21/08/2026
Mon Jam ကိုလည်ပတ်မယ်ဆို ဒီ (6) နေရာကို သွားပါ 🌿⛰️
မွန်းဂျမ်ဆိုတာ မြန်မာခရီးသွားတွေရဲ့ ကြားထဲမှာ Little Switzerland လို့တောင် တင်စားထားရလောက်တဲ့အထိ အရမ်းလှတဲ့ တောင်ပေါ်ဒေသလေးဖြစ်ပါတယ်။ ⛰️
သဘာဝတောင်တန်းရှုခင်းတွေနဲ့ ပန်းတွေပွင့်ရာ ဒေသလေးလဲ ဖြစ်တာမို့ ချင်းမိုင်ရောက်ရင် Mon Jam ကို တစ်ရက်လောက် သွားရောက်လည်ပတ်ဖို့ အမြဲတိုက်တွန်းပေးရတဲ့အထိ အရမ်းကို သာယာအေးချမ်းတဲ့ တောင်ပေါ်ရွာလေးလဲ ဖြစ်ပါတယ်။ 🌿
Mon Jam က လည်ပတ်စရာတွေများလို့ အေးအေးဆေးဆေး လည်ပတ်ချင်တဲ့သူတွေအတွက် ၁ ညအိပ် ၂ ရက် လဲ လည်ပတ်လို့ရသလို နေ့ချင်းပြန် လဲ လည်ပတ်လို့ရပါတယ်။
ဒီတော့ Mon Jam ရဲ့ နာမည်ကြီးတဲ့နေရာတွေ၊ လည်ပတ်တာအများဆုံးနေရာ (6) နေရာကို ဒီနေ့ ကျွန်တော့်ရဲ့ မိတ်ဆွေတွေအတွက် မျှဝေပေးလိုက်ပါတယ်။ 📍
🛕 1. Wat Ban Den Temple
ပထမဦးဆုံး ချင်းမိုင်မြို့ရဲ့ အလှဆုံးလို့တောင် တင်စားရလောက်တဲ့အထိ ခမ်းနားတဲ့ Wat Ban Den Temple ကို သွားရောက်လည်ပတ်ပါ။
ဒီနေရာလေးကို ကျွန်တော် ဘာလို့ အမြဲထည့်သွင်း လမ်းညွှန်ပေးဖြစ်လဲဆိုရင် သူ့ရဲ့ ထူးခြားတဲ့ ခမ်းနားမှုကြောင့်ပါ။
သူက သာမန်ဘုရားကျောင်းတွေလို မဟုတ်ဘဲ Lanna (လန်န) ဗိသုကာလက်ရာ တွေကို အခမ်းနားဆုံး ပုံဖော်တည်ဆောက်ထားတာပါ။
ဘုရားဝင်းထဲ ဝင်လိုက်တာနဲ့ အမိုးပြာပြာကြီးတွေ၊ အနုစိတ်လွန်းတဲ့ နဂါးရုပ်တုအကြီးကြီးတွေနဲ့ ကိုယ့်ရာသီခွင်အလိုက် ဖူးမျှော်နိုင်တဲ့ စေတီတွေကို တစ်နေရာတည်းမှာ အံ့မခန်းတွေ့ရမှာလဲ ဖြစ်ပါတယ်။
Mon Jam ကို လည်ပတ်မယ်ဆို ဝင်ရောက်လည်ပတ်သင့်တဲ့ နေရာတစ်နေရာပေါ့။
🧚 2. Dantewada Land of Angels
နောက်တစ်နေရာက သဘာဝအလှသက်သက်မဟုတ်ဘဲ Fantasy ဆန်ဆန် Vibe မျိုးကိုပါ ခံစားချင်တယ်ဆိုရင်တော့ Dantewada Land of Angels ကို မဖြစ်မနေ ဝင်ဖို့ အကြံပေးချင်ပါတယ်။
Dantewada Land of Angels ကို လက်တွေ့ကျကျ တင်စားရရင်တော့ ရုပ်ရှင်ထဲက နတ်သမီးပုံပြင် တောအုပ်ကြီးကို အပြင်မှာ တကယ်အသက်သွင်းထားသလိုပါပဲ။ ✨
ဧရာမ လူလုပ်ရေတံခွန်တွေ၊ ရေပြာစမ်းချောင်းတွေနဲ့ လွှတ်ထားတဲ့ မြူခိုးတွေကြောင့် ဝင်ဝင်ချင်းပဲ တောနက်ကြီးထဲ ရောက်သွားသလို ခံစားရစေပါတယ်။
လူဖန်တီးထားမှန်း သိသာပေမယ့် သဘာဝတရားနဲ့ အံ့မခန်းတစ်သားတည်းဖြစ်အောင် အနုစိတ်ဖန်တီးထားတာကတော့ တကယ်ကို လေးစားစရာပါ။
ဓာတ်ပုံရိုက်ဖို့ ဝါသနာပါသူတွေနဲ့ မြို့ပြရဲ့ မွန်းကျပ်မှုကနေ ခဏတာ ရုန်းထွက်ချင်သူတွေအတွက်တော့ ခရီးစဉ်ကို အကောင်းဆုံး အသက်ဝင်စေမယ့် နေရာလေးတစ်ခုလို့ ကျွန်တော်ထင်ပါတယ်။
☕ 3. WTF Coffee Camp
နတ်သမီးတောအုပ်ကလေးထဲ လည်ပတ်ပြီးရင်တော့ Mon Jam ဘက်ကို ခရီးထပ်ဆက်ကြရအောင်။
Mon Jam ရောက်ရင်တော့ မဖြစ်မနေ လည်ပတ်သင့်တာကတော့ WTF Coffee Camp ပါ။
ဒီဆိုင်လေးရဲ့ အားသာချက်က မျက်စိရှေ့မှာတင် ဒလဟောစီးကျနေတဲ့ ရေတံခွန်အလှကို ငေးကြည့်ရင်း၊ ကော်ဖီပူပူလေးတစ်ခွက်နဲ့
သဘာဝတရားထဲ စီးမျောသွားနိုင်တဲ့ Camping Vibe အပြည့် က တခြားဘယ်နေရာနဲ့မှ မတူတဲ့ ဒီဆိုင်ရဲ့ အသက်ပါပဲ။ ☕🌿
🌄 4. Mon Jam Skywalk
ဒါပြီးရင်တော့ Mon Jam ဒေသရဲ့ Highlight နေရာဖြစ်တဲ့ Mon Jam Skywalk ကို သွားရောက်လည်ပတ်ပါ။
ဒီနေရာက Mon Jam ရဲ့ အသက်လို့ ပြောလို့ရပါတယ်။ 🌄
တောင်ပေါ်သဘာဝအလှတရားကြီးကို ခံစားရင်း ပင်ပန်းနေတဲ့ စိတ်လေးတွေကို ခဏတာကုစားဖို့ အကောင်းဆုံးနေရာလေးတစ်ခုပေါ့။
Lavender ပန်းခင်းတွေ၊ ရောင်စုံပန်းခင်းတွေကတော့ 11 လပိုင်းနောက်မှ လည်ပတ်လို့ရနိုင်ပါမယ်နော်။ 🌸
🌸 5. Ying Yong Flower Garden
နောက်ထပ်တစ်နေရာကတော့ မြန်မာခရီးသွားတွေကြားထဲ အရမ်းကို နာမည်ကြီးတဲ့ Ying Yong Flower Garden ကို သွားရောက်လည်ပတ်ပါ။
ပန်းဖြူလေးတွေ၊ အနီရောင်ပန်းလေးတွေနဲ့ ပန်းစီရောင်ပန်းလေးတွေကို မနှစ်ကနဲ့ မတူညီတဲ့ စတိုင်နဲ့ အလှဓာတ်ပုံရိုက်ဖို့အတွက် Photo Spot လေးတွေကိုလဲ ဖန်တီးပေးထားပါသေးတယ်။ 📸
တောတောင်သဘာဝအလှတရားကြီးကို နောက်ခံထားပြီး ပန်းလေးတွေနဲ့ အလှဓာတ်ပုံရိုက်ချင်တဲ့သူလေးတွေအတွက် သွားလည်ပတ်သင့်တဲ့ နေရာလေးလဲ ဖြစ်ပါတယ်။
🏰 6. The First Miracle Flower Castle
Ying Yong Flower Garden ကို လည်ပတ်ပြီးရင်တော့ The First Miracle Flower Castle, Mon Jam ကို သွားရောက်လည်ပတ်လို့ရပါတယ်။
ဥရောပစတိုင် ရဲတိုက်ကြီးကိုမှ ပန်းတွေ ဝေဝေဆာဆာနဲ့ ပန်းတွေရဲ့ ရဲတိုက်ကြီး အဖြစ် ဖန်တီးထားတာမို့ ပန်းချစ်သူတွေအတွက် ဓာတ်ပုံရိုက်ရတာနဲ့တင် အရမ်းတန်မယ့် နေရာလေးလဲ ဖြစ်ပါတယ်။ 🌷🏰
☕ အေးအေးဆေးဆေး အနားယူချင်ရင် — Ai Nara Cafe
မွန်းဂျမ် (Mon Jam) ရောက်ရင် ဓာတ်ပုံရိုက်ဖို့ချည်း စိတ်လောမနေဘဲ သဘာဝအလှကို အေးအေးဆေးဆေး ခံစားချင်သူတွေအတွက် နောက်တစ်နေရာကတော့ Ai Nara Cafe လေးကို သွားစေချင်ပါတယ်။
ဒီနေရာလေးရဲ့ အဓိကအလှတရားက လူရှင်းပြီး တိတ်ဆိတ်အေးချမ်းနေတာပါ။
လူအရမ်းများတဲ့ ဆူညံဆူညံနေရာတွေကနေ ခဏရှောင်ထွက်ပြီး၊ ကော်ဖီလေးတစ်ခွက်နဲ့ တောင်တန်းတွေကို ငေးကြည့်ရင်း ကိုယ့်ကိုယ်ကိုယ် အချိန်ပေး အနားယူလို့ အရမ်းကောင်းတဲ့ နေရာလေးဖြစ်ပါတယ်။ 🌿☕
ခရီးသွားတယ်ဆိုတာ နေရာစုံ ပြေးလွှားနေဖို့ထက် စိတ်အေးချမ်းတဲ့ နေရာလေးတစ်ခု ရှာတွေ့ရင်ကို လုံလောက်ပြီ မို့...
မွန်းဂျမ်ခရီးစဉ်မှာ သဘာဝနဲ့ အနီးကပ်ဆုံး တိတ်တိတ်ဆိတ်ဆိတ် အနားယူရင်း ခရီးစဉ်လေးကို အဆုံးသတ်လိုက်လို့ရပါပြီ။ 🍃
တကယ်တော့ Mon Jam က လည်ပတ်စရာအရမ်းများတဲ့ ဒေသဖြစ်ပါတယ်။
ကျွန်တော်အခုပြောပြပေးခဲ့တဲ့ နေရာလေးတွေက
တစ်ရက်တာကို အေးအေးဆေးဆေး လည်ပတ်လို့ရတဲ့ ခရီးစဉ်လေး ဖြစ်တာမို့ Mon Jam ကို နေ့ချင်းပြန်လည်ပတ်မယ်လို့ စဉ်းစားထားတဲ့ မိတ်ဆွေတွေအတွက် အသုံးဝင်မယ်လို့ ထင်ပါတယ်။
နောက်တစ်ခါ Mon Jam ရဲ့ လူငယ်တွေအကြိုက် လည်ပတ်လို့ရတဲ့ Adventure Trip ကိုလဲ မျှဝေပေးဦးမှာမို့ Page လေးကို Like & Follow လေးလုပ်ပြီး စောင့်ကြည့်ပေးပါဦးခင်ဗျာ။ ❤️
