Itzik Trekking

21/02/2026

#ຊີວີດ🥹

21/02/2026

17/02/2026

ພວກເຈົ້າຮູ້ບໍ່ວ່າ... ສິ່ງທີ່ຂ້າຄົນໃຫ້ຕາຍທັງເປັນຫຼາຍທີ່ສຸດໃນໂລກນີ້ ບໍ່ແມ່ນໂລກມະເຮັງ ຫຼື ອຸບັດຕິເຫດ ແຕ່ມັນຄື "ຄວາມຢ້ານ"! ຢ້ານທີ່ຈະເລີ່ມ, ຢ້ານທີ່ຈະລົ້ມ, ຢ້ານຄົນອື່ນເວົ້າໃຫ້. ຄວາມຢ້ານຄືກຳແພງທີ່ສູງທີ່ສຸດທີ່ກັ້ນພວກເຈົ້າໄວ້ຈາກຄວາມຮັ່ງມີ. ຖ້າມື້ນີ້ພວກເຈົ້າຍັງນັ່ງກອດຄວາມປອດໄພ (Safety Zone) ທີ່ກິນບໍ່ອີ່ມ ນອນບໍ່ຫຼັບຢູ່ແບບນີ້ ກໍຈົ່ງກຽມໃຈ "ຈົນ" ໄປຕະຫຼອດຊາດໄດ້ເລີຍ. ເພາະໃນໂລກຂອງທຶນນິຍົມ ຄວາມຮັ່ງມີບໍ່ໄດ້ມີໄວ້ໃຫ້ຄົນທີ່ "ລໍຖ້າ" ແຕ່ມັນມີໄວ້ໃຫ້ຄົນທີ່ "ກ້າເສຍສະລະ" ເທົ່ານັ້ນ!
ເປັນຫຍັງຄວາມຢ້ານຈຶ່ງເຮັດໃຫ້ຈົນ? ເພາະສະໝອງຂອງຄົນສ່ວນໃຫຍ່ຖືກຝັງຊິບ (Chip) ມາໃຫ້ຮັກສາຄວາມປອດໄພ. ພວກເຮົາຖືກສອນໃຫ້ຮຽນເກັ່ງໆ ເພື່ອໄປເປັນຂີ້ຂ້າທີ່ດີຂອງລະບົບ. ງານວິໄຈຈາກ Psychological Science ລະບຸວ່າ: "ມະນຸດມີແນວໂນ້ມທີ່ຈະຢ້ານການສູນເສຍ (Loss Aversion) ຫຼາຍກວ່າຄວາມຕ້ອງການທີ່ຈະໄດ້ຮັບ" ເວົ້າງ່າຍໆຄື: ພວກເຈົ້າຢ້ານເສຍເງິນ 1 ລ້ານ ຫຼາຍກວ່າຢາກໄດ້ເງິນ 10 ລ້ານ!
​Mindset ແບບນີ້ແຫຼະທີ່ເຮັດໃຫ້ພວກເຈົ້າບໍ່ກ້າລົງທຶນ, ບໍ່ກ້າອອກຈາກວຽກທີ່ກຽດຊັງ, ແລະ ບໍ່ກ້າສ່ຽງ. ໃນຂະນະທີ່ຄົນລວຍຄິດອີກແບບ: ເຂົາເຈົ້າບໍ່ໄດ້ເບິ່ງວ່າ "ຈະເສຍຫຍັງ" ແຕ່ເຂົາເຈົ້າເບິ່ງວ່າ "ຖ້າຊະນະ ຈະໄດ້ຫຍັງ". ຄົນຈົນມັກຖາມວ່າ "ຖ້າຂາດທຶນຊິເຮັດແນວໃດ?" ສ່ວນຄົນລວຍຖາມວ່າ "ຖ້າມັນໄປໄດ້ສວຍ ເຮົາຈະຂະຫຍາຍມັນແນວໃດ?".
ນີ້ຄືຄວາມແຕກຕ່າງລະຫວ່າງ Scarcity Mindset (ຄິດແບບຂາດແຄນ) ກັບ Abundance Mindset (ຄິດແບບຮັ່ງມີ).
ຢາກຟັງເລື່ອງຈິງບໍ? ຖິ້ມເລື່ອງ Jack Ma ຫຼື Elon Musk ໄປກ່ອນ. ມາເບິ່ງເລື່ອງຂອງ Phil Knight ຊາຍທີ່ເຄີຍຖືກເບິ່ງວ່າ "ບ້າ".
ໃນປີ 1962, Phil ບໍ່ມີຫຍັງເລີຍ ນອກຈາກຄວາມເຊື່ອທີ່ວ່າ "ເກີບຍີ່ປຸ່ນຈະຄອງໂລກ". ລາວຍອມຢືມເງິນພໍ່ 50 ໂດລາ ເພື່ອບິນໄປຍີ່ປຸ່ນ ທັງໆທີ່ຕອນນັ້ນລາວບໍ່ມີບໍລິສັດ, ບໍ່ມີສາງ, ບໍ່ມີຫຍັງເລີຍ! ລາວໃຊ້ "ຄວາມກ້າ" ຕົວະບໍລິສັດ Onitsuka Tiger ວ່າລາວມີບໍລິສັດຊື່ Blue Ribbon Sports (ເຊິ່ງແທ້ຈິງແລ້ວມີແຕ່ໃນຫົວລາວ). ບ້າ! ບໍລະເຈົ້າວ່າ 555++
​ລອງຄິດເບິ່ງ... ຖ້າລາວຢ້ານຖືກຈັບໄດ້? ຖ້າລາວຢ້ານເສຍເງິນຄ່າເຮືອບິນ? ມື້ນີ້ກໍຄົງບໍ່ມີ Nike. ລາວເລີ່ມຂາຍເກີບຢູ່ຫຼັງລົດເກົ່າໆຂອງລາວ ຕາມສະໜາມກິລາ. ລາວຖືກທະນາຄານປະຕິເສດ, ຖືກຄູ່ແຂ່ງຟ້ອງ, ເກືອບຈະລົ້ມລະລາຍນັບຄັ້ງບໍ່ຖ້ວນ. ແຕ່ສິ່ງທີ່ Phil ມີ ແລະ ພວກເຈົ້າບໍ່ມີ ຄື "ຄວາມກ້າທີ່ຈະລົ້ມເຫຼວ". ລາວວິເຄາະວ່າ ຄວາມສ່ຽງທີ່ໃຫຍ່ທີ່ສຸດ ບໍ່ແມ່ນການເຮັດແລ້ວລົ້ມ, ແຕ່ແມ່ນການ "ບໍ່ໄດ້ລອງເຮັດຫຍັງເລີຍ" ແລ້ວຕາຍໄປທັງໆທີ່ຍັງຈົນຢູ່. ນີ້ຄື Case Study ທີ່ຕົບໜ້າຄົນທີ່ມັກອ້າງວ່າ "ບໍ່ມີທຶນ" ໄດ້ດີທີ່ສຸດ. ເພາະ Phil ເລີ່ມຈາກ "ສູນ" ແຕ່ມີ "ໃຈ" ທີ່ເກີນຮ້ອຍ.
ສຸດທ້າຍ, ຄວາມລວຍມັນບໍ່ໄດ້ຂຶ້ນຢູ່ກັບວ່າພວກເຈົ້າ "ສະຫຼາດ" ສ່ຳໃດ ແຕ່ມັນຂຶ້ນຢູ່ກັບວ່າພວກເຈົ້າ "ໃຈເຖິງ" ສ່ຳໃດ. ຖ້າພວກເຈົ້າຍັງໃຊ້ຊີວິດແບບຢ້ານໆ ຢ້ານເຈົ້ານາຍຮ້າຍ, ຢ້ານໝູ່ເວົ້າຂວັນ, ຢ້ານຂາດທຶນ... ກໍຈົ່ງຍອມຮັບສະພາບ "ຄວາມຈົນ" ທີ່ເປັນຢູ່ໃຫ້ໄດ້. ຢ່າໄປຈົ່ມວ່າວັດສະດຸແພງ ຢ່າໄປຈົ່ມວ່າລັດຖະບານບໍ່ດີ ເພາະຕໍ່ໃຫ້ໂອກາດມາກອງຢູ່ຕໍ່ໜ້າ ຖ້າພວກເຈົ້າ "ປອດແຫກ" ພວກເຈົ້າກໍຈັບມັນໄວ້ບໍ່ໄດ້ຢູ່ດີ!
​ຄວາມກ້າ ບໍ່ແມ່ນການບໍ່ມີຄວາມຢ້ານ. ແຕ່ມັນຄືການ "ທັງຢ້ານທັງເຮັດ". ຄົນລວຍກໍຢ້ານ ແຕ່ເຂົາເຈົ້າເຮັດທັງໆທີ່ຂາສັ່ນ. ສ່ວນຄົນຈົນ... ເອົາແຕ່ຖາມຫາ "ຄວາມໝັ້ນຄົງ" ໃນໂລກທີ່ບໍ່ມີຫຍັງໝັ້ນຄົງເລີຍ ນອກຈາກຄວາມຕາຍ!
​.
​"ມື້ນີ້... ມີ 'ໂອກາດ ຫຍັງແດ່ທີ່ເຂົ້າມາຫາເຈົ້າ ແລ້ວເຈົ້າຍັງບໍ່ກ້າຈັບມັນໄວ້ ເພາະຄຳວ່າ "ຢ້ານ"? ເຈົ້າຈະຍອມໃຫ້ຄວາມຢ້ານນັ້ນ ຂ້າຄວາມຝັນຂອງເຈົ້າໄປອີກດົນປານໃດ? ຕອບໂຕເອງໃນ Comment ແດ່!" ແບບຈິງໃຈບໍ່ເວົ້າເອົາຫຼໍ ເອົາງາມ !
Cr: Wongwilai Joummaney (ຜູ້ກໍ່ຕັ້ງເພຈ SAMOUNGSETHI)
ຂຽນໂດຍ #ສະໝອງເສດຖີ #ສັງຄົມຄົນສ້າງຕົວເອງຈາກສູນ

16/02/2026

ຄົນສ່ວນໃຫຍ່ໃຊ້ເວລາທັງຊີວິດ "ຝັນ" ແຕ່ບໍ່ເຄີຍ "ເຮັດ". ເຮົາຢູ່ໃນຍຸກທີ່ຄົນໄຖໜ້າຈໍເບິ່ງຄວາມສຳເລັດຂອງຄົນອື່ນ ແລ້ວກໍມາຖອນຫາຍໃຈໃສ່ໂຊກຊະຕາໂຕເອງ. ຟັງດີໆເດີ້... ໂລກນີ້ບໍ່ໄດ້ຄ້າງຄາຫຍັງເຈົ້າ! ຄວາມແຕກຕ່າງລະຫວ່າງ "ຄົນທີ່ກາຍເປັນຕຳນານ" ກັບ "ຄົນທີ່ກາຍເປັນຂີ້ຝຸ່ນ" ມັນວັດກັນທີ່ 1 ປີ ແຫ່ງການເອົາຈິງເອົາຈັງ. ຖ້າເຈົ້າຍອມແລກ 365 ວັນ ແບບຖິ້ມທຸກຢ່າງທີ່ບໍ່ຈຳເປັນ, ຕັດຄວາມສຳພັນທີ່ເປັນພິດ, ແລະ ເລີກເຮັດໂຕເປັນ "ເຫຍື່ອ" ຂອງໂຊກຊະຕາ... ຊີວິດເຈົ້າຈະປ່ຽນໄປຈົນຄົນທີ່ເຄີຍດູຖູກເຈົ້າຕ້ອງກົ້ມຫົວໃຫ້!
​.
ເປັນຫຍັງຕ້ອງແມ່ນ "1 ປີ"? ທາງວິທະຍາສາດ ແລະ ຈິດຕະວິທະຍາສາດ (Neuroscience) ບອກເຮົາວ່າ ສະໝອງຄົນເຮົາໃຊ້ເວລາໃນການສ້າງ Neural Pathways ຫຼື ໂຄງສ້າງຄວາມຄິດໃໝ່ໆ ປະມານ 6-12 ເດືອນ ເພື່ອໃຫ້ມັນກາຍເປັນ "ສັນດານໃໝ່". ງານວິໄຈຈາກມະຫາວິທະຍາໄລລອນດອນ (UCL) ບອກວ່າການສ້າງນິໄສໃໝ່ອາດໃຊ້ເວລາສະເລ່ຍ 66 ວັນ, ແຕ່ຖ້າເຈົ້າຢາກ "ປ່ຽນໂຄງສ້າງຊີວິດ" ເຈົ້າຕ້ອງໃຊ້ເວລາທີ່ດົນກວ່ານັ້ນ ເພື່ອໃຫ້ຜົນຮັບ (Compound Effect) ມັນເຮັດວຽກ.
​ພວກທີ່ລົ້ມເຫຼວຄືພວກທີ່ "ຢາກລວຍຂ້າມຄືນ" ແຕ່ "ຄວາມອົດທົນຕ່ຳກວ່າຄ່າສະເລ່ຍ". 1 ປີ ມັນຄືການຄັດກອງຄົນ "ຕົວຈິງ" ອອກຈາກ "ພວກຂີ້ໂມ້". ຖ້າເຈົ້າຜ່ານ 1 ປີທີ່ທໍລະມານນີ້ໄປໄດ້, ເຈົ້ຈະກາຍເປັນສັດຮ້າຍທີ່ໃຜກໍຢຸດບໍ່ໄດ້!
ມາເບິ່ງເລື່ອງລາວຊາຍຜູ້ສູ້ຊີວິດ ລາວຊື່ວ່າ MrBeast ຫຼື Jimmy Donaldson ຢ່າຟ້າວເບິ່ງຄວາມລວຍຂອງລາວຕອນນີ້! ລອງຍ້ອນກັບໄປເບິ່ງເດັກຊາຍທີ່ໝົກມຸ້ນຢູ່ກັບ YouTube ຕັ້ງແຕ່ອາຍຸ 12 ປີ.
ມີຊ່ວງໜຶ່ງທີ່ Jimmy ຕັດສິນໃຈ "ເອົາຈິງ" ແບບບໍ່ສົນໂລກ. ລາວ ແລະ ໝູ່ສະໜິດ ໃຊ້ເວລາ 365 ວັນເຕັມໆ ໃນການປະຊຸມກັນຜ່ານ Skype ທຸກມື້! ມື້ລະຫຼາຍສິບຊົ່ວໂມງ!
​ພວກເຂົາເຮັດຫຍັງ? ພວກເຂົາວິໄຈ "ທຸກວິນາທີ" ຂອງວິດີໂອທີ່ດັງ.
​ພວກເຂົາເຈາະເລິກຫຍັງ? ຮູບໜ້າປົກ (Thumbnail) ຕ້ອງເປັນສີໃດ? ການຕັດຕໍ່ວິນາທີທີ 10 ຕ້ອງເຮັດແນວໃດໃຫ້ຄົນບໍ່ກົດອອກ?
​ພວກເຂົາແລກກັບຫຍັງ? ບໍ່ມີການໄປທ່ຽວ, ບໍ່ມີປາຕີ້, ບໍ່ມີສາວ, ບໍ່ມີຊີວິດໄວລຸ້ນທີ່ "ປົກກະຕິ".
​Jimmy ເຄີຍບອກວ່າ "ຂ້ອຍແຄ່ຢາກເກັ່ງກວ່າທຸກຄົນທີ່ເຄີຍເຮັດ YouTube". ພາຍໃນ 1 ປີ ແຫ່ງການ "ໝົກມຸ້ນ" ແບບຄົນບ້າ, ລາວຄົ້ນພົບ "ສູດລັບ" ທີ່ເຮັດໃຫ້ວິດີໂອຂອງລາວກາຍເປັນໄວຣໍ (Viral) ລະດັບໂລກ. ຜົນຄືຫຍັງ? ຈາກເດັກນ້ອຍທຳມະດາ ກາຍເປັນມະຫາເສດຖີທີ່ມີຄົນຕິດຕາມຫຼາຍທີ່ສຸດໃນໂລກ. ນີ້ບໍ່ແມ່ນໂຊກຊ່ວຍ, ແຕ່ມັນຄື "1 ປີ ແຫ່ງການຖິ້ມຊີວິດທຳມະດາ ເພື່ອແລກກັບຊີວິດທີ່ຍິ່ງໃຫຍ່".
​.
ຊີວິດເຈົ້າບໍ່ໄດ້ພັງເພາະລັດຖະບານ, ບໍ່ໄດ້ພັງເພາະເສດຖະກິດ, ແຕ່ມັນພັງເພາະເຈົ້ "ໃຈບໍ່ເຖິງ"! ເຈົ້ຢາກໄດ້ຜົນຮັບທີ່ຍິ່ງໃຫຍ່ ແຕ່ເຈົ້າຍັງໃຊ້ຊີວິດແບບ "ລວກໆ". 1 ປີ ມັນແປບດຽວເດີ້... ຖ້າເຈົ້າບໍ່ເລີ່ມມື້ນີ້, ປີໜ້າເຈົ້າກໍຈະມາຕັ້ງປະນິທານ (New Year Resolution) ໂງ່ໆແບບເດີມໆອີກ. ຢຸດຫາຂໍ້ອ້າງ ແລ້ວເລີ່ມ "ລົງທຶນກັບໂຕເອງ" ແບບໝົດໜ້າຕັກໄດ້ແລ້ວ!
​"ຢ່າຢ້ານທີ່ຈະສູນເສຍ 1 ປີ ເພື່ອສ້າງຊີວິດໃໝ່, ແຕ່ຈົ່ງຢ້ານທີ່ຈະໃຊ້ຊີວິດແບບເດີມໆ ໄປອີກ 50 ປີ ໂດຍທີ່ບໍ່ມີຫຍັງດີຂຶ້ນເລີຍ!"
​.
ຖ້າເຈົ້າຕ້ອງ "ຕັດ" ສິ່ງໜຶ່ງອອກຈາກຊີວິດໃນມື້ນີ້ ເພື່ອໃຫ້ອີກ 1 ປີຂ້າງໜ້າເຈົ້າລວຍຂຶ້ນ ຫຼື ເກັ່ງຂຶ້ນ... "ເຈົ້າຈະຕັດຫຍັງຖິ້ມ?" (ຕອບມາແບບບໍ່ຕ້ອງຕົວະໂຕເອງ ໃນຄອມເມັ້ນ!)
Cr: Wongwilai Joummaney (ຜູ້ກໍ່ຕັ້ງເພຈ SAMOUNGSETHI)
ຂຽນໂດຍ #ສະໝອງເສດຖີ #ສັງຄົມຄົນສ້າງຕົວເອງຈາກສູນ

13/02/2026

Luang Namtha Laos trekking in namha NPA
Itzik Trekking company wonderful trekking
WhatsApp+8562058308232

04/02/2026

Itzik Trekking company luagnamtha Laos

02/02/2026

ປີ 2026 ແລ້ວ... ແຕ່ຫຼາຍຄົນຍັງໃຊ້ຊີວິດແບບ "ຂີ້ຂ້າທາງຈິດວິນຍານ"! ຖ້າເຈົ້າຕື່ນມາແລ້ວສິ່ງທຳອິດທີ່ເຮັດຄືການ "ໄຖມືຖື" ເພື່ອເບິ່ງວ່າຄົນອື່ນກຳລັງເຮັດຫຍັງ, ກິນຫຍັງ, ຫຼືໄປທ່ຽວໃສ... ຍິນດີດ້ວຍ! ເຈົ້າຫາກໍ່ຍົກ "ລີໂມດຊີວິດ" ໃຫ້ຄົນທັງໂລກກຳນົດທິດທາງຂອງເຈົ້າແລ້ວ.
​ການຕື່ນເຊົ້າ ບໍ່ໄດ້ແປວ່າເຈົ້າມີເວລາຫຼາຍກວ່າຄົນອື່ນ (ເພາະທຸກຄົນມີ 24 ຊົ່ວໂມງເທົ່າກັນ), ແຕ່ມັນແປວ່າເຈົ້າ "ຄຸມເກມ" ໄດ້ກ່ອນຄົນອື່ນ. ໃນຂະນະທີ່ຄົນທັງເມືອງກຳລັງຫຼັບໄຫຼໃນຄວາມຝັນທີ່ບໍ່ມີຈິງ, ນັກລ່າເງິນລ້ານກຳລັງລຸກຂຶ້ນມາ "ສ້າງຄວາມຈິງ" ໃຫ້ເກີດຂຶ້ນ. ຖ້າເຈົ້າຢາກລວຍ ແຕ່ຍັງແພ້ໃຫ້ກັບຜ້າຫົ່ມ... ກໍຈົ່ງນອນຝັນເຫັນເງິນລ້ານຕໍ່ໄປເຖີດ!
​.
ເປັນຫຍັງຕ້ອງຕື່ນມາກ່ອນໂລກ? ເພາະສະໝອງຄົນເຮົາມັນມີ "ພະລັງງານຈຳກັດ". 1 ຊົ່ວໂມງທຳອິດຫຼັງຕື່ນນອນ ຄື "ຊ່ວງເວລາຄຳ". ແຕ່ຄົນສ່ວນໃຫຍ່ກັບເອົາຊ່ວງເວລານີ້ໄປຖິ້ມໃຫ້ກັບຂ່າວດຣາມ່າ, ຄຳຈົ່ມຂອງເພື່ອນໃນເຟສບຸກ ຫຼື ການຕອບແຊັດວຽກທີ່ເຈົ້າກຽດຊັງ.

​ການຕື່ນມາກ່ອນຄົນອື່ນ ຄືການສ້າງ "ພື້ນທີ່ປອດໄພ" ໃຫ້ກັບຄວາມຄິດ. ມັນຄືການທີ່ເຈົ້າໄດ້ວາງແຜນຮົບ ໃນຂະນະທີ່ສັດຕູຍັງບໍ່ທັນລ້າງໜ້າ. ຖ້າເຈົ້າຄຸມຕອນເຊົ້າບໍ່ໄດ້, ເຈົ້າກໍຄຸມມື້ນັ້ນບໍ່ໄດ້ ແລະ ຖ້າຄຸມມື້ນັ້ນບໍ່ໄດ້... ກໍຢ່າຫວັງວ່າຈະຄຸມຊີວິດໄດ້! ພວກ "ສະໝອງເສດຖີ" ເຂົາຮູ້ດີວ່າ ຄວາມສຳເລັດມັນບໍ່ໄດ້ວັດກັນທີ່ໃຜເຮັດວຽກໜັກກວ່າ ແຕ່ມັນວັດກັນທີ່ໃຜ "ເລີ່ມຕົ້ນໄດ້ຊົງພະລັງກວ່າ".
ເບິ່ງຕົວຢ່າງຂອງ Tim Cook (CEO ຂອງ Apple). ເຈົ້າຄິດວ່າຄົນທີ່ຄຸມບໍລິສັດທີ່ມີມູນຄ່າຫຼາຍລ້ານລ້ານໂດລາ ເຂົາຕື່ນມາຕອນສິບໂມງເຊົ້າມາໄຖ TikTok ຫວ່າງ? ບໍ່! ເຂົາລຸກຂຶ້ນມາຕອນ 3:45 ໂມງເຊົ້າ! ບໍ່ແມ່ນເພື່ອມາອວດລວຍ ແຕ່ເພື່ອມາ "ຊະນະຕົວເອງ" ກ່ອນທີ່ຈະໄປຊະນະຄູ່ແຂ່ງ.

​ຫຼື The Rock (Dwayne Johnson) ທີ່ລຸກຂຶ້ນມາຕີເຫຼັກຕັ້ງແຕ່ 4 ໂມງເຊົ້າ ລາວບໍ່ໄດ້ອອກກຳລັງກາຍເພື່ອໃຫ້ກ້າມໃຫຍ່ຢ່າງດຽວ ແຕ່ລາວກຳລັງບອກສະໝອງວ່າ "ຂ້ອຍຄືເຈົ້າຂອງຊີວິດ, ບໍ່ແມ່ນຄວາມຂີ້ຄ້ານ".

​ພວກເຂົາເຫຼົ່ານີ້ໃຊ້ "ສູດສະໝອງເສດຖີ" ໃນ 1 ຊົ່ວໂມງທຳອິດ:
​ຂອບໃຈສິ່ງທີ່ມີ (Gratitude): ເພື່ອດຶງຄື້ນຄວາມຖີ່ຂອງຄວາມຮັ່ງມີເຂົ້າມາ ບໍ່ແມ່ນຕື່ນມາແລ້ວຈົ່ມວ່າ "ມື້ນີ້ວຽກຄືຊິຫຼາຍແທ້".
​ວາງແຜນ 3 ສິ່ງສຳຄັນ (The Big 3): ເລືອກວຽກທີ່ຈະເຮັດໃຫ້ເຈົ້າ "ລວຍຂຶ້ນ" ຫຼື "ເກັ່ງຂຶ້ນ" ແທ້ໆ, ບໍ່ແມ່ນວຽກຍິບຍ່ອຍທີ່ເຮັດໄປກໍບໍ່ມີຫຍັງດີຂຶ້ນ.

​ເຮັດໃຫ້ຮ່າງກາຍຕື່ນຕົວ (Wake up the engine): ຈະໂດດເຊືອກ, ຍ່າງ ຫຼື ອອກກຳລັງກາຍເບົາໆ ເພື່ອສັ່ງໃຫ້ເລືອດໄປລ້ຽງສະໝອງ ບໍ່ແມ່ນໃຫ້ນັ່ງຊຶມຄືໄກ່ເປັນຫວັດ!
​.
ຢຸດເຮັດໂຕເປັນ "ຜູ້ຖືກກຳນົດ" ທີ່ລໍຖ້າໃຫ້ການແຈ້ງເຕືອນໃນມືຖືມາບອກວ່າເຈົ້າຄວນຮູ້ສຶກແນວໃດໃນມື້ນີ້. ເລີ່ມຕົ້ນມື້ນີ້ດ້ວຍການເປັນ "ຜູ້ກຳນົດ". ການຕື່ນເຊົ້າບໍ່ໄດ້ຂ້າເຈົ້າໃຫ້ຕາຍ ແຕ່ການຕື່ນສວຍໃນຂະນະທີ່ຊີວິດຍັງບໍ່ມີຫຍັງດີຂຶ້ນ... ນັ້ນແຫຼະຄືການຂ້າຕົວເອງໃຫ້ຕາຍທັງເປັນໃນຄາບຂອງຄົນຂີ້ຄ້ານ!

​ຈື່ໄວ້ວ່າ: "ໂລກນີ້ບໍ່ໄດ້ຈ່າຍເງິນໃຫ້ກັບຄົນທີ່ນອນຝັນເກັ່ງ ແຕ່ມັນຈ່າຍເງິນໃຫ້ກັບຄົນທີ່ຕື່ນມາເຮັດຄວາມຝັນໃຫ້ເປັນຈິງ!"
​👇 ໃຜພ້ອມທີ່ຈະເປັນ "ນັກລ່າ" ແລະ ຄຸມລີໂມດຊີວິດແລ້ວ... ພິມ "I AM A LEADER" ໄວ້ລຸ່ມນີ້ ເພື່ອເລີ່ມຕົ້ນວັນທີ່ຊະນະ!
​.
ມື້ອື່ນເຊົ້າ... ສິ່ງທຳອິດທີ່ເຈົ້າຈະຈັບແມ່ນ "ມືຖື" ຫຼື "ຄວາມຝັນ" ຂອງເຈົ້າເອງ? ຕັດສິນໃຈດຽວນີ້!
Cr: Wongwilai Joummaney (ຜູ້ກໍ່ຕັ້ງເພຈ SAMOUNGSETHI)
ຂຽນໂດຍ #ສະໝອງເສດຖີ #ສັງຄົມຄົນສ້າງຕົວເອງຈາກສູນ

01/02/2026

3 days 2 night homstay and jungle camping in namha WhatsApp+856258308232

30/01/2026

14/01/2026

Itzik Trekking Company
WhatsApp+85629058308232