15/03/2022
公幹之旅 | 馬來西亞 | 正宗地道
其實小編跟舊式旅行團去過泰國一次之後, 無幾耐之後都跟團去咗一次馬來西亞，尼次個團由長輩負責挑選 (全部都係長輩，小編都只係〝掹衫尾〞😅)。
果次真係呢……記憶比泰國重要少，只記得3樣野：團飯食蠶蛹 🤮(小編當然無食啦)、成條街得1間酒吧嘅〝夜市街〞😓，同埋每晚7點已經返到酒店房😑😑。
大家唔好以為只得小編悶喎，同行長老第一晚返到酒店房已經話想返香港🤣。
因為工作嘅關係，小編以前經常要出差公幹。老實講公幹同旅遊係兩碼子嘅事，因為公幹係好難有放鬆嘅心情，事實真係去做野吖嘛，係咪😉？
但反而公幹比起旅遊可以令你更容易體驗到當地嘅文化，小編好多時因為咁先有機會食到真正嘅地道野😋。
有次去馬來西亞公幹，雖然多數時間都係開會、開會同開會😪，但總有休息嘅一刻。
中午當地嘅同事會帶我地去食D非常地道嘅野，尼D通常都係佢地每日都會去嘅大排檔、茶室之類。
印象比較深刻有3樣野，雲吞麵、肉骨茶同咸檸檬 (手信)。
當地嘅雲吞麵同香港好唔同，因為我只係食到雲吞皮，入面無乜餡😂；而肉骨茶亦同旅行團帶你去食果D唔同，味道甘好多。
印象最深刻嘅反而係同事帶小編去一間非常舊式嘅手信店，果度有D一盒盒白色盒嘅咸檸檬，小編買咗幾盒返香港送比一個朋友，因為佢經常都話牙肉痛。 原來真係好有效，朋友用一粒黎沖一大樽水當水飲，飲咗2日就好返。
唔知大家有無見過呢？如果有見過或知道小編講緊果盒係咩，麻煩聯絡一下小編，因為真係好想再買到🙇。
#馬來西亞 #吉隆坡 #公幹 #出差 #肉骨茶 #雲吞麵 #咸檸檬 #地道食物
![一家大細好去處 | 仁川 | 童話村除咗[愛寶樂園]，仁川童話村亦都係一家大細嘅好去處，喺平靜嘅民居中隱藏著好多唔同嘅童話故事同卡通人物，又係一個會影相打卡玩到手機無電嘅地方😅。童話村除咗非常多打卡位之外，亦可以試下中華美食，就係炸醬麵喇！...](https://img5.travelagents10.com/767/070/116279357670700.jpg)
