Snorkeling kerkennah

29/07/2024

04/04/2024

كل يوم في شهر رمضان معلومة علمية قانونية بسيطة 🌊
🩵Raie/الريَّه🩵
كيفاش نعرفوها, شنعرفوا علاها و شيقول فيها القانون؟

أنا الريّه ننتمي للأسماك الغضروفيه الهيكل متاعي غضروفي( cartilage) عكس الأسماك اللي الهيكل متاعهم عظمي.

الغلاصم متاعي تفتح على الجيهة البطنيه عكس خويا القرش🦈🦈و جسمي مسطح وزعانفي مفرطحه وكبيره، نحب نعيش فالقاع خاطر لوني يساعدني على التمويه🤫 نتغذى على القشريات والرخويات وبعض الأسماك 😋.

فترة التزاوج متاعي في الربيع والبيض يتغلف في أكياس جلديه معروفه بإسم محفظة حورية البحر 🧜 أو (ovisac).

احنا 29 نوع نعيشوا في المياه التونسيه🌊 ننتميو ل 7 عائلات. منهم عائله rajidae وين تلقاني انا وخواتي ال 11 .

أكثر انواع معروفين هوما الريه بو فلسه ولا بوشوكه كيما يسميوني البحاره 😅 واسمي العلمي raja clavata.

أنا كائن مهدد بالإنقراض نتيجة الصيد المفرط والتلوث وزيد معدل التكاثر متاعي بطيء برشا 😔.

فيبالك الي أنا مالأسماك الضارة كي تاكلني؟
على خاطر جسمي يمتص المعادن الثقيلة الكيميائية الموجودة في الماء كيما الزئبق والرصاص والكادميوم والنحاس اللي منقدرش نصفيهم وبالتالي يتراكموا في الأنسجة متاعي وتتعدا للإنسان وقت يستهلكني 😔⚠️

شيقول فيا القانون 📜التونسي 🇹🇳؟
حسب قرار من وزير الفلاحة والصيد البحري المؤرخ في في 28 سبتمبر 1995 المتعلق بتنظيم ممارسة الصيد البحري (الباب الرابع) يحجر صيد الرَيّه في حجم دون 40صم مقاسه من قمة الرأس إلى بداية الذنب ⛔.
خاف عليا وعلى صحة صغارك وماتاكلنيش ومنعني من الإنقراض 🩵🤍




Discover more about TunSea 💙 :

https://bitly.ws/3abtd

10/10/2023