12/07/2020
ركز معايا شويتين في البوست ده لانه مهم جدا جدا ليك ولاي حد هايجي تايلاند يتفسح او يقضى شهر العسل .. هاعرفك ازاي تحجز رحلاتك السياحيه وازاي تفاصل بدل ما انت بتفاصل ومش فاهم حاجه عن موضوع الفصال 😉
الاول بص على الصوره كده وشوف كام رحله لجزيرة جيمس بوند 🤓 دي كلها شركات مختلفه ، مع العلم في اكتر من ٢٠ شركه كمان بس انا بديلك مثال عن الرحلات اللي موجوده وليها كام شركه قيس بقه على كده كل الرحلات تمام لحد كده .. نكمل كلامنا طبعا انت لما بتيجي تحجز رحلتك فابتطلب اسم الرحله وانا كامكتب سياحه او اي مكتب سياحه بتسمع منه اسعار مختلفه من كل واحد وانت مش فاهم ليه كده وبتفتكر ان في حد بينصب عليك ( لا طبعا ) هي بتتلعب على اختلاف كل شركه لان كل شركه من دول بيختلف فيها عدد الناس ونوع الاكل ونوع الخدمه وبرنامج الرحله (فهمت لحد هنا كده تمام ) يعني في شركه بيكون عدد الاشخاص فيها من ١٥ فرد لحد ٢٥ فرد اقصاها وفي شركه تانيه بيكون عدد الاشخاص اكتر من ٥٠ فرد ( كده انت مش طالع رحله انت كده في مركب هجره غير شرعيه 😂) فانت كل مابتفاصل وانت مش فاهم هاتلبس في حاجه رديئه جدا .. بس لما تحب تفاصل وتعرف اللي قدامك انك فاهم دايما وانت بتحجز وتقول هايز اطلع رحلة جيمس بوند مثلا اسئله السؤال المهم ++ اسم الشركه ايه اللي انا هاطلع عليها ++ كده انت مسكت زمام الفصال واللي قدامك هايعرف انك فاهم ومش هايعرف يزود عليك لانه كده هو متاكد انك هاتسال عليها بره مره واتنين وهاتجيب اقل سعر فيها .. ولما يقولك اسم الشركه اللي هاتطلع عليها قولو انت ( ممكن حضرتك تديني بروشور الرحله ) وده مجاني وانت كده لما تاخدو منه تقدر تروح تسال عند اي حد تاني على رحلة جيمس بوند على الشركه دي 😉 كده برضه هايفهم انك فاهم وهايفكر الف مره قبل ما يقولك سعرها 👏👍
اسم الشركه بتاعت الرحله اللي انت بتسال عليها هي (سرك)
قيس بقه على كده كل الرحلات .وبعد ماتجيب اقل سعر كلمني وانا هاديلك اقل من اي مكتب في بوكيت💪💪💪
-الاسئله المطروحه دلوقتي :
وانا اعرف اسم الشركه الكويسه من غيرها ازاي ؟؟
- ابعتلي وانا هاقولك تروح فين وعلى ايه وبكام .
وان شاء الله البوستات اللي بعد البوست ده هايكون كل رحله على حدى وبسعرها ونوع البرنامج .
اوعى حد يغفلك 😎
-واتحدى اي حد في بوكيت يقولك الكلام ده .
-الكلام ده مهم جدا ياريت تعرفو بيه كل الناس اللي بتحب السفر علشان يستفيدو بيه .
