23/02/2026
سفارة إيطاليا فى تونس خرجت بلاغ مهم فى ما يخص
Déclaration de Valeur (تصريح القيمة)
من نهار 30 مارس 2026 ولى إجباري التصديق (Légalisation) على الشهادات لدى الوزارة المختصة حسب نوعها قبل ما تعمل أبوستيل متاع عدل الإشهاد :
🟩 شهادات التعليم الثانوي (البكالوريا) و كشف الأعداد والشهادات المدرسية
✔️ وزارة التربية
🟩 الشهادات الجامعية (إجازة، ماجستير، دكتورا) :
✔️ المصادقة توة ولات في رئاسة الجامعة (Rectorat) فقط (ما عادش تمشي لوزارة التعليم العالي في تونس). لازم تهز معاك طابع جبائي بـ 5 دنانير على كل ورقة أصلية تحب تصادق عليها.
🟩 شهادات التكوين المهني (BTP, BTS, شهادة كفاءة مهنية) :
✔️ وزارة التشغيل والتكوين المهني
🟩 الشهادات في المجال الصحي :
✔️ وزارة الصحة العمومية
🟦 إضافة إلى ذلك :
🟦 نسخ مطابقة للأصل من البلدية
🟦 ترجمة الوثائق إلى اللغة الإيطالية عند مترجم محلّف
🟦 الأبوستيل يتحط على الشهادة الأصلية، كشوف الأعداد، و الترجمة .. ركزو هوني الأبوستيل فى الزوز أوراق أصلية و ترجمة باش ما يضيعكش عليك الموعد.
🟦 تطابق الاسم واللقب مع جواز السفر
يوم الموعد، يجب تقديم جميع الوثائق المذكورة أعلاه مرفقة بأصول الشهادات وجواز السفر.
ربي يوفقكم في ما فيه خير لكم ❤️
