https://www.facebook.com/106817807540948/

Consomi قرقني, dar elmechri kerkennah, Kerkhennah (2025)

28/04/2025

🔴إيجا نفهمك علاش ناس بكري قالوا خوذ بنت الأصول لعل الزمان يطول ، و علاش لازم تاخذ ولد أصل موش ولد فلان و فلتان واش عندو .. :

الذهب باش يتحط في الخزانة .. و باش تلبسو من مناسبة لمناسبة .. بطبيعة هذا كان لبستوا .. عرسك باش يكمل بعد ساعتين و حتى كان سربيتلهم الذهب مسيل باش يقطعوك و يريشوك .. و بعد جمعة و الا أقل باش ينسوك و رد بالك تخمم إنهم يتذكروك .. روبتك البيضاء باش ترجعها في صباحك .. مكياجك باش يتمسح بمسحة لانجات و لا رشة ماء .. موش لازم خمسة لبسات في ليلة وحدة .. موش لازم عشرة انواع متاع حلو و موش لازم أربعة أكباش .. هذا الكل الي حكيتهولك باش يمشي على روحو في أقل من جمعة ..🥲

ملخر باش يبقى معاك كان الانسان الي خترتوا .. باش يبقى كان راجلك الي باش تعدي معاه عمرك و باش تعطيه من عمرك .. لازمك تتعلم تختار الانسان الي باش تضحك معاه من القلب و تبكي زادة معاه .. لازمك تختار الانسان الي يستاهل تتعب على خاطروا .. لازمك تختار الانسان الي يستاهل تجيب منو صغير و تبدا متأكدة في أقسى ضربات الحياة عندك حضنو يداويك و يواسيك ..🥰❤️‍🩹

الزواج الي ملهوفين عليه و هابلين عليه ماهوش هاني خذيت راجل و تتفوخر بالفارغ .. الزواج مسؤولية و مشروع تكامل .. في الاخر حبيت نوصلك أعرف واش تختار ❤️‍🔥 .

16/12/2024

شكون ما يعرفكش ⁉️
في ليلة و نهار فارتنا 😭
حياة عمرها تدعيلنا بالخير فضلا وليس أمرا ترحموا عليها 🙏
إمرأة من فخار بكري ، إمرأة قرقنية تفكرك بأيام زمان أيام اللي كان القلب نضيف و كانت النية صافية ...
كانت لاّت شادلية تتعدي من بجنبك هي تبادر و تسلّم و تصبح و تمسّي و تشبعك دعاء خير من غير لا تعرفك دعاء من فهما كي العسل ... 😪😪
لات شادلية كانت معروفة بلبستها لبست الجدود لبست نساء قبل فيهم بصمة الوهرة و العز ، من الفوطة للجبة و التيارية و الفولارات ... ساعات تعرضك حافية القدمين ... محلاها قداش كانت تلقائية و لازم السؤال انت منين انت ولد شكون انت بنت شكون ؟؟ انت تجاوبها و هي تشبعك دعاء خير و كي تقلها مانيش مو هوني تقلك ما براني كان الشيطان ... 🙃
الدنيا فانيه و موش دايمة لحد ، فارقتنا اليوم لات شادلية و فارقونا معاها برشا حاجات الوهرة ، البركة ، النية و دعوة الخير و انت في الثنية 😭
شويتنا عليك يا لات شادلية يا غالية الله يرحمك و يجعل مقامك الجنة الله يرحمك و ايصبركل اللي يحبوك على فراقك بلاصتك وحدها ما يملاها حد بالسلامة يا لات شادلية يجعل مقامك الجنة
تبقى دائما خالدة في أذهاننا ايقونة في قرقنة و عروسة بلستك المزيانة و بمحارمك و فوطتك و كلامك العسل
ربي يرحمك و ربي يثبتك عند السؤال ربي يتقبلك برضاه إن شاءالله في الجنة .
🖋mechri_amina

19/09/2024

50 سنة زواج ولم يقل لها احبك
قالت له : انت لم تقل لي يوما احبك
فقال لها : اتذكرين يوم هطل المطر و نحن نمشي في الشارع فنزعت معطفي و غطيتك به ؟ انا مرضت وانت لم يحدث لك شيء.
قالت : نعم اتذكر
قال : اتذكرين يوم زرنا ابننا . ونحن عائدين مشيا آلمتك قدميك و لم تستطيعي ان تكملي المشي . حملتك فوق ظهري حتى البيت
قالت : صح اتذكر
قال لها : اتذكرين عندما ذهبت عند طبيب العيون و قال لي . لن تستطيع الرؤية جيدا قلت له لا بأس . عندي عينين آخرين. هما زوجتي
قالت وهي مبتسمة : صح اتذكر
قال لها : ا وليس هذا حب !؟
قالت : بلى و انا امزح معك . اعلم انك تحبني . واحب ان اسمعك وانت تقول لي هذا
قال لها : و انا اعلم انك تعلمين اني احبك
قالت : اذن قلي احبك
قال لها : امسكي يدي لكي لا تسقطي على الدرج .
أرأيت كم انا احبك
انها العشرة و للعشرة اهلها . والعشرة اهم من الحب.
قد نجد أشخاص من اول يوم تعارف و هما أحبك أحبك و في اول إختبار يفشل أحدهما او كلاهما. وتفشل العلاقة بينهما
فسلام على من حافظ على العشره🌹
العشرة الطيبة تكون بالافعال الطيبة التى تصنع الحب
فالحب افعال وليس اقوال انه مشاعر واحاسيس
نلمسه ونشعر به فيضيف لنا العاطفة الجميلة وهى الحب
عيشوا الحب افعال وليس اقوال لتسعدوا فى حياتكم
Espace : عيش & Consomi قرقني ❤️‍🔥
Bienvenue Mohamed Islem Bouglia 🥰
Crédit photo : Marwa Atitallah 🤩

14/08/2024

🔥🔥فرصة باش تفرّح عروسة 🔥🔥
بالطبيعة ما نسيناس المرأة التونسية الحرة في عيدها 🇹🇳 كيف العادة و العوايد consomi قرقني فكر فيكم و حب يدلل حرافاؤ حراير الصفحة 💘 و حط على ذمتكم فرصة دلولة باش تربّح shooting 📸 لعروسة ❤️‍🔥 بحذانا في espace عيش قرقني bien sur بالبسة القرقني العربي المزيانة 🤩 .
باش تدخل في القرعة ما عليك كان :☝️ تمركي العروسة اللي تحب تفرحها بال shooting في commentaire في ال publication هاذي ✌️تبرتاجي الستاتي هاذي أكثر ما يمكن ، 🤌 أكثر عروسة يمركيوها هي اللي باش تربح معانا 🥳 .
لعبة صالحة مدة 48 ساعة .
و ربي يفرح كل صبيّة 😍 و ربي يزيّن على كل عروسة 🥰 .

13/08/2024

بمناسبة عيد المرأة....كل عام ونساء تونس و العالم العربي والاسلامي بالف خير ❤️
انا المرا التونسية .. انا علجية وساسية وفتحية ، انا الحرّه المقديّه ، انا الغنيّه والزوّاليّه ، انا الحاذقة المسميّه .. انا تراكي و دوجه ، نخلّي الكبيده ممروجه ، وشقلابه كيف الموجه .. انا بنت رجال ، صياحي يهدّ جبال ، ما يغرني جاه ولا مال ، و نومرو واحد في الدلال 🥰
انا العسّول ، والخرنانة اللي تركب الغزّول ، واللي يشوف زيني يولّي بيا مهبول .. انا الحنينه، البنينه ، العاقلة ، الرصينه .. انا الشهلوله ، الدلّوله و المهبوله .. انا الزعبانه ، الرهدانه، السكبانه المزيانه كلّي فيانه 😍
انا البيضا و القمحيه ،الكحلة والسّمرا واللي خزرتي تكوي كيف الجّمره ... انا صباحْ و رْبَاحْ ، عطر فوّاح ، وصدر كيف تتكّا عليه ترتاح .. انا الباهيه مش الدّونيّه , ومعايا تتحلّ قدّامك الف ثنيّه ، وكل شي باهي تلقاه فيّا .. انا زينة البلاد، ام الاولاد ، وجدّة الاحفاد ❤️‍🔥
انا ورقة وقلم ، بلادي نفديها بالدم ، ،ومنحملش في ولد العمّ .. انا ريحة القهوة العربي اللي تفوح، انا التّفاح الّي يردّ الرُّوح ، نداوي ونبرّد الجرُوح .. انا ريحة التّرابْ ، مضيافه ونفرح بالاغرابْ 🩷
انا بنت الشّمال والجنوبْ انا شروق الشّميسه والغروبْ ، انا المكتوب الًلي ما منّوش هروبْ
انا السّفساري والخلخال، انا مولات البوسة خال .. انا الملية والخلال ، وبزيني مذوّبه الرّجال .. انا ريحة النّسرِي، و دمّ بلادي في عروقي احمر يسرِي .. انا حفيدة علّيسه ، كي تفد و تضيق بيك تلقاني وْنِيسَه 🤩
انا الشّامخه السّمرا ، لا نتمثّل بالشّمس ولا بالقمرة .. انا بين النسا قدري عالي ، مرا عظيمه ، عندي الوهره والقيمه .. انا التونسيّه الكادحة ، نصون العرض و بذراعي نخدم الارض ... انا النسناسه البرباشه الحفّاله الزغراطه المغياره الحلوّه السّحاره ، انا في صلب كلّ راجل موشّمة اماره . 😘
اَنَا ، اَنِي، نَايْ ، هيّ، هُومَا و هُنّ .. انا تونسيّه ساحليّه كافيّه جندوبيّه قابسيّه قصرينيّه صفاقسيّه نابليّه بنزرتيّه زغوانيّه قرويّه .. اشهد يا زْمان عليّا ، في كلّ ولاية انا هيّا تونسيّه مطبوعة عربيّه حرّه . 🇹🇳
Consomi قرقني by Mechri Amina 🥰

15/07/2024

Shooting de jour ♥️
ربي يحفظهم 🧿 ❤️‍🔥 🪬
مأحلاها و مأحلى وخيّتْها ... و الضّحكة مالية دنيتها ... مأعزها و مأحلى لبستها ما شاء الله قداش واتتها ... زين و عين و ضحكة عالخدين ...
الزين زين قرقني و اللّبسة ما تكون كان قرقنية من الجبّة للكوفية للدار العربي دار زمان محليّة قعدتها .
اللي يحب يعمل تصاور حلوين كيف هكّا يتصل بالصفحة او ب Mechri Amina
Shooting de jour
Espace :عيش قرقني Consomi قرقني
📷Mechri-amina .

18/06/2024

ايجاو بحذانا 🥰 قرقنة المزيانة 🥰 قرقنة الجو ❤️ مرحبا بالجميع Consomi قرقني عيش قرقني إلبس قرقني ❤️
✅️
fans

16/06/2024

🌙 🕋 تهنئة عيد الإضحى المبارك 🕋 🌙
عيد مبارك على جميع الأمة الإسلامية❤️
اللهم أعده علينا و غزة منتصرة 🇵🇸 ❤️ 🇹🇳
يَسُرُّنِي وَيُسْعِدُنِي أَنْ أتَقَدَّمَ إِلَىْ كافة حرفاء و متابعي Consomi قرقني ِأَصْدَقَ التَّهَانِيَ وَالتَّبْرِيكَات بِمُنَاسَبَة🌷عيد الاضحى مبارك 🌷 سَائِلًا المَوْلَى العَلِيُّ القَدِيرُ أَنْ يَجْعَلَ أَيَّامَكُمْ كُلُّهَا أَفْرَاحٌ وَأَعْيَادٌ وَأَنْ يُعِيدَهُ عَلَيْنَا وَعَلَيْكُمْ أَعْوَامًا عَدِيدَةً وَأَزْمِنَةٌ مَدِيدَةً وَنَحْنُ فِي أَحْسَنَ حَالَ...رزقنا الله وإياكم الإخلاص في القول والعمل ورزقنا الله وإياكم النجاح والقبول وتقبل اللهُ مِنَّا وَمِنْكُمْ صَالِحُ الأَعْمَالِ .
❤كُلّ عَامٌ وَأَنْتُمْ بِخَيْرٍ ❤
عيش قرقني Consomi قرقني إلبس قرقني 🥰
Consomi قرقني by Mechri Amina ❤️‍🔥
Consomi قرقني consomi مطمان 🥰

09/06/2024

خاطر الدلال متسمي علينا 🥰 و نفرحوا باللي يجينا ❤️‍🔥 اليوم عملنا Shooting مع المزيانة عيشوشة جاتنا ضيفة و لبسناها القرقني 😍
تاتك يا تاتك يا عيشوشة الجبة وتاتاك ❤️
بإسم الله ماشاء الله زين و عين و خفّت روح 🤩
عيش قرقني Consomi قرقني إلبس قرقني ❤️
Credit photo : 📷 Mechri Amina

08/06/2024

Shooting de mode - aida
Habits traditionnels des îles de Kerkennah.
Creation : Aida Ghram
Model : Ghada Doghri
Credit photo : 📷 Mechri Amina
عيش قرقني Consomi قرقني إلبس قرقني ❤️

Consomi قرقني

28/04/2025

16/12/2024

19/09/2024

14/08/2024

13/08/2024

15/07/2024

18/06/2024

16/06/2024

09/06/2024

08/06/2024

Address

Telephone

Website

Alerts

Contact The Business

Shortcuts

Share