肥仔台港樂遊記

肥仔台港樂遊記 一個在香港土生土長但愛上台灣的平凡死肥仔，
喜歡把自己看到的台灣和香港告訴大家

在五月的最後一天抓緊了，又再來一次真．五月之約不管您是第一次還是第N次來到這套電影的包場，小弟心裡只有衷心感謝，因為大家都是我的貴人，都是我心中的英雄！謝謝百老匯院線 Broadway Circuit 百老匯院線 MOViE MOViE ...
31/05/2026

在五月的最後一天抓緊了，又再來一次真．五月之約
不管您是第一次還是第N次來到這套電影的包場，小弟心裡只有衷心感謝，
因為大家都是我的貴人，都是我心中的英雄！
謝謝百老匯院線 Broadway Circuit 百老匯院線 MOViE MOViE 又再一次肯理會像我這樣的傻子
謝謝 手工神經病 再一次幫忙宣傳以及到場支持參與
謝謝五時五刻 (IG mayday.is.everyday) 幫忙宣傳及贊助是次小物，不管肝編還是碼編都是最好的
謝謝Penny姐姐 想點啡 Cup's Coffee Limited 再一次人來不了都有贊助小物，講起來實在有點不好意思
謝謝八月 及Bee .bee 幫忙宣傳以及到場參與
還有贊助今天另一份小物的朋友，萬分感激！
謝謝所有幫忙宣傳的朋友，多謝金主姐姐及Wing姐幫忙登記，謝謝我們醫療中心及包場群的兄弟姊妹到來參與

雖然的確沒參與過首映禮，也很多次很想在這個這麽有意義的場地辦一次，但怕地點太遠而作罷
但是去年既然說過要來一次太古城，就儘管試一次太古城辦包場
雖然不知道有沒有帶大家回到19年5月20號，但沒有今天到來的大家，很多次包場以至今天的包場從來不會出現
明年只要這套電影還能做，大家願意來而又夠人數，我都一定會再辦
而明年如果5525大電影上映，小弟都一定會辦包場 (現場的大家說OK的)
在此之前，希望在台北、在大巨蛋見到大家，一起在大巨蛋坐上最後一班5525的航班
最重要大家都能生活愉快、身體健康，感謝，再會！

#五月天 #人生無限公司 #五月天人生無限公司

@頭號粉絲 肥仔台港樂遊記 肥仔台港樂遊記 五月天神經病互助俱樂部 五月天 Mayday 相信音樂國際股份有限公司

531年度君主日快樂👏👏👏 #五月天怪獸 #怪獸 #溫尚翊 #君主日 @頭號粉絲 五月天 怪獸 五月天 Mayday 相信音樂國際股份有限公司
30/05/2026

531年度君主日快樂👏👏👏

#五月天怪獸 #怪獸 #溫尚翊 #君主日

@頭號粉絲 五月天 怪獸 五月天 Mayday 相信音樂國際股份有限公司

所以又gen一篇Summary出嚟@頭號粉絲
28/05/2026

所以又gen一篇Summary出嚟

@頭號粉絲

晚安大家，大家前幾日搶飛如何呢？搵到飛嘅固然恭喜，未搵到飛嘅話留意之後釋票，應該會釋多一輪嘅今日又想打個尖講埋上網電話卡呢個問題，呢個又係一個好重要嘅問題有人會揀落地後喺三大電信商機場門市開卡，亦有人揀喺香港買定上網卡過到去用，兩種都各有春...
28/05/2026

晚安大家，大家前幾日搶飛如何呢？
搵到飛嘅固然恭喜，未搵到飛嘅話留意之後釋票，應該會釋多一輪嘅
今日又想打個尖講埋上網電話卡呢個問題，呢個又係一個好重要嘅問題
有人會揀落地後喺三大電信商機場門市開卡，亦有人揀喺香港買定上網卡過到去用，
兩種都各有春秋，今日就想同大家睇睇。

(1) 落到台灣先買電話卡

呢個應該係好多朋友疫情前同疫情後嘅選擇
基本上除了台中機場只有中華電信外，三大電信商都有喺桃園機場一航 、二航同小港機場設門市，
大家落到台灣可以直接去電信商門市揀plan購買，又或者上電信商官網或其他平台如KKDay、Klook買定然後去機場門市拎卡
機場買到嘅卡基本上都係計日型/日數plan加少量話費，而機場現場開卡而家唔知仲有無首日免費
基本上機場開卡人員會幫你換埋卡，有咩用唔到壞左都會幫你搞埋
但係而家機場開嘅電話卡係無得透過儲值卡儲值而續期，即係用晒日數張卡就無架啦

(2) 香港買定上網卡

由於上面講嘅原因，喺香港買定上網卡過到去用亦不失為一個辦法
香港最簡單落鴨寮街、葵廣呢啲點都執到一張台灣用嘅上網卡用，幾十蚊港幣點都有交易
當然大部份卡都係即插到台灣開漫遊即用，但係台灣卡要實名登記，
所以建議您喺香港未出發前就好做左呢個動作先
因為之前聽講做左都會失靈用唔到，但係喺香港唔做呢個動作就一定用唔到
同埋到台灣後都建議即刻開漫遊試卡，同埋唔好熄左或者抆左香港張卡，以防有咩緊急野可以打電話
萬一用唔到卡嘅，都建議您出發前買多一張當後備 (前提要出發前做左實名登記)，一係直接台灣開多一張電話卡

(3) WiFi蛋

呢個人多嘅話會抵玩而且化算，
可以上網訂完香港機場借機、還機，亦可以落到台灣先拎同還機
小弟自己未試過用wifi蛋喺台灣上網，但係聽用過嘅人講網速算係正正常常，基本上網無太大問題，所以人多嘅話都可以諗諗

至於有無辦法可以好似疫情前咁樣買卡keep no.呢？
中華電信、大哥大呢啲基本唔駛諗，一定要有居留證先肯睬你，
遠傳嘅話小弟知道有辦法，但小弟唔喺度講啦
但比較實際嘅做法係去7-11/統一超商開張ibon mobile電話卡 (其實都係收遠傳網絡)，
但係要逐間門市用Open point APP睇下佢有無存貨，同埋有啲門市職員未必識搞，或者要有居留證先肯幫你搞，
如果好彩有嘅話，佢可以好似機場電信門市咁接受護照作為第一證件、臺證/身份證作為第二證件開卡，
要去ibon機台選【申辦服務】→【統一超商電信】→【預付型服務】→至ibon選擇門號、選擇資費、輸入資料、列印申請書→至門市櫃枱確認，檢核雙證件及完成結帳，然後統一超商就會24小時內幫你開通服務
根據網站話，一張新ibon mobile電話卡NT $350，
1.2GB包NT$100通話費同1.2GB數據，另外再送多1.2GB數據；5日包就包NT$50通話費同5日上網
不過記得每半年到期前就要儲值卡儲值，如果唔係你張卡會自動失效，到時候又要買過一張嚟keep台灣號碼

電話卡嘅野大致上講到呢度啦
如果有其他筍野或者好方法，歡迎下面留言益下肥仔益下街坊
下一篇想講下悠遊卡，敬請期待！

中華電信旅客預付卡：https://www.cht.com.tw/home/consumer/mobservice/prepaid/prepaidpromo/prepaidvisitorplan

台灣大哥大旅客預付卡：https://www.taiwanmobile.com/events/prepaid/tourist_card/index_tw.html

遠傳旅客預付卡：https://www.fetnet.net/content/cbu/tw/postpaid/prepaid/tourist-card-tw.html

ibon mobile 統一超商電信：https://www.ibonmobile.com.tw/

#電信服務 #預付卡 #中華電信 #台灣大哥大 #遠傳電信

@頭號粉絲 肥仔台港樂遊記 肥仔台港樂遊記 五月天神經病互助俱樂部 交通部觀光署 臺灣觀光協會香港辦事處 / Taiwan Visitors Association Hong Kong Office /

23/05/2026

下午1430釋票
大家戰況如何？
@頭號粉絲

朝早加油啊大家！@頭號粉絲
22/05/2026

朝早加油啊大家！

@頭號粉絲

大家晚安，因為群友問起呢個問題，所以都想開心share一下畀大家：如果常客證唔見左或者爛左點搞？放心放心，只要跟足肥仔以下嘅做法，下次入境桃園機場唔會無端端排返一個零鐘嘅首先上返常客證網站然後喺左手邊嗰欄揀返 "Retrieve and P...
19/05/2026

大家晚安，因為群友問起呢個問題，所以都想開心share一下畀大家：如果常客證唔見左或者爛左點搞？
放心放心，只要跟足肥仔以下嘅做法，下次入境桃園機場唔會無端端排返一個零鐘嘅

首先上返常客證網站
然後喺左手邊嗰欄揀返 "Retrieve and Print Previous Application"
然後上面入返護照號碼、護照簽發國/地區、護照到期日以及出生年月日，
下面要入返登記常客證時用嘅臺證/入出境許可證號碼以及有效期限，網簽臺證喺上面數落嚟第4行，入出境證喺左上角，
如果所有資料正確的話，系統會自動下載常客證，到時印返出嚟就可以連埋臺證或入出境證行快隊架啦

假如臺證或者入出境證無左record點算？
前者嘅話可能要麻煩您搵多次電腦有無紀錄，又或者上網簽嗰邊搵一搵有無啦，
如果真係搵過無嘅話，要請您打畀台北辦問一問有無辦法搵返啦；
後者嘅話，要上返境外人士嗰邊查紀錄啦
再次提提大家：只要過去12個月有入境台灣三次或以上，即可申請常客證，有常客證行快隊好__爽架...

常客證：https://niaspeedy.immigration.gov.tw/nia_freq/?fbclid=IwY2xjawRxblBleHRuA2FlbQIxMABicmlkETFyQ2pTOGxyWll0OXhzNVRwc3J0YwZhcHBfaWQQMjIyMDM5MTc4ODIwMDg5MgABHt9oR9wFUDagSo44yHMn7U05JpB8-9I9wOt7p_ro3nDolJnGpBp1SH11jJ7C_aem_MBWdaO8WXVCsJrGKgWHyaA

#台灣旅遊 #常客証

@追蹤者 @頭號粉絲 肥仔台港樂遊記 交通部觀光署 臺灣觀光協會香港辦事處 / Taiwan Visitors Association Hong Kong Office /

So that要有Summary@頭號粉絲
17/05/2026

So that要有Summary

@頭號粉絲

大家好，唔好意思先打個尖，原來上次肥仔唔記得講兩個重要嘅事項雖然話台灣好多地方有收信用卡、Apple Pay、Google Pay、LINE Pay，但係又有好多地方都仲係收現金所以奉勸大家點都唱定啲臺幣現金喺身，費事店家唔收電子支付你真係...
17/05/2026

大家好，唔好意思先打個尖，
原來上次肥仔唔記得講兩個重要嘅事項
雖然話台灣好多地方有收信用卡、Apple Pay、Google Pay、LINE Pay，但係又有好多地方都仲係收現金
所以奉勸大家點都唱定啲臺幣現金喺身，費事店家唔收電子支付你真係坐左喺度走唔到啦
今天小弟就想講左換臺幣先，希望幫到大家🙇🙇🙇

方法一：香港找換店或銀行換

喺疫情前好少聽講香港嘅找換店匯率會比銀聯提款卡到台灣撳錢靚仔，
但疫情後因為好幾單野導致美金同臺幣匯率波動好幾鑊，
所以變左喺香港嘅找換店或銀行換臺幣亦不失為一個辦法
香港有一啲找換店好似小女孩、成記、銀豐等呢啲匯價係比較好
平均會好過銀聯撳機幾十到百幾蚊港幣
但係間找換店要夠就腳，如果唔係搭車要錢又要時間

方法二：銀聯/PLUS/Cirrus提款卡到台灣ATM撳臺幣

銀聯提款呢個真係我地嘅老方法啦
只要記得喺出發前喺香港或者澳門嘅ATM或網上銀行先開通海外提款功能並設定提款上限，
咁就可以一張有銀聯標誌嘅提款卡在手去到台灣用ATM撳錢拎臺幣啦
基本上大部份台灣ATM都支援銀聯卡提款，但有一啲好似信用社、農漁會嘅有機會唔支援，所以最好睇清楚有無銀聯標誌
但記住留意返自己銀行收幾多港幣/澳門幣手續費，
而家好多銀行銀聯卡海外提款手續費都好甘
真係好介意嘅話唔建議您用呢個舊方法，
不過呢個方法勝在方便懶人唔駛諗咁多野，同埋有啲人會覺得差幾多錢至得架

值得一提，其實有VISA/Mastercard標誌嘅提款卡都可以用PLUS/Cirrus系統喺台灣ATM撳錢
只不過匯率真係唔多靚仔，而且仲要比起銀聯要收多筆外幣轉換手續費，所以大家自己諗諗
同埋如果你地張提款卡有一個以上嘅戶口，或者有連住張扣帳卡或信用卡，
記得check下主帳號係咪儲蓄戶口，否則好容易變現金透支或者無錢撳到

方法三：銀行換外幣，或外幣提款機換臺幣

有啲銀行有為客戶預留貨幣，特別係某啲層級嘅客戶係可以用電匯個rate換臺幣 (當然有免手續費或者收少少手續費)
當然每間銀行做法唔一樣，小弟都無辦法喺度一一而談，最好都係問返銀行點做好啲
而好似匯豐或者恆生咁有外幣提款機，可以直接喺ATM撳臺幣；同時無記錯的話恆生同匯豐都可以喺台灣匯豐ATM提款，但匯率普遍唔多靚仔
但係都提提大家，普遍銀行現金賣出價一定比銀聯同找換店差，大家自己諗清楚先去換啦

方法四：台灣嘅銀行換臺幣

呢個方法而家反而應該無太多人會用，但都係一個辦法
喺機場有臺灣銀行或者兆豐銀行嘅櫃位可以換臺幣
但係兩間銀行本身買入港幣匯率就唔太好，而且會收幾十至100臺幣手續費咁上下
當然外面銀行好似第一銀行、永豐、凱基等匯率點都好過臺銀同兆豐匯率
但要出返出面先搵到銀行 + 一樣有手續費，而且有啲銀行唔係該行客戶會唔幫你搞，
再加上臺灣嘅銀行最盡3點半就收檔，最重點係出面銀行最好嘅匯率都比銀聯差，所以除非真係好趕急，否則呢個方法真係無乜人會用

好啦換臺幣嘅二三事講到呢度差唔多啦
希望幫到大家，記住換錢係講自己方便，同埋講真你如果唔係換萬幾蚊港幣嘅話，其實相差唔會太遠，
雖然講台灣好多地方都收電子支付，但係有現金傍身係最穩陣嘅做法
下一次再插隊我地再講講電話上網嘅野，希望唔駛等好耐，亦都祝大家星期六搶飛一切順風順水！

#台灣旅遊 #台灣旅行 #換匯 #換臺幣

@頭號粉絲 肥仔台港樂遊記 肥仔台港樂遊記 五月天神經病互助俱樂部 臺灣觀光協會香港辦事處 / Taiwan Visitors Association Hong Kong Office / 交通部觀光署

晚安大家，我地講到第二個部份啦當你入境完成拎晒行李之後，跟住會點做呢？搞埋上網卡定係走去買張悠遊卡呢？再之後呢？無錯啦就係搭車離開機場啦，唔通好似我地群友所講行路咩!?肥仔今天想同大家重溫一次桃園機場嘅對外交通，準備好了，我們開始囉(A) ...
10/05/2026

晚安大家，我地講到第二個部份啦
當你入境完成拎晒行李之後，
跟住會點做呢？搞埋上網卡定係走去買張悠遊卡呢？
再之後呢？無錯啦就係搭車離開機場啦，唔通好似我地群友所講行路咩!?
肥仔今天想同大家重溫一次桃園機場嘅對外交通，準備好了，我們開始囉

(A) 桃園機場捷運

呢個應該係好多朋友二話不說就會諗起嘅辦法
A12機場第一航廈站喺第一航廈/T1離境大堂落兩層，大家離開左禁區轉左到盡頭再轉左行到尾就會見到升降機落機捷車站，一落去B2層就係架啦；
A13機場第二航廈站喺第二航廈/T2嘅B1層/美食街旁邊，入境大堂出左落一層就係機捷車站
而即將建成嘅第三航廈/T3亦會設有A14機場第三航廈站
機捷有分直達車同普通車，前者正常班次只會停A13、A12、A8長庚醫院站、A3新北產業園區站以及A1台北車站，其中每日有少量班次會延駛至A18高鐵桃園站及A21環北站；後站就係由A1台北車站到A22老街溪站各站皆停
其中可以喺A1台北車站轉乘台北捷運板南線、淡水信義線、(往北門站)松山新店線、臺鐵、高鐵以及國道客運，
A2三重站轉乘中和新蘆線，A3新北產業園區站轉乘環狀線，A18站轉乘高鐵往中南部

值得一提，如果要轉板南線，都可以去北門站搭松山新店線一個站去西門站轉板南線，會行少好多路

(B) 國道客運/高速巴士

當然入去雙北都仲有老方法 - 國道客運/高速巴士啦
最最最常坐嗰架一定係國光1819路往台北車站，
途中經過啟聰學校、庫倫街口/捷運圓山站、中山北路台泥大樓/馬偕醫院、國賓飯店，
如果您飯店住喺南西商圈或中山北路一帶方便，到達台北車站後可以轉乘台北捷運、臺鐵、國道客運等，
但係最近都好似減左班，但勝在24小時營運、一定有位坐同有行李艙放行李，
而且未必需要再轉車就到目的地，以下仲有其他往來雙北嘅客運路線：

- 國光1840路往松山機場，經行天宮、榮星花園

- 國光1843路往南港轉運站，一天只有五班，經內湖港墘站、瑞光路、內湖行政大樓、捷運南港展覽館站

- 大有巴士1960路往市府轉運站，經建國錦州街口(近榮星花園)、捷運忠孝復興站、福華飯店 (仁愛路)、捷運科技大樓站、遠東香格里拉酒店、台北君悅酒店 (要直去大巨蛋就可以喺市府轉運站落車行過去或者搭一個站捷運去國父紀念館站)

- 大有巴士1961路往聯合醫院和平院區，一天只有三班，經重慶北路、圓山飯店、中山北路台泥大樓/馬偕醫院、國賓飯店，捷運北門站、捷運西門站

- 大有巴士1961A路往聯合醫院和平院區，經南崁、中山北路台泥大樓/馬偕醫院、國賓飯店，捷運北門站、捷運西門站

- 大有巴士1962路往板橋客運站，經捷運永寧站、土城農會、亞東科大

- 大有巴士1968路往捷運新店站，經三峽恩主公醫院、中和捷運景安站、捷運七張站、捷運新店區公所站

另外桃園機場亦都設有往來台中(市區)嘅客運路線，分別係國光1860路以及統聯1623路，都係去台中火車站，當中途經朝馬站、科博館、民權路；如果要去台中以南，要先搭統聯1627路往中壢轉運站再轉乘其他統聯路線往返
如果想落宜蘭，統聯1661路都幫到您，但一天只有4班車往礁溪、宜蘭市區以及羅東

(C) 轉乘高鐵

可以搭機捷普通車/直達車增開班次到A18高鐵桃園站轉乘台灣高鐵，
到A18站大堂出站後可以直接落B1高鐵站買飛或者直接入閘轉高鐵，
可以往北向板橋、台北及南港，亦可以往南向新竹、台中、台南及左營(高雄)等中南部城市前進，唔計等車嘅車程大約20分鐘
亦可以搭小黃(的士)/Uber前往高鐵桃園站，車程20分鐘，費用大概NT$385-400

(D) 的士 (小黃)/Uber

如果您有好多行李或者想直接入台北或新北，
機場排班小黃或者Uber幫到您
由機場搭到台北車站小黃大概NT$1270-1515左右
坐Uber出北車大概NT$1400
如果坐去大巨蛋，小黃大約NT$1320-1575，Uber就都係NT$1400
當然大家都可以book定機場接送，Trip/Klook/KKday都會有，大概換返臺幣大概NT$1000-1200

好啦，桃園機場對外嘅交通大致上差唔多
下一篇好快嚟，下一篇不如講下電子票證，希望盡快嚟

#桃園機場 #交通 #機捷

@頭號粉絲 肥仔台港樂遊記 肥仔台港樂遊記 五月天神經病互助俱樂部 桃園國際機場 Taoyuan International Airport 桃園大眾捷運 Taoyuan Metro 國光趣旅行

Address

臺北市中正區黎明里北平西路3號
Taichung
100

Website

Alerts

Be the first to know and let us send you an email when 肥仔台港樂遊記 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 肥仔台港樂遊記:

Shortcuts

Share

Category