Travel Diary

Directions Website

Travel Diary Exploring the world, one trip at a time. We craft unforgettable travel exp

05/09/2026

သာယာလှပတဲ့ ချင်းဒွိုင်းမြို့လေးတော့ အလည်တစ်ခေါက် #အမှတ်တရလေးတွေ

ဟိုတစ်နေ့က ဘုရားဖြူ Post လေးမှာ Comment ထဲမှာ တစ်ယောက်မန့်ထားတာတွေ့လို့ လေ့လာပြီး တင်ပေးလိုက်ပါတယ် မင်မင်ကိုတိုင်လဲ သမို...
01/09/2026

ဟိုတစ်နေ့က ဘုရားဖြူ Post လေးမှာ Comment ထဲမှာ တစ်ယောက်မန့်ထားတာတွေ့လို့ လေ့လာပြီး တင်ပေးလိုက်ပါတယ် မင်မင်ကိုတိုင်လဲ သမိုင်းတွေစိတ်ဝင်စားတော့ လေ့လာကြည့်ဖြစ်တော့ ဒီပုံထဲက အဓိကအရာက ဟိန္ဒူဘာသာရဲ့ ဆင်ခေါင်းနဲ့ နတ်ဘုရား “Lord Ganesha” ရုပ်ပွားတော်ပါ ပုံထဲမှာ ဆင်ခေါင်း၊ လက်အများကြီး၊ မြွေကိုယ်ပတ်ထားတာနဲ့ လက်ထဲမှာ အစားအစာပူဇော်ပစ္စည်းလိုမျိုး ကိုင်ထားတဲ့ Ganesha ရဲ့ သင်္ကေတတွေကို တွေ့ရပါတယ်။

Ganesha ကို Sanskrit မှာ Gaṇeśa လို့ခေါ်ပြီး ထိုင်းလို Phra Phikanet လို့ခေါ်ပါတယ်

ဟိန္ဒူယုံကြည်မှုအရ Ganesha ဟာ အတားအဆီးတွေကို ဖယ်ရှားပေးသူ၊ ဉာဏ်ပညာနဲ့ အောင်မြင်မှုကို ပေးသူ အဖြစ် အလွန်ကျော်ကြားပါတယ်။ ဒါကြောင့် အိန္ဒိယမှာသာမက ထိုင်းနိုင်ငံမှာပါ စီးပွားရေးလုပ်ငန်းရှင်တွေ၊ အနုပညာရှင်တွေ၊ ကျောင်းသားတွေ၊ အလုပ်သစ်စလုပ်သူတွေက Ganesha ကို ဆုတောင်းလေ့ရှိကြပါတယ်။ ချင်းမိုင်ရဲ့ Wat Pa Daet လိုနေရာတွေမှာတောင် Ganesha ကို ဗဟိုထားပြီး ဆုတောင်းပူဇော်မှုတွေ ပြုလုပ်ကြပါတယ်

Ganesha ရဲ့ သမိုင်းဇာတ်လမ်းကို ဟိန္ဒူဒဏ္ဍာရီထဲမှာ အမျိုးမျိုးပြောကြပေမယ့် လူသိအများဆုံးဇာတ်လမ်းကတော့ Goddess Parvati နဲ့ Lord Shiva တို့နဲ့ ဆက်စပ်ပါတယ်
တစ်နေ့မှာ Parvati ဟာ တောင် Kailash ပေါ်မှာ ရေချိုးဖို့ပြင်ဆင်နေခဲ့ပါတယ် သူမရဲ့ခင်ပွန်းဖြစ်တဲ့ Shiva က အပြင်ထွက်နေတဲ့အချိန်ဖြစ်လို့ သူမတစ်ယောက်တည်း ရေချိုးချင်ခဲ့ပါတယ်။ အဲ့ဒါကြောင့် သူမရဲ့ခန္ဓာကိုယ်က အနံ့ဆီနဲ့ နနွင်းမှုန့်တွေကို အသုံးပြုပြီး ကလေးတစ်ယောက်ကို ဖန်တီးခဲ့တယ် လို့ ဒဏ္ဍာရီက ဆိုပါတယ်

အဲ့ဒီကလေးကို Parvati က ငါရေချိုးနေတဲ့အချိန် ဘယ်သူ့ကိုမှ အထဲမဝင်စေနဲ့ လို့ အမိန့်ပေးပြီး တံခါးစောင့်ခိုင်းခဲ့ပါတယ် ခဏအကြာမှာ Shiva ပြန်ရောက်လာပါတယ် ဒါပေမယ့် Ganesha က Shiva ကို မသိတဲ့အတွက် အိမ်ထဲဝင်ခွင့်မပေးခဲ့ပါဘူး Shiva က သူဟာ Parvati ရဲ့ခင်ပွန်းဖြစ်ကြောင်း ပြောပေမယ့် Ganesha က မိခင်ရဲ့အမိန့်ကို မဖောက်ဖျက်ခဲ့ပါဘူး

ဒီအခြေအနေကနေ နှစ်ဖက်တိုက်ပွဲဖြစ်လာပြီး နောက်ဆုံးမှာ Shiva က Ganesha ရဲ့ခေါင်းကို ဖြတ်လိုက်တယ် လို့ ဇာတ်လမ်းမှာ ဆိုပါတယ်

Parvati သိသွားတဲ့အခါ အလွန်ဒေါသထွက်ပြီး Ganesha ကို ပြန်အသက်သွင်းပေးဖို့ Shiva ကို တောင်းဆိုခဲ့ပါတယ်
နောက်ဆုံး Shiva က Ganesha ကို ပြန်အသက်သွင်းပေးဖို့ ပထမဆုံးတွေ့တဲ့ သတ္တဝါရဲ့ခေါင်းကို ယူလာရန် အမိန့်ပေးခဲ့ပါတယ်။

အဲ့ဒီအချိန်မှာ တွေ့ခဲ့တဲ့သတ္တဝါက ဆင် ဖြစ်တာကြောင့် ဆင်ရဲ့ခေါင်းကို Ganesha ရဲ့ကိုယ်ပေါ်မှာ တပ်ပေးပြီး ပြန်အသက်သွင်းခဲ့တယ်လို့ ယုံကြည်ကြပါတယ်
ဒါကြောင့် Ganesha ရဲ့ ထူးခြားတဲ့ ဆင်ခေါင်းပုံစံ ပေါ်လာတာဖြစ်ပါတယ်

ပုံထဲမှာ အထူးသတိထားကြည့်ရင် Ganesha ရဲ့ဗိုက်ပတ်လည်မှာ မြွေတစ်ကောင်ကို ပတ်ထားတာ တွေ့ရပါတယ် Ganesha ရုပ်ပွားတော်တွေမှာ မြွေဟာ အရေးကြီးတဲ့ သင်္ကေတတစ်ခုပါ
မြွေကို စွမ်းအား၊ ကာကွယ်မှု၊ ပြောင်းလဲခြင်း စတဲ့ အဓိပ္ပာယ်တွေနဲ့ ဆက်စပ်ဖော်ပြကြပါတယ်

Ganesha ရဲ့ ကြီးမားတဲ့ဗိုက်ကိုလည်း လောကကြီးထဲက အရာအားလုံးကို လက်ခံနိုင်တဲ့ ဉာဏ်ပညာနဲ့ သည်းခံနိုင်စွမ်း ကို ကိုယ်စားပြုတယ်လို့ အဓိပ္ပာယ်ဖွင့်ဆိုကြပါတယ်

Ganesha ရဲ့ နောက်ထပ်ထူးခြားတဲ့အချက်တစ်ခုကတော့ သူ့ရဲ့ ယာဉ် (Vahana) ဟာ ဆင်မဟုတ်ဘဲ ကြွက် (Mouse/Rat) ဖြစ်ပါတယ် ဒါကလည်း အဓိပ္ပာယ်ရှိပါတယ်

ကြွက်ဟာ သေးငယ်ပေမယ့် နေရာတိုင်းကို ဝင်နိုင်တယ် လူတွေရဲ့ စိတ်ထဲမှာလည်း ဆန္ဒ၊ လောဘ၊ အတ္တတွေက ကြွက်လို နေရာတိုင်းကို ဝင်ရောက်နိုင်တယ်လို့ အဓိပ္ပာယ်ဖွင့်ဆိုကြပါတယ်
Ganesha က အဲ့ဒီအရာတွေကို ထိန်းချုပ်နိုင်တဲ့ ဉာဏ်ပညာကို ကိုယ်စားပြုပါတယ်

ဒါကြောင့် Ganesha ရဲ့ ရုပ်ပွားတော်တွေမှာ ခြေထောက်အောက်နားမှာ ကြွက်ရုပ်သေးသေးတစ်ကောင်ကို မကြာခဏတွေ့ရပါတယ်

ဘာကြောင့် ထိုင်းနိုင်ငံမှာ Ganesha ကို ဒီလောက်အရေးကြီးစွာ ကိုးကွယ်ကြတာလဲ?
ဒါက ချင်းမိုင်အတွက် အထူးစိတ်ဝင်စားစရာပါ။

မြောက်ပိုင်းထိုင်းနိုင်ငံဟာ Lanna ယဉ်ကျေးမှု နဲ့ ဗုဒ္ဓဘာသာအခြေခံတဲ့ ဒေသဖြစ်ပေမယ့် ဟိန္ဒူနတ်ဘုရားတွေကိုလည်း ယဉ်ကျေးမှုနဲ့ ဘာသာရေးအတွင်း ပေါင်းစပ်လက်ခံထားတာကို တွေ့ရပါတယ်

အဲ့ဒါကြောင့် ချင်းမိုင်က ရှေးဟောင်းဘုရားကျောင်းတွေထဲမှာ Buddha ရုပ်ပွားတော်တွေနဲ့အတူ Ganesha, Brahma, Vishnu စတဲ့ ဟိန္ဒူနတ်ဘုရားရုပ်ပွားတော်တွေကိုပါ တွေ့ရတတ်ပါတယ်

ဥပမာ Wat Lok Molee မှာတောင် ဟိန္ဒူနတ်ဘုရားများအတွက် သီးခြားပူဇော်ရာနေရာတွေရှိပြီး Ganesha ရုပ်ပွားတော်အများအပြားကို တွေ့နိုင်ပါတယ်။ ဒီဘုရားကျောင်းဟာ သမိုင်းမှတ်တမ်းအရ ၁၃၆၇ ခုနှစ် လောက်ကတည်းက အမည်ပေါ်လာခဲ့တဲ့ ချင်းမိုင်ရဲ့ ရှေးဟောင်းဘုရားကျောင်းတစ်ခုပါ

💰 Ganesha ကို စီးပွားရေးနဲ့ အနုပညာအတွက် ဘာကြောင့် ဆုတောင်းကြတာလဲ?

Ganesha ကို ဉာဏ်ပညာ၊ အောင်မြင်မှု၊ စတင်ခြင်းနဲ့ အတားအဆီးဖယ်ရှားခြင်း တို့နဲ့ ဆက်စပ်ယုံကြည်ကြတာကြောင့်

စီးပွားရေးအသစ်စတင်မယ့်သူ အလုပ်အကိုင်အောင်မြင်ချင်သူ စာသင်ကြားရေးနဲ့ ပညာရေအနုပညာ၊ ဂီတ၊ ရုပ်ရှင် Creative လုပ်ငန်းတွေ အောင်မြင်မှုလိုချင်သူ တွေက Ganesha ကို ဆုတောင်းလေ့ရှိပါတယ်

အထူးသဖြင့် အနုပညာနဲ့ Creative လုပ်ငန်းတွေမှာ Ganesha ကို အလွန်အရေးကြီးတဲ့ နတ်ဘုရားတစ်ပါးအဖြစ် ယုံကြည်ကြပါတယ် ထိုင်းနိုင်ငံရဲ့ ခရီးသွားအချက်အလက်တွေမှာလည်း Ganesha ကို “knowledge and the arts” နဲ့ ဆက်စပ်ဖော်ပြထားပါတယ်

ဒါကြောင့် Photographer, Designer, Musician, Actor, Content Creator စတဲ့ Creative သမားတွေက Ganesha ကို ကိုးကွယ်တာဟာလည်း အဆန်းမဟုတ်ပါဘူး

Ganesha ရုပ်ပွားတော်ကို ရေကန်ထဲမှာ ကြာရွက်၊ ကြာပန်းတွေနဲ့ တွဲဖက်ထားတာက ရုပ်ပွားတော်ကို ပိုပြီး သဘာဝဆန်တဲ့ ပူဇော်ရာနေရာပုံစံ ဖြစ်စေပါတယ် ဟိန္ဒူနဲ့ ဗုဒ္ဓဘာသာ ယဉ်ကျေးမှုနှစ်ခုစလုံးမှာ ကြာပန်းဟာ သန့်ရှင်းခြင်း၊ ဝိညာဉ်ရေးရာနိုးထခြင်း စတဲ့ အဓိပ္ပာယ်တွေနဲ့ ဆက်စပ်ပါတယ်

အညစ်အကြေးထဲကနေ ကြာပန်းဟာ သန့်ရှင်းလှပစွာ ပွင့်လာသလို လူတစ်ယောက်ဟာလည်း အခက်အခဲတွေကြားကနေ အောင်မြင်မှုကို ရောက်ရှိနိုင်တယ်ဆိုတဲ့ သင်္ကေတအဖြစ် နားလည်လို့ရပါတယ်။

Ganesha ဆိုတာ ဆင်ခေါင်းရှိတဲ့ ဟိန္ဒူနတ်ဘုရားတစ်ပါးဖြစ်ပြီး အတားအဆီးတွေကို ဖယ်ရှားပေးသူ၊ ဉာဏ်ပညာနဲ့ အောင်မြင်မှုကို ကိုယ်စားပြုသူအဖြစ် ယုံကြည်ကြပါတယ်

လူကြီးမင်းတို့ကော် ဆုတောင်းဖူးလား တစ်ကယ်ကော် ဆုတောင်းပြည့်ကြလား ဘာတွေဆုတောင်းဖူးလဲ တစ်ချက်လောက် Comment မှာ ဖြေသွားခဲ့ပါအုန်း

စာမတတ်တဲ့ မုဆိုးမဘဝကနေ ကမ္ဘာကိုသိမ်းပိုက်ခဲ့တဲ့ ငရုတ်သီးဆော့စ် ဘုရင်မကြီး နိုင်ငံတကာက စူပါမားကတ်တွေ၊ အာရှကုန်စုံဆိုင်တွေ...
29/08/2026

စာမတတ်တဲ့ မုဆိုးမဘဝကနေ ကမ္ဘာကိုသိမ်းပိုက်ခဲ့တဲ့ ငရုတ်သီးဆော့စ် ဘုရင်မကြီး

နိုင်ငံတကာက စူပါမားကတ်တွေ၊ အာရှကုန်စုံဆိုင်တွေမှာ ဈေးဝယ်ဖူးရင် အနီရောင်အဖုံးနဲ့ မျက်နှာထား တင်းတင်း အဖွားအိုတစ်ယောက်ရဲ့ ပုံပါတဲ့ ငရုတ်သီးကြော် ဆော့စ် (Chili Crisp) ဘူးလေးကို မြင်ဖူးကြမှာပါ။

ခေါက်ဆွဲပြုတ်ထဲ ထည့်စားမလား၊ ထမင်းပူပူလေးနဲ့ နယ်စားမလား၊ ဖက်ထုပ်နဲ့ပဲ တို့စားမလား... ဘာနဲ့စားစား လိုက်ဖက်လွန်းတဲ့ အဲဒီ ငရုတ်သီးဆော့စ်ကတော့ ကမ္ဘာကျော် Lao Gan Ma (လောင်ကန်မာ) ပဲ ဖြစ်ပါတယ်။ မြန်မာမှာလည်း တော်တော်များများက သူနဲ့ရင်းနှီးပြီး ဖြစ်ပါလိမ့်မယ်။

ဘူးပေါ်က မျက်နှာထား တင်းတင်းနဲ့ အဖွားအိုဟာ ဒီငရုတ်သီးဆော့စ်ကို တီထွင်ခဲ့သူပါ။ သူဟာ စာတစ်လုံးမှ မတတ်တဲ့၊ ကျောင်း မနေခဲ့ရတဲ့ မုဆိုးမ တစ်ယောက် ဘဝကနေ ဘီလီယံနာ သူဌေးမကြီး အဖြစ်ကို ရောက်ရှိခဲ့သူ ဖြစ်ပါတယ်။

ဆင်းရဲမွဲတေမှု နဲ့ မုဆိုးမ ဘဝရဲ့ အစ

ဒီအဖွားအိုရဲ့ နာမည်က တာအိုဟွာဘီ (Tao Huabi) လို့ ခေါ်ပါတယ်။ သူ့ကို ၁၉၄၇ ခုနှစ်က တရုတ်နိုင်ငံတောင်ပိုင်း ကွေ့ကျိုး (Guizhou) ပြည်နယ်က အလွန် ခေါင်ဖျားပြီး ဆင်းရဲတဲ့ ရွာလေး တစ်ရွာမှာ မွေးဖွားခဲ့ပါတယ်။

သားသမီး ၈ ယောက်ရှိတဲ့ အထဲမှာ အငယ်ဆုံးဖြစ်ပြီး၊ မိသားစု ဆင်းရဲလွန်းလို့ ကျောင်းမနေခဲ့ရပါဘူး။ ကိုယ့်နာမည်ကို ရေးတတ်ဖို့တောင် အနိုင်နိုင်ပါ။

အရွယ်ရောက်တော့ လက်ထပ်ခဲ့ပေမဲ့ ခင်ပွန်းဖြစ်သူဟာ ရောဂါနဲ့ စောစောစီးစီး ကွယ်လွန်သွားခဲ့ပါတယ်။ သားနှစ်ယောက်ကို ရှာဖွေ ကျွေးမွေးဖို့အတွက် သူမဟာ မုဆိုးမ ဘဝနဲ့ အလုပ်ကြမ်းပေါင်းစုံကို ဝင်လုပ်ခဲ့ရပါတယ်။ အုတ်သယ်တာ၊ ပန်းရံလုပ်တာကအစ ဟင်းသီးဟင်းရွက် ရောင်းတာအဆုံး ပင်ပန်းဆင်းရဲစွာ ရုန်းကန်ခဲ့ရပါတယ်။

အလှည့်အပြောင်းဖြစ်စေခဲ့သော ခေါက်ဆွဲဆိုင်လေး

၁၉၈၉ ခုနှစ်မှာတော့ သူမဟာ စုဆောင်းထားတဲ့ ငွေလေးနဲ့ ကွေ့ယန် (Guiyang) မြို့က လမ်းဘေး တစ်နေရာမှာ ခေါက်ဆွဲဆိုင်လေး တစ်ဆိုင် စဖွင့်ခဲ့ပါတယ်။ အဲဒီခေါက်ဆွဲဆိုင်မှာ သူမကိုယ်တိုင် အထူး ဖော်စပ်ထားတဲ့ ငရုတ်သီးကြော် ဆော့စ်လေးကို ခေါက်ဆွဲနဲ့ တွဲစားဖို့ အခမဲ့ ချထားပေးပါတယ်။

ပဲပိစပ် အချဉ်ဖောက်၊ ကြက်သွန်ဖြူ၊ ငရုတ်သီး အစပ်နဲ့ အမွှေးအကြိုင်တွေကို ဆီနဲ့ ကြွပ်နေအောင် ကြော်ထားတဲ့ သူမရဲ့ ဆော့စ်ဟာ အလွန် အရသာရှိပါတယ်။ ထူးခြားတာက လူတွေဟာ ခေါက်ဆွဲ လာစားတာထက်စာရင် သူ့ရဲ့ ငရုတ်သီးဆော့စ်ကို ပိုကြိုက်နေကြတာပါ။ တချို့ဆိုရင် ခေါက်ဆွဲ မစားဘဲ ငရုတ်သီးဆော့စ်ကို သက်သက် လာလာဝယ်ကြတဲ့ အထိ နာမည်ကြီးလာပါတယ်။

Lao Gan Ma (လောင်ကန်မာ) ဆိုတဲ့ နာမည် ဘယ်လို ရလာသလဲ?

သူမရဲ့ ခေါက်ဆွဲဆိုင်လေးနားမှာ ကျောင်းတစ်ကျောင်း ရှိပါတယ်။ ဆင်းရဲတဲ့ ကျောင်းသားလေးတွေ ဆိုင်ကို လာစားရင် သူမက ပိုက်ဆံမယူဘဲ အလကား ကျွေးလေ့ရှိပါတယ်။ လိုအပ်တဲ့ စာရေးကိရိယာတွေတောင် ဝယ်ပေးတတ်ပါသေးတယ်။

ဒီလို မိခင်တစ်ယောက်လို မေတ္တာထားတတ်တဲ့ သူမကို ကျောင်းသားတွေက Lao Gan Ma (အဓိပ္ပာယ်ကတော့ ချစ်ခင်ရသော အမေကြီး) လို့ ချစ်စနိုး ခေါ်ခဲ့ကြပါတယ်။

နောက်ပြီး အဲဒီနားမှာ အဝေးပြေးလမ်း ဖောက်နေတဲ့ ကုန်တင်ကား ဒရိုင်ဘာတွေကိုလည်း သူမရဲ့ ငရုတ်သီးဆော့စ်ဘူးလေးတွေ လက်ဆောင်ပေးလိုက်ရာကနေ ဒရိုင်ဘာတွေက တဆင့် တစ်နိုင်ငံလုံးကို အခမဲ့ ပါးစပ်ကြော်ငြာနဲ့ နာမည်ကြီးသွားခဲ့ပါတယ်။ အဲဒီကနေစပြီး သူမရဲ့ ငရုတ်သီးဆော့စ် နာမည်ဟာ Lao Gan Ma ဖြစ်လာခဲ့ပါတယ်။

အသက် ၄၉ နှစ်မှ စတင်ခဲ့သော ဧရာမ အင်ပါယာ

၁၉၉၆ ခုနှစ်၊ သူမ အသက် ၄၉ နှစ် အရွယ်ရောက်မှ သူမဟာ ခေါက်ဆွဲဆိုင်ကို ပိတ်ပြီး ငရုတ်သီးဆော့စ် သီးသန့်ထုတ်တဲ့ စက်ရုံလေးကို အလုပ်သမား ၄၀ နဲ့ စတင် တည်ထောင်ခဲ့ပါတယ်။ အစပိုင်းမှာ ငရုတ်သီးထည့်ဖို့ ဖန်ပုလင်း လိုအပ်လို့ စက်ရုံကြီးတွေကဆီက မှာတဲ့အခါ အပ်တဲ့ အရေအတွက် နည်းလွန်းလို့ ဆိုပြီး သူမကို ပုလင်းလုပ် မပေးကြပါဘူး။

ဒါနဲ့ သူမဟာ ဒေဝါလီခံရခါနီး ဖြစ်နေတဲ့ ဖန်ပုလင်း စက်ရုံအသေးလေး တစ်ခုကို သွားပြီး အကူအညီတောင်းခဲ့ရပါတယ်။ ယနေ့အချိန်မှာတော့ အဲဒီ ဖန်ပုလင်း စက်ရုံလေးဟာ Lao Gan Ma ကုမ္ပဏီအတွက် ပုလင်းတွေ သီးသန့် ထုတ်ပေးနေရတဲ့ ဧရာမ စက်ရုံကြီး ဖြစ်နေပါပြီ။

တာအိုဟွာဘီ ရဲ့ သံမဏိ စီးပွားရေး စည်းမျဉ်း (၄) ချက်

တာအိုဟွာဘီရဲ့ စီးပွားရေး လျှို့ဝှက်ချက်က အလွန် ရိုးရှင်းပေမဲ့ တိကျ ခိုင်မာပါတယ်။ စာမတတ်ပေမဲ့ သူမရဲ့ စီမံခန့်ခွဲမှုက ကမ္ဘာ့ထိပ်တန်း စီးပွားရေး ပညာရှင်တွေတောင် လေးစားရပါတယ်။

အကြွေး လုံးဝ မယူဘူး - ဘဏ်ကနေ ပိုက်ဆံ လုံးဝ မချေးပါဘူး။ ကုမ္ပဏီကို အကြွေး ကင်းရှင်းစွာနဲ့ ကိုယ်ပိုင် အရင်းအနှီး သီးသန့်ဖြင့်သာ လည်ပတ်ပါတယ်။

စတော့ရှယ်ယာ (IPO) မခေါ်ဘူး - ကုမ္ပဏီကို ရှယ်ယာဈေးကွက်မှာ တင်ပြီး အများပိုင် ကုမ္ပဏီအဖြစ် ပြောင်းလဲဖို့ ငြင်းဆန်ခဲ့ပါတယ်။ "ငွေကြေး ဈေးကစားသူတွေ လက်ထဲကို ငါ့ကုမ္ပဏီ မပါစေရဘူး" လို့ ပြတ်ပြတ်သားသား ပြောခဲ့ပါတယ်။

အခွန် လုံးဝ မရှောင်ဘူး - "အခွန်ဆောင်ခြင်းသည် နိုင်ငံသားတို့၏ တာဝန်ဖြစ်သည်" ဆိုတဲ့ ခံယူချက်နဲ့ သူမဟာ ဒေသတွင်း အစိုးရကို အခွန်ငွေ ယွမ် သန်းပေါင်းရာချီ နှစ်စဉ် မပျက်မကွက် ပေးဆောင်ပါတယ်။

ကြော်ငြာ အတုအယောင် မလုပ်ဘူး - တီဗီတွေမှာ ကြော်ငြာဖို့ ပိုက်ဆံ အကုန်မခံပါဘူး။ ပစ္စည်းရဲ့ အရည်အသွေး နဲ့ စားသုံးသူတွေရဲ့ ပါးစပ်ရာဇဝင်ကသာ အကောင်းဆုံး ကြော်ငြာ ဖြစ်တယ်လို့ ယုံကြည်ထားပါတယ်။ တကယ်လည်း သူ့ကို ကြော်ငြာပေးတဲ့သူတွေက ကမ္ဘာတဝှမ်းက စားသုံးသူတွေသာ ဖြစ်ပါတယ်။

သားဖြစ်သူရဲ့ အမှားကို ပြန်လည်ကယ်တင်ခဲ့ရသော အမေကြီး

၂၀၁၄ ခုနှစ်မှာ တာအိုဟွာဘီ ဟာ အနားယူလိုက်ပြီး သားဖြစ်သူကို လုပ်ငန်းလွှဲပြောင်းပေးခဲ့ပါတယ်။ ဒါပေမဲ့ သားဖြစ်သူဟာ ကုန်ကျစရိတ် သက်သာအောင်ဆိုပြီး မူလသုံးနေကျ ကွေ့ကျိုး ငရုတ်သီး အစား ဈေးပေါတဲ့ ဟီနန် ငရုတ်သီး ကို ပြောင်းသုံးခဲ့ပါတယ်။ ဒီအခါမှာ အရသာပြောင်းသွားတာကို ဖောက်သည်တွေက ချက်ချင်း သိသွားပြီး ရောင်းအားတွေ ထိုးကျကာ ပြိုင်ဘက်တွေက ဈေးကွက်ကို ဝင်လုလာကြပါတယ်။

ဒီအကျပ်အတည်းကို ကယ်တင်ဖို့အတွက် အသက် ၇၀ ကျော်နေပြီဖြစ်တဲ့ တာအိုဟွာဘီ ဟာ ၂၀၁၉ ခုနှစ်မှာ အနားယူရာကနေ လုပ်ငန်းခွင်ကို ပြန်လည်ဝင်ရောက်လာပြီး မူလ ငရုတ်သီးအရသာ ရရှိအောင် ပြန်လည် ဖန်တီး ထုတ်လုပ်ခဲ့ရပါတယ်။ အဲဒီတော့မှသာ ဖောက်သည်တွေရဲ့ ယုံကြည်မှုကို ပြန်ရပြီး ကုမ္ပဏီလည်း နလံပြန်ထလာခဲ့ပါတယ်။

ကမ္ဘာကြီးကို သိမ်းပိုက်လိုက်သော အရသာ

ဒီနေ့အချိန်မှာ Lao Gan Ma ဟာ တရုတ်နိုင်ငံမှာသာမက၊ အမေရိကန်၊ ဥရောပ၊ သြစတြေးလျ နဲ့ မြန်မာနိုင်ငံ အပါအဝင် ကမ္ဘာတဝန်းက မီးဖိုချောင်တွေမှာ မပါမဖြစ်တဲ့ အရာတစ်ခုလို ဖြစ်နေပါပြီ။

ပိုမိုက်တာက ဒီဆော့စ်ဟာ စားစရာတစ်ခု သက်သက် မဟုတ်တော့ဘဲ Pop Culture တစ်ခု ဖြစ်လာတာပါပဲ။ ၂၀၁၈ ခုနှစ် နယူးယောက် ဖက်ရှင်ရက်သတ္တပတ် (NYFW) မှာဆိုရင် Opening Ceremony လို ဖက်ရှင်ဘရန်းတွေက တာအိုဟွာဘီ ရဲ့ မျက်နှာပုံပါတဲ့ ဆွယ်တာအင်္ကျီတွေကို ထုတ်လုပ်ရောင်းချခဲ့ရတဲ့အထိ ဖက်ရှင်လောကကိုပါ လွှမ်းမိုးနိုင်ခဲ့ပါတယ်။

၂၀၂၆ ခုနှစ် စာရင်းတွေအရ တစ်နေ့ကို ငရုတ်သီးဆော့စ် ပုလင်းပေါင်း ၃ သန်းခန့် ထုတ်လုပ်နေပြီး တာအိုဟွာဘီ ကိုယ်တိုင်ကလည်း ဘီလျံနာ သူဌေးမကြီး ဖြစ်နေပါပြီ။ လက်ရှိအချိန်မှာ အသက် ၇၉ နှစ် ရှိသွားပြီဖြစ်တဲ့ ဒီအဖွားအိုဟာ ကုမ္ပဏီကို တတ်နိုင်တဲ့ဘက်ကနေ အကြံဉာဏ်တွေ ပေးနေဆဲ ဖြစ်ပါတယ်။

"ကျွန်မ စာမဖတ်တတ်ပါဘူး။ ဒါပေမဲ့ ငရုတ်သီးဆော့စ် ဘယ်လို လုပ်ရမလဲ ဆိုတာကိုတော့ ကျွန်မ ကောင်းကောင်း သိပါတယ်။ ပြီးတော့ လူကောင်း တစ်ယောက် ဘယ်လို နေထိုင်ရမလဲ ဆိုတာကိုလည်း သိပါတယ်" လို့ တာအိုဟွာဘီ က ဆိုဖူးပါတယ်။

ပညာမတတ်၊ နောက်ခံမရှိတဲ့ ဆင်းရဲနွမ်းပါးသော မုဆိုးမ အဖွားအို တစ်ယောက်ဟာ သူမရဲ့ စေတနာ၊ မဆုတ်မနစ်သော ကြိုးစားမှု၊ ရိုးသားဖြောင့်မတ်မှု တွေကြောင့် ဘီလျံနာ အမျိုးသမီး တစ်ယောက် ဖြစ်လာခဲ့ပါတယ်။ Lao Gan Ma ဘူးပေါ်က မျက်နှာထား တင်းတင်း အဖွားအိုရဲ့ ပုံဟာ စစ်မှန်တဲ့ ကြိုးစားအားထုတ်မှုနဲ့ အောင်မြင်ခြင်းရဲ့ ပြယုဂ်တစ်ခုအဖြစ် ကမ္ဘာတဝန်းမှာ ရပ်တည်နေဦးမှာ ဖြစ်ပါတော့တယ်။

ချင်းမိုင်ရောက်ပြီး စံပယ်ဘုရားကို သွားဖူးကြတဲ့သူတွေတောင် ဒီပုံထဲက ဘုရားကို သေချာမသိကြတာများတယ်…ချင်းမိုင်က Wat Phra That...
25/08/2026

ချင်းမိုင်ရောက်ပြီး စံပယ်ဘုရားကို သွားဖူးကြတဲ့သူတွေတောင် ဒီပုံထဲက ဘုရားကို သေချာမသိကြတာများတယ်…

ချင်းမိုင်က Wat Phra That Doi Kham ဆိုရင် လူတော်တော်များများက “စံပယ်ဘုရား” လို့သိကြပါတယ်။ အများဆုံး လူသိများတာက “စံပယ်ဘုရား” ဆီကို စံပယ်ပန်းတွေနဲ့ သွားရောက်ပူဇော်ပြီး ဆုတောင်းကြတာပါ။

ဒါပေမဲ့ ဘုရားဝင်းထဲမှာ အဲဒီစံပယ်ပန်းတွေနဲ့ ပြည့်နေတဲ့နေရာကို ကျော်ပြီး အနည်းငယ်ဆက်လျှောက်ကြည့်ရင် ဒီလိုထူးခြားတဲ့ ရုပ်ပွားတော်တစ်ဆူကို တွေ့ရပါတယ်။

တစ်ဝက်က အပြာရောင် အမျိုးသားပုံစံ…
တစ်ဝက်က အမျိုးသမီးပုံစံ… အစမှာကြည့်ရင် “ဘာလို့ ဘုရားတစ်ဆူတည်းမှာ ယောက်ျားတစ်ဝက်၊ မိန်းမတစ်ဝက် ဖြစ်နေတာလဲ?” လို့တောင် တွေးမိနိုင်ပါတယ်

တကယ်တော့ ဒီအဆင်းအပြင်က မတော်တဆလုပ်ထားတာမဟုတ်ပါဘူး ဒီရုပ်ပွားတော်ကို “အရဓနာရီရှဝရ (Ardhanarishvara)” လို့ခေါ်ပါတယ် ဟိန္ဒူယုံကြည်မှုအရ Shiva နဲ့ Parvati တို့ရဲ့ ပေါင်းစပ်ပုံစံတစ်ခုပါ

“Ardha” ဆိုတာ တစ်ဝက်၊ “Nari” ဆိုတာ အမျိုးသမီး၊ “Ishvara” ဆိုတာ အရှင်သခင်ဆိုတဲ့ အဓိပ္ပာယ်ရှိတာကြောင့် အကြမ်းဖျင်းအားဖြင့် **“အမျိုးသားနဲ့ အမျိုးသမီး တစ်ကိုယ်တည်းပေါင်းစပ်ထားတဲ့ အရှင်”** လို့ နားလည်နိုင်ပါတယ်။ ဒီပုံစံဟာ Shiva နဲ့ Parvati တို့ဟာ သီးခြားတစ်ဦးစီမဟုတ်ဘဲ အပြန်အလှန်ဖြည့်ဆည်းနေတဲ့ စွမ်းအားနှစ်မျိုးဖြစ်တယ်ဆိုတဲ့ အယူအဆကို ကိုယ်စားပြုပါတယ်။ ([Fine Arts Department][1])

ဒါကြောင့် ဒီရုပ်ပွားတော်ရဲ့ ထူးခြားချက်က အချစ်တစ်ခုတည်းကို ပြောတာမဟုတ်ပါဘူးယောက်ျားဘက်က စွမ်းအား၊ ဆုံးဖြတ်ချက်၊ လုပ်ဆောင်နိုင်စွမ်း…
မိန်းမဘက်က နူးညံ့မှု၊ ဖန်တီးနိုင်စွမ်း၊ ဂရုစိုက်မှု…
အဲဒီစွမ်းအားနှစ်ခု အတူတကွရှိမှ ဘဝတစ်ခုက ပြည့်စုံနိုင်တယ်ဆိုတဲ့ အဓိပ္ပာယ်ပါ

အဲဒီအတွက်ကြောင့်ပဲ လူတော်တော်များများက ဒီရုပ်ပွားတော်ကို အချစ်ရေးနဲ့ ဆက်စပ်ပြီး ဆုတောင်းကြတာ ဖြစ်ပါတယ် ချစ်သူမရှိသေးတဲ့သူတွေက “ကိုယ်နဲ့တကယ်လိုက်ဖက်တဲ့လူတစ်ယောက် တွေ့ပါစေ” ဆိုပြီး ဆုတောင်းကြတယ်။ ချစ်သူရှိပြီးသားသူတွေက နှစ်ယောက်ကြားက နားလည်မှုတွေ ပိုကောင်းလာဖို့၊ ရန်ဖြစ်တာတွေ လျော့လာဖို့၊ ဆက်ဆံရေးပိုတည်ငြိမ်လာဖို့ ဆုတောင်းကြတယ်

အိမ်ထောင်ရေးမှာ အဆင်မပြေတာတွေရှိနေတဲ့သူတွေကလည်း
နှစ်ယောက်ကြား ပြန်လည်နားလည်မှုရဖို့ ဆုတောင်းတတ်ကြပါတယ်

ဒါပေမဲ့ ဒီနေရာမှာ လူတော်တော်များများ မသိသေးတဲ့အချက်တစ်ခုရှိပါတယ်

Ardhanarishvara ဆိုတာ “ချစ်သူရအောင်လုပ်ပေးတဲ့ နတ်ဘုရား” ဆိုတာထက် အများကြီးပိုနက်ရှိုင်းပါတယ် ဒီပုံစံရဲ့ အဓိပ္ပာယ်က
“ကိုယ်လိုချင်တဲ့လူကို အတင်းရအောင်ယူခြင်း” မဟုတ်ဘဲ
ကိုယ့်ဘဝမှာ မပြည့်စုံသေးတဲ့အရာတွေကို ညီမျှအောင် ဖြည့်ဆည်းပေးခြင်း ဆိုတဲ့ အယူအဆနဲ့ ပိုနီးပါတယ်

ဒါကြောင့် ကိုယ့်အချစ်ရေးမှာ အဆင်မပြေတာရှိနေတဲ့သူတစ်ယောက်က ဒီနေရာကိုလာပြီး ဆုတောင်းတယ်ဆိုရင်

“သူ့ကို ဘယ်လိုပဲဖြစ်ဖြစ် ကျွန်တော့်ဆီ ပြန်လာအောင်လုပ်ပေးပါ”

ဆိုတာမျိုးထက်

“ကျွန်တော်နဲ့ တကယ်သင့်တော်တဲ့ အချစ်၊ နားလည်မှုနဲ့ တည်ငြိမ်တဲ့ ဆက်ဆံရေးကို ရရှိပါစေ”

ဆိုတဲ့ ဆုတောင်းပုံမျိုးက ဒီရုပ်ပွားတော်ရဲ့ အဓိပ္ပာယ်နဲ့ ပိုကိုက်ညီတယ်လို့ ယုံကြည်ကြပါတယ်။

နောက်တစ်ခုက ဒီရုပ်ပွားတော်နဲ့ ပတ်သက်ပြီး ထူးခြားတဲ့ ဒဏ္ဍာရီတစ်ခုလည်း ရှိပါတယ်။

တစ်ချိန်က Bhringi ဆိုတဲ့ ရသေ့တစ်ပါးဟာ Shiva တစ်ပါးတည်းကိုသာ အလွန်အမင်း ကိုးကွယ်ပြီး Parvati ကို မလေးစားခဲ့ဘူးလို့ ဒဏ္ဍာရီမှာဆိုပါတယ် အဲဒီအပေါ် Parvati စိတ်မကျေနပ်ခဲ့ပြီး နောက်ဆုံးမှာ သူမဟာ Shiva ရဲ့ အစိတ်အပိုင်းတစ်ခုအဖြစ် ပေါင်းစည်းသွားတဲ့ ပုံစံကနေ Ardhanarishvara ဆိုတဲ့ အယူအဆ ပေါ်လာခဲ့တယ်လို့ ရှင်းပြထားပါတယ်

ဘဝမှာ ဘယ်သူက ပိုအရေးကြီးတယ်၊ ဘယ်သူက ပိုသာတယ်ဆိုတာမဟုတ်ဘဲ တစ်ယောက်နဲ့တစ်ယောက် ဖြည့်ဆည်းပေးနိုင်မှ ပြည့်စုံတာ ဆိုတဲ့ အယူအဆကို တွေ့ရပါတယ်

ဒါကြောင့် ဒီနေရာဟာ အချစ်ရေးအတွက်သာ မဟုတ်ဘဲ
ကိုယ့်ဘဝမှာ balance လိုနေတဲ့သူ၊
အလုပ်နဲ့ ကိုယ်ရေးကိုယ်တာ မညီမျှတော့တဲ့သူ၊
ဆုံးဖြတ်ချက်ချဖို့ အားနည်းနေတဲ့သူ၊
ကိုယ့်ကိုယ်ကို ပြန်တည်ဆောက်ချင်တဲ့သူတွေလည်း လာရောက်ဆုတောင်းကြပါတယ်

တစ်ချို့လူတွေက ဆုတောင်းပြီး တကယ်ဖြစ်လာတယ်လို့ ပြောကြတယ် တစ်ချို့ကတော့ ကိုယ့်စိတ်ကို တည်ငြိမ်အောင်ထားပြီး ကိုယ့်လိုချင်တာကို ရှင်းရှင်းလင်းလင်းသိလာတာကိုပဲ “ဆုတောင်းပြည့်တယ်” လို့ ယူဆကြပါတယ်။

ဒါပေမဲ့ ဒီပုံထဲက အရဓနာရီရှဝရ (Ardhanarishvara) ရုပ်ပွားတော်ရှေ့မှာ ဘယ်လိုဆုတောင်းရမလဲဆိုတာတော့ သိတဲ့သူ နည်းပါတယ်

ဆုတောင်းတဲ့အခါ အရေးကြီးဆုံးအချက်က…

လူတစ်ယောက်ကို ကိုယ့်ဆီ အတင်းအကျပ်ရောက်လာအောင် ဆုတောင်းတာမျိုးထက်
ကိုယ့်ဘဝနဲ့ တကယ်သင့်တော်တဲ့ အချစ်ကို ရရှိဖို့ ဆုတောင်းတာက ပိုကောင်းပါတယ်

ဥပမာ

“ကျွန်တော်/ကျွန်မနဲ့ တကယ်လိုက်ဖက်တဲ့သူ၊
တစ်ယောက်နဲ့တစ်ယောက် နားလည်ပေးနိုင်တဲ့သူ၊
ရိုးသားပြီး တည်ငြိမ်တဲ့သူ၊
ကျွန်တော့်ဘဝကို ပိုကောင်းလာစေမယ့်သူနဲ့ တွေ့ဆုံခွင့်ရပါစေ…”

ဆိုပြီး ဆုတောင်းတာမျိုးပါ။

အခုချိန်မှာ ကိုယ်က ချစ်သူရှိပြီးသားဆိုရင်လည်း

“ကျွန်တော်တို့နှစ်ယောက်ကြား နားလည်မှု ပိုကောင်းလာပါစေ။
မလိုအပ်တဲ့ အထင်လွဲမှုတွေ ပျောက်ကင်းပါစေ။
တစ်ယောက်ကိုတစ်ယောက် တန်ဖိုးထားနိုင်ပါစေ။
အချစ်က အကြာကြီးတည်မြဲပါစေ…”

လို့ ဆုတောင်းလို့ရပါတယ်။

အိမ်ထောင်သည်တွေဆိုရင်တော့ အိမ်ထောင်ရေးငြိမ်းချမ်းဖို့၊ မိသားစုဘဝကောင်းမွန်ဖို့၊ နှစ်ဦးစလုံး စိတ်ချမ်းသာဖို့ ဆုတောင်းတာမျိုးက ပိုသင့်တော်ပါတယ်။

အရေးကြီးတာတစ်ခုရှိတယ်

ဆုတောင်းတဲ့အခါ ဆု ၁၀ ခု၊ ၂၀ ခု လိုက်တောင်းနေမယ့်အစား
ကိုယ်အလိုချင်ဆုံးအရာ **တစ်ခုကိုပဲ ရှင်းရှင်းလင်းလင်းထားပြီး ဆုတောင်းတာ ပိုကောင်းပါတယ်။

ဘာကြောင့်လဲဆိုတော့ ဆုတောင်းနေတဲ့အချိန်မှာ ကိုယ့်စိတ်ထဲက ကိုယ်တကယ်လိုချင်တာ ဘာလဲဆိုတာကို ကိုယ်တိုင်သိလာတာကြောင့်ပါ။

ပြီးတော့ ဒီနေရာနဲ့ ပတ်သက်ပြီး လူတွေကြားမှာ စိတ်ဝင်စားစရာကောင်းတဲ့ ယုံကြည်မှုတစ်ခုရှိပါတယ်။

“တောင်းပြီး ပြည့်ရင် ပြန်လာရမယ်” ဆိုတဲ့အယူအဆပါ

တချို့လူတွေက ဆုတောင်းပြီး ကိုယ့်ဆန္ဒပြည့်သွားရင် ပြန်လာပြီး ပူဇော်ပသကြပါတယ်။ ဒါပေမဲ့ ဘာပူဇော်ရမယ်၊ ဘယ်လောက်ပူဇော်ရမယ်ဆိုတာက ရိုးရာယုံကြည်မှုနဲ့ ကိုယ့်ကိုယ်ပိုင်သန္နိဋ္ဌာန်ပေါ် မူတည်တာဖြစ်ပြီး “ဒီလိုလုပ်မှ မဖြစ်မနေ ပြည့်မယ်” ဆိုတဲ့ အာမခံချက်တော့ မရှိပါဘူး

ဒါကြောင့် တကယ်လို့ ကိုယ်ဒီနေရာကို သွားမယ်ဆိုရင်…

အရင်ဆုံး စိတ်ကို တည်ငြိမ်အောင်ထားပါ။

ကိုယ်လိုချင်တာကို ကိုယ်တိုင်သိအောင်လုပ်ပါ။

ပြီးရင် တခြားလူတစ်ယောက်ကို ထိခိုက်စေမယ့်ဆုမျိုးမဟုတ်ဘဲ ကိုယ့်ဘဝအတွက် ကောင်းမွန်တဲ့အရာကို တိတိကျကျ ဆုတောင်းပါ

ပြီးတော့ အရေးကြီးဆုံးတစ်ချက်—

ဆုတောင်းပြီး ပြန်ထိုင်စောင့်နေရုံနဲ့ ဘဝက မပြောင်းလဲပါဘူး

အချစ်လိုချင်ရင် ကိုယ်တိုင်လည်း လူတွေ့ဖို့၊ ဆက်ဆံရေးကောင်းတစ်ခု တည်ဆောက်ဖို့ လုပ်ရမယ်။

အလုပ်အောင်မြင်ချင်ရင် ကိုယ်တိုင်လည်း ကြိုးစားရမယ်။

ငွေကြေးကောင်းချင်ရင် ဝင်ငွေတိုးဖို့ လုပ်ရမယ်။

အချစ်ဆိုတာ တစ်ယောက်က တစ်ယောက်ကို ပိုင်ဆိုင်တာမဟုတ်ဘူး
တစ်ယောက်ရဲ့ မပြည့်စုံတဲ့နေရာကို တစ်ယောက်က ဖြည့်ပေးနိုင်တာပါ

ဒါကြောင့် နောက်တစ်ခါ ချင်းမိုင်က စံပယ်ဘုရားကို ရောက်တဲ့အခါ ဒီရုပ်ပွားတော်ကို မြင်ရင် ပုံလှလို့ပဲ ဓာတ်ပုံရိုက်ပြီး မကျော်သွားကြနဲ့နော်

ဘော်ဒါတို့ကော် စံပယ်ပန်းဘုရားရောက်တဲ့အခါ သတိထားမိရဲ့လား? မြင်ခဲ့ရင်လဲ Comment လေးထဲမှာရေးခဲ့ပါအုန်းဗျ

17/08/2026

တရုပ်ပြည်တဲ့လှချက်

🇻🇳 Vietnam အလည်ပိုင်းမှာ မသွားလိုက်ရရင် နောင်တရမဲ့ နေရာ ၅ ခု1. 🏮 Hoi An Ancient Town (ဟွိုင်အန် မြို့ဟောင်း)Vietnam ရဲ့ ...
17/07/2026

🇻🇳 Vietnam အလည်ပိုင်းမှာ မသွားလိုက်ရရင် နောင်တရမဲ့ နေရာ ၅ ခု

1. 🏮 Hoi An Ancient Town (ဟွိုင်အန် မြို့ဟောင်း)

Vietnam ရဲ့ အလှဆုံး မြို့ဟောင်းတွေထဲက တစ်ခုဖြစ်ပါတယ်

ညဘက် မီးအိမ်ရောင်စုံတွေအောက်မှာ လမ်းလျှောက်ရတာ၊ ရှေးဟောင်းအဆောက်အဦးတွေကြား ဓာတ်ပုံရိုက်ရတာက မမေ့နိုင်တဲ့ အတွေ့အကြုံတစ်ခုပါ။

📸 Best Moment — ညနေခင်း Lantern Light Time

---

2. 🌉 Da Nang & Golden Bridge (Ba Na Hills)

လက်နှစ်ဖက်ကြားက တံတားကြီးနဲ့ နာမည်ကြီးတဲ့နေရာ

တောင်ပေါ်က cable car စီးပြီး တိမ်တွေကြား လမ်းလျှောက်ရတဲ့အတွေ့အကြုံက Vietnam ရဲ့ Highlight တစ်ခုပါ။

📸 Best Moment — မနက်စောစော တိမ်တွေရှိတဲ့အချိန်

---

3. 🌿 Ninh Binh – Trang An

“Halong Bay on Land” လို့ခေါ်တဲ့ သဘာဝအလှ

ကျောက်တောင်ကြီးတွေကြား မြစ်လမ်းအတိုင်း လှေစီးရင်း ဂူတွေ၊ သဘာဝရှုခင်းတွေကို ခံစားနိုင်ပါတယ်။

📸 Best Moment — နေဝင်ချိန်၊ လှေစီးချိန်

---

4. 🏔️ Sapa

တောင်တန်း၊ စပါးခင်းနဲ့ တိုင်းရင်းသားယဉ်ကျေးမှု

တိမ်တွေဖုံးနေတဲ့ တောင်တန်းလမ်းတွေ၊ ရိုးရာရွာလေးတွေ၊ Fansipan တောင်ထိပ်က View တွေက အရမ်းလှပါတယ်။

📸 Best Moment — Sunrise & Rice Terrace Season

---

5. 🌊 Ha Long Bay

Vietnam ရဲ့ အထင်ကရ သဘာဝအံ့ဖွယ်နေရာ

ကျောက်တောင်ကျွန်းပေါင်းများစွာကြား Cruise စီးပြီး နေဝင်ချိန်ကို ကြည့်ရတာက တစ်ခါလောက်တော့ သွားသင့်တဲ့ Experience ပါ။

📸 Best Moment — Overnight Cruise

---

✨ Vietnam သွားရင် မြို့တွေကြည့်ရုံမဟုတ်ပါဘူး…
သဘာဝ၊ ယဉ်ကျေးမှုနဲ့ ကိုယ်ပိုင်အမှတ်တရတွေကို စုဆောင်းဖို့ပါ 🤍

🇻🇳 Vietnam — A Journey Worth Remembering

🌿 ချင်းမိုင်ကို အလည်ရောက်ရင် Doi Inthanon ကို ဘာလို့ မဖြစ်မနေ သွားသင့်တာလဲ?ချင်းမိုင်ကို ရောက်ပြီး Doi Inthanon မရောက်ခဲ...
10/07/2026

🌿 ချင်းမိုင်ကို အလည်ရောက်ရင် Doi Inthanon ကို ဘာလို့ မဖြစ်မနေ သွားသင့်တာလဲ?

ချင်းမိုင်ကို ရောက်ပြီး Doi Inthanon မရောက်ခဲ့ဘူးဆိုရင် သဘာဝရဲ့ အလှတရားတစ်ဝက်လောက်ကို လွတ်သွားသလိုပါပဲ။

🏔️ Doi Inthanon ဟာ ထိုင်းနိုင်ငံရဲ့ အမြင့်ဆုံးတောင်ဖြစ်ပြီး ပင်လယ်ရေမျက်နှာပြင်အထက် ၂,၅၆၅ မီတာ (၈,၄၁၅ ပေ) အမြင့်ရှိပါတယ် တစ်နှစ်ပတ်လုံး ရာသီဥတုက ချင်းမိုင်မြို့ထဲထက် အေးမြနေပြီး ဆောင်းရာသီမှာတော့ အပူချိန်က 0°C အနီးအထိတောင် ကျဆင်းတတ်ပါတယ်။

မနက်စောစောမှာ တောင်တန်းတွေကြား ပြန့်ကျဲနေတဲ့ တိမ်ပင်လယ်ကြီးကို မြင်ရတဲ့ ခံစားချက်က ဓာတ်ပုံနဲ့တောင် မဖော်ပြနိုင်လောက်အောင် လှပါတယ် နေထွက်ချိန်နဲ့ တိမ်တွေ ပေါင်းစပ်နေတဲ့ မြင်ကွင်းက ချင်းမိုင်ရောက်ရင် မဖြစ်မနေ ကြည့်သင့်တဲ့ အတွေ့အကြုံတစ်ခုပါ။

Doi Inthanon ရဲ့ နာမည်ကြီး Nature Trail တွေကတော့ သဘာဝကို ခံစားချင်သူတွေအတွက် အကောင်းဆုံးနေရာပါသစ်တောအုပ်အုပ်၊ ရေညှိဖုံးနေတဲ့ သစ်ပင်ကြီးတွေ၊ အေးမြတဲ့ လေထု၊ ငှက်သံတွေနဲ့ လမ်းလျှောက်ရင်း စိတ်ဖိစီးမှုတွေကို ခဏလောက် မေ့သွားစေပါတယ်။
အထူးသဖြင့် Ang Ka Nature Trail ဟာ ရှားပါးတဲ့ သဘာဝပတ်ဝန်းကျင်ကို မြင်တွေ့နိုင်တဲ့ နေရာဖြစ်ပြီး သစ်သားလမ်းလေးတွေပေါ်ကနေ အေးအေးဆေးဆေး လမ်းလျှောက်နိုင်ပါတယ်။
Doi Inthanon National Park ထဲမှာ
Wachirathan Waterfall Sirithan Waterfall Mae Ya Waterfall တို့လို အလွန်လှတဲ့ ရေတံခွန်ကြီးတွေရှိပြီး တစ်နေရာနဲ့တစ်နေရာ အလှမတူတဲ့အတွက် ဓာတ်ပုံရိုက်ဖို့လည်း အရမ်းကောင်းပါတယ်။

တောင်ထိပ်အနီးမှာရှိတဲ့ ဘုရင်နဲ့ မိဖုရားကို ဂုဏ်ပြုတည်ဆောက်ထားတဲ့ King & Queen Pagodas စေတီတော်နှစ်ဆူက Doi Inthanon ရဲ့ အထင်ကရနေရာပါ အရောင်အသွေးစုံတဲ့ ပန်းဥယျာဉ်တွေနဲ့ တောင်တန်းမြင်ကွင်းတွေကို တစ်ပြိုင်နက်တည်း ကြည့်ရှုနိုင်ပြီး ဓာတ်ပုံရိုက်ဖို့လည်း အလွန်လှပါတယ်။

ပန်းခင်းများနဲ့ ရာသီအလိုက် အလှတရား ရာသီပေါ်မူတည်ပြီး ပန်းခင်းတွေ၊ Hydrangea ပန်းတွေ၊ Sakura (Thai Cherry Blossom) တွေကိုလည်း မြင်တွေ့နိုင်ပါတယ်။
ဆောင်းရာသီမှာဆိုရင် အေးမြတဲ့ လေထု၊ မြူနှင်းတွေနဲ့ ပိုပြီး ရိုမန်တစ်ဆန်တဲ့ အငွေ့အသက်ကို ခံစားရပါတယ်။ Doi Inthanon National Park ဟာ ထိုင်းနိုင်ငံရဲ့ အရေးကြီးဆုံး သဘာဝထိန်းသိမ်းရေးနယ်မြေတွေထဲက တစ်ခုဖြစ်ပြီး ရှားပါးငှက်မျိုးစိတ်များ၊ လိပ်ပြာမျိုးစုံနဲ့ တောင်ပေါ်သဘာဝစနစ်ကို အနီးကပ်လေ့လာနိုင်ပါတယ်။

ဘာကြောင့် Doi Inthanon ကို သွားသင့်လဲ?
✔️ ထိုင်းနိုင်ငံရဲ့ အမြင့်ဆုံးတောင်ကို ရောက်ဖူးမယ်။
✔️ တိမ်ပင်လယ်အလှကို ကိုယ်တိုင်ခံစားနိုင်မယ်။
✔️ Nature Trail မှာ သဘာဝနဲ့ အနီးကပ် ထိတွေ့နိုင်မယ်။
✔️ အေးမြတဲ့ ရာသီဥတုကို ခံစားနိုင်မယ်။
✔️ ရေတံခွန်ကြီးတွေ၊ စေတီတော်တွေ၊ ပန်းဥယျာဉ်တွေကို တစ်ရက်တည်း လည်ပတ်နိုင်မယ်။
✔️ ဓာတ်ပုံရိုက်ရတာ ကြိုက်တဲ့သူတွေအတွက် အမှတ်တရပုံကောင်းတွေ အများကြီး ရရှိမယ်။

🍃 တစ်ခါတစ်လေ မြို့ပြရဲ့ အလုပ်ရှုပ်မှုတွေကနေ ခဏလောက် ထွက်ပြေးပြီး သဘာဝရဲ့ အသံလေးတွေကို နားထောင်ကြည့်ဖို့ လိုပါတယ်။
Doi Inthanon ကတော့ ခရီးတစ်ခုတည်း မဟုတ်ဘဲ စိတ်ကို အနားယူစေမယ့် အတွေ့အကြုံတစ်ခု ဖြစ်ပါတယ်။

📍ချင်းမိုင်ရောက်ရင် Doi Inthanon ကို သင့် Bucket List ထဲမှာ မဖြစ်မနေ ထည့်ထားလိုက်ပါ။

သမိုင်းအခုမှသိရ
30/06/2026

သမိုင်းအခုမှသိရ

ချင်းမိုင်ရောက်ရင် တွေ့တွေ့နေရတဲ့ “ကြက်ရုပ်အနီကြီးတွေ” ရဲ့ နောက်ကွယ်က လျှို့ဝှက်ချက် (ဖတ်မိရင် ချင်းမိုင်ကို ပိုချစ်သွားမယ်!)

ချင်းမိုင်ကို ရောက်ဖူးတဲ့သူတွေ သတိထားမိကြလား?

မြို့ထဲပတ်သွားတဲ့အခါ အိမ်ရှေ့တွေ၊ Cafe ဆိုင်တွေ၊ ဟိုတယ်တွေ၊ ပြီးတော့ နတ်ကွန်းတွေနဲ့ ဘုရားကျောင်းဝင်းတွေထဲမှာ “ကြက်ရုပ်အနီကြီးတွေ” ကို နေရာအနှံ့ တွေ့ရတတ်ပါတယ်
တချို့နေရာတွေမှာ တစ်ရုပ်၊ နှစ်ရုပ်ပဲ ရှိပေမယ့် တချို့နေရာကျတော့လည်း ရာနဲ့ချီ၊ ထောင်နဲ့ချီတဲ့ ကြက်ရုပ်တွေ စစ်တပ်ကြီးလို တန်းစီနေတာ မြင်ဖူးကြမှာပါ

မြင်မြင်ချင်းမှာ “ဒါ အလှဆင်ထားတာလား?” ဘာလို့ ကြက်ရုပ်တွေပဲ စုထားတာလဲ? ဆိုပြီး စူးစမ်းချင်စိတ် ဖြစ်လာကြတာ သဘာဝပါပဲ

တကယ်တော့… ဒီကြက်ရုပ်တွေဟာ အလှပြသက်သက် မဟုတ်ပါဘူး
သူတို့နောက်ကွယ်မှာ နှစ်ပေါင်း ၇၀၀ ကျော် ကြာမြင့်ခဲ့တဲ့ လန်နာ ယဉ်ကျေးမှု ဘုရင်တွေရဲ့ သမိုင်းနဲ့ စိတ်ဝင်စားစရာ ဒဏ္ဍာရီတွေ ရှိနေပါတယ်

လွန်ခဲ့တဲ့ ရာစုနှစ်တွေကတည်းက လန်နာလူမျိုးတွေဟာ သဘာဝတရားနဲ့ ဝိညာဉ်ရေးရာကို အပြင်းအထန် ယုံကြည်ခဲ့ကြပါတယ်။ သူတို့ရဲ့ အယူအဆအရ ညဉ့်အမှောင်ထုဟာ မကောင်းဆိုးဝါးတွေ စိုးမိုးတဲ့အချိန်ဖြစ်ပြီး ကြက်တွန်သံ ထွက်ပေါ်လာတဲ့အချိန်ဟာ အမှောင်ထုကုန်ဆုံးလို့ အလင်းနဲ့ ကောင်းမွန်တဲ့ စွမ်းအင်တွေ ရောက်လာတဲ့ အထိမ်းအမှတ်လို့ သတ်မှတ်ကြပါတယ်

ဒါကြောင့် ကြက်ဟာ လန်နာယဉ်ကျေးမှုမှာ နိုးကြားခြင်း၊ သတ္တိရှိခြင်းနဲ့ ဘေးအန္တရာယ်က ကာကွယ်ပေးခြင်း ရဲ့ သင်္ကေတ ဖြစ်လာခဲ့ပါတယ်
အသက်မဲ့နေတဲ့ ကြက်ရုပ်တွေ ဒီလောက်အများကြီး ဖြစ်လာရတဲ့အကြောင်းရင်းကတော့ လန်နာဘုရင်တစ်ပါးရဲ့ သမိုင်းဝင် ဆုတောင်းချက်နဲ့ ဆက်စပ်နေပါတယ်

ရှေးဒဏ္ဍာရီတွေအရ လန်နာမင်းတစ်ပါးဟာ စစ်ထွက်ခါနီးမှာ နတ်ကွန်းတစ်ခုမှာ ဆုတောင်းခဲ့ပါတယ်။ ဒီစစ်ပွဲမှာ အောင်နိုင်ခဲ့ရင် နတ်မင်းကြီးကို ကြက်တွေနဲ့ ပူဇော်ပါ့မယ်လို့ ကတိကဝတ်ပြုခဲ့တာပါ တကယ်လည်း စစ်နိုင်ခဲ့တဲ့အခါ ဘုရင်ကြီးက ကတိအတိုင်း ကြက်တွေနဲ့ ပူဇော်ပသခဲ့ပါတယ် နောက်ပိုင်း ခေတ်တွေပြောင်းလာတဲ့အခါ အသက်ရှိတဲ့ ကြက်တွေအစား အင်္ဂတေ၊ မြေထည် ကြက်ရုပ်လေးတွေ နဲ့ အစားထိုး ပူဇော်တဲ့ ဓလေ့ ဖြစ်လာခဲ့ပါတယ်

ဒေသခံတွေဟာ အလုပ်အကိုင် အဆင်ပြေဖို့၊ စီးပွားတက်ဖို့၊ ကျန်းမာရေးကောင်းဖို့ ဒါမှမဟုတ် စာမေးပွဲအောင်ဖို့ စတာတွေကို နတ်ကွန်းတွေမှာ ဆုတောင်းလေ့ရှိပြီး တကယ် ဆုတောင်းပြည့်သွားတဲ့အခါ ကျေးဇူးတင်တဲ့အနေနဲ့ ကြက်ရုပ်တွေကို လာရောက် လှူဒါန်းကြတာပါ

ဒါကြောင့် တချို့နေရာတွေမှာ ကြက်ရုပ်တွေ ထောင်နဲ့ချီပြီး စုပုံနေတာဟာ ဆုတောင်းပြည့်ခဲ့တဲ့ လူတွေရဲ့ ပျော်ရွှင်မှုနဲ့ ကျေးဇူးတင်စိတ်တွေ ကို သက်သေပြနေတာပဲ ဖြစ်ပါတယ်။ အရေးကြီးတာက ဒီကြက်ရုပ်တွေကို ဘယ်သူမှ မဖျက်ဆီးသလို၊ အိမ်ကိုလည်း ပြန်မယူကြပါဘူး။ လူတစ်ယောက်ချင်းစီရဲ့ မျှော်လင့်ချက်တွေ ကိန်းအောင်းနေလို့ပါပဲ။

အချို့က ဒါဟာ မြန်မာပြည်က ဘုရင်တွေ၊ အောက်ပြည်အောက်ရွာက ကြက်တိုက်တဲ့ ဓလေ့တွေနဲ့ ဆိုင်သလား လို့ မေးတတ်ကြပါတယ်။ ယဉ်ကျေးမှု၊ ဗိသုကာနဲ့ ဘာသာစကားချင်း အပြန်အလှန် လွှမ်းမိုးမှုတွေ ရှိခဲ့တာတော့ အမှန်ပါပဲ။
ဒါပေမယ့် ဒီ ကြက်ရုပ်ပူဇော်တဲ့ ဓလေ့ ကိုတော့ လန်နာဒေသခံတွေရဲ့ ကိုယ်ပိုင် နတ်ကိုးကွယ်မှု သမိုင်းကြောင်းအဖြစ် ပိုမိုသက်ဝင် လက်ခံထားကြပါတယ်

ချင်းမိုင်ရဲ့ လမ်းမတွေပေါ်မှာ ငြိမ်သက်စွာ ရပ်နေတဲ့ အနီရောင်ကြက်ရုပ်လေးတွေဟာ ရိုးရိုး အလှဆင်ပစ္စည်းတွေ မဟုတ်ပါဘူး။ သူတို့ဟာ နှစ်ပေါင်းရာချီ ရှင်သန်လာခဲ့တဲ့ ယဉ်ကျေးမှုတစ်ခုရဲ့ ဇာတ်လမ်းကို၊ လူတွေရဲ့ ကတိတည်မှုနဲ့ မျှော်လင့်ချက်တွေကို တိတ်တဆိတ် ပြောပြနေတဲ့ မြို့ပြရဲ့ သမိုင်းသက်သေတွေ ပဲ ဖြစ်ပါတယ်။

ဒါပေမယ့်...

ချင်းမိုင်နဲ့ လန်နာရိုးရာယုံကြည်မှုတင် မဟုတ်သေးပါဘူး

ထိုင်းနိုင်ငံတစ်ဝှမ်းမှာ ကြက်ရုပ်တွေ လူသိများလာစေတဲ့ နောက်ထပ်အကြောင်းရင်းတစ်ခုလည်း ရှိပါတယ်

အဲဒါကတော့...
ထိုင်းလူမျိုးတွေ အထွဋ်အမြတ်ထားတဲ့ ဘုရင်တစ်ပါးဖြစ်တဲ့ နရဲစွမ်မင်းကြီး နဲ့ ဆက်စပ်နေတဲ့ သမိုင်းကြောင်းပါ

နရဲစွမ်မင်းကြီးဟာ ငယ်စဉ်က မြန်မာဘုရင် ဘုရင့်နောင်ရဲ့ နန်းတော်မှာ ဓားစာခံအဖြစ် နေထိုင်ခဲ့ရပါတယ်။ ဒေသခံဒဏ္ဍာရီတစ်ခုအရ...
ဟံသာဝတီနန်းတော်မှာ မြန်မာမင်းသားနဲ့ ကြက်တိုက်ခဲ့ရာမှာ နရဲစွမ်ရဲ့ တိုက်ကြက်က အနိုင်ရခဲ့တယ်လို့ ဆိုကြပါတယ်

အဲဒီဖြစ်ရပ်နောက်ပိုင်း...
ကြက်ဟာ ရဲစွမ်းသတ္တိ၊ အောင်နိုင်ခြင်းနဲ့ လွတ်လပ်ရေးကို ကိုယ်စားပြုတဲ့ သင်္ကေတတစ်ခုအဖြစ် ထိုင်းလူမျိုးတွေရဲ့ စိတ်ထဲမှာ ပိုမိုနက်ရှိုင်းလာခဲ့ပါတယ်

ဒါကြောင့် ယနေ့ခေတ်မှာ...
နရဲစွမ်မင်းကြီးရဲ့ ရုပ်တုတွေရှေ့မှာ ကြက်ရုပ်တွေ လာရောက်လှူဒါန်းတဲ့ ဓလေ့ကို နေရာအများအပြားမှာ တွေ့မြင်နိုင်ပါတယ်

တစ်ဖက်မှာ လန်နာရိုးရာယုံကြည်မှု...တစ်ဖက်မှာ နရဲစွမ်မင်းကြီးအပေါ် ကြည်ညိုမှု...
ဒီယုံကြည်မှုနှစ်မျိုး ပေါင်းစပ်လာတာကြောင့်ပဲ ယနေ့ ချင်းမိုင်အပါအဝင် ထိုင်းနိုင်ငံတစ်ဝှမ်းမှာ ကြက်ရုပ်တွေကို နေရာအနှံ့ မြင်တွေ့နေရတာ ဖြစ်ပါတယ်

အရင်က ဒီကြက်ရုပ်တွေကို မြင်ဖူးလား? ဘာလို့ထားတာလဲဆိုတာ သိခဲ့ဖူးလား?

ဒီ Post ကို ချင်းမိုင်ကို လာဖို့စီစဉ်နေတဲ့ သူငယ်ချင်းတွေလည်း သိအောင် Share ပေးခဲ့ပါဦး

👇 နောက်တစ်ခေါက် ဘယ်လို ချင်းမိုင်ရဲ့ လျှို့ဝှက်သမိုင်းကို သိချင်လဲ? Comment မှာ ရေးခဲ့ပါ

03/06/2026

ချစ်သူနဲ့အတူသွားလို့ကောင်းတဲ့ နေရာလေး ချင်းမိုင်နဲ့ အနည်းငယ်ပဲဝေး

01/06/2026

ဒီနေ့ဧည်သည်တွေကိုလိုက်ပို့ဖြစ်တာလေး

Address


Alerts

Be the first to know and let us send you an email when Travel Diary posts news and promotions. Your email address will not be used for any other purpose, and you can unsubscribe at any time.

Shortcuts

  • Want your business to be the top-listed travel agency?

Share