Ride Behind Kalaw

10/14/2026

Analysis မှာ ပါတာတွေက ကျွန်တော်တို့ပြောခဲ့တဲ့ဟာတွေကိုမှ အသေးစိတ်ပိုကျသွားတဲ့သဘော ပညာရှင်ဆန်တဲ့သဘောပါပဲ...

IT charges က ဘာလို့ များနေရသလဲလို့ ထောက်ပြခဲ့တာလည်း Analysis မှာ ပါလာပါတယ်...

အခြား Project တွေဆီက ကုန်ကျစရိတ်တွေကို TheKey တစ်ခုထဲမှာ လာပေါင်းလိုက်တဲ့သဘောပါ...

အဲ့လိုဆိုရင် အခြား Project တွေမှာရော WLMF က IT ကုန်ကျစရိတ်တွေ နှုတ်ထားလိုက်ရင် ၂ သီးစား ၃ သီးစားတွေ ဖြစ်သွားပါလိမ့်မယ်...

အခြား Project တွေမှာက TheKey မှာလိုမျိုး စေ့စေ့ပေါက်ပေါက် လိုက်ကြည့် လိုက်စစ်နိုင်သူက ရှားပါလိမ့်မယ်...

မူရင်း Analysis ထဲက SS ကို ပုံမှာကြည့်ပါ...

10/13/2026

အပေါင်ဆုံးဟိုတယ်ကို မဲလုပ်ရောင်းပြီး ပြည်သူလူထုကိုလှည့်စားလို့ ရင်နာရပါတယ် ဆိုသူတွေအတွက် ...

TheKey project မှာ အပိုင်း (၂) ပိုင်းရှိတယ်...

- ပထမတစ်ပိုင်းက တော်လှန်ရေးကာလမှာ လုပ်ဆောင်ရမဲ့အပိုင်း
- ဒုတိယတစ်ပိုင်းက တော်လှန်ရေးအောင်မြင်တဲ့အခါ လုပ်ဆောင်ရမဲ့အပိုင်း

အခုက ပထမတစ်ပိုင်းကိုပဲ လုပ်လို့ရတဲ့ လုပ်နေရတဲ့ကာလဖြစ်ပါတယ်...

အခု ငွေစာရင်းလိမ်လည်မှုတွေကို ရှင်းလင်းနေရတယ်ဆိုတာ အခုကာလမှာ မဖြစ်မနေလုပ်ရမှာမို့ လုပ်နေတာပါ...

Analysis ထဲမှာပါတာတွေက ကျွန်တော်တို့သံသယရှိခဲ့တာတွေဟာ မှန်တယ်ဆိုတာကို အထောက်အကူပြုတာတွေချည်းပဲလို့ အကြမ်းဖျင်းပြောရမယ်...

ဆုံးရှုံးသွားတဲ့ငွေတွေ ပြန်ရမှာလားဆိုရင်တော့ ရနိုင်စရာ ဘာအကြောင်းမှမရှိတော့ပါဘူး...

ဒါတွေက အသေးစိတ်တွေထပ်တင်ဦးမှာပါ...

ဒုတိယတစ်ပိုင်းဖြစ်တဲ့ တော်လှန်ရေးအောင်မြင်ပြီးတဲ့ကာလအတွက်မှာတော့ -

"ပိုင်ဆိုင်မှုအပ်နှံခြင်း" ဆိုတာတစ်ခုပဲ ရှိပါမယ်...

အဲ့ဒါက RBK ရဲ့ လုံးလုံးလျားလျားတာဝန်ဖြစ်ပါတယ်...

အခု ⚽မတွေရော ဂူဂူးတို့ရော ဇောင်းပေးပြီးပြောနေကြတဲ့ အပေါင်ဆုံးဟိုတယ်ဘာညာဆ်ိုတာတွေက တော်လှန်ရေးအောင်မြင်တဲ့ကာလမှာ RBK အတွက် သက်ရောက်မှုရှိ/မရှိ သူတို့အသိဆုံးပါပဲ...

ကျွန်တော်ကတော့ ရှင်းပါတယ်...
တော်လှန်ရေးကာလမှာ တော်လှန်ရေးအကျိုးစီးပွားအတွက် ကျွန်တော်လုပ်လို့ရတာ ဘာမဆိုလုပ်မှာပါ...

နည်းလမ်းပေါင်းစုံနေအောင်လည်း လုပ်ခဲ့ပြီးပါပြီ...

စကစလက်ထဲမှာရှိနေတဲ့ ဟိုတယ်ကိုအသုံးချပြီး ဒေါ်လာ ၆ သိန်းဝန်းကျင် တော်လှန်ရေးထဲ စီးဆင်းသွားအောင်အထိပါ လုပ်ပြီးပါပြီ...

အဲ့ဒါအတွက် ကိုယ့်တော်လှန်ရေးဖက်ကသူတွေ အပြစ်တင်ရင်လည်း ကျွန်တော်ကတော့ ပျော်ပျော်ပါပဲ...

ဒါကိုမကျေနပ်ကြရင်တော့လဲ မတတ်နိုင်ဘူးပေါ့...

⚽မတွေ လောင်နေကြတဲ့ အပေါင်ဆုံးဟိုတယ်ဆိုတဲ့ကိစ္စကြီးကို ရောလောင်နေကြတာတော့ ရုပ်ဆိုးတာပေါ့...

ကိုယ်တွေကြံစည်ခဲ့တဲ့ တော်လှန်ရေးအတွက် ငွေရှာဖို့အကြံအစည်ထဲမှာ ကျောက်ကပ်တစ်လုံးထုတ်ရောင်းဖို့အထိ ကြံစည်ခဲ့တယ်ဆို ဘာပြောကြမလဲမသိ..🤣🤣🤣

တန်ရင်တော့ လုပ်မှာပဲလေ...

အခု TheKey ကလည်း တန်ပါတယ်...

ကိုယ့်ထက် စိတ်ဓါတ်ကလွဲရင် အစစအရာရာသာတဲ့ရန်သူကိုတိုက်ဖို့ ဉာဏ်နီဉာဏ်နက်တွေ မနည်းထုတ်နေရပါတယ်ဆိုမှ စကစပေးတဲ့တုတ်နဲ့တော့ ကျွန်တော့်ကို ပြန်မရိုက်ကြနဲ့ပေါ့....



ပုံက ဘာမှမဟုတ်ဘူး...

၂၀၂၂ လောက်တုန်းက Federal Wings အတွက် ကျည်ကာဦးထုပ်တွေ support လုပ်တုန်းက ဝတ်ကြည့်ပြီး ရိုက်ထားတဲ့ဟာ...

အဲ့ဒီတုန်းကတော့ တခြားနိုင်ငံကနေ ဝယ်ကြရတယ်...

နောက်ပိုင်းကျတော့ FW က ကိုယ်တိုင်ထုတ်နိုင်သွားတယ်...

ကုန်ကျစရိတ် ထက်ဝက်နီးပါးသက်သာသွားတယ်ဗျ...

ဒါက ကြော်ငြာ...

10/13/2026

Analysis report ထွက်လာမှ သိရတဲ့ မဲပေါက်သူတွေနဲ့သက်ဆိုင်တဲ့ အဓိကအချက်တစ်ခု ရှိပါတယ်...

မဲပေါက်သူတချို့နဲ့ အဆက်အသွယ်မရတဲ့ အခြေအနေကို RBK နဲ့ မပန် တို့ဆီ လုံးဝအသိမပေးခဲ့တဲ့ကိစ္စပါ...

ဖော်ပြထားတဲ့စာရင်းအရ မဲပေါက်နံပါတ် ၁၃ ခုအနက်

• ၈ ခုမှာ အတည်ပြုဖောင် ရရှိထားပါတယ်

• ၄ ခုမှာ ရောင်းစာရင်းရှိပေမဲ့ အတည်ပြုဖောင် မရသေးပါဘူး

• ကျန် ၁ ခုက ပယ်မဲနံပါတ် (Void Ticket) ထဲကဖြစ်ပါတယ်

အတည်ပြုဖောင်မရသေးတဲ့ နံပါတ် ၅ ခုနဲ့ သက်ဆိုင်တဲ့ ဆုဝေစုကို ပေါင်းလိုက်ရင် စုစုပေါင်းဆုဝေစုရဲ့ ၂၄ ရာခိုင်နှုန်း ရှိပါတယ်... (လူအရေအတွက်နဲ့ဆို ၃၈%)

RBK နဲ့ မပန်တို့ကို ဒီကိစ္စတွေ အသိမပေးခဲ့ဘူးဆိုတဲ့နောက်ကွယ်မှာ ဖြစ်လာနိုင်တဲ့ မသမာမှုတွေ တန်းစီပြီးရှိလာနိုင်ပါတယ်...

စာရင်းစစ်သာမရှိခဲ့ရင် ဒါတွေကို ကျွန်တော်တို့ ဘယ်လိုမှသိဖို့မရှိပါဘူး...

အဆက်အသွယ်မရတဲ့ လက်မှတ် ၄ ခုနဲ့ ပယ်မဲ ၁ ခု မဲပေါက်နေတဲ့ကိစ္စကို ဂူဂူးအနေနဲ့ ကျွန်တော်တို့ကိုရှင်းပြဖို့ အချိန် လပေါင်းများစွားရရှိပေမဲ့ ရှင်းမပြခဲ့ အသိမပေးခဲ့တာကြောင့် ဒါဟာ တော်လှန်ရေးကာလလွန်တဲ့အထိကို မသမာမှုကိုကြံစည်တာပဲဖြစ်ပါတယ်...

တော်လှန်ရေးကာလအလွန် ပိုင်ဆိုင်မှုလွှဲအပ်တဲ့အခါ ဒီ ပိုင်ဆိုင်မှုရှယ်ယာတွေက ဂူဂူး/WLMF ရဲ့ တစ်ဖက်လှည့်ပိုင်ဆိုင်မှုတွေတောင်မှ ဖြစ်သွားနိုင်တာမို့ပါ...

10/13/2026

ကံကောင်းထောက်မစွာနဲ့ပဲ ဒီ Voice Message ကို လွန်ခဲ့တဲ့ ၃ ရက်လောက်မှာ conversation တွေကိုပြန်မွှေရင်း ရှာတွေ့တယ်...

အရင်ကတော့ ဒေါ်လာ ၃ သောင်းကျော် ၄ သောင်းကြား ငွေပိုရှိသေးတယ်လို့ ဂူဂူးပြောခဲ့တာကို ပြောခဲ့တယ်ဆိုတာပဲမှတ်မိပြီး ဘယ်လိုပြောခဲ့လဲဆိုတာကို လုံးဝမေ့နေတာ...

ဖုန်းနဲ့ပြောခဲ့တာဖြစ်မယ်ဆိုပြီး စိတ်ထဲထင်နေတာမို့ သက်သေမရှိဘူးပဲ ထင်ထားခဲ့တယ်...

အခု ဒီ voice message ကို ဘယ်လိုပြန်ရှာတွေ့လဲဆိုတော့ .....

ဂူဂူးတို့ Messenger ထဲက RBK နဲ့ပြောဖူးခဲ့တဲ့ conversation တွေကို Delete လုပ်တာလုပ် ... ပေါက်ကရတွေပြောဖို့ SS တွေယူတာယူ လုပ်နေရင်း RBK ကို သူတို့ယူနေတဲ့ SS ကြီး မတော်တဆပို့မိရာက စတာပဲ....

ဂူဂူးတို့ ကံကဆိုးချင်တော့ ကိုယ်တွေကလည်း messenger app ကို ဖွင့်မိတဲ့အချိန်လေးတွေနဲ့မှ လုံးဝကွက်တိကို တိုးတာ....

တစ်ခါတည်းမဟုတ်ဘူးနော် ... နှစ်ခါ...

ဒုတိယတစ်ခါကကျတော့ ကိုဇင်ဇေနဲ့ RBK နဲ့ ဂူဂူး တို့ FW ကိစ္စတစ်ခုအတွက် group chat လုပ်ထားတဲ့အထဲမှာ RBK ပြောထားတဲ့စာကို ဂူဂူးတို့ ယောင်ပြီး love react လုပ်သွားတာ....

အဲ့လိုနဲ့ပဲ ဂူဂူးတို့ SS တွေ လိုက်ယူနေပြီဆိုတာ သတိပြုမိသွားတယ်...

အဲ့ဒါနဲ့ ဒီမိန်းမနဲ့ ငါ ဘာတွေများ စကားပြောခဲ့မိကြလဲမသိဘူးဆိုပြီး သူနဲ့ပြောဖူးသမျှ ရှိသမျှ messenger platform အကုန်လုံးကို အစအဆုံး ပြန်ဖွင့်ကြည့်မိတော့တာပဲ...

အဲ့ဒီအခါကျမှ messenger မှာ သူပြောခဲ့တာတွေကို delete ပြန်လုပ်ထားတဲ့ကိစ္စကိုသိရပြီး ... အခုတင်ထားတဲ့ Voice message ကိုလည်း မထင်မှတ်ဘဲ ဆိုက်ဆိုက်မြိုက်မြိုက်ကြီး ရှာတွေ့တော့တယ်...

ဒီ Voice message မှာပါတဲ့ ဒေါ်လာ ၃ သောင်းကျော် ၄ သောင်းကြား ကျန်သေးတယ်ဆိုတဲ့ info က နောင်တစ်ချိန် တစ်ပြားမှမရှိတော့ပါဘူးလို့ ပြောတဲ့အခါမှာ သတိပေးခေါင်းလောင်းတွေမြည်စေခဲ့တဲ့ အဓိကအချက်ပါ...

ဂူဂူးတို့ အစွမ်းကုန်အောင်လိမ်ပေမဲ့ ကံကြမ္မာက RBK , မပန် နဲ့ တော်လှန်လူထုဖက်မှာရှိတယ်လို့ ပြောရမလို ....

ဒီထဲက "အကို့အတွက် 210,000 " လို့ပြောနေတာကို ကပ်သပ်ပြီး မတွေးကြနဲ့ဦးနော်...

FW ရဲ့ ဘဏ္ဍာငွေရှာဖွေရေးမှာ RBK က အဓိကထောက်တိုင်တစ်ခုဖြစ်ခဲ့တယ်လို့ပဲ သိထားရမယ်ဗျ...

ဖြစ်ခဲ့တာနော်... ဖြစ်နေသေးတာမဟုတ်ဘူး...

ပြီးတော့ ဘဏ္ဍာငွေရှာဖွေရေးနော် .... ဘဏ္ဍာငွေစီမံခန့်ခွဲရေးမဟုတ်ဘူးနော်....

အဓိပ္ပါယ်ကောက်လွဲမှာစိုးလို့ ကြိုပြောထားရတာ...

ဒါကလည်း ဒီတော်လှန်ရေးထဲမှာ RBK က fundraiser ဆိုတော့ ဘာမှထူးဆန်းတဲ့အရာမဟုတ်ပါဘူး...

FW နဲ့ RBK ကိစ္စက နောက်မှ အေးဆေးရှင်းပါမယ်...

10/09/2026

NUG ရဲ့ စာရင်းစစ်တွေကိုပါ " မင်းဘာကောင်လဲ ... ဘာအဆင့်လဲ" ပြန်မေးတာမျိုး...

တိုင်ကြားသူ​အမည်တွေကလည်း တစ်လောကလုံးသိနေတဲ့ဟာ ဗြောင်လိမ်...

စာရင်းစစ်သူမည်သူမည်ဝါဆိုတာပါ ပြောရဦးမတဲ့...

မပြောလိုက်တာ ကံကောင်း...
မဟုတ်ရင် အခုစာရင်းစစ်တွေကို ဖော်သလိုပဲ အဖော်ခံရဦးမှာ...

ဂူးဂူး WLMF ရဲ့ NUG ကလူတွေ သူ့ကိုစာရင်းစစ်ဖို့ စောက်ဆင့်ရှိလားဆိုတာမျိုး မေးထားတဲ့ သက်သေ။ အနီရောင်ဝိုင်းပြထားတဲ့စာသားတွေ ဖတ်ကြည့်ပါ။

The Key ကိစ္စ ဂူးဂူးရဲ့ ငွေအလွဲသုံးစားကိစ္စ ပြသနာတက်ချိန်မှာ ကိုယ်တို့က NUG ကို တိုင်ကြားပါတယ်။ ဘဏ္ဍာရေးဝန်ကြီးဌာနက တိုင်စာလက်ခံပြီး တိုင်ကြားမှုကို စစ်ဆေးဖို့ တိုင်ကြားသူနဲ့ တိုင်ကြားခံရသူ နှစ်ဖက်လုံးကို ဆက်သွယ်တယ်။

တိုင်ကြားသူ ကိုယ်တို့နဲ့ အရင်တွေ့တယ်။ မေးမြန်းတယ်။ တိုင်ကြားခံရသူ ဂူးဂူး WLMF ဘက်ကို ဝန်ကြီးဌာနဘက်က ဆက်သွယ်တော့ WLMF ဘက်က ဝန်ကြီးဌာနဘက်ကို စာတတန် ပေတတန်နဲ့ အချက်(၂)ချက် ပြန်မေးတယ်။

၁)ဘယ်သူတိုင်တာလဲ။ တိုင်တဲ့သူနာမည်တွေ Official ပြောတဲ့။ (ဘယ်သူတိုင်ရမှာလဲ… ပန်ဆယ်လိုနဲ့ RBK တိုင်တာပေါ့။ သိလျက်သားနဲ့ အချိန်ကြာအောင် ဝန်ကြီးဌာနဘက်ကို ပြန်ရစ်တာ)

၂)ဝန်ကြီးဌာနကိုယ်စားပြုတက်ရောက်မယ့်သူတွေထဲမှာ စာရင်းအင်းနဲ့ပတ်သက်ပြီး အမှန်တကယ် နားလည်တတ်ကျွမ်းသူ ပါလား၊ မပါလားနဲ့ ဘယ်သူတွေလဲဆိုတာပြောတဲ့။ (ဆိုလိုတာက သူ့စာရင်းကိုစစ်ဖို့ ဝန်ကြီးဌာနဘက်မှာ စစ်နိုင်တဲ့အရည်အချင်းရှိရဲ့လား၊ အဲ့လောက်စောက်ဆင့်ရှိလားလို့ စာဆန်ဆန် မေးတာ)

ဒီစာက ဝန်ကြီးဌာနဘက်က တိုင်ကြားသူတွေနာမည်ကို တရားဝင်ဖော်ပြမယ်ဆိုတဲ့အကြောင်း ကိုယ်တို့ဆီ စာပို့အကြောင်းကြားထားတာ။ ကိုယ်တို့ကလည်း ခိုးကြောင်ခိုးဝှက် ပစ်စာပစ်တာလည်း မဟုတ်။ တရားဝင်တိုင်တာလေ။ မိဂူး ဝန်ကြီးဌာနကို အဲ့လိုစော်စော်ကားကားမေးတဲ့ သက်သေ ကိုယ့်ဆီ ကျန်တာပေါ့။

အဲ့အချိန်တုန်းက NUG ဘက်က စစ်ဆေးပေးဖို့ ဆက်သွယ်တာကို ငါ့စာရင်းကို စစ်ဖို့ နင်တို့မှာ စောက်အရည်အချင်းရှိလားဆိုတာမျိုး ပြန်မေးခဲ့တဲ့ဟာမက အခုကျမှ The Key စာရင်းကို NUGက စစ်ပေးပါဆိုပြီး NUG ဘက် ဆွဲလှည့်ပြီး နောက်ထပ်တစ်နှစ်ကျော် အချိန်ဆွဲချင်နေသေးတာ။

Exchange Rate တွေကစားပြီး ငွေခိုးတဲ့စာရင်းတော်ကြီးကို စစ်ဆေးပေးဖို့ NUGကလူတွေခဗျာ ကြားကနေ စောက်ဆင့်ရှိလားလို့ အမေးခံလိုက်ရခြင်းလေး တစ်ဖြတ်ပေါ့ရှန်။

လူပါးဝတာ ကိုယ်နဲ့ RBK ကိုပဲ ဝတာ မဟုတ်ဘူး။ NUG အပါအဝင် အကုန်လုံးကို ပတ်လူပါးဝထားတာ။

မျိုးရန်နောင်သိန်းကိုလည်း ပေးဖတ်လိုက်ကြဦး။

10/08/2026

TheKey ကနေ ကူထားသမျှ
ကျွန်တော့်လက်ထဲရှိသလောက် Certificate တွေပါ...

သိလိုသူတွေအတွက် ကြည့်နိုင်ဖို့ပါ...

10/08/2026

TheKey မှာ ထောက်ပံ့မှုပြုခဲ့တဲ့ အဖွဲ့စာရင်းကို NUG, ERO, LDF, NGO ဆိုပြီး Category (၄) မျိုးခွဲပြီး ပြထားပါတယ်...

✅အဖွဲ့အနေနဲ့ဆိုရင်

NUG - 42
ERO - 8
LDF - 2
NGO - 4

ဖြစ်ပါတယ်...

✅ငွေကြေးပမာဏကို Percentage (ခန့်မှန်း/ယေဘုယျ) အရဆိုရင်-

NUG - ~50.73%
ERO - ~15.56%
LDF - ~33.31%
NGO - ~0.4%

ဖြစ်ပါတယ်....

Federal Wings ကို LDF ထဲ ထည့်ထားပေမဲ့ Federal Wings က ပြန်ခွဲဝေပေးတဲ့အထဲမှာ NUG တပ်ဖြစ်တဲ့ Cobra Federal Wings ပါနေပါသေးတယ်...

တချို့ LDF ထဲ ထည့်ရမလား NUG ထဲထည့်ရမလား သေချာမသဲကွဲတဲ့ ၁ ဖွဲ့ ၂ ဖွဲ့ ရှိနေနိုင်ပါတယ်....

နောက်ထပ် အဓိကတစ်ချက်က TheKey ကနေ ဖြန့်ဝေခဲ့တဲ့အဖွဲ့တွေထဲမှာ - TNLA , KA , ABSDF... (၃) ဖွဲ့ကလွဲရင် ကျန်တဲ့အဖွဲ့အားလုံးက နွေဦးတော်လှန်ရေးမှာ ပေါက်ဖွားလာတဲ့အဖွဲ့တွေချည်းဆိုတာပဲ ဖြစ်ပါတယ်....

မြင်သာဖို့နဲ့ တွေးဆနိုင်ကြဖို့ပါ...

10/08/2026

WLMF page မှာ အခုနောက်ဆုံး ထပ်တိုးလာတဲ့ စွပ်စွဲချက်က—
“RBK နဲ့ ပန်ဆယ်လို က စာရင်းစစ်နဲ့ပေါင်းပြီး လိမ်ဖို့ကြိုးစားနေတာပါ” တဲ့…

စာရင်းစစ်အဖွဲ့ခေါင်းဆောင်ရဲ့ Analysis Result ထွက်လာဖို့ နီးလာချိန်မှာ ဒီလိုစွပ်စွဲချက်တွေ ထွက်လာတော့ ရလဒ်မထွက်ခင် စာရင်းစစ်အပေါ် ယုံကြည်မှုကို ကြိုဖျက်ဖို့ ကြိုးစားနေတဲ့သဘောပါပဲ....

အမှန်တချို့ကြားမှာ စွပ်စွဲချက်တွေ အလိမ်အညာတွေကိုညှပ်ထည့်ထားတဲ့ ရေးသားပုံမျိုးမို့ သတိထားကြဖို့လိုပါတယ်...

ဖတ်ရင်းနဲ့ သိထားတဲ့အချက်တချို့ မှန်နေတာကြောင့် ကျန်တဲ့စွပ်စွဲချက်တွေကိုပါ အမှန်လို့ ရောလက်ခံမိတတ်လို့ပါ...

အထူးသဖြင့် RBK နဲ့ ပန်ဆယ်လိုအပေါ် နဂိုကတည်းက အမြင်မကြည်သူဆိုရင် ဒီစကားတွေက ကိုယ့်အထင်နဲ့ ကိုက်ညီနေတော့ ယုံဖို့ပိုလွယ်နိုင်တယ်....

တချို့က အမှန်တရားကို သိချင်တာထက် “ငါထင်ထားတာ မှန်တယ်” ဆိုတဲ့ အတည်ပြုချက်ကိုပဲ လိုချင်ကြတာတဲ့…

အဲဒီလိုမဖြစ်ဖို့ဆိုရင် ကိုယ်ချစ်လား၊ မုန်းလားဆိုတာကို ကျော်လွန်ပြီး တွက်ချက်ချိန်ဆနိုင်တဲ့ နှလုံးရည်ရှိဖို့လိုမယ်လို့ ကျွန်တော်ကတော့ ယူဆပါတယ်....

ကိုယ်မကြိုက်တဲ့သူဘက်မှာ အမှန်ရှိနေရင်လည်း လက်ခံနိုင်ရမယ်...
ကိုယ်ကြိုက်တဲ့သူ မှားနေရင်လည်း မှားတယ်လို့ ပြောနိုင်ရမယ်...

ဒီစံနှုန်းက ကျွန်တော်တို့အားလုံးအတွက် အတူတူပါပဲ...

အခု စာရင်းစစ်အဖွဲ့ခေါင်းဆောင်ကို ကျွန်တော်တို့နဲ့ ပူးပေါင်းလိမ်လည်တယ်လို့ စွပ်စွဲတာဟာ သူ့ရဲ့ ကျွမ်းကျင်မှုနဲ့ လုပ်ငန်းကျင့်ဝတ်ကိုပါ တိုက်ရိုက်စွပ်စွဲလိုက်တာပါ...

Reputation ဆိုတာ အော်ပြောရုံနဲ့ တည်ဆောက်လို့မရသလို စွပ်စွဲရုံနဲ့ ပျက်သွားတာမျိုး မဟုတ်ပါဘူး....

တကယ်တမ်းကတော့ Analysis Result မထွက်ခင် ဘယ်သူက သွေးရူးသွေးတန်းဖြစ်နေသလဲဆိုတာနဲ့တင် အဖြေက ကြိုထွက်နေပါပြီ.....

ကျွန်တော်တို့ကတော့ အေးဆေးပါ...

10/06/2026

လက်ရှိ TheKey ကို စာရင်းစစ်တဲ့အပိုင်းနဲ့ပတ်သက်ပြီး Audit Team ဖက်က အကြောင်းကြားလာတာရှိပါတယ်....

"စာရင်းစစ် management letterက ဒီကိစ္စနဲ့မသက်ဆိုင်တဲ့အပြင်လူတွေဆီရောက်တဲ့အပြင် RBKရဲ့ မိသားစု သဘောတူညီချက်အပါအဝင် email ပေးပို့ထားတဲ့အချက်အလက်တချို့ ပေါက်ကြားမှုကြောင့် Audit အဖွဲ့မှာပါတဲ့သူတွေကလည်း စာရင်းဆက်စစ်ဖို့ မလုပ်နိုင်တော့ကြောင်းပါ" တဲ့....

ကျွန်တော်စိုးရိမ်နေခဲ့တဲ့ကိစ္စဆီ တည့်တည့်ရောက်လာပြန်တာပါပဲ....

ကျွန်တော်နဲ့ ကျွန်တော့်မိသားစုက ပြဿနာမရှိပါဘူး...
စိတ်ပူတာက Audit Team မှာ ပါဝင်တဲ့သူတွေအတွက်ပါ...

လုံခြုံရေးအရ ဆုံးဖြတ်ချက်ချရတဲ့ကိစ္စအပေါ် ဘာစောဒကတက်ဖို့မှ မရှိပါဘူး ...

ဒါပေမဲ့ တစ်နှစ်ကျော် စောင့်ဆိုင်းခဲ့ရမှုတွေ သဲထဲရေသွန်သလိုဖြစ်သွားတာတော့ မဟုတ်ပါဘူး ...

Audit Team အနေနဲ့ စာရင်းစစ်တာမဟုတ်တော့ပေမဲ့ Audit Team ရဲ့ ဦးဆောင်သူက ဒီစာရင်းတွေကို Analysis လုပ်ပေးမယ်လို့ သိထားတာကြောင့်ပါ...

ဒီတော့ ရှင်းလင်းအောင်ပြောရရင် အဖွဲ့နဲ့ Officially စစ်တာမဟုတ်တော့ဘဲ Expert တစ်ယောက်က သေသေချာချာ Analysis လုပ် စစ်ဆေးပေးတဲ့အနေအထားကို ရောက်သွားတာပါ....

WLMF ဟာ အားလုံးကိုရှုပ်ထွေးအောင်လုပ်ပြီး ရှောင်ထွက်သွားဖို့ကြိုးစားနေတဲ့သဘောပါပဲ...

TheKey ဆိုတာဟာ တော်လှန်ရေးမှာပါဝင်ထားတဲ့ လူထုငွေကြေးတွေဖြစ်တာမို့ စိတ်ရှုပ်စရာတွေလို့ လျစ်လျူမရှုလိုက်ဖို့ပဲ အားလုံးကို တောင်းဆိုပါရစေ...

အဓိကက WLMF လုပ်ထားတဲ့ ငွေကြေးအလွဲသုံးစားမှုကို သေသေချာချာပေါ်ပေါက်ဖို့နဲ့ အလွဲသုံးစားလုပ်ထားတဲ့ ငွေကြေးပမာဏတစ်ခုကို တော်လှန်ရေးထဲ ပြန်ရောက်လာဖို့ပါပဲ ....

10/06/2026

Federal Wings က ဒရုန်း (၅) စီးကို ဒေါ်လာ ၁ သိန်းကျော်ပြထားတယ်ဆိုတဲ့ စွပ်စွဲချက်အတွက်

မရနသကိစ္စ ဒါ နောက်ဆုံးရှင်းလင်းခြင်းပါ....

ဒီဟာအတွက်ကတော့ Federal Wings က ထုတ်ပြန်ခဲ့တဲ့ Official Report တွေမှာတင် အဖြေပေါ်နေပါပြီ....

FW ရဲ့ TheKey က ရရှိငွေအပေါ် ဖြန့်ဝေတဲ့ လျာထားစာရင်းမှာကြည့်ရင် PNLO နဲ့ KNPLF အတွက်က 14% စီပါ....

အဲ့ဒီတော့ 215,000 ဆိုတဲ့ပမာဏအပေါ်မှာပဲ အခြေခံတွက်ချက်ရင် PNLO နဲ့ KNPLF ဟာ တစ်ဖွဲ့ကို အများဆုံးအနေနဲ့ ဒေါ်လာ 30,000 ဝန်းကျင် ခွဲတမ်းလျာထားချက်လို့ တွက်ချက်လို့ရပါလိမ့်မယ်....

အဲဒီပမာဏအတိုင်းသာဆိုရင် PNLO က ရရှိတဲ့ ဒရုန်း ၃ စင်းဟာ စုစုပေါင်း ဒေါ်လာ 30,000 သာ အများဆုံးကုန်ကျတာဖြစ်လို့ တစ်စင်းကို ဒေါ်လာ 10,000 သာ ကုန်ကျတဲ့သဘော ဖြစ်ပါတယ်....

KNPLF ကလည်း အလားတူပါပဲ...
ဒရုန်း (၂) စင်းလို့ ဖော်ပြထားတာဖြစ်တဲ့အတွက် တစ်စင်းကို ဒေါ်လာ 15,000 ဟာ အများဆုံးနှုန်းထား ဖြစ်နေပါလိမ့်မယ်...

ဒါတွေက FW ရဲ့ official data အပေါ်မှာမူတည်ပြီး သုံးသပ်ချက်သာဖြစ်ပါတယ်...

ဒရုန်း (၂) စင်းတို့ (၃) စင်းတို့ အကြမ်းဖျင်းဖော်ပြထားမှုရဲ့နောက်မှာ အသေးစိတ်တဲ့အရာတွေ အများကြီးရှိမယ်ဆိုတာတော့ ပြောနေစရာတောင် လိုမယ်မဟုတ်ပါဘူး....

အဲ့ဒီတော့ တန်ဖိုးသင့်ငွေ ဖော်ပြမထားတဲ့ ဒရုန်း ၅ စင်း ရဲ့တန်ဖိုးဟာ ဒေါ်လာ ၆ သောင်းမကျော်ပါဘူး...
Accessories တွေ စရိတ်စကတွေကိုဖယ်ရင် ဒရုန်းတန်ဖိုးက ဒီထက်နည်းဖို့ပဲရှိပါတယ်...

မရနသရဲ့ တွက်ချက်မှု လုံးဝ မှားယွင်းပါတယ်....

ဒါကိုမှ နားမလည်ဘူးဆိုရင် အလယ်တန်းအဆင့် သင်္ချာကို ပြန်သင်ပေးရဖို့ပဲ ရှိပါလိမ့်မယ်...

အဲ့ဒါဆို ကျန်တဲ့ငွေကရောလို့ ထပ်မေးလာစရာရှိတာကိုလည်း FW က မရနသကို "ongoing process တွေ ရှိနေပါသေးတယ်" လို့ meeting ထဲ ဖြေခဲ့ပြီးပါပြီ...

လုပ်ဆောင်နေဆဲ စစ်ရေးကိစ္စဖြစ်တဲ့အတွက် ဒီထက်ပြောလို့ရစရာမရှိတဲ့သဘောပါ....

ဒီကိစ္စ ဒီမှာပဲ နားပါပြီ ...

စိတ်ဝင်စားသူတွေ ကိုယ်တိုင်တွက်ချက်ကြည့်နိုင်ပါတယ်...

FW အပေါ် လူထုအမြင်လွဲမှာကြောက်လို့သာ ရှင်းလို့ရသလောက် ရှင်းပြနေတာပါ...