 ဇနီး/ခင်ပွန်းနှင့် အသက် ၁၈ နှစ်အောက် သားသမီးများပါ ဗီဇာနှင့် နေထိုင်ခွင့်ကတ် (Residence Card) ရရှိခြင်း၊ စသည့်အခွင့်အရေးများ ရှိမည်ဖြစ်သည်။

​ဒီအခွင့်အရေးတွေဟာ ပြည်ပကျွမ်းကျင်ပညာရှင်တွေတင်မကဘဲ ပြည်တွင်းဗီယက်နမ်နိုင်ငံသားတွေနဲ့ ပြည်ပရောက် ဗီယက်နမ်လူမျိုးတွေအတွက်ပါ အကျုံးဝင်မှာ ဖြစ်ပါတယ်။
ဒါ့အပြင် မဟာဗျူဟာမြောက် စီမံကိန်းတွေအတွက် ကျွမ်းကျင်ပညာရှင်တွေကို ခန့်အပ်တဲ့ ကုမ္ပဏီ/စီးပွားရေးလုပ်ငန်းတွေအနေနဲ့လည်း ပေးချေရတဲ့ လစာနဲ့ ဘောနပ်စ်ပမာဏကို ကော်ပိုရိတ်ဝင်ငွေခွန် တွက်ချက်ရာမှာ ၂ ဆအထိ စရိတ်နုတ်ပယ်ခွင့် ရရှိမှာဖြစ်ပြီး၊ အစိုးရဘက်ကလည်း ကျွမ်းကျင်ပညာရှင်များဆိုင်ရာ အစီအစဉ်တွေအတွက် နှစ်စဉ် GDP ရဲ့ ၀.၁ ရာခိုင်နှုန်းခန့်ကို လျာထားသုံးစွဲသွားမှာ ဖြစ်ပါတယ်။

​လက်ရှိမှာတော့ ဒီအဆိုပြုချက်ဟာ လူထုသဘောထားရယူဆွေးနွေးဆဲ အဆင့်မှာသာရှိသေးပြီး၊ မည်သို့သော အရည်အချင်း/နယ်ပယ်ရှိသူတွေကို "Talent (ထိပ်တန်းကျွမ်းကျင်သူ)" အဖြစ် သတ်မှတ်သတ်မှတ်မည်ဆိုတဲ့ အသေးစိတ်စံနှုန်းတွေကိုတော့ ဆက်လက်ထုတ်ပြန်သွားမှာ ဖြစ်ပါတယ်။
​ဒါဟာ အရှေ့တောင်အာရှနိုင်ငံတွေအကြား ကျွမ်းကျင်လုပ်သားတွေ ခေါ်ယူနိုင်ဖို့ အပြိုင်အဆိုင်ကြိုးပမ်းနေကြတဲ့ ခြေလှမ်းသစ်တစ်ခုလည်း ဖြစ်ပါတယ်။ (ဥပမာ - ထိုင်းနိုင်ငံကလည်း ချမ်းသာကြွယ်ဝသူတွေနဲ့ အဆင့်မြင့်ကျွမ်းကျင်သူတွေအတွက် Long-Term Resident (LTR) Visa တွေ ပေးအပ်နေသလိုမျိုး ဖြစ်ပါတယ်)။
​အကယ်၍ ဒီဗီဇာအစီအစဉ်သာ အတည်ဖြစ်လာရင် နိုင်ငံတကာအတွေ့အကြုံရှိ ကျွမ်းကျင်ပညာရှင်တွေအတွက် ဗီယက်နမ်ဟာ ဆွဲဆောင်မှုအရှိဆုံး ရွေးချယ်စရာနေရာတစ်ခု ဖြစ်လာမလားဆိုတာ စိတ်ဝင်စားဖွယ် စောင့်ကြည့်ရမှာ ဖြစ်ပါတယ်။

​ #ဗီယက်နမ် #ဗီယက်နမ်ဗီဇာ #နိုင်ငံတကာသတင်း #အလုပ်အကိုင်အခွင့်အလမ်း ေစက်

🇲🇲🇹🇭​နိုင်ငံရပ်ခြားသို့ သွားရောက်လုပ်ကိုင်နေကြသော မြန်မာရွှေ့ပြောင်းလုပ်သားများသည် မည်မျှပင် ပင်ပန်းဆင်းရဲပါစေ ဇာတိမြေရှ...
25/10/2026

🇲🇲🇹🇭​နိုင်ငံရပ်ခြားသို့ သွားရောက်လုပ်ကိုင်နေကြသော မြန်မာရွှေ့ပြောင်းလုပ်သားများသည် မည်မျှပင် ပင်ပန်းဆင်းရဲပါစေ ဇာတိမြေရှိ မိသားစုများ စားဝတ်နေရေးအတွက် ချွေးနည်းစာလုပ်ခထဲမှ ငွေကို လစဉ်မပျက် အိမ်သို့ ပြန်လည်လွှဲပို့နေကြဆဲ ဖြစ်ပါသည်။ အထူးသဖြင့် မြန်မာနိုင်ငံသို့ ဝင်ရောက်နေသည့် ပြင်ပငွေလွှဲစီးဆင်းမှု စုစုပေါင်း၏ ၆၈ ရာခိုင်နှုန်းခန့်သည် ထိုင်းရောက်လုပ်သားများထံမှ လာခြင်းဖြစ်သောကြောင့် ပြည်ပရောက်လုပ်သားများအနက် ထိုင်းရောက်မြန်မာများသည် တိုင်းပြည်နှင့် မိသားစုအတွက် အိမ်ပြန်ငွေ အများဆုံး ပို့ဆောင်ပေးနေသည့် အဓိကအင်အားစုကြီး ဖြစ်ပါသည်။
​သို့သော် လက်ရှိမြေပြင်တွင် အဆိုပါလုပ်သားများသည် မိသားစုထံ ငွေလွှဲရာ၌ တရားဝင်ဘဏ်စနစ်ထက် ဟွန်ဒီအပါအဝင် ပြင်ပငွေလွှဲလမ်းကြောင်းများကိုသာ အဓိက အားထားနေကြရဆဲ ဖြစ်ပါသည်။ IOM ၏ စစ်တမ်းများအရ မြန်မာငွေလွှဲသူ ၉၃ ရာခိုင်နှုန်းခန့်သည် ပြင်ပလမ်းကြောင်းကို အသုံးပြုနေကြပြီး ၆၀ ရာခိုင်နှုန်းခန့်မှာ ဟွန်ဒီစနစ်ကို တိုက်ရိုက်မှီခိုနေရကြောင်း တွေ့ရှိရပါသည်။

​တရားဝင်ငွေလွှဲစနစ်ကို အဘယ်ကြောင့် အသုံးမပြုနိုင်ကြသနည်း??
​လုပ်သားများအနေဖြင့် မိမိတို့ရရှိသည့် လုပ်ခလစာထဲမှ ၂၅ ရာခိုင်နှုန်းကို တရားဝင်ဘဏ်စနစ်မှ မလွှဲချင်ကြ၍ မဟုတ်ဘဲ အောက်ပါအခက်အခဲများနှင့် မတရားမှုများကြောင့် ဖြစ်ပါသည်-
​၁။ မတရားငွေလဲနှုန်း နှိမ်ခံရခြင်း- တရားဝင်ဘဏ်စနစ်၏ သတ်မှတ်ငွေလဲနှုန်းများသည် ပြင်ပပေါက်ဈေးနှင့် အလွန်ကွာဟကာ မတရားနှိမ်ထားခြင်း ခံနေရသဖြင့် အမှန်တကယ် ပင်ပင်ပန်းပန်း ရှာဖွေထားသော လုပ်ခလစာများစွာ ဆုံးရှုံးနစ်နာနေရပါသည်။
​၂။ အထောက်အထားမဲ့ အခြေအနေနှင့် လုပ်ငန်းစဉ်ကြန့်ကြာမှုများ- ဘဏ်များနှင့် ဒစ်ဂျစ်တယ်ပိုက်ဆံအိတ်များ အသုံးပြုရန် နိုင်ငံကူးလက်မှတ်၊ ဗီဇာနှင့် အလုပ်လုပ်ခွင့်လက်မှတ်စသည့် အထောက်အထား အပြည့်အစုံ လိုအပ်သော်လည်း မြေပြင်တွင် သန်းနှင့်ချီသော လုပ်သားများမှာ အထောက်အထားမဲ့ ဖြစ်နေကြရပါသည်။ တရားဝင် MOU စနစ်သည် ၂ လမှ ၄ လအထိ ကြာမြင့်ခြင်း၊ မည်သူမည်ဝါဖြစ်ကြောင်း သက်သေခံလက်မှတ် (CI) စခန်းမှ စိစစ်အတည်ပြုသည့် လုပ်ငန်းစဉ်များ ၊ စာရွက်စာတမ်းများ ကြန့်ကြာခြင်းတို့ကြောင့် တရားဝင်လမ်းကြောင်းပေါ်သို့ အလွယ်တကူ မရောက်ရှိနိုင်ကြသေးပါ။

​Double Tax (နှစ်ထပ်အခွန်ကင်းလွတ်ခွင့်) ရှိသော်လည်း ၂% ဝင်ငွေခွန် အဘယ်ကြောင့် ထပ်မံပေးဆောင်နေရသနည်း??
​မြန်မာနှင့် ထိုင်းနိုင်ငံအကြားတွင် နှစ်ထပ်အခွန်ကင်းလွတ်ခွင့် သဘောတူညီချက် (DTAA) ရှိသော်လည်း မြေပြင်တွင် လုပ်သားများမှာ ၂% ဝင်ငွေခွန်ကို မလွှဲမရှောင်သာ ထပ်မံပေးဆောင်နေကြရပါသည်။
​၂၀၂၃ ခုနှစ်တွင် ပြည်ထောင်စုအခွန်အကောက်ဥပဒေကို ပြင်ဆင်ပြဋ္ဌာန်းကာ ပြည်ပရောက်လုပ်သားများ ရရှိသည့် လစာဝင်ငွေအပေါ် ၂% ဝင်ငွေခွန် စည်းကြပ်ရန် သတ်မှတ်ခဲ့သည်။
​DTAA ၏ သဘောအရ ထိုင်းနိုင်ငံတွင် အခွန်ဆောင်ထားသည့် အထောက်အထားပြနိုင်မှသာ အခွန်ခုနှိမ်ခွင့် သို့မဟုတ် ကင်းလွတ်ခွင့် ရရှိနိုင်မည် ဖြစ်သော်လည်း ထိုင်းရောက် မြန်မာလုပ်သား အများစုမှာ ထိုင်းနိုင်ငံ၏ အခွန်ကင်းလွတ်ခွင့် သတ်မှတ်ချက်အောက်တွင် ရှိနေသဖြင့် ထိုင်းအစိုးရထံ အခွန်ဆောင်စရာ မလိုသူများ ဖြစ်နေခြင်း သို့မဟုတ် တရားဝင် အခွန်ပြေစာ အထောက်အထား မရှိခြင်းတို့ကြောင့် DTAA အကျိုးခံစားခွင့် မရရှိကြပေ။

​မြန်မာသံရုံးများက နိုင်ငံကူးလက်မှတ် (ပတ်စပို့) သက်တမ်းတိုးခြင်းနှင့် အခွန် ၂% ပေးဆောင်ခြင်း၊ လစာ ၂၅% ဘဏ်မှ လွှဲထားသည့် အထောက်အထားပြသခြင်းတို့ကို တိုက်ရိုက်ချိတ်ဆက် ကန့်သတ်ထားသောကြောင့် လုပ်သားများအနေဖြင့် စာရွက်စာတမ်း အခက်အခဲ မဖြစ်စေရန် မဖြစ်မနေ အခွန်ဆောင်နေကြရခြင်း ဖြစ်သည်။

​ရေရှည်ဖြေရှင်းရန် လိုအပ်သည့် အချက်များ၊
​ဟွန်ဒီစနစ်ကြောင့် ငွေလွှဲပွဲစားများ အချင်းချင်း နယ်စပ်ဖြတ်ကျော် စာရင်းညှိနှိုင်းရှင်းလင်းကြခြင်းသာ ဖြစ်၍ နိုင်ငံတော် ဗဟိုဘဏ်၏ နိုင်ငံခြားသုံးငွေ အရန်ဘဏ္ဍာအတွင်းသို့ ငွေကြေးစီးဝင်မှု မရှိဘဲ နိုင်ငံစီးပွားရေးပါ နှစ်ဖက်နစ်နာနေရပါသည်။
ထို့ကြောင့် လစာ ၂၅% ဘဏ်မှလွှဲရမည်ဟူသော ကန့်သတ်ချက်ကို ဖြေလျှော့ပေးရန် သို့မဟုတ် ပြင်ပပေါက်ဈေးနှင့် ကိုက်ညီသော နှုန်းထားများ သတ်မှတ်ပေးရန်။
​စာရွက်စာတမ်း သက်တမ်းတိုးခြင်းကို ပိတ်ပင်ဖိအားပေးခြင်းထက် ဥပဒေဘောင်အတွင်း ဝင်လာသူများကို အကျိုးခံစားခွင့်များပေးကာ မက်လုံးပေးသည့် စနစ်ကျင့်သုံးရန်။
​မဲဆောက်-မြဝတီကဲ့သို့ နယ်စပ်ဒေသများတွင် ဘတ်-ကျပ် တိုက်ရိုက်ရှင်းလင်းသည့် Pilot စီမံကိန်းများ စတင်ရန်နှင့် လုပ်ခလစာများကို စင်ကာပူကဲ့သို့ ဘဏ်စာရင်းထဲ တိုက်ရိုက်ထည့်သွင်းပေးသည့် စနစ်မျိုး ပြုပြင်ပြောင်းလဲရန် ပညာရှင်များက ထောက်ပြထားကြပါသည်။

​ထိုင်းရောက် မြန်မာလုပ်သားများ တရားဝင်ဘဏ်စနစ်မှတစ်ဆင့် မိသားစုထံ လုံခြုံစွာ ငွေလွှဲနိုင်စေရန်အတွက် ဘဏ်လုပ်ထုံးလုပ်နည်းများ ဖြေလျှော့ပေးရုံဖြင့် မလုံလောက်ဘဲ "တရားဝင် ရွှေ့ပြောင်းလုပ်သား ဖြစ်လာရေး လုပ်ငန်းစဉ်များ လျင်မြန်လွယ်ကူစေခြင်း"၊ "စာရွက်စာတမ်း ကြန့်ကြာမှုနှင့် ဖိအားပေးမှုများကို ဖြေလျှော့ပေးခြင်း" "အခွန်ဆိုင်ရာ ဥပဒေများလျော့ပေါ့ပေးခြင်း" နှင့် "ဈေးကွက်နှင့် ကိုက်ညီသော ငွေလဲနှုန်းများ သတ်မှတ်ပေးခြင်း" တို့ကို ဘက်စုံတစ်ပြိုင်နက်တည်း ဖြေရှင်းပေးရန် အရေးတကြီး လိုအပ်နေပြီ ဖြစ်ပါသည်။

ေစက်
​ #မြန်မာလုပ်သား #ရွှေ့ပြောင်းလုပ်သား #ဟွန်ဒီ #ထိုင်းရောက်မြန်မာများ #ဝင်ငွေခွန် #နိုင်ငံခြားငွေလွှဲ #နှစ်ထပ်အခွန်ကင်းလွတ်ခွင့် #အလုပ်သမားအခွင့်အရေး

📢 ထိုင်းနိုင်ငံရောက် မြန်မာပြည်သူများ သတိပြုရန် - အောက်တိုဘာလကုန် သီတင်းကျွတ်ရုံးပိတ်ရက်များ ရက်စွဲအလိုက် အသိပေးချက် 🇲🇲🇹...
21/10/2026

📢 ထိုင်းနိုင်ငံရောက် မြန်မာပြည်သူများ သတိပြုရန် - အောက်တိုဘာလကုန် သီတင်းကျွတ်ရုံးပိတ်ရက်များ ရက်စွဲအလိုက် အသိပေးချက် 🇲🇲🇹🇭

​ထိုင်းနိုင်ငံတွင် နေထိုင်အလုပ်လုပ်ကိုင်နေကြသော မြန်မာပြည်သူများအနေဖြင့် အောက်တိုဘာလကုန်ပိုင်းတွင် ကျရောက်မည့် ထိုင်းအစိုးရရုံးများနှင့် ဘန်ကောက်မြို့ မြန်မာသံရုံးတို့၏ ရုံးပိတ်ရက်များကို မှားယွင်းမှုမရှိစေရန် အောက်ပါအတိုင်း ရှင်းလင်းစွာ ခွဲခြားဖော်ပြပေးလိုက်ပါသည်။

​၁။ ထိုင်းအစိုးရရုံးများ ပိတ်ရက် (၃ ရက်ဆက်တိုက်)
📍​အောက်တိုဘာ ၂၃ ရက် (သောကြာနေ့) - ချူလာလောင်ကွန်း အောက်မေ့ဖွယ်နေ့ (Chulalongkorn Memorial Day)
📍​အောက်တိုဘာ ၂၄ ရက် (စနေနေ့) နှင့် ၂၅ ရက် (တနင်္ဂနွေနေ့) - ပုံမှန် စနေ/တနင်္ဂနွေ ရုံးပိတ်ရက်
⚠️​ထိုင်းအစိုးရရုံးများ (ဥပမာ - လူဝင်မှုကြီးကြပ်ရေးရုံး/အလုပ်သမားရုံး စသည်တို့) သို့ သွားရောက်ကိစ္စဆောင်ရွက်မည့်သူများအနေဖြင့် အောက်တိုဘာ ၂၃ မှ ၂၅ ရက်အထိ (၃) ရက်ဆက်တိုက် ရုံးပိတ်ထားမည်ဖြစ်ကြောင်း သတိပြုရန် လိုအပ်ပါသည်။

​၂။ ဘန်ကောက်မြို့ မြန်မာသံရုံး ပိတ်ရက်
📍​အောက်တိုဘာ ၂၄ ရက် (စနေနေ့) နှင့် ၂၅ ရက် (တနင်္ဂနွေနေ့) - ပုံမှန်သံရုံးပိတ်ရက်
📍​အောက်တိုဘာ ၂၆ ရက် (တနင်္လာနေ့) နှင့် ၂၇ ရက် (အင်္ဂါနေ့) - သီတင်းကျွတ် ရုံးပိတ်ရက်များ
⚠️မြန်မာသံရုံးမှ တရားဝင်ကြေညာထားသည့် ရုံးပိတ်ရက်တွင် နိုင်ငံကူးလက်မှတ် (Passport) သက်တမ်းတိုးခြင်း၊ ဗီဇာ (Visa) နှင့် ကောင်စစ်ဆိုင်ရာ ဝန်ဆောင်မှုလုပ်ငန်းများ အားလုံးကို အောက်တိုဘာ ၂၈ ရက် (ဗုဒ္ဓဟူးနေ့) မှစ၍ ပုံမှန်အတိုင်း ပြန်လည်ဆောင်ရွက်ပေးမည် ဖြစ်ပါသည်။

​💡 အနှစ်ချုပ် မှတ်သားရန် -
​ထိုင်းရုံးသွားမည့်သူများ အောက်တိုဘာ ၂၃၊ ၂၄၊ ၂၅ ရက်များ ရှောင်ပါ။
​မြန်မာသံရုံးသွားမည့်သူများ အောက်တိုဘာ ၂၄၊ ၂၅၊ ၂၆၊ ၂၇ ရက်များ ရှောင်ရှားပြီး ၂၈ ရက်မှ စတင်သွားရောက်ပါ။
​မိမိတို့ ဆောင်ရွက်လိုသော ကိစ္စရပ်များ အချိန်ကြန့်ကြာမှု မရှိစေရန်နှင့် ခရီးအသွားအလာ အဆင်ပြေစေရန်အတွက် ရက်စွဲများကို ကြိုတင်စီစဉ်ဆောင်ရွက်နိုင်ကြပါစေကြောင်း သတင်းစကားပါးအပ်ပါသည်။

​ #ထိုင်းအစိုးရရုံးပိတ်ရက် #မြန်မာသံရုံးရုံးပိတ်ရက် #ဘန်ကောက်မြန်မာသံရုံး #သီတင်းကျွတ်ရုံးပိတ်ရက် #နိုင်ငံကူးလက်မှတ် #ထိုင်းရောက်မြန်မာများ #ဗဟုသုတ #သတင်းအချက်အလက်

CIစီအိုင်ရုံးတည်နေရာများ၊ လွှဲငွေကိစ္စများနှင့် စာအုပ်ပြုလုပ်ရာတွင် အမှန်တကယ် ကုန်ကျမည့် စရိတ်များ သိကောင်းစရာ 🇲🇲📗🇹🇭​ထို...
18/10/2026

CIစီအိုင်ရုံးတည်နေရာများ၊ လွှဲငွေကိစ္စများနှင့် စာအုပ်ပြုလုပ်ရာတွင် အမှန်တကယ် ကုန်ကျမည့် စရိတ်များ သိကောင်းစရာ 🇲🇲📗🇹🇭

​ထိုင်းရောက် မြန်မာအလုပ်သမားများအတွက် CI(Certificate of Identity) စာအုပ် (မည်သူမည်ဝါဖြစ်ကြောင်း သက်သေခံလက်မှတ်) စာအုပ်ပြုလုပ်ရာတွင်
👉​တိုက်ရိုက်ပေးသွင်းရမည့် တရား၀င်ကုန်ကျစရိတ် စုစုပေါင်း (၂,၆၆၀ ဘတ်)
၁။ ​CI စာအုပ်ဖိုး — ၂,၆၅၀ ဘတ် (7-Eleven တွင် ပေးသွင်းရမည့် စာအုပ်ဖိုး)
၂။ ​7-Eleven ဝန်ဆောင်ခ — ၁၀ ဘတ်
၃။ ​တစ်နှစ်စာ ဝင်ငွေခွန် (၂%)

👉​မိသားစုထံ လွှဲငွေအထောက်အထား (၆,၀၀၀ ဘတ်) ဆိုင်ရာ ရှင်းလင်းချက်
​လုပ်သားများအနေဖြင့် CI စာအုပ်လျှောက်ထားချိန်တွင် အခြေခံလုပ်ခလစာ၏ ၂၅% ဖြစ်သော ၃ လစာအတွက် စုစုပေါင်း ၆,၀၀၀ ဘတ် (တစ်လ ဘတ် ၂,၀၀၀ နှုန်း) ကို မိသားစုထံ တရားဝင်လမ်းကြောင်းမှ လွှဲပို့ထားသည့် စလစ်ပြေစာ ပြသရမည် ဖြစ်ပါသည်။
​အဆိုပါ ၆,၀၀၀ ဘတ်သည် မိမိတို့မိသားစုထံသို့ ရောက်ရှိမည့် ငွေကြေးဖြစ်ပြီး အစိုးရထံ ပေးဆောင်ရသည့် အခွန် သို့မဟုတ် အခကြေးငွေ မဟုတ်ပါ။
​သို့သော် တရားဝင်လွှဲပို့ရသည့် ဘဏ်နှုန်းထားနှင့် ပြင်ပပေါက်ဈေး ကွာဟနေမှုကြောင့် လုပ်သားများအနေဖြင့် ငွေလဲလှယ်နှုန်း နစ်နာဆုံးရှုံးမှုများ ကြုံတွေ့နေရဆဲ ဖြစ်ပါသည်။

👉 Ci ရုံး / တည်နေရာ လိပ်စာများ (Ci office location)

📍စမွတ်ပရာကန် Ci ရုံး location
https://maps.app.goo.gl/MvcuDmBrLc3A3tk29?g_st=ac

📍စမွတ်စခွန် Ci ရုံး location
https://maps.app.goo.gl/yr49zvKVPZuuenbQA

📍ချွန်ဘူရီ Ci ရုံး location
https://maps.app.goo.gl/r87eBN4sZvo2xNv57?g_st=ac

👉CI စခန်းများ ဖွင့်လှစ်မည့် နေရာများနှင့် ကာလ
​ဖွင့်လှစ်မည့် စခန်းတည်နေရာများ (၅ ခရိုင်) - စမွတ်ဆာခွန်၊ စမွတ်ပရာကန်၊ ဆူရတ်ဌာနီ၊ ချင်းမိုင် နှင့် ချွန်ဘူရီ
​စတင်ဖွင့်လှစ်မည့်ရက် - ၂၀၂၆ ခုနှစ်၊ အောက်တိုဘာလ ၁၄ ရက်နေ့မှ စတင်၍

👉​ဦးတည်အုပ်စု - လက်ရှိတွင် ၂၀၂၆ ခုနှစ် ဒီဇင်ဘာလ ၁၁ ရက်တွင် သက်တမ်းကုန်ဆုံးမည့် အလုပ်သမားများ (လူသစ်ဘတ်သမားများ) အပါအဝင် အထောက်အထား လိုအပ်နေသူများအတွက် ဖြစ်ပါသည်။

​👉ကျသင့်ငွေနှင့် ပေးသွင်းရမည့် ကုန်ကျစရိတ်များ
✅​CI စာအုပ်ကြေး ပေးသွင်းခြင်း - နီးစပ်ရာ 7-Eleven စတိုးဆိုင်များတွင် CI စာအုပ်ဖိုး ကုန်ကျစရိတ် ဘတ် ၂,၆၆၀ ကို ပေးသွင်းပြီး မိမိလျှောက်ထားလိုသည့် စခန်းအမည်နှင့် ရက်စွဲကို ရွေးချယ်ရပါမည်။ (ငွေသွင်းပြီးပါက ဆိုင်မှထုတ်ပေးသည့် ငွေလွှဲပြေစာကို သေချာစွာ သိမ်းဆည်းထားရမည်)။
✅​မိသားစုထံ လွှဲငွေအထောက်အထား (Remittance) - အခြေခံလုပ်ခလစာ ၃ လစာ၏ ၂၅% (တစ်လလျှင် ဘတ် ၂,၀၀၀ နှုန်းဖြင့် စုစုပေါင်း ဘတ် ၆,၀၀၀ ခန့်) ကို တရားဝင်လမ်းကြောင်းမှ မိသားစုထံ ပြန်လည်လွှဲပို့ထားသည့် ငွေလွှဲစလစ်ပြေစာ။
​(မှတ်ချက် - အစိုးရတရားဝင် သတ်မှတ်ထားသော စာအုပ်ကြေးမှာ ဘတ် ၂,၆၆၀ ဖြစ်ပြီး အခွန်ငွေနှင့် ဝန်ဆောင်မှုစရိတ်များအပါအဝင် အခြားသော ကုန်ကျစရိတ်အသေးစိတ် စုစုပေါင်းကို လုပ်ငန်းစဉ်အဆင့်ဆင့်အရ စောင့်ကြည့်ရန် လိုအပ်ပါသည်)။

​👉လျှောက်ထားရာတွင် ဆောင်ရွက်ရမည့် အဆင့်ဆင့် လုပ်ငန်းစဉ်
⚠️​7-Eleven တွင် ငွေပေးသွင်း၍ ရက်ချိန်းယူခြင်း
ကုန်ကျစရိတ် ဘတ် ၂,၆၆၀ ပေးသွင်းကာ လိုရာစခန်းနှင့် နေ့ရက်ကို ရွေးချယ်ရယူပါ။
⚠️​စာရွက်စာတမ်း ပြင်ဆင်ခြင်း
7-Eleven ငွေသွင်းပြေစာ၊ ၃ လစာ ငွေလွှဲထားသည့် အထောက်အထားစလစ်များကို အသင့်ပြင်ဆင်ပါ။
⚠️​One Stop Service စခန်းသို့ သွားရောက်ခြင်း
ရွေးချယ်ထားသည့် နေ့ရက်တွင် သတ်မှတ်စခန်းသို့ အလုပ်သမားကိုယ်တိုင်ဖြစ်စေ၊ အလုပ်ရှင်အစီအစဉ်ဖြင့်ဖြစ်စေ လူကိုယ်တိုင် သွားရောက်ရပါမည်။

👉​UID စိစစ်ခြင်းနှင့် ကတ်ထုတ်ယူခြင်း
လူဝင်မှုကြီးကြပ်ရေးဌာနမှ UID စိစစ်ခြင်းနှင့် နိုင်ငံသားအတည်ပြုခြင်းများ ပြုလုပ်ပြီးပါက OWIC ကတ်နှင့် CI စာအုပ်ကို တစ်နေရာတည်းတွင် ပြီးစီးအောင် ထုတ်ပေးသွားမည် ဖြစ်ပါသည်။

​👉လုပ်သားများ ရင်ဆိုင်နေရသည့် အခက်အခဲနှင့် စိန်ခေါ်မှုများ
​ငွေလွှဲပြေစာပြသရန် လိုအပ်ချက် - လုပ်သားအများစုသည် ဘဏ်စနစ်ထက် ဟွန်ဒီစနစ်ကို ပိုမိုအားထားနေရသဖြင့် တရားဝင် ၂၅% ငွေလွှဲစလစ်ပြသရမည့် သတ်မှတ်ချက်မှာ အထောက်အထားမဲ့ လုပ်သားများအတွက် စာရွက်စာတမ်း အခက်အခဲတစ်ခု ဖြစ်နေဆဲဖြစ်ပါသည်။

👉​ကုန်ကျစရိတ် ဝန်ထုပ်ဝန်ပိုး - အခြေခံလုပ်ခလစာ ရရှိမှုအပြင် စာအုပ်ဖိုး၊ အခွန်ငွေနှင့် လွှဲငွေသတ်မှတ်ချက်များကြောင့် ကုန်ကျစရိတ် ကြီးမြင့်မှုများနှင့် ရင်ဆိုင်နေရပါသည်။

​🚨အကူအညီတောင်းခံရန် ဆက်သွယ်ရမည့် ဖုန်းနံပါတ်များ
​CI လုပ်ဆောင်ရာတွင် အခက်အခဲများရှိပါက အလုပ်သမားသံအရာရှိရုံးသို့ အောက်ပါဖုန်းနံပါတ်များမှတစ်ဆင့် ဆက်သွယ်မေးမြန်းနိုင်ပါသည် -
​Call Center - 020030015
​အလုပ်သမားသံမှူး (ဗန်ကောက်) - 0618108454
​အလုပ်သမားသံအရာရှိ (ဗန်ကောက်) - 0626890119, 0652206952
​အလုပ်သမားသံအရာရှိ (မဲဆောက်) - 0652206953
​အလုပ်သမားသံအရာရှိ (ချင်းမိုင်) - 0945866607
​အလုပ်သမားသံအရာရှိ (ရနောင်း) - 0634818121
​အထောက်အထားမဲ့ မြန်မာလုပ်သားများအနေဖြင့် သတ်မှတ်ရက်များအတွင်း ကြန့်ကြာမှုမရှိစေရန် လိုအပ်သည့် အချက်အလက်နှင့် ငွေလွှဲပြေစာများကို ကြိုတင်စနစ်တကျ ပြင်ဆင်သွားကြရန် တိုက်တွန်းအပ်ပါသည်။
​
​ ာအုပ် #မြန်မာလုပ်သား #ရွှေ့ပြောင်းလုပ်သား #ထိုင်းရောက်မြန်မာများ #ရက်၉၀ ေစက်

📕ဘန်ကောက်မြို့၊ မြန်မာသံရုံးမှ အမျိုးအစားပြောင်း နိုင်ငံကူးလက်မှတ် (Passport) သက်တမ်းတိုးခွင့်ပြုစာရင်း နှင့် (UID) ဆောင...
17/10/2026

📕ဘန်ကောက်မြို့၊ မြန်မာသံရုံးမှ အမျိုးအစားပြောင်း နိုင်ငံကူးလက်မှတ် (Passport) သက်တမ်းတိုးခွင့်ပြုစာရင်း နှင့် (UID) ဆောင်ရွက်ရန် အသိပေးထုတ်ပြန်ခြင်း

​ထိုင်းနိုင်ငံ၊ ဘန်ကောက်မြို့ရှိ မြန်မာသံရုံးသို့ အမျိုးအစားပြောင်း နိုင်ငံကူးလက်မှတ် သက်တမ်းတိုးရန် လျှောက်ထားသူများအနေဖြင့် အောက်ပါအချက်အလက်များကို သတိပြုဆောင်ရွက်ရန် လိုအပ်ပါသည်။
​၁။ သက်တမ်းတိုးခွင့်ပြုသူများ ဆက်သွယ်ဆောင်ရွက်ရန်ရက်စွဲ
​ပြီးခဲ့သည့် ၃၁-၈-၂၀၂၆ ရက်နေ့အထိ တင်ပြလျှောက်ထားခဲ့သူများထဲမှ ပူးတွဲဖော်ပြပါ လူဦးရေ (၅၄၈) ဦး၏ သာမန်နိုင်ငံကူးလက်မှတ်စာရင်းများကို နေပြည်တော် မြန်မာနိုင်ငံကူးလက်မှတ်ထုတ်ပေးရေးအဖွဲ့၏ ခွင့်ပြုချက် ရရှိပြီးဖြစ်ပါသည်။
​အဆိုပါ ခွင့်ပြုချက်ရရှိထားသူ (၅၄၈) ဦးသည် ၂၈-၁၀-၂၀၂၆ ရက်နေ့မှ ၆-၁၁-၂၀၂၆ ရက်နေ့အတွင်း မြန်မာသံရုံး (ဘန်ကောက်မြို့) သို့ သွားရောက်ဆက်သွယ်၍ သက်တမ်းတိုးခြင်း လုပ်ငန်းစဉ်များကို ဆောင်ရွက်နိုင်ပြီဖြစ်ပါသည်။
​၂။ UID ကတ် လျှောက်ထားရန် လိုအပ်ချက်
​မြန်မာနိုင်ငံကူးလက်မှတ်ဆိုင်ရာ ဥပဒေပုဒ်မ ၇၊ အပိုဒ်ခွဲ (က) အရ နိုင်ငံကူးလက်မှတ် သက်တမ်းတိုး ဆောင်ရွက်ရာတွင် UID ကတ် ပါ ပူးတွဲဆောင်ရွက်ရမည်ဖြစ်ပါသည်။
​သို့ဖြစ်ပါ၍ အမည်စာရင်းတွင် ပါရှိသည့် ကာယကံရှင်များသည် သက်ဆိုင်ရာဖော်ပြပါ CI စခန်းများတွင် ၁၉-၁၀-၂၀၂၆ ရက်နေ့မှ ၂၃-၁၀-၂၀၂၆ ရက်နေ့အတွင်း UID ကြိုတင်လျှောက်ထားခြင်းကို ပြီးစီးအောင် ဆောင်ရွက်ကြရန် အသိပေးထားပါသည်။
​အမည်စာရင်းတွင် မိမိတို့အမည် ပါဝင်ခြင်း ရှိ/မရှိကို ပူးတွဲပါ အမည်စာရင်းများတွင် သေချာစွာ စစ်ဆေးပြီး သတ်မှတ်ထားသော ရက်စွဲများအတိုင်း အချိန်မီ ဆောင်ရွက်နိုင်ကြပါရန် နှိုးဆော်အပ်ပါသည်။

​(မြန်မာသံရုံး၊ ဘန်ကောက်မြို့ — ၂၀၂၆ ခုနှစ်၊ အောက်တိုဘာလ ၁၇ ရက်)

​ #မြန်မာသံရုံး #နိုင်ငံကူးလက်မှတ် #ပတ်စပို့သက်တမ်းတိုး #ဘန်ကောက် #မြန်မာရွှေ့ပြောင်းလုပ်သား

ခွင့်ပြန် PJ နိုင်ငံကူးလက်မှတ်ကိုင်ဆောင်ထားသူများ ပြည်ပသို့ ပြန်လည်ထွက်ခွာရာတွင် တင်ပြရမည့် အထောက်အထားများနှင့် ဖြေလျှော...
15/10/2026

ခွင့်ပြန် PJ နိုင်ငံကူးလက်မှတ်ကိုင်ဆောင်ထားသူများ ပြည်ပသို့ ပြန်လည်ထွက်ခွာရာတွင် တင်ပြရမည့် အထောက်အထားများနှင့် ဖြေလျှော့ပေးသည့် အချက်များ 🇲🇲

​မြန်မာနိုင်ငံသို့ ခွင့်ဖြင့် ခေတ္တပြန်လည်ရောက်ရှိနေပြီး ခွင့်ကာလပြီးဆုံး၍ ပြည်ပသို့ ပြန်လည်ထွက်ခွာမည့် PJ (အလုပ်အကိုင်) အမျိုးအစား နိုင်ငံကူးလက်မှတ်ကိုင်ဆောင်ထားသည့် အလုပ်သမားများအတွက် အလုပ်သမားညွှန်ကြားရေးဦးစီးဌာနမှ အသိပေးကြေညာချက် ထုတ်ပြန်ထားပါသည်။
​လေဆိပ်/နယ်စပ်ထွက်ပေါက်များတွင် မပျက်မကွက် တင်ပြရမည့် စာရွက်စာတမ်း အထောက်အထား (၈) မျိုးမှာ အောက်ပါအတိုင်း ဖြစ်သည် -
​၁။ နိုင်ငံကူးလက်မှတ် (Passport) မူရင်း
၂။ သက်တမ်းရှိ အလုပ်လုပ်ခွင့်ပါမစ် (Work Permit) သို့မဟုတ် ဗီဇာ (Visa) မိတ္တူ
၃။ အနည်းဆုံး သက်တမ်း ၁ နှစ် ကျန်ရှိသည့် ပြည်ပအလုပ်အကိုင် အလုပ်သမားသက်သေခံကတ်ပြား (OWIC) ရှေ့/နောက် မိတ္တူ
၄။ လူဝင်မှုကြီးကြပ်ရေးဦးစီးဌာနမှ ရိုက်နှိပ်ထားသည့် ပြည်ပထွက်ခွာခွင့်နှင့် ပြည်ဝင်ခွင့် တံဆိပ်တုံးများ ပါရှိသည့် နိုင်ငံကူးလက်မှတ် စာမျက်နှာ မိတ္တူ
၅။ လေယာဉ်လက်မှတ် မိတ္တူ
၆။ မိသားစုလွှဲပို့ငွေ ၂၅% တရားဝင်လွှဲပို့ခဲ့သည့် အနီးဆုံး ၃ လစာ အသေးစိတ် အထောက်အထားများ
၇။ ဝင်ငွေခွန် ၂% (၁ နှစ်စာ) ပေးဆောင်ခဲ့သည့် အထောက်အထား
၈။ ရောက်ရှိကြောင်း သတင်းပို့ပုံစံ
​အထူးဖြေလျှော့ချက်
ယခင်က သတ်မှတ်ထားသည့် "အလုပ်ရှင်၏ ခွင့်စာ" နှင့် "သက်ဆိုင်ရာ နိုင်ငံသံရုံး၏ ထောက်ခံချက်များ" တင်ပြရမည့်အချက်ကို ၂၀၂၆ ခုနှစ်၊ အောက်တိုဘာလ ၁၀ ရက်နေ့မှ စတင်၍ ကင်းလွတ်ခွင့်ပြုကာ ဖြေလျှော့ပေးလိုက်ပြီဖြစ်ကြောင်း သိရှိရပါသည်။

​ #ခွင့်ပြန်အလုပ်သမား #အလုပ်သမားညွှန်ကြားရေးဦးစီးဌာန #ပြည်ပအလုပ်အကိုင်

ယနေ့နောက်ဆုံး(12 Oct 2026) update / စာအုပ်အနီလဲဖို့ သံရုံးမှာ အခြေအနေ ဘယ်လိုရှိနေလဲ ?📌 Passport type ဘယ်အမျိုးအစားမဆို၊A...
12/10/2026

ယနေ့နောက်ဆုံး(12 Oct 2026) update / စာအုပ်အနီလဲဖို့ သံရုံးမှာ အခြေအနေ ဘယ်လိုရှိနေလဲ ?

📌 Passport type ဘယ်အမျိုးအစားမဆို၊Appointment Q ရယူရန် company နဲ့ရော၊ကိုယ်စားလှယ်ရော ၊ မရနေပါဘူး။ (ကာယကံရှင်ကိုယ်တိုင် Qတန်းစီ လာယူရပါမယ်။)

📌 PV to >> PJ >> PE >> စသဖြင့်၊
စာအုပ်ထဲက သက်ဆိုင်ရာ ဗီဇာအမျိုးအစားကြောင့် passport type အမျိုးအစား မတူပဲ သက်တမ်းတိုးကြမည့်သူများ၊ စာအုပ်ထဲတွင် သက်ဆိုင်ရာဗီဇာတုံး ရိုက်နှိပ်ထားရှိနေပြီးသားဖြစ်ရမည်။

📌 PV to >> PJ >> PE >> အတွက် ၊
စာအုပ်သက်တမ်း ကုန်ခါနီး မည်သည့်လမှ Qစာရင်းတင် ခွင့်ပြုမည်ဟု၊ (သံရုံးမှ passport expired date အတွက် တရားဝင် စာထုတ်ပြန်ထားခြင်း မရှိပါသဖြင့်၊) မိမိဗီဇာ/အခြေအနေပေါ်မူတည်ပြီး appointment Qသွားရောက်ယူနိုင်ပါသည်။ အထွက်တုံး/ အဝင်တုံးများ၊ ဗီဇာတုံးများ ပြည့်စုံမှန်ကန်နေရပါမည်။ (ပျမ်းမျှ စာအုပ်သက်တမ်းကုန်ခါနီး ၈လ or ၁နှစ်အောက်)

📌PJ to >> PJ အတွက် ၊
လက်ရှိမှာ (passport expired date 2027ခုနှစ် 2လပိုင်း ကုန်သမား) များအထိသာ၊ ရိုးရိုးwalk in စနစ်ဖြင့် ၊ သံရုံးတွင် အပတ်တိုင်း တနင်္ဂနွေမနက်တိုင်း Appointment Q အယောက်အရေအတွက် ကန့်သတ်၍ ချပေးနေပါတယ်။ Appointment Qရရှိပြီးနောက် သတ်မှတ်ရက်ချိန်းတွင် နေ့ချင်းပြီး စာအုပ်လုပ်ခွင့် ရရှိမှာ ဖြစ်ပါတယ်။ ကန့်သတ်ထားသည့် မြို့နယ်များလဲ ဆက်လက်ကန့်သတ်ထားပါသည်။

👉ထို့ကြောင့် လောလောဆယ် စာအုပ်ချိန်းရန် / တိုးရန် လူကိုယ်တိုင် သံရုံးသို့ နှစ်ကြိမ်လာရပါမယ်။

သံရုံး ဝန်ဆောင်မှု / မော်လမြိုင်passportရုံး ဝန်ဆောင်မှု ယူချင်ရင် YAY SAT Visa Service - ရေစက် မှာဆက်သွယ်နိုင်ပါတယ်✅

ရက်ချိန်း မစောင့်နိုင်လို့ (mobile/နယ်စပ်)နဲ့ တိုးချင်သူများလဲ ပေါ်လစီအမျိုးမျိုး​ပြောင်းလဲနေသောကြောင့် သေချာဂရုစိုက်နားစွင့်ကြဖို့ တိုက်တွန်းပါတယ်။

#စာအုပ် #ဝေါ့ပါမစ် #လူဟောင်း #ဘတ် #ပတ်စပို့ #ထိုင်း #မြန်မာ #ဗီဇာ #သံရုံး
#လက်ရှိိစာအုပ်အနီလဲအခြေအနေ #ရက်၉၀ ေစက်

09/10/2026

ထိုင်းရောက် လုပ်သားတွေ မဖြစ်မနေ သိထားသင့်တဲ့ ပကန်စနစ် (Social Security Fund) 🇹🇭✨
​ထိုင်းနိုင်ငံမှာ အလုပ်လုပ်နေတယ်ဆိုရင် လူမှုဖူလုံရေးကြေး အလကားပေးနေရတာ မဟုတ်ပါဘူး။ ကိုယ်ရသင့်တဲ့ အခွင့်အရေးတွေ အပြည့်အဝရဖို့ ဒါလေးတော့ သေချာမှတ်ထားလိုက်ပါ!

​📌 ဘယ်လိုစတင်ရမလဲ?
​ရက်ပေါင်း (၃၀) အတွင်း စာရင်းသွင်းရမယ် – အလုပ်စဝင်တာနဲ့ အလုပ်ရှင်က သက်ဆိုင်ရာ လူမှုဖူလုံရေးရုံး (SSO) မှာ ပကန်ကြေး ပေးသွင်းဖို့ မဖြစ်မနေ ဆောင်ရွက်ပေးရပါတယ်။
​ဘယ်လောက်ပေးရလဲ? – လစဉ်ဝင်ငွေရဲ့ ၅% ကို ကိုယ်တိုင်ထည့်ဝင်ရပြီး၊ အလုပ်ရှင်က ၅% နဲ့ အစိုးရက ၂.၇၅% စိုက်ထုတ်ပေးပါတယ်။
​ဘယ်တော့ စခံစားခွင့်ရမလဲ? – လစဉ်ကြေး (၃) လ ထည့်ဝင်ပြီးတာနဲ့ စတင်ခံစားခွင့် ရှိပါပြီ။

​🎁 ပကန်ကတ်ရှိရင် ရမယ့် အကျိုးခံစားခွင့် (၇) မျိုး
1. ​ဆေးကုသစရိတ် အခမဲ့ – သတ်မှတ်ဆေးရုံတွေမှာကုန်ကျစရိတ်မလိုဘဲ ကုသခွင့်
2. ​ထိခိုက်ဒဏ်ရာရခြင်း ခံစားခွင့်
​3. မကျန်းမာခြင်း / ဖျားနာခြင်း ခံစားခွင့်
4. ​ကိုယ်အင်္ဂါချို့ယွင်းခြင်း ထောက်ပံ့ကြေး
5. ​သေဆုံးခြင်း အတွက် နာရေးစရိတ်/ထောက်ပံ့ကြေး
6. ​မီးဖွားခြင်းနှင့် ကလေးစရိတ် ထောက်ပံ့ကြေး
7. ​အလုပ်လက်မဲ့ဖြစ်ခြင်းနှင့် သက်ကြီးအငြိမ်းစား ခံစားခွင့်

​ကိုယ်တိုင်အတွက်ရော မသိသေးတဲ့ မိတ်ဆွေတွေပါ သိရအောင် Share လုပ်ထားလိုက်ပါဦးနော်။

#ထိုင်းလူမှုဖူလုံရေး #ပကန်စနစ် #ထိုင်းရောက်မြန်မာလုပ်သားများ #အလုပ်သမားအခွင့်အရေး #အခမဲ့ဆေးကုသခွင့် #ရက်၉၀

📢 ထိုင်းလဝက (Immigration Division 1) ရုံးပိတ်ရက်များ သတိပြုရန်!  ​အောက်တိုဘာလအတွင်း ထိုင်းနိုင်ငံ ဗီဇာကိစ္စနဲ့ လဝကရုံးသွ...
08/10/2026

📢 ထိုင်းလဝက (Immigration Division 1) ရုံးပိတ်ရက်များ သတိပြုရန်!
​အောက်တိုဘာလအတွင်း ထိုင်းနိုင်ငံ ဗီဇာကိစ္စနဲ့ လဝကရုံးသွားဖို့ စီစဉ်နေသူများအတွက် ထိုင်းလဝကရုံးခွဲ (၁) ရဲ့ အများပြည်သူ ရုံးပိတ်ရက်တွေကို ဖော်ပြပေးလိုက်ပါတယ်။ အချိန်မကုန်၊ ခရီးမပန်းရအောင် ရက်ကြိုမှတ်ထားကြပါနော်။

​🗓 ရုံးပိတ်မယ့်ရက်များ
​အောက်တိုဘာ ၁၃ (အင်္ဂါ) : ဘုရင်ကြီး ဘူမိဘော အောက်မေ့ဖွယ်နေ့ (King Bhumibol Adulyadej Memorial Day)
​အောက်တိုဘာ ၁၆ (သောကြာ) : ဘန်ကောက်မြို့တော် အထူးရုံးပိတ်ရက် (Special Public Holiday in Bangkok)
​အောက်တိုဘာ ၂၃ (သောကြာ) : ချူလာလောင်ကွန်း ဘုရင်ကြီး အောက်မေ့ဖွယ်နေ့ (King Chulalongkorn Memorial Day)
​(ပုံမှန် စနေ၊ တနင်္ဂနွေ ရက်များတွင်လည်း ရုံးပိတ်ပါသည်)

​💡 အကြံပြုချက် :
ရုံးပိတ်ရက်တွေနဲ့ မတိုက်အောင် ဗီဇာသက်တမ်းတိုးတာနဲ့ အခြားကိစ္စတွေကို ကြိုတင်ပြင်ဆင်ပြီးမှ သွားရောက်ကြဖို့ တိုက်တွန်းပါရစေ။ ရုံးလုပ်ငန်းများကို နောက်တစ်ရက် ရုံးဖွင့်ရက်မှာ ပုံမှန်အတိုင်း ပြန်လည်ဆောင်ရွက်ပေးသွားမှာ ဖြစ်ပါတယ်။

#ထိုင်းလဝက #ထိုင်းဗီဇာ #ထိုင်းရောက်မြန်မာများ #ရက်၉၀

ထိုင်းနိုင်ငံရောက် မြန်မာနိုင်ငံသားများအတွက် Resident Certificate (နေထိုင်ကြောင်းထောက်ခံစာ) လျှောက်ထားခြင်း လမ်းညွှန်✅​ထ...
01/10/2026

ထိုင်းနိုင်ငံရောက် မြန်မာနိုင်ငံသားများအတွက် Resident Certificate (နေထိုင်ကြောင်းထောက်ခံစာ) လျှောက်ထားခြင်း လမ်းညွှန်

✅​ထိုင်းနိုင်ငံမှာ ယာဉ်မောင်းလိုင်စင် လျှောက်ထားခြင်း/သက်တမ်းတိုးခြင်း၊ မော်တော်ဆိုင်ကယ်နှင့် ကားဝယ်ယူပြီး အမည်ပေါက်ပြောင်းခြင်း၊ ဘဏ်အကောင့်ဖွင့်ခြင်း စသည့်ကိစ္စရပ်များတွင် Resident Certificate (နေထိုင်ကြောင်းထောက်ခံစာ) ကို အဓိကတောင်းဆိုလေ့ရှိပါသည်။

✅​၁။ Resident Certificate ကို မည်သည့်နေရာများတွင် လျှောက်ထားနိုင်သလဲ?
​လျှောက်ထားနိုင်သည့် နေရာ (၂) နေရာရှိပြီး ထွက်ရှိလာသည့် ဘာသာစကား ကွာခြားချက်ရှိပါသည်။
နေရာ (၁) : ​ထိုင်းလူဝင်မှုကြီးကြပ်ရေးဌာန (Thai Immigration Office)
မိမိလက်ရှိနေထိုင်ရာ နယ်မြေအပိုင် လ.ဝ.က ရုံးတွင် လျှောက်ထားရပြီး ထိုင်းဘာသာ ဖြင့် ထွက်ရှိပါသည်။

နေရာ (၂) : ​ထိုင်းနိုင်ငံဆိုင်ရာ မြန်မာသံရုံး/ကောင်စစ်ဝန်ချုပ်ရုံး
ဘန်ကောက်မြို့ရှိ မြန်မာသံရုံး (Myanmar Embassy) သို့မဟုတ် ချင်းမိုင်မြို့ရှိ မြန်မာကောင်စစ်ဝန်ချုပ်ရုံး (Myanmar Consulate) တို့တွင် လျှောက်ထားနိုင်ပြီး အင်္ဂလိပ်ဘာသာ ဖြင့် ထွက်ရှိပါသည်။

​✅၂။ လိုအပ်သည့် စာရွက်စာတမ်းများ
​ထိုင်းလဝက (Immigration) တွင် လျှောက်ထားပါက
- ​နိုင်ငံကူးလက်မှတ် မူရင်းနှင့် မိတ္တူ (Passport Bio Page)
- ​လက်ရှိ ဗီဇာနှင့် နောက်ဆုံးဝင်ရောက်ခဲ့သည့် တံဆိပ်တုံးမိတ္တူ (Visa & Entry Stamp)
- ​TM.30 မိတ္တူ (အိမ်ရှင်/တိုက်ခန်းမှ တင်ပေးထားသော နေထိုင်ကြောင်းအကြောင်းကြားစာ)
- ​TM.6 ထွက်ခွာကတ် (အကယ်၍ ကိုင်ဆောင်ထားဆဲဖြစ်ပါက)
​- အိမ်တိုက်ခန်း အငှားစာချုပ် မူရင်းနှင့် မိတ္တူ (အချို့ လဝကရုံးများတွင် တောင်းဆိုတတ်ပါသည်)
​- ၄ x ၆ စင်တီမီတာ အရွယ်အစား ဓာတ်ပုံ (၂) ပုံ
- ရုံးမှထုတ်ပေးသော လျှောက်လွှာတင်ပုံစံ

​မြန်မာသံရုံး/ကောင်စစ်ဝန်ချုပ်ရုံးတွင် လျှောက်ထားပါက
- ​Passport မူရင်းနှင့် မိတ္တူ (Bio Page, လက်ရှိဗီဇာ)
- ​ထိုင်းနိုင်ငံတွင် အမှန်တကယ်နေထိုင်ကြောင်း အထောက်အထား (TM.30 မိတ္တူ သို့မဟုတ် အိမ်ငှားစာချုပ်)
- ​မြန်မာနိုင်ငံသား စိစစ်ရေးကတ်ပြား (မှတ်ပုံတင်) မိတ္တူ
- ​အိမ်ထောင်စုစာရင်း မိတ္တူ
- ​ပတ်စ်ပို့အရွယ်အစား ဓာတ်ပုံ (၂) ပုံ
- ​သံရုံးမှထုတ်ပေးသော လျှောက်လွှာတင်ပုံစံ

✅​၃။ ကြာမြင့်ချိန်နှင့် ကုန်ကျစရိတ်
​ထိုင်းလဝကရုံးများ ​ကုန်ကျစရိတ်
ရုံးစည်းကမ်းအရ ပုံမှန်လျှောက်ထားမှုသည် တရားဝင်ကြေးမရှိ သို့မဟုတ် ဘတ်အနည်းငယ်သာ ကုန်ကျသော်လည်း ဒေသဆိုင်ရာ လဝကရုံးအလိုက် အမြန်ကြေး (Express Fee) ဘတ် ၃၀၀ မှ ၅၀၀ အထိ ကောက်ခံလေ့ရှိပါသည်။ ချင်းမိုင်တွင် ပုံမှန်ဘတ် ၆၀ ခန့်မှ အမြန်ဆိုပါက ၅၀၀ ဘတ်ဝန်းကျင် ကုန်ကျနိုင်ပြီး ဘန်ကောက်တွင် ကွာခြားမှုရှိနိုင်ပါသည်။
​ကြာမြင့်ချိန်
ပုံမှန်ဆိုပါက ၁ ပတ်မှ ၂ ပတ်ခန့် ကြာမြင့်ပြီး၊ အမြန်ကြေးပေးဆောင်ပါက တစ်ရက်တည်း (သို့မဟုတ် နောက်တစ်ရက်တွင်) ရရှိနိုင်ပါသည်။

​မြန်မာသံရုံး/ကောင်စစ်ဝန်ချုပ်ရုံး ​ကုန်ကျစရိတ် တရားဝင် ဝန်ဆောင်ခ ဘတ် ၂၀၀ မှ ၃၀၀ ဝန်းကျင်သာ ကုန်ကျပါသည်။
​ကြာမြင့်ချိန်
ရုံးဖွင့်ရက် ၁ ရက်မှ ၃ ရက်အတွင်း ရရှိလေ့ရှိပါသည်။ (ဘန်ကောက်နေထိုင်သူများအနေဖြင့် ဘန်ကောက်သံရုံး၊ ချင်းမိုင်နှင့် မြောက်ပိုင်းနေထိုင်သူများအနေဖြင့် ချင်းမိုင်ကောင်စစ်ဝန်ချုပ်ရုံးတွင် လျှောက်ထားရပါမည်)

✅​၄။ သတိပြုရမည့် အချက်များနှင့် ကန့်သတ်ချက်များ
​ဗီဇာအမျိုးအစား ကန့်သတ်ချက်: ဒေသဆိုင်ရာ လဝကအလိုက် မူဝါဒမတူညီပါ။ ဥပမာ- ချင်းမိုင်လဝကတွင် Tourist Visa (TR-14 days/TR-60 days) နှင့် တစ်လသက်တမ်းတိုးထားသူများအား Resident Certificate ထုတ်ပေးခြင်းကို ကန့်သတ်ထားလေ့ရှိပါသည်။

⚠️​Non-LA (MOU/ဘတ်ရိုက် အလုပ်သမားဗီဇာ) ကိုင်ဆောင်ထားသူများအတွက် ထိုင်းလဝကရုံးတစ်ချို့တွင် ထုတ်ယူခွင့်မပြုဘဲ အလုပ်သမားရေးရာ ဌာနခွဲများ သို့မဟုတ် သီးသန့်ရုံးများတွင်သာ အဆင့်ဆင့်လျှောက်ထားရသဖြင့် ကုန်ကျစရိတ်နှင့် ကြာချိန် ပိုမိုများပြားနိုင်ပါသည်။ သို့ဖြစ်ပါ၍ မြန်မာသံရုံး/ကောင်စစ်ဝန်ချုပ်ရုံးဘက်မှ တရားဝင် လျှောက်ထားထုတ်ယူခြင်းက ပိုမိုအဆင်ပြေချောမွေ့ပါသည်(သို့သော် ၂ရာခိုင်နှုန်း ၀င်ငွေခွန်များ/ အခွန်ထမ်းဆောင်ရပါက ထိုင်းလ၀ကဘက်မှ ယူရင် ကုန်ကျစရိတ်ပိုမိုသက်သာပြန်မည်ဖြစ်ပါသည်)။

✅​စာရွက်စာတမ်း သက်တမ်း
Resident Certificate သည် ထုတ်ပေးသည့်နေ့မှစ၍ ရက်ပေါင်း ၃၀ သာ အကျုံးဝင်လေ့ရှိသဖြင့် မိမိကိစ္စပြီးပြတ်မည့် အချိန်နှင့် ချိန်ဆ၍ လျှောက်ထားသင့်ပါသည်။

🙏 လူကြီးမင်းတို့အနေဖြင့် စာရွက်စာတမ်းကိစ္စများ ရှုပ်ထွေးမှုကြောင့်ဖြစ်စေ/ သွားလာရန် အချိန်မပေးနိုင်မှုကြောင့်ဖြစ်စေ၊ ဖော်ပြပါ ထိုင်းလ၀က (သို့မဟုတ်) မြန်မာသံရုံးမှ နေရပ်လိပ်စာထောက်ခံစာ/Resident Certificate (နေထိုင်ကြောင်းထောက်ခံစာ) အတွက် ၀န်ဆောင်မှု လိုအပ်ပါက ကျွန်တော်တို့ YAY SAT Visa Service - ရေစက် မှာ ယုံကြည်စိတ်ချစွာ ဝန်ဆောင်မှု ရယူနိုင်ပါတယ်ခင်များ 🇹🇭🇲🇲
​
#နေထိုင်ကြောင်းထောက်ခံစာ #ထိုင်းယာဉ်မောင်းလိုင်စင် #ထိုင်းရောက်မြန်မာများ #ထိုင်းဗဟုသုတ #ထိုင်းလဝက #မြန်မာသံရုံး

ที่อยู่

Sukhumvit Road
Changwat Samut Prakan
10270

เว็บไซต์

แจ้งเตือน

เป็นคนแรกที่รู้ข่าว: เราจะส่งอีเมลแจ้งเมื่อ YAY SAT Visa Service - ရေစက် โพสต์ข่าวสารและโปรโมชั่น อีเมลของคุณจะไม่ถูกนำไปใช้เพื่อวัตถุประสงค์อื่น และคุณสามารถยกเลิกการรับข่าวสารได้ทุกเมื่อ

ทางลัด

แชร์